💘💘ഗൗരിയേട്ടത്തി💘💘 [ Full ] 10അടിപൊളി  

“””എന്താ??”””

“””ഞാൻ അച്ഛമ്മയാവാൻ പോവാ……. ഇപ്പോ മനസ്സിലായോ??”””
ഒരു ആക്കിയ ചിരിയോടെ അമ്മ ചോദിച്ചപ്പോഴാണ് എനിക്ക് സംഭവം പിടിക്കിട്ടിയത്, പക്ഷെ എനിക്ക് പ്രത്യേകിച്ച് ഒന്നും തോന്നിയില്ല……. ഭാര്യ ഗർഭിണിയാണെന്ന് അറിയുമ്പോൾ സാധാരണ ഭർത്താക്കന്മാർക്ക് തോന്നുന്ന വികാരമോ അതോ ഉത്തരവാദി താനല്ലെന്ന് നൂറ് ശതമാനം ഉറപ്പോടെ ഭാര്യ ഗർഭിണിയാണെന്ന് അറിയുന്ന ഭർത്താക്കന്മാർക്ക് പൊതുവെ തോന്നുന്ന
വികാരമോ ഒന്നും എനിക്ക് വന്നില്ല…… ഏട്ടന്റെ ഭാര്യ ഗർഭിണിയായിരിക്കുന്നു, ഉത്തരവാദി ഏട്ടനും…. പക്ഷെ അതിനിടയിൽ മറ്റുള്ളവരുടെ മുന്നിൽ ഒരു കോമാളിയായി ഞാനും…. പക്ഷെ ഏട്ടനും ഏട്ടത്തിയും തമ്മിൽ ചെയ്തിട്ടല്ലേ ഏട്ടത്തിക്ക് വയറ്റിലായതെന്ന് ഓർക്കുമ്പോൾ ഒരു ചെറിയ വിഷമം…. അല്ല ഞാനെന്തിനാ വിഷമിക്കണേ, എനിക്കവരോട് ഒന്നൂല്യ……

“””ഡാ…. എന്താടാ നോക്കി നിൽക്കണേ…. നീ മോളേം കൊണ്ട് വീട്ടിലേക്ക് ചെല്ല്…. അവളൊന്ന് വിശ്രമിക്കട്ടെ””””

“””അമ്മ ചെല്ല്, എനിക്ക് ഇവിടെ പണിയുണ്ട്”””

“””പറയുന്നത് കേൾക്ക് മോനേ….. ഇപ്പോ പണിക്കാര് വരും, നിനക്ക് പറഞ്ഞ് പണിയെടുപ്പിക്കാനൊന്നും അറിയൂല്ല……നീ ചെല്ല്”””

“””മ്മ്….”””
പൂർണമനസോടെ അല്ലെങ്കിലും അമ്മ പറയുന്നത് അനുസരിക്കുന്നു എന്നപോലെ ഒന്ന് മൂളിയിട്ട് ഞാൻ നടന്നു, അതാണല്ലോ ശീലം……… ഒന്നും മിണ്ടാതെ ഏട്ടത്തിയും എന്റെ കൂടെ പോന്നു….
ഞങ്ങൾ പറമ്പിൽ നിന്നും പാടവരമ്പത് കൂടെ വീട്ടിലേക്ക് നടന്നു, വീട് എത്തുന്നത് വരെ രണ്ടാളും ഒന്നും മിണ്ടിയില്ല….. അങ്ങനെ നടക്കുമ്പോൾ പണ്ട് കഥ പറഞ്ഞും വഴക്കിട്ടും ഈ പാടവരമ്പത് കൂടെ ഞങ്ങൾ നടന്നിരുന്നതെല്ലാം ഓർത്തുപ്പോയി….
വീട്ടിൽ എത്തിയപാടെ ഏട്ടത്തി അകത്തേക്ക് കയറിപ്പോയി, ഞാൻ പുറത്ത് തിണ്ണയിൽ ഇരുന്നു….

“””കാശീ………””””
എന്തോ ഓർത്ത് വിദൂരതയിലേക്ക് കണ്ണുംനട്ടിരുന്ന ഞാൻ ഏട്ടത്തിയുടെ ശബ്ദം കേട്ട് ഒന്ന് ഞെട്ടി, ഞാൻ അവരുടെ മുഖത്തേക്ക് ഒന്ന് നോക്കിയ ശേഷം വീണ്ടും പുറത്തേക്ക് തന്നെ നോക്കി ഇരുന്നു,
അന്ന് ആ രാത്രി ഞാൻ കരണം പുകച്ചതിന് ശേഷം ഇപ്പോഴാണ് അവർ എന്നോട് സംസാരിക്കാൻ വരുന്നത്…… ഞാനും കഴിവതും ഒഴിഞ്ഞ് മാറി നടക്കാറായിരുന്നു…
“””എന്നോടും ദേഷ്യാണോ നിനക്ക്??”””
എനിക്കരികിൽ വന്നു നിന്ന് ഏട്ടത്തിയത് ചോദിച്ചപ്പോൾ “”ഇല്ല”” എന്ന ഉത്തരം എനിക്ക് വ്യക്തമായി അറിയാമെങ്കിലും ഒന്നും പറയാൻ സാധിച്ചില്ല….. ഞാൻ അവർക്ക് മുഖം കൊടുക്കാതെ അങ്ങനെ ഇരുന്നു….

പിന്നെ കുറച്ച് നേരത്തേക്ക് കക്ഷി ഒന്നും ചോദിച്ചില്ല, പക്ഷെ എന്നിക്കരികിൽ തന്നെ അതേ നിൽപ്പ് നിന്നു…..

“”””കാശി….. ഡാ നീ ഇങ്ങനെ മിണ്ടാതെ നിക്കല്ലേ, എനിക്ക് പ്രാന്ത് പിടിക്കും….. ഡാ………””””
ഒടുക്കം കരയുന്ന സ്വരത്തിൽ ഏട്ടത്തി എന്റെ ചുമലിൽ പിടിച്ച് കുലുക്കി കൊണ്ട് പറഞ്ഞപ്പോൾ ഞാൻ തിണ്ണയിൽ നിന്നും എഴുന്നേറ്റ് അവർക്ക് അഭിമുഖമായി നിന്നു….

“”””എനിക്കിവിടെ ആകെയുണ്ടായിരുന്ന കൂട്ട് നീയാ…. ഇപ്പോ എനിക്ക് നീയുമില്ല…. ഞാൻ ഒറ്റയ്ക്കായി…..””””
അത് പറയുമ്പോൾ ഏട്ടത്തിയുടെ കണ്ണിൽ നിന്നും ഒരു തുള്ളി വെള്ളം കവിളിലൂടെ ഒലിച്ചിറങ്ങിയത് ഞാൻ കണ്ടു….

“”””അന്നത്തെ വിഷമത്തിൽ ഞാൻ അറിയാതെ എന്തോ പറഞ്ഞ് പോയതാ, എനിക്കറിയാം ഈ കല്യാണം നടന്നതിൽ എന്നെക്കാളും കൂടുതൽ വിഷമിക്കുന്നത് നീയാന്ന്…… നഷ്ടങ്ങളും നിനക്കാ…. നിന്നേ ഈ അവസ്ഥയിൽ കാണാൻ പറ്റണില്ലെടാ……..””””
എന്നും പറഞ്ഞ് കരഞ്ഞോണ്ട് ഏട്ടത്തി എന്റെ നെഞ്ചിലേക്ക് ചായ്ഞ്ഞു….

എന്റെ നെഞ്ചിൽ തലചായ്‌ച്ച് നിന്ന ഏട്ടത്തിയെ ചേർത്ത് പിടിച്ച് ആശ്വസിപ്പിക്കാനെ എനിക്ക് കഴിഞ്ഞുള്ളു, അല്ലെങ്കിലും എനിക്ക് ഇവരോട് ഒരു ദേഷ്യവുമില്ല… അല്ല, ഇപ്പോ എനിക്ക് ആരോടും ദേഷ്യമില്ല, എന്റെ ഭാഗത്താണ് തെറ്റ്…. ഇഷ്ടമിലാത്ത കാര്യത്തിന് എല്ലാരും കൂടെ നിർബന്ധിച്ചപ്പോൾ എതിർക്കാനുള്ള ചങ്കൂറ്റം കാണിക്കാഞ്ഞ ഒരു മണ്ടൻ, അതുപോലെ ഒരു മണ്ടത്തിയാണ് ദേ ഈ നിന്ന് മോങ്ങുന്ന സാധനവും…..
അങ്ങനെയാണ് എന്റെ ഇപ്പോഴത്തെ ചിന്ത, ഞങ്ങടെ ഈ അവസ്ഥക്ക് ബാക്കിയുള്ളവരെ പഴിചാരിയിട്ട് കാര്യമില്ല….