💘💘ഗൗരിയേട്ടത്തി💘💘 [ Full ] 10അടിപൊളി  

“”””അതേ…… മതി നിന്ന് മോങ്ങിയത്, ഈ വയറ്റിൽ ഇപ്പോ ഒരാളും കൂടെ ഉള്ളതാ””””
ഏട്ടത്തിയെ എന്നിൽ നിന്നും അടർത്തി മാറ്റികൊണ്ട് ഞാൻ പറഞ്ഞപ്പോൾ അവർ എന്റെ മുഖത്തേക്കൊരു നോട്ടം നോക്കി, എന്റെ മുഖത്ത് പുഞ്ചിരി കണ്ടപ്പോ
കാർമേഘം എല്ലാം മാറി എന്റെ ഏട്ടത്തിപെണ്ണിന്റെ മുഖം തെളിഞ്ഞു വന്നു….

“””എനിക്കീ ഗൗരി പെണ്ണിനോട് ഒരു ദേഷ്യോമില്ല….. കേട്ടോ””””

“”””അപ്പോ ഇനി ഇനോട് മിണ്ടോ??””””
നിഷ്കളങ്കമായ ആ ചോദ്യത്തിന് മറുപടിയായി ഞാൻ ഒന്ന് ചിരിച്ചോണ്ട് അവരെ ചേർത്തു നിർത്തി…. അതിൽ എനിക്ക് പറയാനുള്ളതെല്ലാം ഉണ്ടായിരുന്നു

കുറച്ച് ദിവസം സംസാരിക്കാതിരുന്നതിന്റെ ക്ഷീണം ഞങ്ങൾ മാറ്റുകയായിരുന്നു, വൈകീട്ട് അമ്മ വരുന്നത് വരെ ഞാൻ ഏട്ടത്തിയുടെ കൂടെ തന്നെ നിന്നു…. ഞങ്ങൾ വീണ്ടും പഴയത് പോലെ ആവുകയായിരുന്നു, ഒരുപാട് സംസാരിച്ചു…… എന്റെ ജീവിതം നശിപ്പിക്കാൻ കാരണക്കാരിയായി എന്ന കുറ്റബോധമാണ് ഏട്ടത്തിയെ കൂടുതൽ വിഷമിപ്പിച്ചിരുന്നത്, പക്ഷെ എന്റെ വിഷമങ്ങളെല്ലാം ഉള്ളിലൊതുക്കി കൊണ്ട് ഞാൻ ഏട്ടത്തിയെ ആശ്വസിപ്പിച്ചു….. ഇപ്പോ നമ്മുടെ പരിപൂർണ ശ്രദ്ധയും ആ വയറ്റിൽ വളരുന്ന കുഞ്ഞിനായിരിക്കണമെന്നും അതിന് വേണ്ടി എല്ലാം മറന്ന് സന്തോഷമായി ഇരിക്കണമെന്നും പറഞ്ഞപ്പോൾ കക്ഷി തലയാട്ടി സമ്മതം മൂളിയിട്ടുണ്ട്…..
******

വൈകുന്നേരം അമ്മ എത്തിയിട്ടാണ് ഞാൻ വീട്ടീന്ന് പുറത്തിറങ്ങിയത്….. സുധിയും പണി കഴിഞ്ഞ് എത്തി കാണും, അവന്റെ അടുത്തേക്ക് പോവാൻ ഇറങ്ങിയപ്പോഴാണ് ഉണ്ണി അവളുടെ വീടിന്റെ മുറ്റത്ത് നിന്ന് തിരിഞ്ഞ് കളിക്കുന്നത് കണ്ടത്…

“””ഡീ പെണ്ണേ……..കൂയ്”””
ഞാൻ കൈ കാണിച്ച് വിളിച്ചത് കണ്ടെങ്കിലും അവള് കാണാത്തത് പോലെ നിന്നു, ഈ പെണ്ണിനിത് എന്ത് പറ്റി ആവോ….

“””എന്താടി ഇപ്പോ നമ്മളെ ഒന്നും കണ്ണീ പിടിക്കുന്നില്ലേ??”””
അതിനും പ്രതികരണം ഒന്നും ലഭിച്ചില്ല….

“”””ദേ പെണ്ണേ മതി ട്ടോ….. ഞാൻ ഒരെണ്ണം അങ്ങോട്ട് വെച്ച് തരും””””
എന്നിട്ടും പെണ്ണൊന്നു തിരിഞ്ഞ് പോലും നോക്കുന്നില്ല…. അവള് അകത്തേക്ക് കയറി പോവാൻ തുടങ്ങിയപ്പോ ഞാൻ വേലി എടുത്ത് ചാടി പോയി പെണ്ണിനെ പിന്നിൽ നിന്നും പിടിച്ച് നിർത്തി….
“””വിടെടാ പട്ടി…….”””
അവളെന്റെ കയ്യിൽ കിടന്ന് പിടഞ്ഞെങ്കിലും ഞാൻ അത് കാര്യമാക്കാതെ അവളെ ഇറുക്കെ പിടിച്ചു വെച്ചു…..

“”””കഴിഞ്ഞോ നിന്റെ പിണക്കം??””””
അവളൊന്ന് അടങ്ങിപ്പോൾ ഞാൻ ചോദിച്ചെങ്കിലും പെണ്ണ് ഒന്നും മിണ്ടിയില്ല…

“””ഡീ…. മതി……””””

“””എന്ത് മതീന്ന്….ഏഹ്?? പറയെടാ…..”””””
പെട്ടെന്ന് തിരിഞ്ഞ് എന്റെ കുപ്പായത്തിൽ പിടിച്ച് വലിച്ചുകൊണ്ടവൾ ഉറക്കെ ചോദിച്ചു….

“”””ഞാനാണോടാ കൊരങ്ങാ മിണ്ടാണ്ടെ നിന്നേ….. നീയല്ലേ ആരോടും മിണ്ടാതെ ഒഴിഞ്ഞ് മാറി നടന്നത്…… രാവിലെ കോഴി കൂവുന്നെന്റെ മുന്നെ പറമ്പിലേക്ക് പോവും, എന്നിട്ട് പാതിരാത്രി നാല് കാലിൽ കയറി വരേം ചെയ്യും…… എന്നിട്ട് ഇപ്പോ കിനാരം പറയാൻ വന്നേക്കണു… കഴുത………….
അല്ല ഇന്നെന്ത് പറ്റി മോന്… മുഖം ഒക്കെ ഒന്ന് തെളിഞ്ഞിട്ടുണ്ടല്ലോ, എന്തേ ശിവേട്ടൻ ഗൗരിയേച്ചിയേ ഒഴുവാക്കിയോ??”””””
അവളങ്ങനെ പരിഭവപ്പെട്ടി അവളുടേതായ രീതിയിൽ തുറന്നു….

“”””നിനക്ക് അറിയാലോടി എനിക്ക് ഒട്ടും അംഗീകരിക്കാൻ കഴിയാത്ത കാര്യമാ നടന്നേ….. ഞാൻ ആകെ തളർന്ന് പോയി””””

“”””അതിന്?? ഇങ്ങനെ ആരോടും മിണ്ടാതെ നടന്നാ എല്ലാം ശരിയാവോ?? ഏഹ്… ആവോ ന്ന്??””””
അതിന് ഞാൻ ഇല്ലെന്ന് തലയാട്ടി….

“”””എന്റെ കാശി…. നീയിങ്ങനെ ഒരു കിഴങ്ങനായി പോയല്ലോ….. എടാ നീയിങ്ങനെ നിന്ന് കഴിഞ്ഞാ എന്നും ഇങ്ങനെ ഒരു മണ്ടനായി ജീവിക്കേണ്ടി വരും….. നീ ധൈര്യായിട്ട് ഒരു തീരുമാനം എടുക്ക്””””
അവള് പറയുന്നത് എല്ലാം ഞാൻ കേട്ട് നിന്നു, ഞാനും സ്വയം മനസ്സിലാക്കിയതാണ് ഇതൊക്കെ, അവളത് അവളുടെ രീതിയിൽ പച്ചയ്ക്ക് മുഖത്ത് നോക്കി പറഞ്ഞെന്ന് മാത്രം.
പക്ഷെ ഇനി എന്ത് ചെയ്യും എന്ന ചോദ്യത്തിന് മാത്രം ഇപ്പോഴും ഒരുത്തരം കിട്ടിയിട്ടില്ല……അമ്മയ്ക്ക് ഇപ്പോ കുഴപ്പമൊന്നും ഇല്ലെങ്കിലും വിഷമം ഉണ്ടാക്കുന്ന ഒന്നും ഉണ്ടാവരുതെന്ന് കൃഷ്‌ണമാമ്മ പറഞ്ഞിട്ടുണ്ട്….. അതൊക്കെയാണ് ഒരു ഉറച്ച തീരുമാനം എടുക്കുന്നതിൽ നിന്ന് പിന്തിരിപ്പിക്കുന്നത്…..