പാറു : “അത്…ഹ്മ് … അതൊരു പ്രശ്നം ആണ് . അവനോടു ഇതൊന്നും തൽക്കാലം നീ പറയാൻ നിൽക്കണ്ട. നമുക്കു നോക്കാം.”
അത് പറഞ്ഞു തിർന്നപ്പോൾ തന്നെ അവളുടെ ഫോൺ ബെൽ അടിച്ചു .. സ്ക്രീൻ ഇൽ തെളിയുന്ന ഗോകുലിന്റെ ചിരിക്കുന്ന മുഖം കണ്ടപ്പോൾ അവൾക്കൊരു വിറയൽ അനുഭവപ്പെട്ടു. എന്ത് ചെയ്യണമെന്നറിയാതെ, വിറയ്ക്കുന്ന കൈകളോടെ അവൾ ഫോൺ എടുത്തു.. പാറു അവളെ നോക്കി ചുണ്ടിൽ കൈ വെചു പറയല്ലേ എന്ന രീതിയിൽ ആംഗ്യം കാണിച്ചു.
ഗോകുൽ: “ഹലോ, എവിടെ ആയിരുന്നു? ഞാൻ നിന്നെ എത്ര വട്ടം വിളിച്ചു!”
ചിത്രയുടെ തൊണ്ടയിടറി. മറുപടി പറയാൻ അവൾ ഒരുപാട് ശ്രമിച്ചു. “ഗോകുൽ… ഞാൻ… ഞാൻ ഒന്ന് ഉറങ്ങിപ്പോയി.”
ഗോകുൽ: “നിന്റെ ശബ്ദത്തിനെന്താ ഒരു മാറ്റം? വയ്യേ നിനക്കു? പനി വല്ലതും പിടിച്ചോ?
ഗോകുലിന്റെ വാക്കുകളിൽ നിറഞ്ഞുനിൽക്കുന്ന ആ സ്നേഹം ഒരു മൂർച്ചയുള്ള ആയുധം പോലെ അവളുടെ ഹൃദയത്തിൽ തറച്ചു. അവൾ ഒന്നും മിണ്ടിയില്ല.
ഗോകുൽ: “എന്താ ചിത്രാ നീ ഒന്നും മിണ്ടാത്തത്? നിന്റെ പിണക്കം ഇതുവരെ മാറിയില്ലേ.?” അവൻ ഒന്നു നിർത്തി തുടർന്നു.. “എന്നാൽ പിണക്കം മാറ്റാൻ ഒരു കാര്യം പറയട്ടെ.. നിനക്ക് ഇഷ്ടമുള്ള ആ പാട്ടുകാരൻ ഇല്ലേ .. അതുൽ. അതുലിന്റെ കൺസേർട്ടിന് എന്നോട് പോകണമെന്ന് നീ പറഞ്ഞിരുന്നില്ലേ? അവന്റെ ബാൻഡ് ഇവിടെ വരുന്നുണ്ട്. അടുത്ത മാസം. ഞാൻ രണ്ട് ടിക്കറ്റ് റെഡി ആക്കാം . നമുക് ഒരുമിച്ച് പോയാലോ?? “.
അതുലിന്റെ പേര് കേട്ടതും ചിത്രയുടെ കണ്ണുകൾ നിറഞ്ഞു തുളുമ്പി. താൻ നഷ്ടപ്പെടുത്തിയത് തിരിച്ചുപിടിക്കാൻ ആവാത്ത ഒന്നാണെന്ന് അവൾ തിരിച്ചറിഞ്ഞു. കൈകൊണ്ട് വായ പൊത്തിപ്പിടിച്ച് അവൾ കരച്ചിൽ അടക്കാൻ ശ്രമിച്ചു.
ഗോകുൽ: “ചിത്രാ? നീ കരയുകയാണോ? എന്താ പറ്റിയത്?
ചിത്ര: (വിറയ്ക്കുന്ന ശബ്ദത്തിൽ) “ഏയ്… ഒന്നുമില്ല ഗോകുൽ.
ഗോകുൽ: നീ കാര്യം പറ ചിത്രേ.. ഇല്ലൽ ഞാൻ ഇപ്പോ വണ്ടി എടുത്ത് അങ്ങ് വരും.
ചിത്ര : ഒന്നുമില്ല ഗോകുൽ … ഞാൻ ഇവിടെ പാറുവിനോട് ഒന്നു വഴക്കിട്ടു .. അത്രേയുള്ളൂ.. .. അവൾ പറഞ്ഞൊപ്പിച്ചു..
ഗോകുൽ: അഹ് ബെസ്റ്റ്.. ഇതാണോ കരയാനും മാത്രം ഇത്ര വലിയ കാര്യം? പോട്ടെ സാരമില്ല .. കരയണ്ട…
ചിത്ര: ഹ്മ് .. ഗോകുൽ.. എനിക്ക് നിന്നെ ഒന്ന് കാണണം എന്ന് തോനുന്നു. നീ എന്തിനാ ഇത്രേ ദൂരെ പോയി പഠിക്കുന്നെ…മതി .. ഇങ്ങ് വാ.. അവൾ കരചില്ല് തുടച്ചു പറഞ്ഞു..
ഗോകുൽ: ” ദാ നോക്ക്, ഞാൻ നിന്റെ കൂടെ തന്നെയുണ്ട്. നോകട്ടെ , അടുത്ത ആഴ്ച്ച ഞാൻ നിന്റെ അരികിലെത്തും. നീ പോയി കരച്ചിലും പിണക്കവും ഓക്കെ മാറ്റി സമാധാനമായി ഉറങ്ങിക്കോ. ലവ് യു ചിത്രാ…” അവൻ അവളെ ആസ്വസിപ്പിച്ചു.
കുറച്ച് സംസാരിച്ചു അവർ ഫോൺ വെച്ചു . പക്ഷേ ചിത്രയ്ക്ക് ഫോൺ മാറ്റാൻ കഴിഞ്ഞില്ല. അവൾ ഫോൺ നെഞ്ചോട് ചേർത്ത് പിടിച്ച് കട്ടിലിലേക്ക് വീണു. ഗോകുലിന്റെ ആത്മാർത്ഥമായ സ്നേഹത്തിന് മുന്നിൽ താൻ എത്ര വലിയ തെറ്റാണ് ചെയ്തതെന്നോർത്ത് അവൾ വിങ്ങിക്കരഞ്ഞു. സത്യം തുറന്നു പറയാൻ ആവാത്ത ഭയവും, അവനെ വഞ്ചിച്ചുവെന്ന കുറ്റബോധവും അവളെ വേട്ടയാടിക്കൊണ്ടിരുന്നു. പക്ഷെ അതുൽ…അവൻ എനിക്ക് ഒരു കാമുകൻ ആണോ? അവനോടുള്ള അടുപ്പം എന്താണെന്ന് എനിക്കറിയില്ല. ഇത് വെറും ആകർഷണമാണോ അതോ അതിലുപരി എന്തെങ്കിലും ഉണ്ടോ…അവനെ പോലെ ഒരു ഫേമസ് ആയ പാട്ടുകാരൻ തന്നെ സ്വീകരിക്കുമോ. ഇല്ല… അവളുടെ മനസു ഓരോന്നു ആലോചിച്ചുകൊണ്ടേ ഇരുന്നു, എന്നാൽ ക്ഷണിച്ചുപോയ അവളുടെ ശരീരം അവളെ മെല്ലെ നിദ്രയിലേക്കു വലിച്ചു…
.
.
ചിത്രയെ ഇറക്കിവിട്ട ശേഷം അതുൽ നേരെ പോയത് അവന്റെ സുഹൃത്തുക്കളായ ഫവാസിന്റെയും സന്ദീപിന്റെയും അടുത്തേക്കായിരുന്നു. അവന്റെ വരവും മുഖത്തെ ഭാവവും കണ്ടപ്പോൾ തന്നെ അവർക്ക് കാര്യം പിടികിട്ടി. ആകാംഷയോടെ കാത്തിരുന്ന അവർ അതുലിനെ വളഞ്ഞു.
“എന്തായി അതുലേ? പറഞ്ഞതുപോലെ നടന്നോ?” സന്ദീപ് നേരിയ ചിരിയോടെ ചോദിച്ചു.
അതുലിന്റെ മുഖത്ത് ഒരു വിജയിയുടെ ഭാവം. അവൻ തലയാട്ടി.