💘💘ഗൗരിയേട്ടത്തി💘💘 [ Full ] 10അടിപൊളി  

“””ആ….. അതൊക്കെകള….. ഇത്രേം ആയില്ലേ, ഇനി എന്തായാലും എന്റെ കല്യാണം കൂടെ കഴിഞ്ഞിട്ട് മതി എന്തും….. എന്റെ കല്യാണത്തിന് നീയല്ലേ ഓടി നടക്കേണ്ടത്””””

“””പറയുംപോലെ നിന്റെ കല്യാണം ആവാനായി ലേ….”””

“””മ്മ്…. കൃത്യം ഒരു മാസണ്ട്…… അടുത്ത മാസം ഈ ദിവസം മംഗല്യം തന്തുനാനെനാ….”””
കഴുത്തിലൂടെ കയറിട്ട് വലിച്ച് നാവ് പുറത്ത് വരുന്ന പോലെ കാണിച്ചുകൊണ്ടവൾ പറഞ്ഞപ്പോൾ ഞാൻ ഒന്ന് ചിരിച്ചു…. അവളും…..

“””എങ്കി ശരി കാശി… ഞാൻ ചെല്ലട്ടെ, അമ്മ കുറച്ച് പണി പറഞ്ഞീണ്ട്”””

“””മ്മ്…. ശരിയെടി…..”””

അവളോട് യാത്ര പറഞ്ഞ് ഞാൻ കവലയിലേക്ക് ചെന്നു….. സുധിയും വന്നു, ഏട്ടത്തി ഗർഭിണിയാണെന്ന് പറഞ്ഞതും അവൻ എന്നെ ഒരു കള്ള നോട്ടം നോക്കി, എല്ലാം അറിയുന്ന അവൻ കളിയാക്കുകയാണെന്ന് അറിയുന്നത് കൊണ്ട് ഒരു കുത്തങ്ങോട്ട് വെച്ച് കൊടുത്തു…. പിന്നെ കുറച്ച് സംസാരിച്ചിരുന്ന ശേഷം ഞാൻ തിരിച്ച് വീട്ടിലേക്ക് നടന്നു, ഇന്ന് ഞങ്ങൾ വേലുപാറയിലേക്ക് പോയില്ല……
***********

വീട്ടിലെത്തി….. ഇന്ന് ഞാൻ അകത്തും ഏട്ടൻ പുറത്തും കിടക്കേണ്ട ദിവസമാണ്…… അത്താഴം കഴിഞ്ഞ് കുറച്ചു നേരം ഉമ്മറത്തിരുന്ന ശേഷം ഞാൻ മുറിയിൽ പോയി താഴെ പാ വിരിച്ച് കിടന്നു….. അല്പനേരം കഴിഞ്ഞപ്പോൾ ഏട്ടത്തി മുറിയിലേക്ക് കയറി വന്നു, വാതിൽ കുറ്റിയിട്ട ശേഷം വന്ന് മുകളിൽ
കട്ടിലിൽ കയറി കിടന്നു…..
ഏട്ടത്തി കട്ടിലിൽ ചെരിഞ്ഞ് എന്നെ നോക്കി കിടന്നു, ഞാൻ അവരെയും….

“””കാശി……”””
ഏട്ടത്തി പതിയെ വിളിച്ചപ്പോൾ ഞാൻ “”മ്മ്…”” എന്ന് മൂളി വിളികേട്ടു

“””എന്താ നിന്റെ മനസ്സിൽ??”””

“””എന്ത്??”””
ഞാൻ ഏട്ടത്തി ഉദ്ദേശിച്ചത് മനസിലാവാതെ ചോദിച്ചു…

“”””ശിവേട്ടനോടും അമ്മയോടും എല്ലാം തുറന്ന് പറഞ്ഞിട്ട് നിനക്ക് വേറൊരു കല്യാണം കഴിച്ചൂടെ””””

“”””ഹ്മ്…… പോയി പറഞ്ഞാ മതി, ഇപ്പോ തന്നെ വേറെ കെട്ടിച്ച് തരും……””””
ഞാനൊരു പുച്ഛഭാവത്തിൽ പറഞ്ഞു…
ഏട്ടത്തി പിന്നെ കുറച്ചു നേരത്തേക്ക് ഒന്നും ചോദിച്ചില്ല….. അവരോട് പറഞ്ഞിട്ടൊന്നും കാര്യമില്ലെന്ന് അറിയുന്നത് കൊണ്ടാവും….. കക്ഷി കാര്യമായ ചിന്തയിലാണ്….

“”””ഏട്ടത്തീ……. ഏട്ടത്തി വിഷമിക്കണ്ട…. എന്തേലും വഴി തെളിയും…. അത് വരെ ഇങ്ങനെ പോട്ടെ””””
അതിന് ഏട്ടത്തി ഒന്ന് മൂളുക മാത്രം ചെയ്തു…..ഏട്ടത്തിയെ ആശ്വസിപ്പിക്കാൻ പറഞ്ഞെങ്കിലും എനിക്കിപ്പോ അങ്ങനെ ഒരു പ്രതീക്ഷയില്ല…

“”””ഡാ….. നീയെന്തിനാ താഴെ കിടക്കണേ, കട്ടിലിൽ സ്ഥലണ്ട്….. ഇവിടെ കിടന്നൂടെ””””

“”””വേണ്ട…. ഒറ്റയ്ക്ക് കിടന്ന് ശീലായത്ത് കൊണ്ട് ഉറക്കത്തിൽ തിരിഞ്ഞും മറിഞ്ഞും ഒക്കെ കളിക്കും, ഈ അവസ്ഥയിൽ ആയോണ്ടാ അല്ലേ രണ്ട് ചവിട്ട് തരാൻ എനിക്കി വിരോധോന്നൂല്ല്യ”””
ഞാൻ പറഞ്ഞത് കേട്ട് ഏട്ടത്തി അടക്കി പിടിച്ച് ചിരിച്ചു…. പിന്നെ എപ്പോഴോ ഞങ്ങൾ ഉറക്കത്തിലേക്ക് വഴുതി വീണു….
**********

അടുത്ത ദിവസം തൊട്ട് ഞാൻ പറമ്പിൽ ആത്മാർത്ഥമായി പണിയെടുത്തെങ്കിലും കഴിഞ്ഞ ദിവസങ്ങളിലെ പോലെ ആരോടും മിണ്ടാതെ നടന്നില്ല…. സൂര്യാസ്തമയത്തിന് ശേഷമുള്ള ചാത്തൻ സേവയും കുറച്ചു….. പ്രധാന കാരണം ഏട്ടത്തിയും ഞാനും പഴയത് പോലെ കൂട്ടായത് തന്നെയാണ്…….
എല്ലാത്തിലും ഉപരി ഞങ്ങടെ വീട്ടിൽ പുതിയ അതിഥി വരാൻ പോവല്ലേ, അതിന്റെ ഒരു ആവേഷമായിരുന്നു………
ഞാൻ അമ്മായി പറഞ്ഞ് തന്നത് വെച്ച് ഗർഭിണി ആയിരിക്കുമ്പോൾ കഴിക്കേണ്ട ഭക്ഷണങ്ങൾ എല്ലാം തേടി പിടിച്ച് വാങ്ങി കൊണ്ടുവന്ന് ഏട്ടത്തിയെ കൊണ്ട് കഴിപ്പിക്കും…. പിന്നെ കാല് വേദനയുണ്ടെന്ന് പറഞ്ഞത് കൊണ്ട് രാത്രി ചൂട് പിടിച്ചു കൊടുക്കാൻ തുടങ്ങി, അങ്ങനെ ഓരോന്നുമായി ഇപ്പോ തന്നെ ഗർഭിണിയുടെ പരിചരണം പൂർണമായും ഞാൻ ഏറ്റെടുത്ത് കഴിഞ്ഞു…… പിന്നെ ഇപ്പോ ഒന്നരാടൻ പരിപാടിയില്ല, ഏട്ടനിപ്പോ സ്ഥിരം തിണ്ണയിലാണ് കിടപ്പ്… ഞാൻ ഏട്ടത്തിയുടെ കൂടെ മുറിയിലും…….
അങ്ങനെ ഒരു മാസം കടന്നുപ്പോയി….
*************