.
അങ്ങനെ ഒരു ദിവസം രാത്രി, അതുലുമായി ഫോണിൽ സംസാരിക്കുമ്പോൾ അവൻ ആ വാർത്ത പറഞ്ഞു. “ചിത്ര, ഒരു ബമ്പർ ഡീൽ വന്നിട്ടുണ്ട് .. ഒരു മ്യൂസിക്കൽ വേൾഡ് ടൂർ.. ഇതെന്റെ സ്വപ്നം ആയിരുന്നു.. ഞാൻ കുറച്ചു മാസത്തേക്ക് വിദേശത്തേക്ക് പോവുകയാണ്. കുറഞ്ഞത് മൂന്ന് മാസമെങ്കിലും ഉണ്ടാവും. ”
അവളുടെ ഉള്ളിൽ സങ്കടത്തിന്റെ കർമേഘങ്ങൾ നിറഞ്ഞു. അവൾ അതുലിനെ അത്രയേറെ ആശ്രയിച്ചു തുടങ്ങിയിരുന്നു. അവന്റെ സാമീപ്യം, അവന്റെ സംസാരം, അവന്റെ സ്പർശനം – അതെല്ലാം അവൾക്ക് ഇപ്പോൾ അത്യാവശ്യമായിരുന്നു. ഈ വേർപാട് അവളെ എങ്ങനെ ബാധിക്കുമെന്നോർത്ത് അവൾക്ക് ഭയം തോന്നി.
ചിത്ര: “ആഹാ.. കൺഗ്രാറ്റ്സ് അതുൽ.” അവൾ സങ്കടം മറച്ചു വെച്ചു പറഞ്ഞു. എന്നാ പോക്കുന്നേ? ഡേറ്റ് ഫിക്സ് ആയോ?
അതുൽ : യെസ് ചിത്ര. അടുത്ത ഞായർ ആണ് ഫ്ലൈറ്റ്.
അവൾ വീണ്ടും തകർന്നു. “പോവുന്നതിന് മുൻപ് നമുക്കൊരു തവണ കൂടി കണ്ടാലോ , അതുൽ?” അവളുടെ ശബ്ദത്തിൽ സങ്കടം നിറഞ്ഞിരുന്നു.
അതുൽ: അതെ, നിന്നെ കാണാതെ ഞാൻ പോകുമോ ചിത്രേ.. അവൻ പറഞ്ഞു. ഒരു പ്ലാൻ ഉണ്ട്. ഞാൻ വിളിക്കാം എന്ന് പറഞ്ഞു അവൻ വേഗം ഫോൺ വെച്ചു.
അടുത്ത ഒന്ന് രണ്ട് ദിവസങ്ങൾ പുറമെ ഗോകുലിനോട് നന്നായി സംസാരിക്കുന്നുണ്ടെങ്കിലും അവളുടെ മനസ്സ് പെയ്തു തോരാത്ത ഒരു മേഘം പോലെ ഭാരമുള്ളതായിരുന്നു. അതുലിന്റെ യാത്ര അവൾക്ക് ഉൾക്കൊള്ളാൻ പറ്റുന്നിലായിരുന്നു. അവളുടെ ലോകം ചീട്ടുകൊട്ടാരം പോലെ തകരുന്നതുപോലെ അവൾക്ക് തോന്നി.
ഒരു ദിവസം അതുലിന്റെ പേര് അവളുടെ ഫോൺഇൽ തെളിഞ്ഞപ്പോൾ അവളുടെ ഹൃദയം ഒന്ന് അലിഞ്ഞു .
“ഹലോ…” അവൾ ശബ്ദം താഴ്ത്തി പറഞ്ഞു.
“ഹേയ് ചിത്ര, ഇന്ന് രാത്രി ‘ദി വോയ്ഡ്’ പബ്ബിൽ ഒരു പാർട്ടി ഉണ്ട്. ഫവാസും സന്ദീപും ഒക്കെയുണ്ട്. നീയും വരണം,” അതുലിന്റെ ശബ്ദത്തിൽ വരാനിരിക്കുന്ന വേൾഡ് ടൂറിന്റെ ആവേശമായിരുന്നു. അവളുടെ തകർച്ച അവൻ അറിഞ്ഞതേയില്ല, അല്ലെങ്കിൽ അറിഞ്ഞതായി ഭാവിക്കുന്നില്ല.
“അതുൽ, എനിക്ക്… എനിക്ക് സംസാരിക്കണം. ടൂറിനെ പറ്റി—”
അവൻ അവളുടെ വാക്കുകളെ മുറിച്ചു. “നമുക്ക് അവിടെ വെച്ച് കാണാം ചിത്ര. പിന്നെ ഒരു കാര്യം, വരുമ്പോൾ നിന്റെ ഫ്രണ്ട്സിനെയും കൂടെ കൂട്ടിക്കോ. എനിക്ക് ചിലപ്പോൾ അവിടെ ബിസിനസ്സ് കാര്യങ്ങളുമായി തിരക്കായിരിക്കും. നീ ഒറ്റയ്ക്ക് ബോറടിച്ചിരിക്കണ്ട.”
അവളുടെ തൊണ്ടയിൽ എന്തോ വന്നു തടഞ്ഞു. താൻ അവന്റെ വെറുമൊരു ‘പാർട്ടി ഗസ്റ്റ്’ മാത്രമായി മാറിയോ? ഗോകുലിനെ വഞ്ചിച്ചും സ്വന്തം ആത്മാഭിമാനം പണയപ്പെടുത്തിയുമാണ് അവൾ അതുലിനെ പ്രണയിച്ചത്. പക്ഷേ അവന് അത് വെറുമൊരു വിനോദം മാത്രമായിരുന്നോ?
അതുലിന്റെ ക്ഷണം കിട്ടിയ ഉടനെ ചിത്ര തന്റെ ഉറ്റ സുഹൃത്തായ പാറുവിനെ കാര്യം അറിയിച്ചു. കാര്യങ്ങൾ കേട്ടപ്പോൾ പാറുവിന് ആവേശം അടക്കാനായില്ല.
“എടി, ഇതൊരു സാധാരണ പാർട്ടിയല്ല!” പാറു അവളുടെ അലമാര വലിച്ച് തുറന്നുകൊണ്ട് പറഞ്ഞു. “അതുലിന്റെ പാർട്ടിയെന്ന് പറഞ്ഞാൽ അവിടെ വരുന്നത് മുഴുവൻ ഹൈ-ക്ലാസ്സ് സെലിബ്രിറ്റി ആയിരിക്കും . നീ അവന്റെ ഗേൾഫ്രണ്ട് ആണെന്ന് അവർക്ക് മനസ്സിലാകണം.
“എനിക്ക് അറിയില്ല പാറു… എനിക്ക് സങ്കടം സഹിക്കാൻ പറ്റുന്നില്ല. അവൻ എന്നെ ഒഴിവാക്കി ടൂറിന് പോവുകയാണ്,” ചിത്ര കണ്ണുകൾ തുടച്ചു.
“അതൊക്കെ നമുക്ക് നോക്കാം. നീ തളർന്നു പോയാൽ അവൻ നിന്നെ വിലവയ്ക്കില്ല. യു ഷുഡ് ലുക്ക് ഹോട്ട് ആൻഡ് സെക്സി!” പാറു അവളുടെ ഒരു കവറിൽ നിന്ന് മനോഹരമായ ഒരു കറുപ്പിൽ ഇൽ ഗോൾഡ് ഡിസൈൻ ഉള്ള മെഷ് ടോപ്പ് പുറത്തെടുത്തു. ഒരു വല പോലെ സുതാര്യമായിരുന്നു അത് .
“ഇത് ഇട്ടോ. ഇതിനുള്ളിൽ നി ഒരു ബ്ലാക്ക് ബോൾഡ് ബ്രാ ഇടൂ. കൂടെ നിന്റെ ആ ബോഡി കോൺ സ്കർട്ട് കൂടി ആകുമ്പോൾ നീ തകർക്കും. നീ അതൊക്കെ ഇട്ട് ഒന്ന് കണ്ണാടിയിൽ നോക്ക് ചിത്ര… നീ അവന്റെ വെറുമൊരു കൂട്ടുക്കാരിയല്ല, ക്വീൻ ആണെന്ന് അവന് തോന്നണം.”
ആദ്യം ഒന്ന് മടിച്ചെങ്കിലും, ചിത്ര ആ വസ്ത്രങ്ങൾ ധരിച്ചു. കണ്ണാടിയിൽ നോക്കിയപ്പോൾ അവൾക്ക് തന്നെ അവളെ തിരിച്ചറിയാൻ കഴിഞ്ഞില്ല. ഗോകുലിന് മുന്നിൽ പ്രത്യക്ഷപ്പെടാറുള്ള പാവം ചിത്രയല്ല ഇത്. ഒരു വശത്ത് താൻ അവനെ ചതിക്കുന്നു എന്ന കുറ്റബോധം, മറുവശത്ത് അതുലിനെ കൈവിടാൻ വയ്യാത്ത ഭ്രാന്തമായ പ്രണയം.