💘💘ഗൗരിയേട്ടത്തി💘💘 [ Full ] 10അടിപൊളി  

“”””എന്തിന്റെ കേടാടാ നിനക്ക്…… വെറുതെ ചെറിയ മക്കളെ ചൊറിയാൻ”””
ആ പയ്യന്റെ ഓട്ടം നോക്കി ഇളിക്കുന്ന സുധിയോട് ഞാൻ പറഞ്ഞു

“””ഒരു രസല്ലേ….”””

“””ആ ചെക്കൻ ഇപ്പോ അതേ പോലെ പോയി അവന്റെ അമ്മേനോട് പറയും…… അപ്പോ പിന്നെ നല്ല രസാവും”””
ഞാൻ അവനൊരു മുന്നറിയിപ്പ് കൊടുത്തെങ്കിലും അവനൊരു കൂസലുമില്ല…..

“””അത്‌ തന്നെയാണ് മോനേ എനിക്ക് വേണ്ടേ….”””

“””എന്ത്??””
ഞാൻ അവൻ ഉദ്ദേശിച്ചത് മനസിലാവാതെ ചോദിച്ചു…

“””അതൊന്നൂല്യാ……നിന്നെ മായ വിളിക്കുന്നില്ലേ…. പോയി നോക്ക്”””
“””ആ അത് മറന്നു…. ഞാൻ പോയി നോക്കട്ടെ”””
എന്നും പറഞ്ഞ് ഞാൻ എഴുന്നേറ്റ് ഉണ്ണിയെ തിരക്കി ഇറങ്ങി…..
******

എന്നെ കാത്തെന്ന പോലെ ഉണ്ണി വീടിന്റെ പുറകുവശത്ത് തന്നെ നിൽപ്പുണ്ടായിരുന്നു….

“”””എന്താടി വിളിച്ചേ??””””

“””അതൊക്കെ പറയാം….. നീയൊന്ന് നിങ്ങടെ പറമ്പിലേക്ക് ചെല്ല്….. ഞാൻ അങ്ങോട്ട് വരാ”””
ചുറ്റും കണ്ണോടിച്ച ശേഷം ആരും ശ്രദ്ധിക്കുന്നില്ലെന്ന് ഉറപ്പുവരുത്തി കൊണ്ടാണ് അവളത് പറഞ്ഞത്….

“””ഈ നേരത്തോ……. അതെന്തിനാ?? നീ കാര്യം പറ പെണ്ണേ??”””

“””ഓ….. കാര്യം അറിഞ്ഞാലേ നീ വരൂളു ലേ…… ശരി എന്നാ വേണ്ട”””
എന്നും പറഞ്ഞ് മുഖം വീർപ്പിച്ചു കൊണ്ട് പെണ്ണ് തിരിഞ്ഞ് നടക്കാൻ ഒരുങ്ങിയതും ഞാൻ കൈ പിടിച്ച് നിർത്തി….

“”””പിണങ്ങല്ലേ പെണ്ണേ….. ഞാൻ പറമ്പിൽ കാണും…””””
ഞാൻ അത് പറഞ്ഞപ്പോൾ പെണ്ണിന്റെ മുഖം ഒന്ന് വിടർന്നു…..

“””ശരി…. ഞാൻ എല്ലാരും കിടന്ന ശേഷം വരാ….. പിന്നെ, ഇത് സുധീനോട് പറയണ്ട””””
അവൾ കാര്യമായി പറഞ്ഞപ്പോൾ ഞാൻ അതിന് സമ്മതിച്ചുകൊണ്ട് തല കുലുക്കി…..

എന്നിട്ട് കുറച്ചു നേരം കൂടി സുധിയോട് കത്തി വെച്ചിരുന്ന ശേഷം വയ്യ പോയി കിടക്കട്ടെ എന്നും പറഞ്ഞ് വലിഞ്ഞു……അവിടുന്ന് ആരുടെയും കണ്ണിൽ പെടാതെ പറമ്പിലേക്ക് വിട്ടു…..

പറമ്പില് മൊത്തം കൂരാകൂരിരുട്ടാണ്…. ഞാൻ പണി സാധനങ്ങൾ സൂക്ഷിക്കാനും ഉച്ച മയക്കത്തിനും എല്ലാംകൂടി വേണ്ടി കെട്ടിയ കൊട്ടിൽ കയറി ലൈറ്റ് ഇട്ടിട്ട് ഇരുന്നു……
ഉണ്ണി എന്തിനാവും സുധിയോട് പോലും പറയാതെ രഹസ്യമായി ഇങ്ങോട്ട് വരാൻ പറഞ്ഞതെന്ന് ചിന്തിക്കുമ്പോഴൊക്കെ മോശമായ ചിന്തകളാണ് മനസ്സിലേക്ക് വരുന്നത്……… എന്തും ആവട്ടെ വരുന്നിടത് വെച്ച് കാണാം എന്ന് കരുതി ഞാൻ അങ്ങനെ ഇരുന്നു, ഒരു പതിനഞ്ച് മിനിറ്റ് കഴിഞ്ഞ് കാണും, ഒരു കാൽ പെരുമാറ്റം അടുത്തടുത്ത് വരുന്ന ശബ്ദം കേട്ടു……പ്രതീക്ഷിച്ച ആള് തന്നെയാണ് വന്നത്, ഉണ്ണി……

കല്യാണ തലേന്നത്തെ പരിപാടിക്ക് ഉടുത്ത കരിംനീല സാരി തന്നെയാണ് പെണ്ണിന്റെ വേഷം…. അതിലവൾ പതിവിലും സുന്ദരിയായിട്ടുണ്ട്….
നാളെ അവളുടെ കല്യാണമാണ്, ഇപ്പോഴെങ്ങാനും അവളെ അവിടെ കണ്ടില്ലെങ്കിൽ വല്യ പ്രശ്നമാവും എന്ന ബോധോദയം ഇപ്പോ അവളെ ഇവിടെ വെച്ച് കണ്ട മാത്രയിലാണെനിക്ക് ഉണ്ടായത്…..

“”””കുറെ നേരായോടാ വന്നിട്ട്??””””

“””ഏയ് ഇല്ല…. നീ കാര്യം പറ””””
ഞാൻ എത്രയും പെട്ടെന്ന് പറയാനുള്ളത് പറഞ്ഞ് അവളെ തിരിച്ചയക്കാൻ വേണ്ടി ദൃതികൂട്ടി

“”””ഹാ…..അടങ്ങി നിക്ക് പൊട്ടാ, നീയെന്തിനാ ഇങ്ങനെ പേടിക്കണേ”””
അവൾ നിസ്സാരമായി പറഞ്ഞു

“”””ഡീ….. അവിടെ നിന്നെ കണ്ടില്ലെങ്കിൽ പ്രശ്നാവൂലേ??”””

“”””ഓ……. അതിന് എനിക്കില്ലാത്ത പേടി നിനക്കെന്തിനാ……. നീ അടങ്ങി നിന്നേ”””
അവളെന്റെ തോളിൽ പിടിച്ചോണ്ട് പറഞ്ഞപ്പോൾ ഞാൻ ഒന്ന് ശാന്തനായി, ശരിയാണല്ലോ അവൾക്കില്ലാത്ത പേടി എനിക്കെന്തിനാ…..

“”””നീ കാര്യം പറ….””””

“””എടാ അത് പിന്നെ…… എന്താ പറയാ…… ശേ…. അല്ലെങ്കി വേണ്ട, നീ എനിക്കൊരു ഉമ്മ തരോ??”””

ഈ പെണ്ണിനെ കൊണ്ട് തോറ്റ്…..

“”””ഉമ്മയോ…… നീയെന്തൊക്കെയാ ഈ പറയണേ….. നിന്റെയീ സ്ഥിരം വട്ട് കാണിക്കാനാണോ ഈ പാതിരാത്രി ഇങ്ങോട്ട് വരാൻ പറഞ്ഞേ….””””

“”””വട്ടോ…… ഞാൻ എപ്പോ ഇങ്ങനെ ഓരോന്നും പറയുമ്പോഴും നീ അത് വെറും വട്ടായിട്ടാ ലേ കണ്ടേ……
പക്ഷെ………

എന്തോ പറയാൻ വന്നിട്ടവൾ പകുതിക്ക് നിർത്തി…..