💘💘ഗൗരിയേട്ടത്തി💘💘 [ Full ] 10അടിപൊളി  

“”””സത്യാഡി…… ഇപ്പോ നിന്റെ രമേശേട്ടനെ പിടിച്ച് രണ്ടെണ്ണം പൊട്ടിച്ചിട്ട് നിന്നെ ഇങ്ങോട്ട് കൂട്ടി കൊണ്ടോന്നാലോ ന്ന് വരെ തോന്നി പോവാ””””

“””””അയ്യടാ അത് വേണ്ട…… വേണെങ്കില് മ്മക്ക് രമേശേട്ടനോട് സംസാരിക്കാ, പുള്ളിക്ക് സമ്മതാണെങ്കിൽ നീയും കൂടെ എന്നെ കെട്ടിക്കോ…….. ഞാൻ നിങ്ങടെ രണ്ടാടേം കൂടെ ജീവിച്ചോളാ”””””
“””””ഏയ് അത് ശരിയാവൂല്ല…… നമ്മകെടേല് വേറെ ആരും വേണ്ട….. ഞാനും നീയും മാത്രം”””””
ഞാൻ അല്പം പ്രണയാത്മകമായി പറയാൻ ശ്രമിച്ചു….

“””””മതിയെടാ ചളമാക്കിയത്……. ഇത് കണ്ടിട്ട് ഏതോ നാടകത്തില് അഭിനയിക്കണ പോലെ ണ്ട്””””
പെട്ടെന്ന് അവള് ചിരിച്ചോണ്ട് പറഞ്ഞപ്പോ ഞാൻ മെല്ലെ വാതിലിന് നേരെ നോക്കി, ഏട്ടത്തി അവിടെ ഇല്ല…

“”””പേടിക്കണ്ട…. പുള്ളികാരി സ്ഥലം വിട്ടു”””””
ഞാൻ ഒന്ന് ശ്വാസം വലിച്ച് വിട്ടിട്ട് തിണ്ണയിൽ ഇരുന്നു….. ഉണ്ണി കരുതുന്ന പോലെ ഏട്ടത്തിക്ക് അസൂയയൊന്നും തോന്നുന്നില്ല, കക്ഷി ഞങ്ങളെ സ്വസ്ഥമായി സംസാരിക്കാൻ വിട്ടിട്ട് ഒഴിഞ്ഞ് പോവുകയാണ് ചെയ്തത്…..

“””””ഛെ….. നീ വിഷമിക്കല്ലേ ഡാ…. നമ്മള് സംസാരിക്കുന്നത് കേട്ടിട്ട് ദേഷ്യോം സങ്കടോം ഒക്കെ വന്നിട്ടാവും ഗൗരിയേച്ചി പോയത്….. ഇതേ പോലെ പോയ്യാ രണ്ട് ദിവസം വേണ്ടി വരൂല്ല””””””
ഉണ്ണി വീണ്ടും ആത്മവിശ്വാസത്തോടെ പറഞ്ഞു…..
***

പക്ഷെ അവളുടെ ആത്മവിശ്വാസം വെറുതെ ആയിരുന്നു എന്ന് അടുത്ത രണ്ട് ദിവസങ്ങൾ കൊണ്ട് ഞങ്ങൾക്ക് ബോധ്യമായി…… പരമാവധി ഏട്ടത്തിയുടെ മുന്നിൽ വെച്ച് ഞങ്ങൾ അടുത്തിടപഴകി എങ്കിലും ഏട്ടത്തിയുടെ ഭാഗത്ത് നിന്നും പ്രതികരണം ഒന്നും ഉണ്ടായില്ല….. പുള്ളിക്കാരിക്ക് അതിലൊന്നും ഒരു പ്രശ്ണോം ഇല്ലായിരുന്നു…. എന്തിന് അതൊന്നും കണ്ടിട്ട് ഒരു ഭാവമാറ്റം പോലും ഏട്ടത്തിയിൽ കാണാൻ സാധിച്ചില്ല….
******************

അങ്ങനെ ഉണ്ണിക്ക് മടങ്ങി പോവാനുള്ള ദിവസമായി…..

“”””കാശീ…..””””
കട്ടിലിൽ കിടന്ന് കുഞ്ഞനെ കളിപ്പിക്കുമ്പോഴാണ് ഉണ്ണി വന്ന് വിളിച്ചത്, പെണ്ണ് പോവാൻ ഒരുങ്ങിയാണ് വന്നത്…
“”””ആഹ്….. നീ ഇറങ്ങാറായോ??””””

“”””ആ പോണം…. ഇപ്പോ ഇറങ്ങിയാലേ ഇരുട്ടുന്നെന് മുന്നെ അവിടെ എത്തൂ…””””
അവൾ മെല്ലെ പറഞ്ഞു….. വിചാരിച്ച പോലെ മടങ്ങി പോവുന്നതിന് മുന്നെ ഞങ്ങടെ കാര്യത്തിൽ ഒരു തീരുമാനം ഉണ്ടാക്കാൻ സാധിക്കാത്തതിന്റെ വിഷമം ആ മുഖത്തുണ്ട്….. പാവം…..

“””””നീ സന്തോഷായിട്ട് പോ പെണ്ണേ…… എനിക്കൊരു വിഷമോം ഇല്ല, പിന്നെ നീയെന്തിനാ ഇങ്ങനെ സങ്കടപ്പെടുന്നേ…മ്മ്??”””””
ഉള്ളിലെ നീറ്റൽ പുറത്ത് കാണിക്കാതെ ഞാൻ അവളോട് പറഞ്ഞു…

“”””കാശീ….. ചെറുപ്പം തൊട്ട് കാണുന്നതാ ഞാൻ നിന്നെ, എനിക്ക് മനസ്സിലാവും നിന്റെ ഉള്ള്…….””””
ഞാൻ അതിന് മറുപടി ഒന്നും പറയാതെ ഒന്ന് പുഞ്ചിരിച്ചു, ഒരുപാട് സന്തോഷം തോന്നി അത് കേട്ടപ്പോ…

“”””ഗൗരിയേച്ചി എവിടെ??””””

“”””പിന്നില് ആ താറാകൂട്ടത്തിന്റെ അടുത്ത് എങ്ങാനും കാണും””””

“””””എങ്കി ശരിയെടാ….ഞാനൊന്ന് പോയി ചേച്ചീനെ കണ്ടിട്ട് വരാ….”””””
അവളത് പറഞ്ഞപ്പോ ഞാൻ അവളെ ഒന്ന് സൂക്ഷിച്ച് നോക്കി, ഏട്ടത്തിയെ കാണാൻ പോവുന്നത് വെറും യാത്ര പറച്ചിലിന് ആണോ അതോ വേറെ വല്ല ഉദ്ദേശവും ഉണ്ടോ എന്നൊരു സംശയം….

ഉണ്ണി ഏട്ടത്തിയെ കാണാൻ വേണ്ടി പോയി, ഞാൻ വീണ്ടും കുഞ്ഞനെ ശ്രദ്ധിക്കാൻ തുടങ്ങി……… ചെക്കന് ഒന്നും മനസിലാവുന്നില്ലേലും ഞാനോരോ ഒച്ച ഉണ്ടാക്കുമ്പോ മോണയും കാട്ടി ചിരിക്കുന്നുണ്ട്…. ചിരിക്കുമ്പോ ഇരുകവിളിലും തെളിയുന്ന നുണക്കുഴി, അതായിരിക്യും എല്ലാര്ക്കും ഇവനെ കാണുമ്പോൾ എന്റെ കുട്ടി പതിപ്പായി തോന്നാൻ കാരണം…….

“””””അച്ഛന്റെ കുഞ്ഞൂസേ……….”””””
അതിനും അവൻ ചിരിക്കുന്നു….

“”””കുഞ്ഞൂസ് എന്നെ അച്ഛാന്ന് വിളിച്ചാ മതീട്ടോ….. ഇവരെല്ലാരും പറയണ പോലെ ചെറിയച്ഛൻ വേണ്ട….. മോന് ഒറ്റ അച്ഛനെ ഉണ്ടാവു, അത് ജന്മം തന്നതല്ലേലും ഈ ഞാനായിരിക്കും””””