ഞാനത് പപ്പയോട് പറഞ്ഞു , അതിനു മറുപടിയായ് പപ്പ പറഞ്ഞു
അങ്ങനെ ഓടി വരുന്നവന്മാരുടെ മുന്നിൽ പതറാതെ നിന്ന് പറയണം ””തല്ലുന്നവന്മാരെല്ലാം വീട്ടുകാരെയോ വേണ്ടപ്പെട്ടവരെയോ കാണണമെങ്കിൽ ഇപ്പോൾ ഇവിടെ വിളിച്ചു വരുത്തി കണ്ടോണം വൈകുന്നേരമായാൽ ഒന്നിനെയും കുടുംബം കാണിക്കില്ല എല്ലാത്തിനെയും ഇവിടെയിട്ട് പെട്രോളൊഴിച്ച് പച്ചയ്ക്ക് കത്തിക്കുമെന്ന് ””
ചിലപ്പോൾ ഒരു ഡയലോഗിന് ആയുധത്തേക്കാൾ മൂർച്ചയുണ്ടാവും…
അതെന്തായാലും വേണ്ടി വന്നില്ല അവിടുള്ളവന്മാരെല്ലാം വെറും മൊണ്ണകളായിരുന്നില്ലേ…..
പ്രിൻസി വിളിച്ചപ്പോൾ അമ്മയാണ് ആദ്യം വരാനിരുന്നത് പപ്പ മാനേജ്മെൻ്റിൽ പറഞ്ഞ് പ്രശ്നം സോൾവ് ചെയ്തോളാന്നാണ് പറഞ്ഞത്…. അന്നേരമല്ലേ ‘ജിത്തു ബോംബ് പൊട്ടിച്ചത് പഞ്ഞിക്കിട്ടത് വിശ്വൻ്റെ മോനെയാണെന്ന്’ അതോടെ ഈ പ്രശ്നം അമ്മയുടെ കയ്യിൽ നിൽക്കില്ലെന്ന് ഞാൻ ഉറപ്പിച്ചു പുറത്തേക്കിറങ്ങിയതും പപ്പയെ വിളിച്ച് ഞാൻ കാര്യം പറഞ്ഞു
കാര്യത്തിൻ്റെ ഗൗരവം മനസ്സിലായത്കൊണ്ടാണ് പപ്പ കോളേജിലേക്കെത്തിയത്…
പപ്പയുടെ പെർഫോമൻസ് നിങ്ങളെല്ലാം കണ്ടതാണല്ലോ…
”’സാധാരണ ഡയലോഗില്ലാത്തതാ അക്ഷൻ കൊണ്ട് മാത്രം ജീവിക്കുന്ന വ്യക്തിയാണ്”’ അധ്യാപകരായത്കൊണ്ട് മാത്രമാണ് പപ്പ ഡയലോഗിൽ ഒതുക്കിയത്….
റോണി സംസാരിച്ച് തീർന്നതും ഞാൻ റോണിയോടായ് ചോദിച്ചു….
എടാ പപ്പയെ എന്താ എല്ലാരും ”’കാലൻവറീദ്””’ എന്ന് വിളിക്കുന്നത്???
റോണി ഞങ്ങളെ നോക്കി ഒന്ന് ചിരിച്ചിട്ട് മറുപടി പറയാൻ തുടങ്ങി…..
“അത് ഞാൻ പ്ലസ് വണ്ണിന് പഠിക്കുന്ന സമയം നടന്നൊരു സംഭമാണ്” ….
അനൂപ് : എന്ത് സംഭവം???…
അന്ന് ഈസ്റ്ററിൻ്റെ തലേ ദിവസം പപ്പയൊക്കെ മാർക്കറ്റിൽ ഇറച്ചിവെട്ടുന്ന തിരക്കിലായിരുന്നു….
ഇത് പോലുള്ള വിശേഷ ദിവസങ്ങൾ വന്നാൽ പപ്പയുടെ കൂടെ ചാച്ചനും പോകാറുണ്ട് സഹായത്തിനും മറ്റുമായ് …
അന്ന് രാവിലെ അമ്മ പപ്പയ്ക്കും ചാച്ചനുമുള്ള കാപ്പി എൻ്റെ കയ്യിൽ തന്നുവിട്ടു ഞാൻ കാപ്പിയുമായ് എൻ്റെ സൈക്കിളുമെടുത്ത് മാർക്കറ്റിലേക്ക് പുറപ്പെട്ടു , അവിടെ എത്തിയതും മാർക്കറ്റിൽ നല്ല തിരക്കായിരുന്നു…
സൈക്കിൾ ഒരു കാറിൻ്റെ അരികിലായ് ഞാൻ സ്റ്റാൻഡിട്ടു വെച്ചതിനു ശേഷം സഞ്ചിയുമായ് മുന്നോട്ട് നടന്നതും “സൈക്കിൾ മറിഞ്ഞ് കാറിൻ്റെ പുറത്തേക്ക് വീണു” പെട്ടെന്ന് തന്നെ ഞാൻ സൈക്കിൾ എടുത്ത് മാറ്റി പക്ഷെ മൊത്തം സീനായ്…
പുതിയൊരു ചുവന്ന കളർ സ്വിഫ്റ്റ് ആയിരുന്നു അതും രജിസ്റ്റർ നമ്പർ പോലും കിട്ടിയിട്ടില്ല, ”’സൈക്കിൾ മറിഞ്ഞ് വീണ ഭാഗത്ത് നല്ല രീതിയിൽ തന്നെ സ്ക്രാച്ച് വീണിരുന്നു”’…. അത് കണ്ടതും കാറിൻ്റെ ഉടമ ഓടി വന്നെന്നെ തല്ലിയിട്ട് എന്തൊക്കെയോ വിളിച്ച് പറഞ്ഞു…
അടി കിട്ടിയ സങ്കടത്തിൽ ഞാൻ കരയാൻ തുടങ്ങി …..
പപ്പ നോക്കുമ്പോൾ കാണുന്നത് തല്ല്കൊണ്ട് നിന്ന് ഞാൻ കരയുന്നതാണ്…
ദേഷ്യം കൊണ്ട് പപ്പ പോത്തിൻ്റെ കാലിലെ അസ്ഥിയുമായ് വന്ന് എല്ലാവരും കാൺകേ അയാളെ കലി തീരും വരെ തല്ലി ….
കണ്ട് നിന്നവരെല്ലാം പപ്പയുടെ ദേഷ്യം കണ്ട് പേടിച്ചുപോയ്….
ആ സീൻ കണ്ട് മാർക്കറ്റിലെ ചുമട്ട് തൊഴിലാളികൾ ഇട്ട പേരാണ് ”’കാലൻ വറീദ്”’ …..
എന്നിട്ട് അടിയുടെ അവസാനം എന്ത് സംഭവിച്ചു ???…
നടന്നതറിയുവാനുള്ള ആകാംക്ഷകൊണ്ട് ജിത്തു ചോദിച്ചു…
എന്താവാൻ പപ്പ ശരിക്കും അയാളെ തല്ലി അവസാനം ടൗൺ SI യും സംഘവും സ്ഥലത്തെത്തി വന്നപാടെ SI യും മറ്റ് പോലീസുകാരും പപ്പയെ അറസ്റ്റ് ചെയ്യാനൊരുങ്ങി…
അനൂപ് : എന്നിട്ട് !!!
എന്നിട്ടെന്താ പപ്പയെ പിടിച്ചോണ്ട് പോകാൻ നിന്ന SI യുടെ മുന്നിലേക്ക് “ചാച്ചൻ കയറി നിന്നു” …
പിന്നെ ഞാനവിടെ കണ്ടത് ചാച്ചൻ തനി ”’ളാഹേൽ വക്കച്ചനാവുന്നതാണ്”’ ചാച്ചൻ്റെ ഒറ്റ ഡയലോഗിൽ പോലീസ്കാർക്ക് വന്നത് പോലെ മടങ്ങിപ്പോകേണ്ടി വന്നു…
എന്ത് ഡയലോഗിൽ???
റോണിയുടെ മുഖത്തേക്ക് നോക്കി ജിജ്ഞാസയോടെ ഞാൻ ചോദിച്ചു….
“‘ളാഹേൽ വക്കച്ചൻ്റെ മോനെ കൊണ്ട് പോകാനും മാത്രം ചങ്കുറപ്പുള്ള പോലീസുകാരുണ്ടോ”’???
ഉണ്ടെങ്കിൽ മുന്നോട്ട് വരാം…..