💘💘ഗൗരിയേട്ടത്തി💘💘 [ Full ] 10അടിപൊളി  

“””കിങ്ങിണീ…… ഇതാണ് കാശിമാമ്മൻ ട്ടോ…….. മോള് ഇവരെ കൂടെ നിക്കണേ
എന്നാ മക്കളിരിക്ക്…… ഞാനൊന്ന് അങ്ങോട്ട്……”””

“””ആ ശരി മാമ്മ…… ഞങ്ങളിവിടെ ഇരുന്നോളാ”””
സുധിയുടെ സമ്മതം കിട്ടിയതോടെ മൂപ്പര് സംഘത്തിലെ മറ്റ് അംഗങ്ങൾ യോഗം കൂടുന്നിടത്തേക്ക് പോയി…..

“”””കിങ്ങിണിക്ക് ഏട്ടനെ
മനസ്സിലായോ??”””
ഞങ്ങളെ തന്നെ നോക്കി വാതികൽ നിൽക്കുന്ന കിങ്ങിണിയോട് ഞാൻ ചോദിച്ചു……

“””ഓ…… കാച്ചി അല്ലേ…… കുഞ്ഞമ്മേന്റെ ഭത്താവ്”””

“””ഡാ….. നിന്നെ എല്ലാരൂടെ എടുത്ത് കാച്ചിയ കഥയൊക്കെ ഈ കൊച്ച് വരെ അറിഞ്ഞെടാ……”””
എന്നും പറഞ്ഞ് സുധി ഒന്ന് ആക്കി ചിരിച്ചു…..

“””മിണ്ടാതിരി മൈരേ വളിപ്പടിക്കാതെ”””

എന്തായാലും കുഞ്ഞമ്മേടെ ഭർത്താവെന്ന് ചെറുതിന്റെ വായീന്ന് കേട്ടപ്പോ എന്തോ ഒരു സുഖം…… ഞാൻ കാശിയാണെന്ന് ഏട്ടത്തിയുടെ അച്ഛൻ പറഞ്ഞപ്പോഴായിരിക്കും അതിന് മനസ്സിലായത്…… പക്ഷെ കാശി കുഞ്ഞമ്മേടെ ഭർത്താവാണെന്ന് അതിനെങ്ങനെ അറിയാ………ആ……….
പെട്ടെന്ന് അകത്ത് നിന്ന് എന്തോ ശബ്ദം കേട്ടതും കിങ്ങിണി അകത്തേക്കൊരൊറ്റ ഓട്ടം……. ഏട്ടത്തി കുളിച്ചിറങ്ങിയെന്ന് തോന്നുന്നു…..

ഏട്ടത്തിയുടെ വരവും പ്രതീക്ഷിച്ച് ഞാനും സുധിയും അങ്ങനെ ആ തിണ്ണയിലിരുന്നു……
അല്പനേരം കഴിഞ്ഞതും കിങ്ങിണിയുടെ കയ്യും പിടിച്ചോണ്ട് എന്റെ ഗൗരിപെണ്ണ് പുറത്തേക്ക് വന്നു…. ഒരു ചുവപ്പ് നൈറ്റിയാണ് വേഷം, തലമുടി തോർത്തിനുള്ളിൽ കെട്ടി വച്ചിരിക്കുകയാണ്….. വേറെ കെട്ടിച്ചമയലുകൾ ഒന്നുമില്ല, വയറ് വീർത്ത് വീർത്ത് ഇപ്പോ പൊട്ടും എന്ന അവസ്ഥയിൽ എത്തിയിട്ടുണ്ട്….
ആ കള്ളിമുണ്ടും ബ്ലൗസും ധരിക്കുമ്പോഴുള്ള അത്രയ്ക്ക് ഇല്ലെങ്കിലും ഈ നൈറ്റിയിലും പെണ്ണ് സുന്ദരി തന്നെ……. പക്ഷെ ഒന്ന് ക്ഷീണിച്ച പോലുണ്ട്…….

ഞങ്ങളെ കണ്ടതും സന്തോഷവും അത്ഭുതവും കൊണ്ടാ മുഖം വിടർന്നു….

‘”””നിങ്ങളെങ്ങനെ…….””””
പെട്ടെന്ന് ഞങ്ങളെ കണ്ടപ്പോഴുള്ള അത്ഭുതം വിട്ടുമാറാതെ ഏട്ടത്തി പുഞ്ചിരിച്ചുകൊണ്ട് അടുത്തേക്ക് വന്നു……
ഇതെല്ലാം നോക്കി ആ കാന്താരി വാ പൊത്തി ചിരിക്കണുണ്ട്, ഞങ്ങൾ വന്ന കാര്യം അവള് ഏട്ടത്തിയോട് പറഞ്ഞിരുന്നില്ല എന്ന് തോന്നുന്നു

“”””എന്ത് പറയാനാ ഗൗരിയേച്ചീ….. ഇവിടൊരുത്തന് നിങ്ങളെ കാണാഞ്ഞിട്ട് ഉറക്കം പോലും ഇല്ലാണ്ടായില്ലേ…… പിന്നെ വരാണ്ടേ പറ്റോ….”””
സുധിയുടെ പറച്ചിൽ കേട്ട് ഞാൻ ശരിക്കും ചമ്മി….. അവനെയൊന്ന് കണ്ണുരുട്ടി നോക്കിയ ശേഷം ഏട്ടത്തിയെ നോക്കിയപ്പോൾ കക്ഷി എന്നെ തന്നെ നോക്കുന്നു, ആ മുഖത്ത് വല്ലാത്തൊരു ഭാവം…..

“””ഡാ…….മതിയെഡാ മതി…….??”””
പരിസരം മറന്ന് ഏട്ടത്തിയെ തന്നെ നോക്കി നിന്നുപ്പോയ എന്നെ സ്വബോധത്തിലേക്ക് കൊണ്ടുവന്നത് സുധിയുടെ കൊണച്ച ശബ്ദമാണ്….

“””അമ്മയ്ക്ക് കുഴപ്പൊന്നും ഇല്ലല്ലോ??”””

“””ഏയ് അമ്മായി അവടെ ഓടി നടന്ന് പണിയെടുക്കണിണ്ട്…… ഒരു കൊഴപ്പോം ഇല്ല””””
സുധിയാണ് ഏട്ടത്തിയുടെ ചോദ്യത്തിന് മറുപടി കൊടുത്തത്……

“””ഏട്ടത്തിക്ക് അസ്വസ്ഥതയെന്തെങ്കിലുണ്ടോ ഇപ്പോ??”””
“””ഏയ് ഇല്ല…. ഛർദ്ദിയൊക്കെ നിന്നു…… ഇപ്പോ ചെറിയ ക്ഷീണണ്ട്, അത്രേള്ളൂ”””

“””അത്‌ന്താ കാച്ചി കുഞ്ഞമ്മേനെ ഏട്ടത്തീ വിക്കണേ??”””
ഞാൻ ഏട്ടത്തി എന്ന് വിളിച്ചത് കേട്ട് കിങ്ങിണി ഏട്ടത്തിയോട് സംശയം ചോദിച്ചു…..
ഏട്ടത്തി അതിനോട് മിണ്ടാതിരിക്കാൻ ആംഗ്യം കാണിച്ചു….

“””ഭാ….ര്യേനെ ഏട്ടത്തീ വിക്കോ?”””
സംശയം മാറാതെ കിങ്ങിണി വീണ്ടും ചോദിച്ചു…… ഏട്ടത്തി കണ്ണ് ഇറുക്കി ചിമ്മിക്കൊണ്ട് കിങ്ങിണിയുടെ കയ്യിൽ മുറുക്കെ പിടിച്ചു……

“”””ഏട്ടത്തീ പഞ്ഞ…….””””
കിങ്ങിണി വീണ്ടും എന്തോ പറയാൻ പോയതും ഏട്ടത്തി അതിന്റെ വാ പൊത്തി കളഞ്ഞു

“””ശ്യോ ഈ പെണ്ണ്………
ചായ എടുക്കാ ട്ടോ…..””””
കിങ്ങിണിയേം പൊക്കി ചായ എടുക്കാമെന്നും പറഞ്ഞ് ഏട്ടത്തി അകത്തേക്ക് വലിഞ്ഞു…..

“””ഡാ….. ഞാനൊരു സംശയം ചോയ്ക്കട്ടെ…….നീ ഗൗരിയേച്ചിനെ കെട്ടിയ കാര്യം നിങ്ങള് രണ്ടാളും അറിഞ്ഞില്ലേ??”””
അവൻ ഉദ്ദേശിച്ചത് മനസിലാവാതെ ഞാൻ സംശയ ഭാവത്തിൽ അവനെ നോക്കി….