വേറെ നിവർത്തിയില്ലാതെ ഞാൻ വണ്ടി സ്റ്റാർട്ട് ചെയ്തിട്ട് രഞ്ജുനെ നോക്കി പറഞ്ഞു.
“‘അളിയാ ഞാൻ ഇവളെ ആക്കിയിട്ടു വരാം”‘…..ഞാൻ അവനെ നോക്കി ദയനീയമായി പറഞ്ഞു.
“‘ഓ അളിയാ….ഇന്നും തലകണി തന്നെ”‘….അവൻ എന്നെ ആക്കികൊണ്ട് പറഞ്ഞു.
“‘ഈ ചെക്കനിന്ന് എന്താ ഒരു ബന്ധവും ഇല്ലാതെ കാര്യം പറയുന്നത്”‘…. രഞ്ജു പറഞ്ഞത് മനസ്സിലാവാതെ നിമ്മി പറഞ്ഞു.
ഞാൻ അതിന് മറുപടിയൊന്നും പറയാതെ ബൈക്ക് തിരിച്ചു….വണ്ടി നേരെ നിർത്തിയപ്പോളാണ് ഞങ്ങളെ തന്നെ നോക്കി നിൽക്കുന്ന ജാനിയെ ഞാൻ കണ്ടത്….. ആ കറക്റ്റ് ടൈമിൽ തന്നെ നിമ്മി എൻ്റെ വയിറ്റിലുടെ രണ്ടു കയ്യും ഇറുക്കി ചുറ്റിയിട്ട് താടി എൻ്റെ തോളിലും വെച്ച്….
നിമ്മിയുടെ ഈ പ്രവർത്തി എൻ്റെ ശവപ്പെട്ടിയുടെ അവസാനത്തെ ആണിയായി…..ഇനി വീട്ടിൽ ചെല്ലുമ്പോൾ ജാനി തന്നെ കുഴിയിലോട്ട് വെച്ചിട്ട് മണ്ണിട്ട് മൂടി കൊള്ളും ….
“‘മ്മ്….വണ്ടി പോട്ടെ റൈറ്റ്”‘…..നിമ്മി ബാക്കിലുരുന്ന് പറയുന്നുണ്ട്.
ഞാൻ യന്ത്രത്തെ പോലെ വണ്ടി മുന്നോട്ട് എടുത്തു….. ജാനിയെ പാസ്സ് ചെയ്യുന്നവരെ ഞങ്ങളെ തന്നെ തുറിച്ചു നോക്കി നിൽക്കുവായിരുന്നു ജാനി…..അവളെ പാസ്സ് ചെയ്തിട്ട് മിററിൽ കൂടി നോക്കിയപ്പോഴും ഞങ്ങളെ തന്നെ നോക്കി നിൽക്കുവാണ് കക്ഷി. …
വണ്ടിയിൽ ഇരുന്ന് നിമ്മി എന്തൊക്കെയോ പറഞ്ഞു പക്ഷേ ഞാൻ ഒന്നും കേട്ടില്ല….. നിമ്മിയെ സ്റ്റാൻഡിൽ ഇറക്കിയപ്പോഴും എന്തൊക്കെയോ പറഞ്ഞു…..തിരിച്ചു കോളേജിൽ പോകുന്ന വഴിയെയും എൻ്റെ ചിന്ത ഇന്ന് ഇനി എങ്ങനെ ജാനിയെ കാര്യങ്ങളൊക്കെ പറഞ്ഞു മനസിലാക്കാമെന്നായിരുന്നു .
🌹🌹🌹🌹🌹
തിരികെ കോളേജിൽ എത്തി രഞ്ജുനെ പിക്ക് ചെയ്യാൻ വന്നപ്പോൾ അവൻ നല്ല കലിപ്പിലായിരുന്ന്.
“‘ഡാ നാറി ഞാൻ പലവെട്ടം പറഞ്ഞട്ടുണ്ട് നിങ്ങൾ തമ്മിൽ വല്ലതും ഉണ്ടേൽ തമ്മിൽ തീർത്തോണം എൻ്റെ മെക്കിട്ടു കേറാൻ വരല്ലെന്ന്”‘…. രഞ്ജു കലിപ്പിൽ എന്നോട് പറഞ്ഞു.
“‘എന്തു പറ്റി അളിയാ”‘….
“‘കുന്തം പറ്റി….നീ അവളെ വണ്ടിയിൽ കെറ്റിക്കൊണ്ട് പോന്നത് കണ്ട് കൊണ്ട് വന്ന നിൻ്റെ ഭാര്യ ഇവിടെ ഇരുന്നു മൊബൈലിൽ കളിച്ചൊണ്ടിരുന്ന എൻ്റെ പോറം പോളക്കെ ഒന്ന് പൊട്ടിച്ചു”‘….. രഞ്ജു പൊറം തടവികൊണ്ടു പറഞ്ഞു.
“‘പൊട്ടട മുത്തെ….. ഒന്നുമില്ലെലും നിൻ്റെ പെങ്ങള്ളല്ലെ സഹിച്ചോ”‘…….ഞാൻ ചിരിച്ചോണ്ട് പറഞ്ഞു.
“‘ദാ എന്നെ കൊണ്ട് ഭരണി പാട്ട് പാടിപ്പിക്കരുത്’”…..അവൻ എൻ്റെ നേരെ ചീറികൊണ്ട് പറഞ്ഞു.
“‘പോട്ടളിയാ…. വിട്ടേരെ…..നമ്മുക്ക് വല്ല വഴിയും കാണാം…നീ ഇപ്പൊൾ വണ്ടിയിൽ കേറ്”‘…..ഞാൻ അവനെ സമാധാനിപ്പിച്ചു പറഞ്ഞു.
അങ്ങനെ ഞങ്ങൾ ജാനിയെ സോപ്പിഡാനുള്ള വഴികളും ആലോജിച്ചൊണ്ട് വീട്ടിലേക്ക് തിരിച്ചു.
🌹🌹🌹🌹🌹
വീട്ടിലെത്തി താഴെ എല്ലാടവും നോക്കിയിട്ടും അവളെ കണ്ടില്ല….അങ്ങനെ അമ്മയോട് തന്നെ ചോദിക്കാൻ തീരുമാനിച്ചു.
“‘അമ്മകുട്ടി ഇവിടെ എന്തു ചെയുവാ”‘….അടുക്കളയിൽ ചായ തിളപ്പിച്ചൊണ്ടിരുന്ന അമ്മയെ കെട്ടി പിടിച്ച് ഞാൻ ചോദിച്ചു്.
“‘ഞാൻ തുണി അലക്കുവാ എന്തേ””….
“‘ഹും ഹും…..ഞാൻ ചോദിച്ചെന്നെ ഉള്ളൂ”‘….അമ്മയും കലിപ്പിലാണെന്ന് മനസ്സിലായപ്പോൾ ഞാൻ നൈസിന് അവിടുന്ന് സ്കൂട്ടായി….
മോളിൽ ഞങ്ങളുടെ റൂമിൽ തന്നെ അവൾ കാണുമെന്ന് വിശ്വസിച്ചു ഞാൻ അങ്ങോട്ട് പോയി.
റൂം തുറന്നു അകത്തു കേറിയപ്പോൾ കാണുന്നത് കണ്ണാടിയുടെ മുന്നിൽ നിന്ന് സാരി അഴിക്കാൻ പോകുന്ന ജാനിയേയാണ്….ഇത് തന്നെ പറ്റിയ അവസരം എന്ന് തോന്നിയ ഞാൻ പുറകെ കൂടി ചെന്ന് സാരിയുടെ ഗാപിൽ കൂടി വയറിൽ കൈ ചുറ്റി എന്നോട് ചേർത്ത് നിർത്തി….എൻ്റെ തല അവളുടെ തോളിൽവെച്ചിരുന്ന്…എൻ്റെ കൈ അവളുടെ ആലില വയറിൽ തഴുകി കൊണ്ടിരുന്നു….
പെട്ടന്നാണ് അവളുടെ വലത് കൈയുടെ മുട്ട് എൻ്റെ പള്ളയിൽ കേറിയത്….അതിൻ്റെ വേദനയിൽ എൻ്റെ കൈ ഒന്ന് അയഞ്ഞപ്പോൾ അവൾ വെട്ടി തിരിഞ്ഞ് എൻ്റെ മുഖം പൊളക്കെ ഒന്ന് പൊട്ടിച്ചു….
ഹ ഹ…..കിളികൾ ഒക്കെ ഏതിലയോ പറന്നു പോയി….കിളികൾ തിരിച്ചു വന്നപ്പോൾ ഞാൻ കാണുന്നത് എന്നെ വിരൽ ചൂണ്ടി കൊല്ലാൻ നിൽക്കുന്ന ജാനിയെയാണ്….ഇതിന് മുമ്പ് ജാനിയേ ഇത്രയും ദേഷ്യത്തിൽ ഞാൻ കണ്ടട്ടില്ല…..അവളുടെ സംഹാര രൂപം കണ്ടപ്പോൾ എന്റെ ധൈര്യമൊക്കെ എവിടെയോ ചോർന്നു പോകുന്ന പോലെ തോന്നി…..
“‘ഇനി മേലാൽ എന്നെ തൊട്ടു പോകരുത്….നീ എന്ത് വിജാരിച്ച് ഞാൻ വെറും മണ്ടിയാണെന്നോ…..ഇന്നലെ രാത്രിയും രാവിലെയും നീ പറഞ്ഞത് തമാശയായെ ഞാൻ എടുത്തോളൂ…എന്നെ ചുമ്മാ ശുണ്ടി പിടിപ്പിക്കാൻ വേണ്ടി നീ പറഞ്ഞത് പക്ഷേ ഇന്ന് കോളേജിൽ നടന്നത് വെച്ച് നോക്കുമ്പോൾ അതെല്ലാം ഉള്ളതാണെന്ന് എനിക്ക് മനസിലായി…..ഇനി നിൻ്റെ കൂടെ ജീവിക്കാൻ എനിക്ക് താല്പര്യം ഇല്ല….ഞാൻ പോന്നു….ഗുഡ് ബൈ”‘….
ഇത്രയും പറഞ്ഞിട്ട് അവൾ അവിടെ വെച്ചിരുന്ന ഒരു ബാഗും എടുത്തോണ്ട് ഇറങ്ങി….
“‘നീ പോടീ പുല്ലേ….നീ ഇല്ലെങ്കിൽ എന്നിക്ക് വെറും മൈരാണ്…..ഈ ദേവനെ കെട്ടാൻ പെണ്ണുങ്ങൾ ക്യൂ നിൽക്കും… ക്യൂ..…..പക്ഷേ നീ അവിടെ കിടന്നു മൂക്കില് പല്ലും മുളച്ചു കിടക്കത്തതേയുള്ളൂ…..പോടി പോ….”””
..അടി കൊണ്ട ദേഷ്യത്തിൽ ഞാൻ വിളിച്ചു കൂവി’….
അവൾ തിരിഞ്ഞ് പോലും നോക്കാതെ നടന്നു പോയി….ഞാൻ അവൾ ചെയ്തതിൻ്റെയും പറഞ്ഞതിൻ്റെയും ദേഷ്യത്തിൽ റൂമിൽ തന്നെ ഇരുന്നു…
പല വെട്ടം അമ്മ വന്നു കതവിൽ തട്ടിയെങ്കിലും ഞാൻ തുറന്നില്ല…
🌹🌹🌹🌹🌹
അന്നത്തെ ദിവസം ഒരു വറ്റ്‌ കഴിച്ചില്ലെങ്കിലും എന്നിലെ ദേഷ്യവും സങ്കടവും കാരണം വിശപ്പ് ആ വഴിയേ വന്നില്ല……..രാത്രി ഏറെ വൈകിയപ്പോളാണ് എന്നിൽ തളം കെട്ടിയ അമർഷം കെട്ടടിഞ്ഞ് ചിന്താശേഷി ഉണർന്നത്….. ജാനിയുടെ ഭാഗത്ത് തെറ്റുകൾ ഒന്നുമില്ലെന്നും എല്ലാം എൻ്റെ നാവും പ്രവർത്തികളും കൊണ്ട് ഉടലെടുത്ത പ്രശ്നം ആണെന്നും മനസിലായത്…
എല്ലാം മനസ്സിലായപ്പോൾ എനിക്ക് അന്നരം ജാനിയെ കാണണമെന്നും പ്രശ്നങ്ങൾ പരിഹരിക്കണം എന്നും തോന്നിയത്…..ഞാൻ അപ്പോൾ തന്നെ റൂം വിട്ട് താഴെ ഇറങ്ങി….താഴെ ചെന്നപ്പോൾ ലൈറ്റ് എല്ലാം ഓഫ് ആക്കി അമ്മയും അച്ഛനും കിടന്നിരുന്നു….ഞാൻ ശബ്ദം ഉണ്ടാക്കാതെ മാമൻ്റെ വീട്ടിലേക്ക് തിരിച്ചു.
അവിടെയും എല്ലാരും കിടന്നിരുന്നു….പല ആവർത്തി കോളിംഗ് ബെൽ അടിച്ചപ്പോൾ അകത്ത് വെളിച്ചം വീണു.
“”ആരാ “”അകത്തു നിന്നും മാമി വിളിച്ചു ചോദിച്ചു.
“””ഞാനാ.. ദേവനാ…”””ഞാൻ പറഞ്ഞതും മാമി വന്നു കതവു തുറന്ന്.
“‘ആഹാ നീയായിരുന്നോ…..എന്താടാ രണ്ടും തമ്മിലുള്ള പ്രശ്നം….. ആ പെണ്ണ് വന്നപ്പോൾ തൊട്ടു റൂമിൽ കേറി കതവ് അടച്ചതാ …. ഞാൻ എത്ര വിളിച്ചിട്ടും തുറന്നില്ല”‘…..മാമി സംശയ ഭാവേനെ എന്നോട് ചോദിച്ചു.
“‘അതു…പിന്നെ മാമി…ചെറിയൊരു ഒടക്ക് അത്രേ ഉള്ളൂ”‘…..ഞാൻ തലയും ചൊറിഞ്ഞൊണ്ട് പറഞ്ഞു.
