അതിജീവനം:26/11 20

 

​ആ വാക്കുകൾ കേട്ടപ്പോൾ ഞാനും റിനുവും നിസ്സംഗരായി അയാളെ നോക്കിനിൽക്കുക മാത്രം ചെയ്തു. ഞങ്ങളുടെ ഉള്ളിൽ ആ രാത്രിയുടെ ഭീകരത അത്രമേൽ പടർന്നിരുന്നു. വിശപ്പും ദാഹവും അടങ്ങിയപ്പോൾ അയാളിലെ മൃഗം കൂടുതൽ ഉന്മേഷവാനായതുപോലെ തോന്നി.

 

​അയാൾ റിനുവിന്റെ നേർക്ക് നോക്കി അധികാരത്തോടെ കല്പിച്ചു: “എനിക്ക് മാറ്റാൻ വസ്ത്രവും ഒരു തോർത്തുമുണ്ട് എടുത്തിട്ട് വാ!”

 

​റിനു ഒന്നും മിണ്ടാതെ, വെറുപ്പോടെ അയാളെ ഒന്ന് നോക്കി. ആ നോട്ടത്തിൽ അവൾ അനുഭവിച്ച സകല അപമാനത്തിന്റെയും കനൽ ഉണ്ടായിരുന്നു. എങ്കിലും, കുടുംബത്തിന്റെ സുരക്ഷയോർത്ത് അവൾ പതുക്കെ ബെഡ്‌റൂമിലേക്ക് നടന്നു.

 

​അയാൾ സോഫയിലിരുന്ന് അവളുടെ ഓരോ ചലനവും ആസ്വദിക്കുകയായിരുന്നു. എന്റെ മുന്നിൽ വെച്ച് തന്നെ അയാൾ വീണ്ടും അവളെ തന്റെ നോട്ടം കൊണ്ട് പിച്ചിച്ചീന്തുന്നത് കാണുമ്പോൾ എന്റെ ഉള്ളം പുകയുന്നുണ്ടായിരുന്നു.

 

​അല്പസമയത്തിനകം റിനു എന്റെ ഒരു മുണ്ടും തോർത്തും എടുത്തു കൊണ്ടുവന്നു. അവൾ അത് മേശപ്പുറത്തേക്ക് വെക്കാൻ തുനിഞ്ഞപ്പോൾ അയാൾ കൈനീട്ടി അത് വാങ്ങി. മുണ്ടും തോർത്തും വാങ്ങുന്നതിനിടയിൽ അയാൾ മനപ്പൂർവ്വം അവളുടെ വിരലുകളിൽ സ്പർശിച്ചു. റിനു പെട്ടെന്ന് കൈ വലിച്ചു മാറ്റി പിന്നോട്ട് മാറി നിന്നു.

 

​”കുളിമുറി എവിടെയാ?” അയാൾ ചോദിച്ചു.

 

​അടുക്കളയോട് ചേർന്നുള്ള ഭാഗത്തേക്ക് ഞാൻ വിരൽ ചൂണ്ടി…

 

അയാൾ ആദ്യം തോക്ക് കയ്യിലെടുത്തു,, പിന്നെ ഒരു നിമിഷം നിന്നു,, തോക്കുമായി കുളിക്കാൻ കയറാനാവില്ലെന്ന് അയാൾക്ക് അറിയാമായിരുന്നു… പിന്നീട് അയാൾ ഞങ്ങളെ രണ്ടുപേരെയും രൂക്ഷമായി ഒന്ന് നോക്കി.

 

​”ഇവിടെ ഇതുപോലൊരു മുണ്ടോ അല്ലെങ്കിൽ വല്ല കയറോ ഉണ്ടോ? ഉണ്ടെങ്കിൽ വേഗം എടുത്തു കൊണ്ടുവരൂ!”

 

റിനു അയാളുടെ മുഖത്തേക്ക് ദയനീയമായി നോക്കി. അയാളെ എതിർത്തു നിന്നിട്ട് കാര്യമില്ലെന്ന് ഇതിനോടകം അവൾക്ക് ബോധ്യപ്പെട്ടിരുന്നു. യാന്ത്രികമെന്നോണം അവൾ അകത്തെ മുറിയിലേക്ക് നടന്നു.

 

അവൾ തിരികെ വരുമ്പോഴേക്കും അയാൾ തന്റെ വസ്ത്രങ്ങൾ ഓരോന്നായി അഴിച്ചുമാറ്റിയിരുന്നു. ഒരു ബോക്സറിൽ മാത്രമായി നിൽക്കുന്ന അയാളുടെ ശരീരം കണ്ട് ഞാൻ പോലും അന്തംവിട്ടുപോയി. നല്ല ഉറച്ച പേശികളും വടിവൊത്ത ശരീരവും! അത്രയും പരീശീലനം സിദ്ധിച്ച ഒരു പോരാളിയുടെ ശരീരമായിരുന്നു അത്.ആ കായിബലം കണ്ടപ്പോൾ എന്റെയുള്ളിലെ ചെറിയൊരു ചെറുത്തുനിൽപ്പിന്റെ പ്രതീക്ഷ പോലും അസ്തമിച്ചു.

 

അപ്പോഴേക്കും മറ്റൊരു മുണ്ടുമായി റിനു അയാൾക്ക് അരികിലെത്തി. അയാളുടെ ആറടി പൊക്കവും ഉറച്ച പേശികളും കണ്ട് ഒരു നിമിഷത്തേക്ക് അവളും വിറച്ചുപോയി. അവളിൽ നിന്നും മുണ്ട് പിടിച്ചുവാങ്ങിയ അയാൾ തോക്ക് ചൂണ്ടിക്കൊണ്ട് എന്നോട് ആജ്ഞാപിച്ചു:

 

നീ ആ കസേരയിൽ ഇരിക്കൂ!”

 

എനിക്ക് കാര്യം മനസ്സിലായി. അയാൾ എന്നെ കസേരയിൽ കെട്ടിയിടാൻ പോവുകയാണ്. ഭയം തോന്നിയെങ്കിലും ഉള്ളിന്റെ ഉള്ളിൽ ഒരു ചെറിയ പ്രതീക്ഷ എന്നിൽ നാമ്പിട്ടു. അയാൾ എന്നെ കെട്ടിയിട്ട ശേഷം കുളിക്കാൻ കയറിയാൽ, റിനുവിന് എന്റെ അടുത്തു വന്ന് കെട്ടുകൾ അഴിക്കാമല്ലോ! അങ്ങനെ വന്നാൽ ഞങ്ങൾക്ക് ഇവിടുന്ന് രക്ഷപ്പെടാൻ ഒരു വലിയ അവസരം ലഭിച്ചേക്കും. ആ ഒരൊറ്റ ചാൻസ് പ്രതീക്ഷിച്ചുകൊണ്ട് ഞാൻ ഒട്ടും എതിർക്കാതെ കസേരയിൽ ഇരുന്നു കൊടുത്തു.

 

റിനു കൊണ്ടുവന്ന ആ മുണ്ട് ഉപയോഗിച്ച് അയാൾ എന്റെ കൈകളും കാലുകളും കസേരയുമായി ചേർത്ത് വരിഞ്ഞു മുറുക്കി. മുണ്ട് ചർമ്മത്തിലേക്ക് ആഴ്ന്നിറങ്ങുന്ന വേദന ഞാൻ കടിച്ചു പിടിച്ചു. എങ്ങനെയെങ്കിലും അയാൾ ഒന്ന് കൺവെട്ടത്ത് നിന്ന് മാറിയാൽ മതി എന്നായിരുന്നു എന്റെ പ്രാർത്ഥന.

 

പക്ഷേ, ഞങ്ങളുടെ സകല പ്രതീക്ഷകളെയും തകർത്തു കൊണ്ട് അയാൾ റിനുവിനോട് അലറി:

 

“നീയും എന്റെ കൂടെ വാ! കുളിമുറിയിലേക്ക് നടക്ക്!”