എന്റെ ഈ ചെറിയ കഥ സൃഷ്ട്ടിക്കു നിങ്ങൾ തന്ന സപ്പോർട്ട് വളരെ വലുതാണ്…. ഒരിക്കലും ഇങ്ങനെ ഒരുപാട് റെസ്പോൺസ് ഞാൻ പ്രേതീക്ഷിച്ചില്ല….. നിങ്ങൾ നൽകിയ സ്നേഹവും സപ്പോർട്ടും ആണ് എന്നെ പോലുള്ള ചെറിയ എഴുത്തുകാർക്ക് പ്രചോദനം ആകുന്നത്….. കഴിഞ്ഞ പാർട്ടുകൾ പോലെ ഈ പാർട്ടിനും നിങ്ങൾ സപ്പോർട്ട് നൽകും എന്ന് പ്രേതീക്ഷിക്കുന്നു…..
ഇനിയും കഥകൾ എഴുതണം എന്ന് ആഗ്രഹം ഉണ്ട്… എന്നാൽ കഴിയുമോ എന്ന് ഉറപ്പില്ല… ഞാൻ ജോലിക്കായി ദുബായ് പോവുക ആണ്.. അവിടെ ഇനി എങ്ങനെ ആണെന്ന് അറിയില്ല.. അവിടെ ഈ സൈറ്റിൽ കയറാൻ കഴിയുമോ, അതിന്റ ഇഷ്യൂസ് ഉണ്ടോ എന്ന് ഒന്നും അറിയില്ല……ഒരിക്കലും ഇങ്ങനെ തീർക്കണം എന്ന് ഉദ്ദേശിച്ചത് അല്ല… 🙏🏻
എല്ലാവരോടും സ്നേഹം മാത്രം…
കഴിഞ്ഞ പാർട്ട് വായിച്ചിട്ടു മാത്രം ഇത് വായിക്കുക…
തുടരുന്നു . . . . .
ഇത് എനിക്കും ഇവൾക്കും ഒരുപോലെ ബാധിച്ച പ്രശ്നം ആണ്.. ഞങ്ങളോട് രണ്ടുപേരോടും ശത്രുത ഉള്ള ആരേലും ഉണ്ടോ.. അങ്ങനെ ആർക്കേലും പക കാണുമോ.. പെട്ടന്ന് എനിക്കു ആരുടേയും മുഖം ഓർമ്മ വന്നില്ല …ഞാൻ ചിന്തയിൽ തന്നെ ആയിരുന്നു… . . . .. പെട്ടന്ന് എനിക്കു രണ്ടു പേരുടെ മുഖം ഓർമ വന്നു.. ഞങ്ങൾ രണ്ടുപേരോടും ഒരുപോലെ പക ഉള്ളവർ… വിനിതയും വരുണും.. അതെ അവർ തന്നെ ആയിരിക്കും… ഞാൻ അതെല്ലാം ആലോചിച്ചു വണ്ടി മുന്നോട്ടു പോയി……
പെട്ടന്ന് ഒരു പോലീസ് ജീപ്പ് എന്റെ വണ്ടിക്ക് മുന്നിൽ വട്ടം വച്ചു… പെട്ടന്ന് നടന്ന സംഭവത്തിൽ ഞാൻ ഒന്ന് ഞെട്ടി വണ്ടി ബ്രേക്ക് ഇട്ടു…. വണ്ടി പെട്ടന്ന് നിന്നു… ആ പ്രവർത്തിയിൽ മാളു ഒന്ന് പേടിച്ചു എന്റെ മുഖത്തു നോക്കി.. എന്താണ് എന്ന് ഉള്ള ഭാവത്തിൽ….. എനിക്കു എന്താണ് സംഭവിക്കുന്നത് എന്ന് പിടികിട്ടിയില്ല ഞാൻ വണ്ടിയുടെ ഡോർ തുറന്നു ഇറങ്ങി..
. . . അപ്പോൾ തന്നെ പോലീസ് ജീപ്പിന്റെ ഡോറും തുറന്നു… ഒരാൾ പുറത്ത് ഇറങ്ങി…..
പുറത്തു ഇറങ്ങിയ ആളെ കണ്ടു ഞാൻ ഒന്ന് ഞെട്ടി.. ഞാൻ മാത്രം അല്ല മാളുവും…
എന്റെ കണ്ണുകൾക്ക് വിശ്വാസിക്കാൻ പറ്റുന്നില്ലായിരുന്നു ആ ആളെ കണ്ടു അവൻ നടന്നു എന്റെ അടുത്ത് വന്നു
“എടാ ഗോകുലേ….”
“അളിയാ കിരണേ…. നീ സബ് ഇൻസ്പെക്ടർ ആണോ?
കുറെ നാളുകൾക്കു ശേഷം അവനെ കണ്ടപ്പോൾ എനിക്കു സന്തോഷം ആയി.. അവൻ വന്നു എന്നെ കെട്ടിപിടിച്ചു സന്തോഷം പങ്കു വച്ചു…. അവനു പോലീസ് ഇൽ ജോലി കിട്ടി എന്നത് വലിയ അത്ഭുതം ആയിരുന്നു…
“ഡാ നീ 3 വർഷം ആയിട്ട് എവിടെ ആയിരുന്നു… ആ പ്രശ്നം നടന്നതിന്റെ പിറ്റേന്ന് ഞാൻ കാര്യം അറിഞ്ഞത്. ഞാൻ അന്ന് തന്നെ നിന്റെ വീട്ടിൽ വന്നിരുന്നു അപ്പോഴാ നീ നാടുവിട്ട കാര്യം അറിഞ്ഞത് ”
“പെട്ടുപോയെടാ……. ഞാൻ അങ്ങനെ ഒന്നും ചെയ്തിട്ടില്ലന്ന് പറഞ്ഞിട്ട് ആരും വിശ്വാസശിച്ചില്ല…”
“ആ പ്രേശ്നത്തെ കാലും എനിക്കു ഷോക്ക് ആയതു നീ നാടുവിട്ടതാ…. നീ ഇങ്ങനെ ആയിരുന്നോ എന്ത് പ്രശ്നം ഉണ്ടേലും നേരിടുന്ന ആൾ ആയിരുന്നല്ലോ നീ…. എന്ത് പറ്റിയെടാ നിനക്കു..”
“പറ്റി പോയി അളിയാ.. അവസ്ഥ അങ്ങനെ ആയിരുന്നു… ഇപ്പോൾ ആലോചിക്കുമ്പോൾ അതൊന്നും വേണ്ടിയിരുന്നില്ല എന്ന് തോന്നുന്നേ….”
“നീ ഒരിക്കലും ആരെയും ചതിക്കില്ല എന്ന് എനിക്കു അറിയാമായിരുന്നു… അത് എനിക്കു ഉറപ്പുള്ള കാര്യം ആണ്.. നീ എന്തോ ട്രാപ്പിൽ പെട്ടതാണ്..”
“ആണ്.. ഡാ ഞാൻ മാത്രം അല്ല ഇവളും അതിൽ പെട്ടില്ലേ…. അറിയാതെ ആണേലും ഞാൻ കാരണം അല്ലേ അവൾക്കും ഈ ഗതി വന്നത് ”
ഞാൻ മാളുവിനെ ചൂണ്ടി പറഞ്ഞു.. അവൾ കാറിൽ നിന്നും ഇറങ്ങി കിരണിന്റെ അടുത്ത് സംസാരിച്ചു നിന്നു… നടന്ന കാര്യം എല്ലാം ഞങ്ങൾ അവന്റ അടുത്ത് പറഞ്ഞു…. അവൻ എല്ലാം കേട്ടിട്ട് ആലോചനയിൽ മുഴുകി….
“ശെരിയാടാ നിങ്ങളെ രണ്ടു പേരെയും ആരോ പെടുത്തിയതാ…. അത് നമുക്ക് കണ്ടു പിടിക്കണം…”
“കണ്ടുപിടിക്കണം ഡാ…. ഇവളെ യും എന്നെയും ഈ കുരുക്കിൽ ആക്കിയത് ആരായാലും കണ്ടു പിടിക്കണം….. എന്നുട്ടു എനിക്കു തെളിയിക്കണം ഞാനും ഇവളും ഒരു തെറ്റ് പോലും ചെയ്തിട്ടില്ല എന്ന്… ഇവൾക്ക് ഇപ്പോൾ ആരും ഇല്ല… ഇവള്ടെ വീട്ടുകാർ പോലും ഇവളെ തള്ളി കളഞ്ഞു.. അതും ഇവൾ അറിയാത്ത കാര്യത്തിന്…”