“ഹലോ എന്താ അമ്മേ”
അമ്മ എന്തേലും ഇങ്ങോട്ട് പറയും മുമ്പേ കാര്യമെന്തെന്നറിയാൻ ഞാൻ അങ്ങോട്ട് ചോദിച്ചു….
“നീ ഇതു എവിടാടാ ഇന്നലെ ഉച്ചയ്ക്ക് പോയതല്ലേ ഇവിടുന്നു ഞാൻ എത്ര വിളിച്ചു നിന്നെ നീ വീട്ടിലോട്ട് വാ അച്ഛൻ കാണാൻ നിൽക്കുന്നുണ്ട് നിന്നെ”
അങ്ങോട്ട് കാര്യം പറയാൻ പോലും വിടാതെ അമ്മ എന്റെ നേർക്കു ചാടി കയറി…
“ഞാനിവിടെ കല്യാണത്തിന്റെ അടുത്ത അമ്മേ മറ്റെ രഘുവേട്ടന്റെ കല്യാണമല്ലേ ഇന്ന് കണ്ണന്റെ കൂടെ ഇവിടെ വരെയൊന്നു വന്നതാ പിന്നെ ഇവിടെ തന്നെങ്ങു ഉറങ്ങി പോയി അതാ പറയാൻ പറ്റിയില്ല”
ഞാൻ ഉള്ള കാര്യം സത്യമായി തന്നെ പറഞ്ഞു….
“ഏതു കാട്ടിലാണേലും നിനക്ക് ഫോൺ വിളിച്ചിട്ട് പറഞ്ഞൂടെ…!!!പിന്നെന്തിനാ ആ കുന്തം വാങ്ങി തന്നേക്കണേ…!!! ഞാൻ എത്ര വിളിച്ചെന്നു നോക്ക് ഫോണിലു…!!! മനുഷ്യനെ പേടിപ്പിക്കാൻ ആയിട്ടു നിനക്ക് ഞാൻ തരാ നീ വീട്ടിലോട്ട് വാ..!!!”
അമ്മയ്ക്ക് ഞാൻ ഇപ്പോഴും കൊച്ചു കൂട്ടി ആണെന്നുള്ള വിചാരം ആണ് അതു പിന്നെ അങ്ങനെ ആണല്ലോ അമ്മമാർക്കു മക്കളെപ്പോഴും കൊച്ചു പിള്ളേര് തന്നെയാണ്..
“ഞാൻ കണ്ടില്ല അമ്മേ വിളിച്ചത്!!! ഇനി അതിനു കടിച്ചു കീറാൻ വരണ്ട..!!! ഞാൻ കുറച്ചു കഴിഞ്ഞിട്ടു വന്നോള…!!!അമ്മയ്ക്ക് ഉറക്കൊന്നൂല്ലേ ഇത്ര രാവിലെ എന്തിനാ ഏണിറ്റേ…!!!”
എന്തേലും പറഞ്ഞ് അമ്മയുടെ ദേഷ്യം മാറ്റാൻ ഞാൻ ഒന്നു ശ്രമിച്ചു…
“മ്മ് നീ വാ..!!! ബാക്കി ഞാൻ വന്നിട്ട് പറയാ..!!! നിന്റെ കളി കുറച്ചു കൂടുന്നുണ്ട്..!! ശരിയാക്കി തരാ ഞാൻ വീട്ടിലോട്ട് വാ നീ..!!!”
എനിക്ക് നേരെ ഭീഷണി മുഴക്കി കൊണ്ട് അമ്മ ഫോൺ കട്ട് ചെയ്തു…
എന്നാലും അമ്മ എന്തിനായിരിക്കും ഇത്ര പുലർച്ചെ എഴുന്നേറ്റത്തു എങ്ങനെ വന്നാലും ഒരു എയെട്ടു മണിയാവാതെ എഴുന്നേൽക്കുന്ന കക്ഷിയല്ല അമ്മ അതിനു കാരണവും ഉണ്ട്ട്ടോ അച്ഛൻ നാട്ടിൽ അല്ല ഗൾഫിൽ ആണ് കഴിഞ്ഞ മാസമാണ് ലീവിന് വന്നത്…
അച്ഛൻ നാട്ടില് ഉള്ളോണ്ട് ആവും അമ്മയ്ക്ക് ഇങ്ങനെയുള്ള പുതിയ ശീലങ്ങളൊക്കെ തുടങ്ങിയതെന്നു വെറുതെ ഞാൻ ചിന്തിച്ചു കൂട്ടി അല്ലേൽ പിന്നെ അമ്മയും അച്ഛനും രാവിലെ തന്നെ അങ്ങനെ ചെയ്യാൻ വല്ലതും അയ്യേ അങ്ങനെയൊന്നും ചിന്തിക്കാൻ പോലും പാടില്ല അതും അമ്മയെ കുറിച്ചു…
വെറുതെ എന്തൊക്കെയോ മനസ്സിൽ ഓർത്തു കൊണ്ട് ഞാൻ കണ്ണന്റെ അടുത്തേക് പതിയെ നടന്നു…
നേരം ഏകദേശം പുലർന്നു വന്നിരുന്നു…
കല്യാണത്തിന്റെ ഭക്ഷണതിനെന്നോണം ചട്ടിയിൽ ആവാതെ രക്ഷപെട്ട പൂവൻ കോഴികൾ കൂവി തുടങ്ങി…
അടുത്തുള്ള ദേവി ക്ഷേത്രത്തിൽ നിന്നും സുപ്രഭാതവും കേട്ടു തുടങ്ങി….
എന്നും ഒൻപതിനും പത്തിനൊക്കെ എഴുന്നേൽക്കുന്ന എനിക്ക് ഇതൊക്കെ എപ്പോയേലും കിട്ടുന്ന ഒരു കേൾവി സുഖമായിരുന്നു….
ആൾക്കാരുടെ ബഹളം കേട്ടാവും ഞാൻ ചെല്ലുമ്പോൾ കണ്ണൻ എഴുന്നേറ്റു തൂക്കം പിടിച്ച കോഴിയെ പോലെ കസേരയിൽ ഇരികുകയായിരുന്നു….
“നീ എഴുന്നേറ്റ..!!! എന്തു കുർക്കം വലിയാടാ നിന്റെ..!!! മനുഷ്യനൊന്നു ഉറങ്ങാൻ പറ്റിയില്ലല്ലോ രാത്രി..!!!”
അവിടെ ഉണ്ടായിരുന്ന കസേര എടുത്തു ഞാൻ അവന്റെ അടുത്തു വലിച്ചിട്ടു അതിൽ കയറി ഇരുന്നു…
“ആരു ഞാനോ..?!!! ഒന്നു പോയെടാ നിനക്ക് തോന്നിയതാവും…!!! ഞാൻ കുർക്കം വലിക്കാറൊന്നുമില്ല..!!!”
ഉറക്കപ്പിച്ചിലെന്ന പോലെ അവൻ എനിക്ക് മറുപടി തന്നു….
“മ്മ് മ്മ് അതു ഞാൻ കേട്ടായിരുന്നു…!!! ഇ സ്ഥിതിക്ക് അവളെയെങ്ങാനും നീ കെട്ടി കഴിഞ്ഞ അവളു എങ്ങനെ കെടെന്നുറങ്ങുമെടാ നിന്റെ കൂടെ…!!!”
ഞാനവനെ ഒന്നു കളിയാക്കി കൊണ്ട് പറഞ്ഞതും അവനെന്നെ വല്ലാതൊന്നു നോക്കി…
സത്യം പറഞ്ഞാൽ ആ മണ്ടൻ അവളുടെ കാര്യം മറന്നിരികുകയായിരുന്നു എന്റെ പൊട്ടത്തരത്തിനു ഞാൻ പിന്നെയും അവനെ അതു ഓർമിപ്പിച്ചു…
“എടാ പറഞ്ഞപോലെ ഞാൻ ഇനി എന്തു ചെയുമെടാ അയ്യോ..!!!”
അവൻ ബോധം വന്നപോലെ എന്നെ കണ്ണുകൾ തിരുമി കൊണ്ട് നോക്കി…
ദൈവമേ പറയേണ്ടായിരുന്നെന്നു എനിക്ക് തോന്നി പോയി….
“ടാ എനിക്ക് പേടിയാവുന്നെടാ നീ എങ്ങനെ എങ്കിലും ശരിയാക്കി തരണേ മോനെ ഇന്ന്…!!! അല്ലേല് എനിക്ക് ഒരു സമാധാനവും ഉണ്ടാവില്ല..!!!”