💘💘ഗൗരിയേട്ടത്തി💘💘 [ Full ]അടിപൊളി  

“””””അതൊക്കെ നമ്മക്ക് ശരിയാക്കാടി……. അമ്പിനും വില്ലിനും അടുക്കില്ലെന്ന് കരുതിയ കാശിയേം പെണ്ണിനേം നമ്മള് ഒന്നിപ്പിച്ചിലേ…..എന്തായാലും ശിവനേം അവളേം ഒന്നിപ്പിക്കാൻ അത്ര പണിയുണ്ടാവില്ല”””””””
ദേവകി പറയുന്നത് കേട്ട് എനിക്കവരെ പിടിച്ച് കുഴീലിട്ട് മൂടാൻ തോന്നി, എന്റെ പെണ്ണിനെ കൂട്ടികൊടുക്കാനുള്ള പശയൊന്നും നിന്റേം നിന്റെ കെട്ട്യോന്മാരേം കയ്യിലിലെഡീ തള്ളേ…..

എന്തായാലും ഇനീം വീട്ടിൽ തന്നെ നിന്ന് ഇപ്പോ അമ്മയെ കൊണ്ട് പറയിപ്പിച്ച പോലെ നാളെ നാട്ടുകാരെ കൊണ്ടും പറയിപ്പിക്കണ്ട എന്ന് കരുതി പറമ്പിലേക്ക് പോവാമെന്ന് കരുതി….. പിന്നെ എന്റേം ഏട്ടത്തീടേം കാര്യം തഞ്ചത്തിൽ ഏട്ടനോട് പറയേം വേണം, പറമ്പില് വെച്ചല്ലേ അങ്ങേരെ ശരിക്കും കാണാൻ കിട്ടൂ……
************

“””””ഉമ്മ……….””””””
പറമ്പിലേക്ക് പോവാൻ നേരം ഏട്ടത്തിയുടെ കയ്യിൽ സുഖിച്ച് കിടക്കുന്ന കുഞ്ഞന്റെ കവിളിലൊരു ചുംബനം കൊടുത്തു…

“”””””വേണോ??””””””
കുഞ്ഞന് കൊടുത്തത് പോലെയൊന്ന് വേണോ ന്ന് ചോദിച്ചപ്പോ ഏട്ടത്തി കണ്ണുരുട്ടി കൊണ്ട് അമ്മ നിൽക്കുന്നു എന്ന് ആംഗ്യം കാണിച്ചു….

“””””എന്നാ ഞാൻ പോട്ടെ??”””””
അതിന് കക്ഷി തലയാട്ടി ചിരിച്ചോണ്ട് സമ്മതം മൂളി…

“”””””മതിയെടാ യാത്ര പറഞ്ഞേ……. വൈകീട്ട് നീ ഇങ്ങോട്ട് തന്നല്ലേ വരാ””””””
അമ്മേടെ വായീന്ന് കേട്ടപ്പോ സമാധാനമായി, കൂടുതൽ നിന്ന് തിരിയാതെ ഞാൻ ഇറങ്ങി….. ഒപ്പം അമ്മയും…
പറമ്പിലെത്തുന്നത് വരെ അമ്മ ഓരോന്നും പറഞ്ഞോണ്ടിരുന്നു, ഞാനതെല്ലാം കേട്ട് മൂളിക്കൊണ്ട് ഒപ്പം നടന്നു…… ഞാൻ ചിന്തിച്ചത് മൊത്തം ഏട്ടത്തിയേം കുഞ്ഞനേം കൂട്ടി ഈ മീനാക്ഷിപ്പുരം വിട്ട് മറ്റൊരിടത്തേക്ക് പോവുന്നതിനെ കുറിച്ചാണ്…… ഏട്ടത്തിയെന്റെ കൂടെ വരാമെന്ന് സമ്മതിച്ചതോടെ ഏറ്റവും വലിയ കടമ്പ കടന്നു, ഇനീപ്പം ഏട്ടനേം അമ്മയേം കാര്യങ്ങള് പറഞ്ഞ് ബോധിപ്പിക്കുക എന്നതാണ്…… ഹാ വഴിയേ പറയാം….
എന്തായാലും അമ്മയോട് ആദ്യം പറയണ്ട, അത് ശരിയാവില്ല….. ശിവേട്ടനോട് പറഞ്ഞിട്ട് പുള്ളി വഴി തന്നെ അമ്മയെ അറിയിക്കണം……. ഇപ്പോ മുന്നത്തെ പോലെ ശിവേട്ടനോട് സംസാരിക്കാൻ എനിക്ക് വല്യ ഭയമൊന്നും തോന്നുന്നില്ല……
ഒന്ന്, ഞാൻ ഒരുപാട് ആഗ്രഹിച്ച പോലെ ഞാൻ ആഗ്രഹിച്ച പെണ്ണ് എന്റെ മാത്രം ആയിരിക്കുന്നു… അതെനിക്ക് ഒരുപാട് ധൈര്യം നല്കുന്നുണ്ട്…..
പിന്നെ, ശിവേട്ടൻ ഇപ്പോ പഴയ പോലെ അങ്ങനെ മൂഷേട്ട സ്വഭാവം ഒന്നും കാണിക്കുന്നില്ല, ആളാകെ ഒന്ന് ഒതുങ്ങിയ പോലെയുണ്ട്….. അതൊക്കെയാണ് അമ്മയോട് പറയുന്നതിലും നല്ലത് ഈ കാര്യം പറഞ്ഞാ പിന്നേം മനസ്സിലാവാൻ സാധ്യതയുള്ള ശിവേട്ടനോട് തന്നെ പറയാമെന്ന് തോന്നിയത്……
***

പറമ്പിൽ പണിയെടുക്കുമ്പോഴും മനസ്സ് വീട്ടിലായിരുന്നു, എന്റെ കുഞ്ഞന്റേം ഏട്ടത്തീടേം ഒപ്പം…….

“”””””എന്താ കാശി കുഞ്ഞേ…… ഈ ലോകത്തൊന്നുമല്ലേ??””””””
പറമ്പിൽ ഇടയ്ക്ക് സഹായത്തിന് വരുന്ന ശങ്കു അണ്ണനത് ചോദിക്യുമ്പോ കൈകോട്ടും പിടിച്ചോണ്ട് ഏട്ടത്തിയുടെ രാവിലെ കണ്ട കള്ളിമുണ്ട് മാത്രമിട്ട റൂപോം ഓർത്ത് നിൽപ്പായിരുന്നു ഞാൻ…. അത് കേട്ട് മറ്റ് പണിക്കാരൊക്കെ ചിരിക്യാൻ തുടങ്ങിയപ്പോ ഞാനെല്ലാരേം നോക്കി ഒരു ഇളിഞ്ഞ ചിരി സമ്മാനിച്ചു…..
പിന്നെ കൂടുതൽ നിന്ന് പൊട്ടനാവാതെ പണിയിൽ ശ്രദ്ധിച്ചു, വൈകുന്നേരം വരെ അലറചിലറ പണിയൊക്കെ എടുത്ത് പിടിച്ച് നിന്നു……. ഇപ്പോ വീണ്ടും പഴേ പോലെ മണ്ണിലിറങ്ങി പണിയെടുക്കാൻ മടിയായിട്ടുണ്ട്…..

“””””പെണ്ണിനെ കിട്ടിയപ്പോ നിനക്ക് മണ്ണ് വേണ്ടാ…..ലേ ഡാ തെണ്ടി””””””
എന്ന് ആരോ ഉള്ളീ കിടന്ന് ചോദിക്കുന്നുണ്ടായിരുന്നു…….

വൈകുന്നേരം അമ്മേടെ കൂടെ മടങ്ങാമെന്ന് കരുതിയെങ്കിലും ശിവേട്ടൻ ഒരു പണി തന്നപ്പോ അതിന്റെ പിന്നാലെ പോയിട്ട് സമയം പോയി….. ഒടുക്കം നേരം ഇരുട്ടാൻ തുടങ്ങിയപ്പോഴാണ് പറമ്പീന്ന് മടങ്ങാൻ പറ്റിയുള്ളു….. ശിവേട്ടനും
ഞാനും ഒരുമിച്ചാണ് പറമ്പീന്ന് ഇറങ്ങിയത്, വീട്ടിലേക്ക് പോവുന്ന വഴി മുന്നിൽ നടക്കുന്ന ശിവേട്ടനോട് കാര്യങ്ങൾ പറയണമെന്ന് ഉണ്ടായിരുന്നുവെങ്കിലും എന്തോ കാര്യായിട്ട് ആലോചിച്ച് കൂട്ടി നടക്കുന്ന അങ്ങേരോട് സംസാരിക്കാനുള്ള ധൈര്യം ഞാൻ പ്രതീക്ഷിച്ച പോലെ അങ്ങോട്ട് കിട്ടുന്നില്ല….അതോണ്ട് മിണ്ടാണ്ടെ പുറകെ നടന്നു…

“”””””എനിക്കൊരു കാര്യം പറയാൻണ്ട്….. നമ്മക്ക് ആ പുഴ വക്കത്ത് കുറച്ചുനേരം ഇരുന്നാലോ??””””””
പുഴയോരത്തേക്ക് പോവുന്ന വഴി എത്തിയപ്പോ ഞാൻ അങ്ങോട്ട് പറയാനിരുന്ന കാര്യം പുള്ളി ഇങ്ങോട്ട് പറഞ്ഞു…… ആദ്യമൊന്ന് ഞെട്ടിയെങ്കിലും വേഗം തലയാട്ടി ഞാൻ കൂടെ ചെന്നു…

ഗോമതിപ്പുഴയുടെ തീരത്ത് ഇരിക്കുമ്പോൾ പണ്ട് ശിവേട്ടൻ ഇതുപോലെ എന്റേം ഏട്ടത്തീടേം കല്യാണ കാര്യം പറയാൻ എന്നെ വിളിച്ചതാണ് ഓർമ്മ വന്നത്….. ഇന്നും അതുപോലെ എന്തോ കാര്യമായി പറയാനുണ്ടെന്ന് ആ മുഖത്ത് നിന്നും വായിച്ചെടുക്കാം….
ഞാൻ പുള്ളി പറയാൻ പോവുന്നത് കേൾക്കാൻ അക്ഷമനായി കാത്തിരുന്നു, എന്നിട്ട് അവസരം കിട്ടിയാ ഞങ്ങടെ കാര്യവും പറയണം…

“””””കാശീ…….”””””

“”””മ്മ്….”””””
ശിവേട്ടൻ വിളിച്ചപ്പോ ഞാൻ അത്ഭുതത്തോടെ വിളിക്കേട്ടു, കാരണം പുള്ളിയെന്നെ പേര് വിളിക്കുന്നത് അപൂർവമാണ്… അതും ഇത്ര മയത്തിൽ…. അല്ലേ വാടാന്നോ പോടാന്നോ നീയെന്നോ ഒക്കെ തന്നെയാണ് വിളിക്കാറ്…

“””””ഏട്ടൻ നിന്റെ ഇഷ്ടം നോക്കാതെ കല്യാണം നടത്തിയതില്…….ഏട്ടനോട് ദേഷ്യണ്ടോ??””””””
ശിവേട്ടനിൽ നിന്നും അങ്ങനൊരു ചോദ്യം കേട്ടപ്പോ ഞാൻ വീണ്ടും ഞെട്ടി, ഇങ്ങേർക്കിതെന്ത് പറ്റിയാവോ?

“””””മ്മ്??”””””””

“””””ഇല്ല ഏട്ടാ……””””””
ഞാൻ മുഖത്തേക്ക് നോക്കാതെ മറുപടി കൊടുത്തു……

“””””നീയും ഗൗരീം ഭാര്യേം ഭർത്താവുമായി കഴിയുന്നുണ്ടെന്ന് അറിയാ…… എന്നാലും നിന്റെ ഉള്ളില് വിഷമണ്ടോ ന്ന് ഏട്ടനൊരു സംശയണ്ടെര്ന്നു, അതോണ്ട് ചോയ്ച്ചതാ…””””””
ഞാൻ ഒന്നും മിണ്ടാതെ ഏട്ടനെ തന്നെ നോക്കി നിന്നു, ആളുടെ മനസ്സ് ആകെ അസ്വസ്ഥമാണെന്ന് തോന്നുന്നു…

“”””””നിനക്ക് ഗൗരിയെ ഇഷ്ടല്ലേ??”””””
ഏട്ടന്റെ ആ ചോദ്യത്തിന് ഞാൻ അതെ എന്ന് തല കുലുക്കി…. അവളാണെന്റെ ജീവനെന്നും ഞങ്ങളെ ഞങ്ങടെ മാത്രമായ ലോകത്തേക്ക് വിടണമെന്നും പറയണമെന്നുണ്ടായിരുന്നുവെങ്കിലും ഏട്ടന് പറയാനുള്ളത് ആദ്യം കേൾക്കാമെന്ന് കരുതി മിണ്ടിയില്ല…

“”””””അവളെ നീ പൊന്നുപോലെ നോക്കിയാ അതീ ഏട്ടൻ ചെയ്ത തെറ്റിനുള്ള പരിഹാരാവും”””””
ഞാനങ്ങേരെ സംശയത്തോടെ നോക്കി, ഒന്നും മനസിലാവാതെ…

“””””””ഗൗരി നിന്റെ കുഞ്ഞിന്റെ അമ്മയാവാന്ന് അറിഞ്ഞപ്പോ ഏറ്റവും സന്തോഷിച്ചത് ഞാനാ……….അറിയോ??”””””””
ഞാനപ്പോഴും ഒന്നും മനസ്സിലാവാതെ വാ പൊളിച്ച് ഇരുന്നു….

+426

-180