💘💘ഗൗരിയേട്ടത്തി💘💘 [ Full ]അടിപൊളി  

“””ഓ…..ഈയമ്മ എന്ത് പണിയാ കാണിക്കണേ, വയ്യാത്തതല്ലേ….. എന്തിനാ ഇപ്പോ അടുക്കളേ കയറിയെ??…… ചെല്ല്, പോയി അവിടെങ്ങാനും ഇരി”””
കഴുകികൊണ്ടിരുന്ന പാത്രം പിടിച്ചു വാങ്ങിക്കൊണ്ട് ഞാൻ പറഞ്ഞു….

“””ഏയ്…. എനിക്കിപ്പോ കുഴപ്പൊന്നുമില്ല മോനെ…. ശിവന് പോവുമ്പോ ഒരു കപ്പ് ചായ ഇട്ടുകൊടുക്കാൻ കയറിയതായിരുന്നു, പിന്നെ മോള് കിടക്കാണെങ്കിൽ കിടന്നോട്ടെന്ന് കരുതി”””
അവസാനം അത് പറയുമ്പോൾ അമ്മയുടെ മുഖത്ത് ഒരു ആക്കിയ ചിരിയുണ്ടായിരുന്നു…. പെറ്റ തള്ളയായി പോയി, ഇല്ലേ ചാക്കിൽ കെട്ടി ഞാൻ ആ മുത്തിയൂർ കാട്ടിൽ കൊണ്ടോയി കളഞ്ഞേനെ….

കൂടുതൽ സംസാരത്തിന് നിൽക്കാതെ ഞാൻ മെല്ലെ കിണറ്റിൻ കരയിലേക്ക് നടന്നു, അവിടെ നിന്ന് ഓരോന്നും ആലോചിച്ച് കൂട്ടി മെല്ലെ പല്ല് തേപ്പും കുളിയുമൊക്കെ തീർത്തു…. എല്ലാം കഴിഞ്ഞ് അകത്തേക്ക് കയറാൻ നേരത്താണ് ഏട്ടത്തി ഉറങ്ങിയെഴുന്നേറ്റ് വരുന്നത്….. കൃത്യം അതേ സമയത്ത് തന്നെ തെക്കേലെ പുഷ്ക്കരന്റെ പെങ്ങൾ തുളസി പാലും കൊണ്ട് വന്നു, ആ വായാടിയുടെ മുന്നിൽ പെട്ടാൽ അവൾക്ക് നൂറ് ചോദ്യം ചോദിക്കാനുണ്ടാവുമെന്ന് അറിയുന്നത് കൊണ്ട് ഞാൻ തന്ത്രപ്പൂർവം വലിഞ്ഞു, പക്ഷെ ഏട്ടത്തി കൃത്യമായി അവളുടെ മുന്നിൽ തന്നെ പോയി പെട്ടു….

“””ആ ഗൗരിയേച്ചി ഇപ്പഴാണോ എഴുന്നേൽക്കുന്നെ??”””
അവള് ഏട്ടത്തിയോട് ചോദിക്കുന്നത് കേട്ടു…. അതിന്റെ ഉത്തരം ഏട്ടത്തി ഒരു മൂളലിൽ ഒതുക്കിയെന്ന് തോന്നുന്നു…

“”””മ്മ്….മ്മ്…… ആദ്യരാത്രി കഴിഞ്ഞെന്റെ ക്ഷീണം കാണാനുണ്ട് മുഖത്ത്….. ഹീ….ഹീ……ഹീ…..ഹീ….””””
എന്നും പറഞ്ഞ് പെണ്ണ് ഇളിക്കുന്നത് കേട്ടു… അത്രേ ഞാൻ കേൾക്കാൻ നിന്നുള്ളു
അന്ന് പിന്നെ വൈകുന്നേരം വരെ പറമ്പിലും, അതിന് ശേഷം രാത്രി വരെ സുധിയുടെ കൂടെ തെണ്ടിയും സമയം കളഞ്ഞു, രാത്രി വീട്ടിലെത്തി ഭക്ഷണം കഴിച്ച് തിണ്ണയിൽ വന്ന് കിടക്കാൻ നേരം അമ്മ തടഞ്ഞു, “”അമ്മയുടെ മുറിയിൽ കിടന്നോളാൻ””….. അമ്മയ്ക്ക് ഇതുവരെ ഇല്ലാത്ത സ്നേഹം…. യെന്തോ, കൂടുതലൊന്നും ചോദിക്കാൻ നിൽക്കാതെ ഞാൻ അമ്മയുടെ മുറിയിൽ പോയി കിടന്നു….
ഇനി അങ്ങോട്ട് ഒന്നരാടനാണ് പോലും, ഇന്ന് ഏട്ടനാണ് ഏട്ടത്തിയുടെ കൂടെയെങ്കിൽ നാളെ ഞാൻ, മറ്റന്നാളേ വീണ്ടും ഏട്ടൻ, പിന്നേം ഞാൻ….. അങ്ങനെ അങ്ങനെ ഞാനും ഏട്ടനും മാറി മാറിയാണ് പോലും കടമ നിർവഹിക്കേണ്ടത്… എനിക്ക് പണിയില്ലാത്ത ദിവസങ്ങളിൽ ഇനി തിണ്ണയിൽ കിടക്കണ്ട, അമ്മയുടെ മുറിയിൽ പാ വിരിച്ച് കിടന്നാ മതിയെന്നും…അതെന്തിനാന്ന് മനസ്സിലായില്ല…

കിടന്നിട്ട് ഉറക്കം വരണില്ല, ഇപ്പോ അപ്പുറത്തെ മുറിയിൽ ഏട്ടനും ഏട്ടത്തിയും മാത്രം…. അവർ ബന്ധപ്പെടുകയായിരിക്കുമോ??…. അങ്ങനെ ചിന്തിക്കുമ്പോൾ മനസ്സിന് വല്ലാത്തൊരു പിരിമുറുക്കം…. ഇന്നലെ വരെയുള്ളത് പോലെയല്ലല്ലോ, എന്തൊക്കെ പറഞ്ഞാലും ഇപ്പോ അപ്പുറത്ത് ഏട്ടന്റെ കൂടെ കിടക്കുന്നത് എന്റെ ഭാര്യയാണ്…….

ഒരുക്കണക്കിന് സുധി പറഞ്ഞതിലും കാര്യമുണ്ട്, ആശിക്കാൻ പാടില്ലായിരുന്നു… ഈ കൂട്ടത്തിൽ ജനിച്ചിട്ട് സ്വന്തമായി ഒരു പെണ്ണ് വേണമെന്ന് ഞാൻ ആശിക്കരുതായിരുന്നു…… സുധി ഒത്തിരി തവണ നിർബന്ധിച്ചിട്ടും ഒറ്റ തവണപോലും അവന്റെ കൂടെ പടിഞ്ഞാറെ കണ്ടതിലെ ജാനുവിന്റെ അടുത്ത് പോവാഞ്ഞതും, അന്ന് പറമ്പിൽ പണിക്ക് വരുന്ന റോസമ്മ രാത്രി വീട്ടിലേക്ക് വരാൻ പറഞ്ഞപ്പോൾ പോവാതിരുന്നതുമെല്ലാം എന്റെ തെറ്റാണ്….. എനിക്ക് മാത്രമായൊരു പെണ്ണും, അവളുടേത് മാത്രമായി ഞാനും…. അങ്ങനെ എന്തെല്ലാം സ്വപ്നങ്ങളായിരുന്നു, എല്ലാം ഇന്നലത്തോടെ അവസാനിച്ചു….
അന്ന് തമാശയ്ക്കാണെങ്കിലും ഉണ്ണി പറഞ്ഞത് ഞാൻ ഓർത്തു….. “””ഒടുക്കം മാളത്തിൽ കയറാൻ പറ്റാതെ പാമ്പ് തല തല്ലി ചാവാഞ്ഞാ മതി””” എന്ന്….. മിക്കവാറും അത് തന്നെ നടക്കും…
പക്ഷെ അതിനേക്കാൾ എല്ലാമുപരി എന്ത് എന്റെ ജീവിതത്തിൽ നടക്കരുതെന്ന് ഞാൻ ആഗ്രഹിച്ചോ, അതാണ് ഇപ്പോ നടന്നിരിക്കുന്നത്….

“””മോനേ…. ഉറങ്ങണില്ലേ??”””
അമ്മയുടെ ചോദ്യത്തിന് വെറുതെ ഒന്ന് മൂളി കൊടുത്തു…. എന്റെ ഉറക്കം ഒക്കെ എന്നെന്നേക്കുമായി ഇല്ലാതാക്കിയിട്ടാണ് ചോദിക്കുന്നത്…

നിദ്രാദേവി എന്നെ കൈയൊഴിഞ്ഞിരുന്നു….. രാത്രി മുഴുവൻ ഞാൻ കണ്ണും തുറന്ന് കിടന്നു….
*****
അടുത്ത ദിവസം രാവിലെ ഞാൻ ഏട്ടൻ എഴുന്നേൽക്കുന്നതിലും മുന്നെ പറമ്പിലേക്ക് പോയി….. പണ്ടത്തെ പോലെ അഭിനയിക്കാനായിരുന്നില്ല, മറിച്ച് പണിയെടുക്കാൻ……. എന്റെ ദേഷ്യവും നിരാശയും എല്ലാം ഞാൻ അവിടെ തീർക്കാൻ ശ്രമിച്ചു…..

അതൊരു തുടക്കമായിരുന്നു, പിന്നീടുള്ള ദിവസങ്ങളിൽ ഞാൻ അത് തുടർന്നു, പുലർച്ചെ എഴുന്നേറ്റ് പറമ്പിലേക്ക് പോവും, പിന്നെ നേരം ഇരുട്ടുന്നത് വരെ അവിടെ തന്നെ, എല്ലാം കഴിഞ്ഞ് രാത്രി സുധിയുടെ കൂടെ പോയി രണ്ടെണ്ണം വീശും, വീട്ടിൽ പോയി കിടക്കും…. ഇതാണ് ഇപ്പോ എന്റെ ദിനചര്യ…..
പൊതുവെ ആരോടും ഞാൻ അധികം സംസാരിക്കാതായി…. വീട്ടിൽ അമ്മയോടൊഴിച്ച് ആരോടും തീരെ മിണ്ടാറില്ല, അമ്മയോട് തന്നെ ഇങ്ങോട്ടെന്തേലും ചോദിച്ചാ മാത്രം മറുപടി കൊടുക്കും… കല്യാണം ഒക്കെ ഉറപ്പിച്ചത് കൊണ്ടാവാം ഉണ്ണിയും ഇപ്പോ അധികം വരാറില്ല…….
പിന്നെ ആകെ മനസ്സ് തുറന്ന് സംസാരിക്കുക സുധിയോടാണ്, അതും ചാത്തന്റെ ലഹരിയിൽ…
*****

അങ്ങനെ പറമ്പിലെ പണിയും സുധിയുടെ കൂടെയുള്ള ചാത്തൻ സേവയും മാത്രമായി കുറച്ച് ദിവസങ്ങൾ കടന്നുപ്പോയി… ഈ ദിവസങ്ങളിലെല്ലാം രാത്രി ഒന്നരാടൻ ദിവസങ്ങളിൽ ഞാൻ ഏട്ടത്തിയുടെ മുറിയിലാണ് കിടന്നത്, പക്ഷെ ഞങ്ങൾ തമ്മിൽ ഇപ്പോ സംസാരിക്കാറേ ഇല്ല…. ഏട്ടന്റെ ഭാര്യയായി വന്ന അന്ന് തൊട്ട് എന്റെ ഏറ്റവും അടുത്ത കൂട്ടുകാരിയായി മാറിയവൾ ഇപ്പോ തീർത്തും എനിക്കൊരു അന്യയായി മാറിയിരിക്കുന്നു………..

മരവിച്ച മനസ്സുമായി ഞാൻ തള്ളി നീക്കിയ കുറച്ച് ദിവസങ്ങൾക്ക് ശേഷം മഞ്ഞ് പ്രകൃതിയിൽ അലിഞ്ഞു ചേർന്നൊരു പ്രഭാതം…. ഏട്ടൻ വളം വാങ്ങാൻ അങ്ങാടിയിലേക്ക് പോയതായിരുന്നു, ഞാൻ വഴുതിന നടാനുള്ള തടമൊരുകുമ്പോഴാണ് അമ്മ വാഴത്തോപ്പിൽ നിന്നും നീട്ടി വിളിച്ചത്….

“””കാശീ………..”””
ആ വിളിയിൽ എന്തോ പന്തികേട് തോന്നിയതുകൊണ്ട് എന്താണ് കാര്യമെന്ന് കൂടി ചോദിക്കാൻ നിൽക്കാതെ ഞാൻ ചെയ്തോണ്ടിരുന്ന പണി നിർത്തി വാഴത്തോപ്പിലേക്ക് ഓടി….. അവിടെ എത്തിയപ്പോ കാണുന്നത് കുനിഞ്ഞ് നിൽക്കുന്ന ഏട്ടത്തിക്ക് അമ്മ പുറം തടവി കൊടുക്കുന്ന കാഴ്ചയാണ്…..

“”””എന്താ….. അമ്മേ…. എന്ത് പറ്റി??””””
ഞാൻ ഓടി വന്ന് കിതയ്ക്കുന്നതിനിടെ ചോദിച്ചെങ്കിലും അമ്മ ഒന്നും പറയാതെ എന്നെ നോക്കി ചിരിക്കുകയാണ് ചെയ്തത്….

+426

-180