💘💘ഗൗരിയേട്ടത്തി💘💘 [ Full ]അടിപൊളി  

“”””””ഞാനായിട്ട് ഒരു പെണ്ണിന്റെ ജീവതം തുലച്ചൂന്ന് കരുതിയതാ…… പക്ഷെ ഞാൻ തുലച്ച ജീവിതം എന്റെ അനിയൻ കൊടുത്തു……”””””””

“””””ഏട്ടൻ എന്തൊക്കെയാ ഈ പറേണേ??….. എനിക്കൊന്നും മനസിലാവുന്നില്ല””””””
സാധാരണ പറയാനുള്ളത് നേരെ മുഖത്ത് നോക്കി പറയുന്ന ശിവേട്ടൻ വളഞ്ഞ് ചുറ്റി മനുഷ്യന് മനസ്സിലാവാത്ത പോലെ ഓരോന്നും പറയുന്നത് കേട്ട് ക്ഷമ നശിച്ച് ഞാൻ ചോദിച്ചു…

ഞാനത് ചോദിച്ചപ്പോ കുറച്ചു നേരം മൗനം പാലിച്ച ശേഷം ഒന്ന് ശ്വാസം വലിച്ച് വിട്ടിട്ട് ശിവേട്ടൻ പറഞ്ഞു

“”””””എനിക്കൊരു ഇഷ്ടം ണ്ടായിരുന്നു……. നിനക്ക് അറിയോന്ന് അറീല്ല, നമ്മടെ അരവിന്ദന്റെ പെങ്ങള് അനിത……… ഞങ്ങള് തമ്മിൽ ഇഷ്ടത്തിലായിരുന്നു……………. പക്ഷെ അവൾടെ വീട്ടില് കല്യാണം ഉറപ്പിച്ചപ്പോ എനിക്കന്ന് ഒന്നും ചെയ്യാൻ പറ്റീല, നമ്മടെ വീട്ടിലെ അവസ്ഥ അങ്ങനായിരുന്നു…… ചെറിയച്ഛൻ വയ്യാതെ കിടക്കുന്ന സമയം………. ഒന്നും ഇല്ലാതായ ആ കാലം……. എനിക്കൊന്നും ചെയ്യാൻ പറ്റീല………””””””””
അത് പറയുമ്പോ ആദ്യായിട്ട് എന്റെ ഏട്ടന്റെ കണ്ണ് നിറയുന്നത് ഞാൻ കണ്ടു… ശിവേട്ടന് ഇങ്ങനൊരു പ്രണയം ഒക്കെ ഉണ്ടായിരുന്നു എന്ന് വിശ്വസിക്കാനെ പറ്റുന്നില്ല, കാരണം ഞാൻ ഓർമ്മ വെച്ചത് തൊട്ട് കാണുന്നത് ഈ ഒന്ന് പറഞ്ഞ് രണ്ടിന് ദേഷ്യം പിടിക്കുന്ന, മുഴുവൻ നേരം പറമ്പിൽ പണിയെടുക്കുന്ന മറ്റൊന്നിനോടും താല്പര്യമില്ലാത്ത ഏട്ടനെയാണ്…..

പെട്ടെന്ന് നിറഞ്ഞു വന്ന കണ്ണ് തുടച്ചിട്ട് ഏട്ടൻ ബാക്കി പറഞ്ഞ് തുടങ്ങി….
“”””””അന്നവളെ എനിക്ക് വിട്ട്കളയേണ്ടി വന്നു……. അവളെ വേറൊരാൾ കെട്ടികൊണ്ട് പോയി……
അന്ന് തൊട്ട് പിന്നെ ഞാൻ എല്ലാ വിഷമങ്ങളും മറക്കാൻ വേണ്ടി മുഴുവൻ നേരം പറമ്പിലിറങ്ങാൻ തുടങ്ങി, നശിച്ചോണ്ടിരുന്ന നമ്മടെ പറമ്പിനെ അച്ഛന്മാരെ ആയ കാലത്ത് ഉണ്ടായത് പോലെ തിരിച്ച് കൊണ്ടോന്നു……… അങ്ങനെ ഇനിയെന്റെ ജീവിതം ഈ പറമ്പീ കിടന്ന് പണിയെടുത്ത് തീർത്താ മതീന്ന് കരുതി ഇരിക്യുമ്പോഴാ അമ്മേം അമ്മാവന്മാരും കൂടെ കല്യാണകാര്യം പറഞ്ഞ് ശല്യം ചെയ്യാൻ തുടങ്ങിയെ……… ഒടുക്കം സഹികെട്ട് ഗൗരീം ആയുള്ള കല്യാണത്തിന് സമ്മതിക്കേണ്ടി വന്നു……. അതാ ഞാൻ പറഞ്ഞെ ഗൗരിയോട് ചെയ്ത തെറ്റ്…….
കല്യാണം കഴിഞ്ഞെങ്കിലും എനിക്കവളെ ഒരിക്യലും ഭാര്യയായി കാണാൻ പറ്റീട്ടില്ല………. ഒരിക്യലും….””””””

ഞാൻ ഏട്ടൻ പറയുന്നതെല്ലാം കേട്ട് ഇരുന്നു……
ശിവേട്ടനുമായിട്ട് ഒരിക്കലും ഭാര്യാഭർത്തൃ ബന്ധം ഉണ്ടായിട്ടില്ലെന്ന് ഏട്ടത്തി പറഞ്ഞിരുന്നെങ്കിലും അതിന്റെ കാരണം ഇപ്പോഴാണ് മനസ്സിലായെ…. കല്യാണം കഴിഞ്ഞിട്ടും ശിവേട്ടന് ആ അനിതയെ മറക്കാൻ കഴിഞ്ഞിട്ടില്ല, അതുകൊണ്ട് തന്നെ ഗൗരിയേട്ടത്തിയെ ഭാര്യയായി കാണാനും പറ്റീല…….. താൻ കാരണം നശിച്ചുപോയി എന്ന് കരുതിയ ആ പാവം പെണ്ണിന്റെ ജീവിതം രക്ഷിക്യാനാവും ആ ആചാരത്തിന്റെ പേരും പറഞ്ഞ് ഗൗരിയേട്ടത്തിയെ എന്നെകൊണ്ട് കെട്ടിച്ചേ….. എന്തായാലും എല്ലാം എനിക്ക് നല്ലതായി തന്നെയാണ് വന്നത്, എനിക്കെന്റെ പെണ്ണിനെ കണ്ടുമുട്ടാൻ ഏട്ടന്റെ പ്രേമവും പ്രേമനൈരാശ്യവും എല്ലാം കാരണമായി….. ഇല്ലേ എന്റെ ഗൗരിപെണ്ണിനെ ഈ ജന്മത്തിലെനിക്ക് കണ്ടുമുട്ടാൻ പറ്റുമായിരുന്നു എന്ന് തോന്നുന്നില്ല…..

“”””””””കാശീ……..””””””
ശിവേട്ടന്റെ പതിഞ്ഞ സ്വരത്തിലുള്ള വിളി കേട്ടാണ് ഞാൻ ചിന്തകൾ അവസാനിപ്പിച്ചത്…

“””””എന്താ ഏട്ടാ??”””””
അത്രേം ആത്മാർത്ഥമായിട്ട് ഞാനാധ്യമായിട്ട് ആയിരിക്കും അങ്ങേരെ ഏട്ടാ ന്ന് വിളിക്കുന്നത്

“””””ഗൗരിയേം നിങ്ങടെ കുഞ്ഞിനേം പിന്നെ നമ്മടെ അമ്മേം ഒക്കെ നീ എന്നും പൊന്നുപോലെ നോക്കണം…. അവർക്കാർക്കും ഒരു കുറവും ണ്ടാവാതെ നോക്കണം……. അതിന് വേണ്ടതൊക്കെ നമ്മടെ പറമ്പിലുണ്ട്…… നിനക്ക് താല്പര്യം ഇല്ലേ പണിക്കാരെ നിർത്തിയാലും മതി……””””””
“”””””ഏട്ടനെന്തൊക്കെയാ ഈ പറേണെ…… ഏട്ടൻ എങ്ങോട്ട് പോവാ??”””””””
ഞാൻ ഇടയ്ക്ക് കയറി ചോദിച്ചു….

“”””””അനിതേടെ ഭർത്താവ് മരിച്ചിട്ട് ഇപ്പോ രണ്ട് കൊല്ലത്തിന് മേലെയായി……അവളിവിടെ വീട്ടിലുണ്ട്….. പക്ഷെ ഈയടുത്താ ഞാനറിഞ്ഞേ……
ഇപ്പോ അവൾക്ക് വേറെ കല്യാണം ആലോചിക്കുന്നുണ്ട്…….അതോണ്ട്………….

ഞാൻ ഏട്ടൻ പറഞ്ഞോണ്ടിരിക്കുന്നതിന് ഇടയ്ക്ക് കയറി

“””””””അരവിന്ദേട്ടനോട് നമ്മക്ക് സംസാരിക്കാ……… ഏട്ടൻ എങ്ങോട്ടും പോവരുത്, ഏട്ടൻ ഇവിടെ….. ഈ മീനാക്ഷിപ്പുരത്ത് തന്നെ വേണം, നമ്മടെ പറമ്പോക്കെ വിട്ട് ഏട്ടന് വേറൊരിടത്തേക്ക് പോവാൻ പറ്റോ??”””””

“””””അത് വേണ്ട മോനെ…… ഞാനിവിടെ ണ്ടായാ അത് നിങ്ങക്കും ഒരു ബുദ്ധിമുട്ടാവും…….. നാട്ടാര് വേറെ ഓരോന്നും പറഞ്ഞ് നടക്കും”””””””

“”””””അതിന് ഏട്ടൻ പോവണ്ട…… ഞങ്ങള് പോവാം, ഈ മീനാക്ഷിപുരം വിട്ട്…….””””””

“””””ഏയ്….അത് ശരിയാവൂല്ല”””””””

“”””””അല്ല ഏട്ടാ…..അതാണ് ശരി……. ഈയൊരു കാര്യത്തെ കുറിച്ച് ഞാൻ ഏട്ടനോട് പറയാനിരിക്യായിരുന്നു…….
ഞങ്ങൾക്ക് രണ്ടുപേർക്കും ഇവിടം വിട്ട് മറ്റൊരു നാട്ടിൽ പോയി ജീവിക്യാൻ ആഗ്രഹണ്ട്………… അത് ഏട്ടനിവിടെ ഉള്ളോണ്ടല്ല, ഞങ്ങടെ കുഞ്ഞിന്റെ ഭാവി ഓർത്താ….. നമ്മളൊക്കെ കേട്ട് വളർന്ന പോലെ ആചാരത്തിന്റെ പേരിലുള്ള പരിഹാസം അവൻ കേൾക്കേണ്ടി വരാതിരിക്യാൻ ഞങ്ങള് ഇവിടെ വിട്ട് പോവുന്നതാ നല്ലത്……””””””

“”””””ഡാ…..എന്നാലും??””””””

“””””ഒരെന്നാലുമില്ല…….. ഈയൊരു കാര്യത്തിൽ ഏട്ടൻ ഞാൻ പറയണത് കേൾക്കണം””””””
ഇരുകൈ കൊണ്ടും ഏട്ടന്റെ കയ്യിൽ ചേർത്തു പിടിച്ചോണ്ട് ഞാനത് പറയുമ്പോ ശിവേട്ടന്റെ കണ്ണിൽ നിന്നും ഒരു തുള്ളി കണ്ണീർ ഒലിച്ചിറങ്ങുന്നുണ്ടായിരുന്നു…..
ഇത്രേം പാവായിരുന്നോ എന്റെ ഏട്ടനെന്ന് തോന്നിപ്പോയി, ഉള്ളിലുള്ള വിഷമം മറയ്ക്കാൻ എടുത്തണിഞ്ഞ മുഖംമൂടി ആയിരിക്കണം ഞാൻ കണ്ടിരുന്ന ആ ദേഷ്യോം മുരടൻ സ്വഭാവോം എല്ലാം……
“”””””നാളെ തന്നെ അരവിന്ദേട്ടനെ കണ്ട് പെണ്ണ് ചോയ്ക്യാൻ പോവാ….. ലേ ഏട്ടാ”””””””
ഞാൻ ആവേശത്തോടെ ചോദിച്ചപ്പോ കക്ഷി വെറുതെ എന്നെ നോക്കിയൊന്ന് പുഞ്ചിരിച്ചു……

പിന്നേം കുറച്ചു നേരം ഞങ്ങൾ വേറേം ഒരോ കാര്യങ്ങൾ പറഞ്ഞ് അങ്ങനെ ഇരുന്നു….അതിനിടെ അരവിന്ദന്റെ ഭാര്യ സുലോചനയുമായി ശിവേട്ടന് എടപ്പാടുണ്ടെന്നൊക്കെ നാട്ടാര് നാറികള് പറഞ്ഞ് നടക്കുന്ന കാര്യമൊക്കെ കേട്ടപ്പോ ശിവേട്ടൻ പൊട്ടിച്ചിരിച്ചു, ശിവേട്ടൻ ആ അനിതയെ കാണാൻ അവിടെ പോയത് കണ്ട് ഏതോ മഹാൻ കെട്ടിച്ചമച്ച കഥയാണ് അന്ന് സുധി എന്നോട് പറഞ്ഞെന്ന് മനസ്സിലായി… ശിവേട്ടൻ ഓരോന്നും കേട്ട് ചിരിക്കുകയായിരുന്നു, ആദ്യമായാ ഏട്ടനെ അങ്ങനെ കണ്ടേ…..

ഗോമതിപ്പുഴയുടെ തീരത്ത് നിന്നും വീട്ടിലേക്ക് മടങ്ങുമ്പോൾ ഉള്ളിൽ പറഞ്ഞറിയിക്കാൻ കഴിയാത്തത്ര സന്തോഷമായിരുന്നു…… ഞാൻ ഒരിക്കലും കരുതിയിരുന്നില്ല ശിവേട്ടന്റെ കൂടെ ഇങ്ങനൊക്കെ അടുക്കാൻ പറ്റൂന്ന്….. എന്തൊക്കെ വന്നാലും നാളെ തന്നെ അരവിന്ദേട്ടനോട് സംസാരിച്ച് ഏട്ടന്റെ കാര്യത്തിലൊരു തീരുമാനം ഉണ്ടാകണമെന്ന് ഞാൻ ഉറപ്പിച്ചു….. അത് കഴിഞ്ഞ് വേണം ഏട്ടന്റേം അമ്മേടേം അനുഗ്രഹം വാങ്ങി എന്റെ പെണ്ണിനേം കുഞ്ഞിനേം കൊണ്ട് ഈ മീനാക്ഷിപുരം വിടാൻ….
**********

+426

-180