💘💘ഗൗരിയേട്ടത്തി💘💘 [ Full ]അടിപൊളി  

അങ്ങനെ ഞാൻ തിരിച്ച് വീട്ടിലേക്ക് മടങ്ങി…..
*****************************

മുൻ വാതിൽ തുറന്ന് കിടക്കുകയായിരുന്നത് കൊണ്ട് ഞാൻ തട്ടാനും മുട്ടാനും ഒന്നും നിൽക്കാതെ നേരെ അകത്തേക്ക് കയറി…….. അടുക്കള ഭാഗത്തൊന്നും ആളെ കാണാനില്ല…..
പിന്നെ ഞങ്ങടെ മുറിയുടെ വാതിൽക്കൽ എത്തി നോക്കിയപ്പോൾ ഏട്ടത്തിയതാ കുഞ്ഞനെ ഉറക്കുന്നു, അവൻ നല്ല ഉറക്കമാണ്…..ഏട്ടത്തി അവനരികിൽ അവനെ തന്നെ നോക്കി കിടക്കുന്നു….. കുറച്ചൂടെ മുന്നെ വന്നിരുന്നേൽ പാല് കൊടുക്കുന്നത് കാണാമായിരുന്നു എന്ന് തോന്നുന്നു, പെട്ടെന്നെന്തോ
തോന്നിയിട്ടാവാം ഏട്ടത്തി വാതിലിന് നേരെ നോക്കി…… ഞാൻ അവരെ തന്നെ നോക്കി അവിടെ നിന്നു……

ഒരുനിമിഷം എന്നെ തന്നെ നോക്കി കിടന്ന ശേഷം പൂർണമായും ഉറക്കത്തിലേക്ക് വഴുതി വീണ കുഞ്ഞനെ എടുത്ത് തൊട്ടിലിൽ കിടത്തിയിട്ട് ഏട്ടത്തി എഴുന്നേറ്റു…..

“”””ഏട്ടത്തീ………””””
അഴിഞ്ഞു പോയ മുടി വാരി കെട്ടിയ ശേഷം എന്നെ അവഗണിച്ച് കടന്നുപോവാൻ തുനിഞ്ഞ അവരെ ഞാൻ പതിഞ്ഞ സ്വരത്തിൽ വിളിച്ചതും അവർ നടത്തം നിർത്തി….. പക്ഷെ തിരിഞ്ഞ് നോക്കിയില്ല………..

“”””എന്നോട് ക്ഷമിക്കണം…….. ഞാൻ……… നേരത്തെ……….. അങ്ങനെ പെരുമാറരുതേര്ന്നു…… എന്നെ ഇഷ്ടാന്ന് കരുതി…….. എന്റെ സ്വന്തമാന്ന് തോന്നിയോണ്ടാ സമ്മതമില്ലാതെ കെട്ടിപ്പിടിച്ചേ……….
പിന്നെ ഈ ശരീരത്തെ മാത്രാ ഞാൻ ഇഷ്ടപ്പെട്ടതെങ്കില് അതെനിക്ക് നമ്മടെ കല്യാണം കഴിഞ്ഞന്ന് രാത്രി തന്നെ സ്വന്തമാക്കേര്ന്ന്…….”””””

സുധിയുടെ വീട്ടിൽ നിന്ന് ഇറങ്ങിയത് തൊട്ട് ഏട്ടത്തിയോട് പറയാൻ മനസ്സിൽ പഠിച്ചോണ്ടിരുന്ന ഒരുപാട് കാര്യങ്ങളിൽ അത്രയേ തുറന്ന് പറയാൻ സാധിച്ചുള്ളൂ……

“”””ഇനിയെന്റെ ശല്യമുണ്ടാവില്ല….”””””
അത് കൂടെ പറഞ്ഞിട്ട് ഞാൻ പുറത്തേക്ക് നടന്നു, എന്തായാലും ഉദ്ദേശിച്ച പോലെ കുറച്ചൊക്കെ പറയാൻ സാധിച്ചു….. ഒരു ആത്മാർത്ഥത ഇല്ലാതെ പറഞ്ഞത് പോലെ തോന്നിയോ എന്തോ……
***

പിന്നെ ഉച്ചയ്ക്ക് ഭക്ഷണം കഴിക്കാൻ ഇരിക്കുമ്പോഴാണ് ഏട്ടത്തിയുടെ മുന്നിൽ പെടുന്നത്….

ഏട്ടത്തിയെ വിളിക്കാനൊന്നും നിൽക്കാതെ ഒറ്റയ്ക്ക് ഭക്ഷണം എടുത്ത് കഴിക്കാൻ ഇരുന്നു, പക്ഷെ അപ്പോഴേക്കും ഏട്ടത്തി വേഗം വന്ന് വിളമ്പി തന്നു, എന്നിട്ട് മേശയുടെ മറുവശത്ത് ഇരുന്നു….

രണ്ടുപേരും ഒന്നും മിണ്ടിയില്ല, ഞാൻ ഭക്ഷണം കഴിക്കുന്നതിനിടെ ഇടയ്ക്ക് ഒളികണ്ണിട്ട് നോക്കിയപ്പോൾ കക്ഷി ഞാൻ കഴിക്കുന്നതും നോക്കി ഇരിക്യാണ്…. ഞാൻ പെട്ടന്ന് തന്നെ നോട്ടം മാറ്റി വീണ്ടും കഴിക്കുന്നതിൽ ശ്രദ്ധിച്ചു….

‘””””കാശി…..”””””

“”””കാശീ…….””””
ഞാൻ വിളി കേൾക്കാഞ്ഞത് കൊണ്ട് ഏട്ടത്തി അല്പം ഉറക്കെ വിളിച്ചു…. ഞാൻ ഒന്ന് മുഖം ഉയർത്തി നോക്കിയിട്ട് വീണ്ടും കഴിക്കുന്നത് തുടർന്നു…..
“”””നേരത്തെയെന്താ അങ്ങനെ പറഞ്ഞേ??””””
ഏട്ടത്തിയുടെ ചോദ്യത്തിന്റെ അർത്ഥം മനസ്സിലാവാതെ ഞാൻ നോക്കി…

“”””ഇനി….. ശല്യമുണ്ടാവൂലാന്ന്…..”””””
അത് കേട്ടപ്പോൾ എന്റെ മുഖത്തൊരു പുഞ്ചിരി വിരിഞ്ഞു…..

“”””ചാവാനൊന്നും പോണില്ല…… പേടിക്കണ്ട””””
ഒരു പുഞ്ചിരിയോടെ തന്നെ ഞാൻ പറഞ്ഞു….. എന്റെ സംസാരത്തിൽ നിന്ന് ഒരു ആത്മഹത്യാ പ്രവണത ഒളിഞ്ഞ് കിടക്കുന്നത് പോലെ തോന്നി കാണും…..ഹ….ഹ……..

പിന്നെ ഞാൻ കഴിച്ച് തീരുന്നത് വരെ കക്ഷി ഒന്നും മിണ്ടിയില്ല, കാര്യമായ ആലോചനയിലാണ്………..

“”””കാശീ……. നിനക്ക്…… വേറൊരു കല്യാണം…കഴിച്ചൂടെ…..””””””
ഭക്ഷണം കഴിച്ച് കഴിഞ്ഞ് എഴുന്നേൽക്കാൻ നേരമാണ് ഏട്ടത്തി മടിയോടെ അത് ചോദിച്ചത്…..

“””””നിങ്ങളെ ശല്യം ചെയ്യാൻ വരൂല്ലാന്ന് ഞാൻ പറഞ്ഞില്ലേ, അത് പേടിക്കണ്ട……
പിന്നെ വേറെ കല്യാണം കഴിക്കുന്നത്….. അതിനിയെന്തായാലും ണ്ടാവൂല്ല”””””
ഏട്ടത്തിയെ നോക്കി ഉറച്ച സ്വരത്തിൽ പറഞ്ഞിട്ട് ഞാൻ പാത്രവുമായി അടുക്കളയിലേക്ക് നടന്നു…..
***********************************

വയറ് നിറച്ച് ചോറും കഴിച്ചിട്ട് തിണ്ണയിൽ പോയി കിടന്ന് നല്ല സുഖമായി ഒന്ന് ഉറങ്ങി….. വടക്ക് നിന്നും വീശി വരുന്ന ഇളം കാറ്റിന്റെ ശീതളിമയിൽ സ്വയം മറന്നൊരു മയക്കം…… പച്ച പുതച്ച പാടങ്ങളും പടർന്നു പന്തലിച്ച് നിൽക്കുന്ന മരങ്ങളും ധാരാളമുള്ളത് കൊണ്ട് മീനാക്ഷിപ്പുരത്ത് നട്ടുച്ചയ്ക്കും തണുത്ത കാറ്റ് വീശും….. ആ കാറ്റും കൊണ്ടുള്ള മയക്കത്തിൽ നിന്നും ഉണർന്നത് ആരോ വന്ന് വിളിച്ചപ്പോഴാണ്….. നല്ല ഉറക്കമായത് കൊണ്ട് ആരാ എവിടാ എന്താന്നൊക്കെ മനസ്സിലാക്കാൻ അല്പം സമയമെടുത്തു…….

“””””ഡാ പൊട്ടാ……എന്ത് ഉറക്കാടാ…………
അതേ മനസിലായില്ലേ….. ഞാനാ ഉണ്ണി….. ഉണ്ണിമായ””””””
ഉറക്കം തെളിഞ്ഞപ്പോഴാണ് ഉണ്ണിയെ കണ്ടത്, പെണ്ണിനെ ഒട്ടും പ്രതീക്ഷിക്കാതെ കണ്ടപ്പോ എന്തോ വല്ലാത്ത സന്തോഷം തോന്നി…..

“”””ഏത് ഉണ്ണിമായ………………
ഓഹ് നമ്മടെ ദേവകിയമ്മേടെ മോള് ലേ…… പെട്ടെന്നങ്ങ് മനസിലായില്ല ട്ടോ
കുട്ടീ””””
അവളെ കണ്ടപ്പോൾ തോന്നിയ സന്തോഷം പുറത്ത് കാണിക്കാതെ ഞാൻ അവളെ ദേഷ്യം പിടിപ്പിക്കാൻ വേണ്ടി ആദ്യം മനസ്സിലാവാത്ത പോലെയൊക്കെ കളിച്ചുകൊണ്ട് പറഞ്ഞു…..

“””””എടാ പട്ടീ…… നിനക്കെന്നെ മനസിലായില്ല ലേ…… പട്ടി ചെറ്റ തെണ്ടി നാറീ…….””””””
എഴുന്നേൽക്കാൻ ഒരുങ്ങിയ എന്നെ തടങ്ങുകൊണ്ട് മേത്ത് കയറിയിരുന്ന് പെണ്ണ് ചീറി….. ഒപ്പം എന്റെ നെഞ്ചിലെ രോമങ്ങൾ കൂടി പറിക്കാൻ തുടങ്ങിയപ്പോ വേദന സഹിക്കവയ്യാതെ ഞാൻ അവളെ മേത്ത് നിന്ന് കുടഞ്ഞെറിഞ്ഞു……

ഞാൻ അവളെയും അവളെന്നെയും അല്പം ഗൗരവത്തോടെ നോക്കി….
“”””””ഹ…..ഹ…..ഹഹ…ഹഹ…..ഹാഹ്………””””””
രണ്ടുപേരും പരസ്പരം നോക്കി പൊട്ടിച്ചിരിച്ചു…..

“”””അല്ല നീയും നിന്റെ പെമ്പറന്നോത്തീം കൂടെ ഏതോ കുഴീലോക്കെ പോയി വീണൂന്ന് അമ്മ പറഞ്ഞ്….. അതിന്റെയാണോ ഈ തലേ കെട്ട്””””
ചിരി നിർത്തിയിട്ട് ഉണ്ണി ചോദിച്ചപ്പോ ഞാൻ അതെ എന്ന് മൂളി…..

“”””എന്നിട്ട്…… വേറെ ഒന്നും പറ്റീലല്ലോ??”””””
അതിന് ഞാൻ ഇല്ലെന്ന് അർത്ഥത്തിൽ തലയാട്ടി…..

അവളുടെ സംസാരത്തിന് ഞാൻ അധികം ശ്രദ്ധ കൊടുത്തില്ല, ഞാൻ അവളെ തന്നെ ശ്രദ്ധിക്കുകയായിരുന്നു….. പഴയ ഈർക്കിൾ കൊള്ളിയല്ല അവളിപ്പോ, മുഖം തൊട്ട് താഴോട്ട് ഓരോ ഭാഗവും ചീർത്തിട്ടുണ്ട്….. കവിളൊക്കെ ചാടി….

ഒരു വെള്ളയിൽ കറുപ്പും ചുവപ്പും പൂക്കളുള്ള സാരിയാണ് അവളുടെ വേഷം…. അതിനടിയിൽ കറുത്ത ബ്ലൗസിൽ ഒളിഞ്ഞു കിടക്കുന്ന മുലകളും വലുതായിട്ടുണ്ട്, കണ്ടാലേ അറിയാം അന്ന് ഞാൻ കണ്ട നാരങ്ങ മുലകളല്ല അവയിപ്പോൾ….. കണവന്റെ കൈപണിയുടെ ഫലം കാണാനുണ്ട്……. ഹൂ……..

“””””എന്താടാ കൊരങ്ങാ ഇങ്ങനെ നോക്കണേ??”””””
അവളുടെ ശരീരത്തിന്റെ ഓരോ അണുവും വീക്ഷിച്ചുകൊണ്ടിരുന്ന എന്നെ അതിൽ നിന്നും പിന്തിരിപ്പിച്ചത് പെണ്ണിന്റെ ശബ്ദമാണ്….

+426

-180