“ദേ എത്തി ചിത്രേ, ബൈ.. നമുക്ക് കാണാം…” വളരെ സിംപിൾ ആയി അവൻ ഒരു ഫ്ലൈയിങ് കിസ്സ് നൽകി അവളോട് യാത്ര പറഞ്ഞു.
അവന്റെ കണ്ണുകളിൽ പഴയ ആ തീവ്രതയോ ആഴമോ അവൾ കണ്ടില്ല. അതുലിൽ നിന്ന് വേർപിരിഞ്ഞ് ഹോസ്റ്റലിലേക്ക് പോകാൻ തുടങ്ങുമ്പോൾ ചിത്രയുടെ മനസ്സ് കലുഷിതമായിരുന്നു. എന്തു ചെയ്യണമെന്നോ എന്തു ചിന്തിക്കണമെന്നോ അവൾക്കൊരു പിടിയുമില്ലായിരുന്നു.
ഇറങ്ങാൻ നേരം അവൾ അവനോട് ചോദിച്ചു. “അതുൽ, നീ പണ്ടത്തെപ്പോലെയല്ല ഇപ്പോ .. നിനക്ക് എന്നോട് പഴയ ആ ഇഷ്ടമില്ലേ?”
അതുൽ തന്റെ കണ്ണെടുക്കാതെ പറഞ്ഞു: “ചിത്രാ, നമുക്ക് ജീവിതം എൻജോയ് ചെയ്യാം എന്ന് പറഞ്ഞതല്ലേ? അധികം ഇമോഷണൽ ആകല്ലേ. പ്ലീസ്. അതും ഞാൻ പോകാൻ നിൽക്കുന്ന ഈ സമയത്ത്.” ബൈ ചിത്ര അവൻ അവളെ കൈ വീശി കാണിച്ചു കാർ ഓടിച്ചു പോയി..
അവന്റെ ആ മറുപടി ചിത്രയുടെ ഉള്ളിൽ ഒരു ഒരു ഇടിമിന്നൽ പോലെ ആഘാതം ഉണ്ടാക്കി.ഒരു വിരൽ പോലും അവൾക്ക് അനക്കാൻ പറ്റാതെ നിന്നുപോയി. ആ വാക്കുകൾ വീണ്ടും വീണ്ടും ഉള്ളിൽ തറച്ചുകൊണ്ടെ ഇരുന്നു. അവൾ അവനു എൻജോയ് ചെയാൻ മാത്രമുള്ള ഒന്നായിരുന്നോ? ഭൂമി പിളർന്നു അവൾ താഴേക്കു പോയിരുന്നെങ്കിൽ എന്ന അവൾ ഓർത്തു. അവളുടെ കണ്ണുകൾ അവൾ പോലും അറിയാതെ ധാര ധാരയായി ഒഴുകി. അവൾക്ക് അതുൽ ആയിരുന്നു അവളുടെ പുതിയ ലോകം, പക്ഷെ അവന്റെ ലോകത്തെ അനേകം കാമുകിമാരുടെയും മോഡലുകളുടെയും ലിസ്റ്റിൽ ഒരുവൾ മാത്രമാണ് താൻ എന്നവൾ തിരിച്ചറിഞ്ഞു. അവിടെയാണ് അവൾ ഗോകുലിനെ ഓർത്തത്. അവൻ ലോകത്തിന്റെ ഏത് കോണിലാണെങ്കിലും, അവളുടെ ഒരു വാക്കിനായി കാത്തിരിക്കുന്നു. ഒരു മാറ്റവും ഇല്ലാതെ അവളെ സ്നേഹിക്കുന്നു. പക്ഷേ, താൻ ആ സ്നേഹത്തെ വഞ്ചിച്ചു എന്ന സത്യം ഒരു കനലായി അവളുടെ ഉള്ളിൽ കിടന്ന് എരിഞ്ഞു.
ഗേറ്റിന് മുന്നിൽ നിൽക്കുമ്പോഴാണ് ചിത്രയ്ക്ക് പാറുവിനെ ഓർമ്മ വന്നത്. പാർട്ടിയുടെ ബഹളത്തിനിടയിൽ അവളെ തനിച്ചാക്കിയാണ് താൻ പോന്നത്. ചിത്ര വേഗം ഫോണെടുത്ത് അവളെ വിളിച്ചു. ബെല്ലടിക്കുന്നുണ്ടെങ്കിലും ഫോൺ എടുക്കുന്നില്ല. ചിത്രയുടെ ഉള്ളിൽ ചെറിയൊരു കുറ്റബോധവും ആശങ്കയും തോന്നി. അവൾ തന്റെ ഭാരമേറിയ മനസ്സിനെയും ശരീരത്തിനെയും റൂമിലേക്ക് നയിച്ചു.
.
.
അതേസമയം പബ്ബിൽ …
പാറു തന്റെ ബാഗും പിടിച്ചു ചിത്രയെ തിരയുകയായിരുന്നു. അവിടെയുള്ള ആൾക്കൂട്ടവും മദ്യത്തിന്റെ മണവും അവളെ അസ്വസ്ഥയാക്കി. അപ്പോഴാണ് വളരെ മാന്യമായ രീതിയിൽ ഫവാസ് അവളുടെ അടുത്തേക്ക് വന്നത്.
“ഹേയ്… ചിത്രയെ തിരയുകയാണോ?” ഫവാസ് ചോദിച്ചു.
“അതെ, അവൾ എവിടെപ്പോയി എന്ന് അറിയില്ല.” അവൾ പരിഭ്രമത്തോടെ പറഞ്ഞു.
ഫവാസ് ഒരു ദീർഘനിശ്വാസം വിട്ടു. “ഹാ , ചിത്ര അതുലിന്റെ കൂടെ നേരത്തെ തന്നെ പോയി. അവൾ നിന്നോട് പറഞ്ഞില്ലേ? ഞാൻ കരുതി നീ അറിഞ്ഞുകാണുമെന്ന്.”
പാറുവീന്റെ മുഖം മങ്ങി. ചിത്ര തന്നെ ഇങ്ങനെ ഒറ്റപ്പെടുത്തിയതിൽ അവൾക്ക് വിഷമം തോന്നി. ഫവാസ് അത് മുതലെടുത്തു.
ഫവാസ് : “സാരമില്ല, ഫ്രണ്ട്സ് ആകുമ്പോൾ ചിലപ്പോൾ ഇങ്ങനെയാണ്. നീ പേടിക്കണ്ട, ഞാൻ നിന്നെ ഡ്രോപ്പ് ചെയ്യാം. ഓഹ് സോറി നീ വല്ലോം കഴിച്ചായിരുന്നോ?.” അവൾ ഇല്ലെന്ന് തലയാട്ടി. ഫവാസ് അവൾക്ക് ഇഷ്ടപ്പെട്ട ഭക്ഷണവും ഡ്രിങ്ക്സും വാങ്ങി നൽകി. .
ഭക്ഷണത്തിനായി ഇരിക്കുമ്പോഴാണ് ഫവാസ് തന്റെ തന്ത്രങ്ങൾ പുറത്തെടുത്തത്. പാറു അപ്പോഴും ചിത്ര തന്നെ തനിച്ചാക്കി പോയതിന്റെ പരിഭവത്തിലായിരുന്നു. ആ വിഷമം മാറ്റാനെന്നോണം ഫവാസ് വളരെ മൃദുവായി സംസാരിച്ചു തുടങ്ങി.
“ചിത്ര നിന്നെ ഇങ്ങനെ തനിച്ചാക്കി പോകുമെന്ന് ഞാൻ കരുതിയില്ല പാറു . അവൾ കുറച്ച് സെൽഫിഷ് ആണോ?” ഫവാസ് ചോദിച്ചു.
പാറു ഒരു നിമിഷം ആലോചിച്ചു, പിന്നെ പതിഞ്ഞ ശബ്ദത്തിൽ പറഞ്ഞു, “എയ് അല്ലായിരുന്നു. പക്ഷേ.. അവൾ ഇപ്പോൾ പഴയ ചിതയല്ല.
സാരമില്ല പാറു, ഇതൊക്കെ ഓരോരുത്തരുടെ ലൈഫ് അല്ലേ,” ഫവാസ് വളരെ മാന്യനായി പറഞ്ഞു
പാറു ഒന്ന് ദീർഘനിശ്വാസം വിട്ടു. “അവൾ ഇങ്ങനെയായിരുന്നില്ല ഫവാസ്. ഒരു പാവം നാട്ടിൻപുറം കുട്ടി ആയിരുന്നു. ഹാ” ..