“ഹ്മ്മ് കൊള്ളാം….”
“അത് മാത്രമല്ല ദേ….”
അവൾ തിരിഞ്ഞ് നിന്ന് തന്റെ പൊക്കിളിന് മുകളിലെ പീഴ്സിങ് അവന് കാണിച്ചു കൊടുത്തു.
“വോ കൊള്ളാലോ…. മൊത്തത്തിൽ ഒരു മോഡേൺ മീൻ ഗേൾ സ്റ്റൈൽ…..”
“നിനക്ക് ഇഷ്ടമായോ ഇതൊക്കെ….?”
“ഹ്മ്മ്…. അന്ന് നിന്റെ സെക്കന്റ് സ്റ്റഡ് ഇടാൻ പോയപ്പോ ഞാൻ പറഞ്ഞതല്ലേ പീഴ്സ് ചെയ്തോളാൻ. അന്ന് നിനക്ക് അതൊക്കെ ചെയുന്നത് എന്തോ മോശമായിരുന്നു…..”
“ഹ്മ്മ്…. അന്ന് ഇഷ്ടമല്ലാത്ത പലതും ഇപ്പൊ ഇഷ്ടമാണല്ലോ. ടാറ്റൂ ഇവിടെ അടിച്ചത് കൊള്ളാമോ…..?”
“ഹ്മ്മ് കൊള്ളാം…. നമ്മുടെ പൂജയില്ലേ അവൾക്ക് ഇതുപോലെ ലോവർ ബാക്കിൽ ഒരു ടാറ്റൂ ഉണ്ട്…..”
“ഓഹ് പൂജയുടെ ടാറ്റൂ ഒക്കെ നല്ല ഓർമ്മ ആണല്ലോ അല്ലെ…..”അവൾ തിരിഞ്ഞ് നിന്ന് പറഞ്ഞു.
“എന്താടി…..?”
“അല്ല ആ പൂജയെ നിനക്ക് നല്ലപോലെ ബോധിച്ചു എന്ന് പറഞ്ഞതാ…..”
“ഷി ഈസ് എ നൈസ് ഗേൾ…. എന്തെടി ഒരു കുശുമ്പ് പോലെ….?”
“ഓഹ് നമുക്ക് എന്ത് കുശുമ്പ്, നിനക്ക് അല്ലെ അതൊക്കെ……”
“ഹ്മ്മ് എന്തായാലും നിന്നെക്കാൾ മറ്റുരിറ്റി ഉണ്ട്….”അവൻ കളി പോലെ പറഞ്ഞു.
“എന്നാ ഒരു കാര്യം ചെയ്യ്, അവളെ ഇവിടെ സ്ഥിരമായി നിർത്തിക്കോ….”
“അത് ആലോചിക്കാവുന്നതാണ്…..”
“ദേ മോന്തക്ക് ഒന്ന് തരൂട്ടാ ഞാൻ…..”
“ശോ എന്താ പൊസ്സസീവ്നെസ്, ഞാനെ നല്ല ചൂട് ബ്രൂ കോഫീ എടുക്കാം. അപ്പൊ ഒരു ആശ്വാസം കിട്ടും….”
“വേണ്ട അതും നിന്റെ പൂജക്ക് ഉണ്ടാക്കി കൊടുത്തു…..”
അവൻ അവളെ നോക്കി ചിരിച്ചുകൊണ്ട് അടുക്കളയിലേക്ക് നടന്നു. ഇടക്ക് ഒക്കെ ഉണ്ടാവാറുള്ള അവരുടെ ചെറിയ പൊസ്സസീവ്നെസ് വഴക്ക് പോലെയേ അവൻ അത് കണ്ടുള്ളു. പക്ഷെ അവൾക്ക് ഉള്ളിൽ ദേഷ്യം തോന്നി. പൂജയുടെ കാര്യം തന്നോട് പറയാത്തത്തിലും ഇപ്പോ അവളെ പറ്റി പൊക്കി പറയുന്നതിലും.
അവൾ മുഖം ഏറ്റിപിടിച്ച് നിന്ന് ഡ്രസ്സ് മാറി. ആ സമയം മേശയിൽ ഇരിക്കുന്ന പ്രണവിന്റെ ഫോൺ അവൾ കണ്ടു. അവൾ കിച്ചണിലേക്ക് ഒന്ന് എത്തി നോക്കിയിട്ട് അവന്റെ ഫോൺ എടുത്ത് അൺലോക്ക് ചെയ്ത് വാട്സ്ആപ്പ് ഓപ്പൺ ചെയ്ത് നോക്കി.
പൂജയുടെ ചാറ്റ് സെർച്ച് ചെയ്തു. ഓപ്പൺ ചെയ്തപ്പോ ചാറ്റ് ക്ലിയർ ചെയ്തിരുന്നു. അവർ തമ്മിൽ അടുപ്പമുണ്ട്. അല്ലേൽ പിന്നെ എന്തിന് അവൻ ചാറ്റ് ക്ലിയർ ചെയ്യണം.അവൻ അങ്ങനെ ചെയ്യുന്നതല്ല. അവൾ കാൾ ഹിസ്റ്ററി എടുത്ത് നോക്കി. അതിൽ താൻ പോയ ദിവസം പൂജയുടെ ഒരു കാൾ വന്നിട്ടുണ്ട്. അതും കൂടി കണ്ടപ്പോ അവളുടെ സംശയം എല്ലാം മാറി.
അവൾക്ക് ഉള്ളിൽ ദേഷ്യം അരിച്ചു കയറി. അവൾ ഫോൺ അവിടെ വച്ചിട്ട് ബെഡിൽ ഇരുന്നു.ആ സമയം പ്രണവ് രണ്ട് കപ്പിൾ കോഫീയും കൊണ്ട് വന്നു. ഒന്ന് അവൾക്ക് നേരെ നീട്ടി. അവൾ അത് വാങ്ങി.
“പ്രണവ് നിനക്ക് എന്നോട് എന്തേലും പറയാൻ ഉണ്ടോ….?”അവൾ ചോദിച്ചു.
“എന്ത് പറയാൻ….? അഹ് രാത്രിക്ക് ചിക്കൻ വാങ്ങിച്ചിട്ടുണ്ട്, അത് ഫ്രൈ ചെയ്ത് വച്ചാ മതിട്ടാ….”
“ദേ തമാശ കളിക്കാൻ ചോദിച്ചതല്ല….”
“എന്താടി നിനക്ക്, കാര്യം പറ….”അവൻ അവളുടെ സൈഡിൽ ഇരുന്നുകൊണ്ട് ചോദിച്ചു.
“നിനക്ക് ആ പൂജയോട് ഉള്ള താല്പര്യം എന്താ….?”
“അവള് കൊള്ളാം, എന്തെ….?”
“അന്ന് അലക്സ് നിനക്ക് ഡ്രഗ് തന്ന് നിന്നെ പുറത്ത് കിടത്തി എന്ന് പറഞ്ഞില്ലേ, അന്ന് നീ അവിടെ വച്ച് പൂജയെ കണ്ടോ….?”
“അഹ് അത്…. ചിലപ്പോ കണ്ട് കാണും…..”
“ചിലപ്പോ കണ്ടു എന്നല്ല, നിനക്ക് ആ സമയം സ്വബോധം ഇല്ലായിരുന്നു എന്ന് നീ പറഞ്ഞു. അപ്പൊ നീ അവിടെ വച്ച് അവളെ കണ്ടോ….?”
“അത് എനിക്ക് പെട്ടന്ന് ഓർമ്മ വന്നപ്പോ ഞാൻ കണ്ടു….”
“ഓഹ് അതെങ്ങനെയാ പെട്ടന്ന് ഓർമ്മ വന്നിട്ട് പിന്നേം പോണേ…..?”
“അല്ല നീ ഇപ്പൊ എന്തിനാ ഇതൊക്കെ ചിക്കി ചികയണെ, ആ ചാപ്റ്റർ നമ്മൾ ക്ലോസ് ചെയ്തതല്ലേ…..?”
“അഹ് ഞാൻ അറിയാത്ത ചാപ്റ്റർ ആരെങ്കിലും ഓപ്പൺ ചെയ്തോ എന്ന് അറിയില്ലലോ….”
“നീ ഇത് എന്തൊക്കെയാ അഞ്ചു ഈ പറയുന്നേ, എന്തെ പിരിയഡ്സ് ക്രമ്പ് ആണോ….”
അവൾ അവനെ നോക്കി ചുണ്ട് കൊതി കാണിച്ച് ടവൽ എടുത്ത് ബാത്റൂമിലേക്ക് കേറി.പ്രണവ് ഒന്ന് ചിരിച്ച് ഹാളിലേക്ക് നടന്നു. ബാത്റൂമിൽ കയറിയ അവൾ കുറച്ചു നേരം മിററിൽ നോക്കി നിന്നു ചിന്തയിൽ ആണ്ടു.