💘💘ഗൗരിയേട്ടത്തി💘💘 [ Full ] 10അടിപൊളി  

പിന്നേം ഞങ്ങൾ കുറേ സംസാരിച്ചു, അതിനിടയിൽ ഏറ്റെടുത്ത ദൗത്യത്തിന് സഹായകമാവുന്ന കാര്യങ്ങൾ അവളെന്നോട് ചോദിച്ചറിഞ്ഞു….. വേറെ ഒന്നുമല്ല, എന്നേം ഏട്ടത്തിയേം ഒന്നിപ്പിക്കുക എന്ന ദൗത്യം തന്നെ…. കല്യാണം കഴിഞ്ഞ അന്ന് തൊട്ട് നടന്നതും അവസാനം ഇന്നലെ ഞാൻ ഇഷ്ടം തുറന്ന് പറഞ്ഞതും ഉമ്മ കിട്ടിയതും തുടങ്ങി ഏട്ടത്തി ഇപ്പോ ഉടക്കിട്ട് നിൽക്കുന്നത് വരെയുള്ള എല്ലാ സംഭവങ്ങളും ഒന്ന് വിടാതെ ഞാൻ അവൾക്ക് പറഞ്ഞ് കൊടുത്തു……

“”””ഇതിപ്പോ ഞാൻ കരുതിയേനെകാളും എളുപ്പാണല്ലോ കാര്യങ്ങള്…… നീയൊന്നോണ്ടും പേടിക്കണ്ട മോനേ, നിന്റെ ഏട്ടത്തി നീ ആഗ്രഹിച്ച പോലെ നിന്റെ മാത്രമായിരിക്കും……. അതിന് നീ എന്റെ കൂടെ നിന്ന് തന്നാ മാത്രം മതി, ബാക്കി കാര്യങ്ങള് ഞാൻ ഏറ്റ്”””””
അവളെന്റെ തോളിൽ തട്ടികൊണ്ട് പറഞ്ഞു, വല്ലാത്ത ആത്മവിശ്വാസം ഉണ്ടായിരുന്നു അവളുടെ സംസാരത്തിൽ….
“”””എവിടെ നിന്റെ പെണ്ണുമ്പിള്ള…. അകത്തില്ലേ??”””””
അതിന് ഞാൻ ഉണ്ടെന്ന അർത്ഥത്തിൽ തല കുലുക്കി….

“”””എങ്കി മോനിവിടിരി…. ഞാനൊന്ന് പോയി ആ കള്ളീനെ കാണട്ടെ……. കൊച്ചിനേം കണ്ടില്ല ഇതുവരെ”””””

എന്നും പറഞ്ഞ് ഉണ്ണി അകത്തേക്ക് കയറി പോയി….. എനിക്കാണെങ്കിൽ ഇരുന്നിട്ട് ഇരിപ്പ് ഉറയ്ക്യുന്നുമില്ല….. എന്തായിരിക്കും ഉണ്ണീടെ പദ്ധതി….. അകത്ത് എന്തായിരിക്കും നടക്കുന്നത്, അവർ തമ്മിൽ എന്തായിരിക്കും സംസാരിക്കുന്നത്…….. ഉണ്ണിയും ഗൗരിയേട്ടത്തിയും ആദ്യമായിട്ടൊന്നുമല്ല തമ്മിൽ കാണുന്നതും സംസാരിക്കുന്നതും, പക്ഷെ ഇപ്പോ എന്തോ ഒരു വെപ്രാളം
അകത്തേക്ക് പോയി നോക്കണമെന്നുണ്ട്, പക്ഷെ ഉണ്ണീടെ നാവിനെ എനിക്ക് നല്ല വിശ്വാസാ…. അവളെന്തൊകെയാ പറഞ്ഞൂടാന്ന് പറയാൻ പറ്റില്ല……. അതുകൊണ്ട് ഞാൻ പുറത്ത് തിണ്ണയിൽ തന്നെ അക്ഷമനായി കാത്തിരുന്നു….

അല്പനേരം കഴിഞ്ഞപ്പോ
“”””ഡാ തെണ്ടി……..””””
എന്നും വിളിച്ചോണ്ട് ഉണ്ണി ഇറങ്ങി വന്നു….

ഞാൻ കാര്യം മനസ്സിലാവാതെ അവളെ തന്നെ നോക്കി…

“”””നീ നേരത്തെ പറഞ്ഞതൊക്കെ സത്യാണോഡാ??”””””

“”””എന്ത്??””””
ഞാൻ വീണ്ടും സംശയത്തോടെ അവളെ നോക്കി ചോദിച്ചു….

“””””ആ കൊച്ചിനെ കണ്ടാ ആരും അത് നിന്റെയല്ലാന്ന് പറയൂല…. എന്നിട്ടും നീയും ഗൗരിയേച്ചിയും ഇപ്പഴും ഒന്നിച്ചിട്ടില്ലാന്ന് പറയുമ്പോ വിശ്വസിക്കാൻ ഇത്തിരി പാടാ”””””

“”””എടീ സത്യാഡി…… ഞാനെന്തിനാ നിന്നോട് കള്ളം പറയണേ, അതും ഈ കാര്യത്തില്”””””

“”””ഹാ….ശരിയാ…..പക്ഷെ അത് ശരിക്കും കുട്ടി കാശി തന്നെ””””
ഉണ്ണിയത് പറഞ്ഞപ്പോ ഞാനൊന്ന് പുഞ്ചിരിച്ചു….. പക്ഷെ അത് സന്തോഷം
കൊണ്ടായിരുന്നില്ല…
പണിയെടുക്കാതെ കൂലി കിട്ടുന്നത് നല്ല സുഖമുള്ള ഏർപ്പാടാണെങ്കിലും ഈ കാര്യത്തിൽ അതങ്ങനെയല്ലല്ലോ……

“”””നീ വിഷമിക്കണ്ടടാ…… നിങ്ങളെ ഒന്നാക്കാനുള്ള പരിപാടിയൊക്കെ എന്റെലുണ്ട്””””

“”””എന്താ നീ ചെയ്യാൻ പോണേ??””””
ഞാൻ അറിയാനുള്ള ആകാംഷയിൽ ചോദിച്ചു

“”””അസൂയ………….അതാണ് നമ്മടെ ആയുധം….. അത് വെച്ച് നിന്റെ ഏട്ടത്തീടെ ഉള്ളിലുള്ള ഇഷ്ടം നമ്മക്ക് പുറത്ത് കൊണ്ടോരാ””””

“”””ഓ…. ഇതായ്ര്ന്നോ വല്യ പദ്ധതി”””
ഞാൻ അല്പം പുച്ഛത്തോടെ ചോദിച്ചു….

“”””കേൾക്കുമ്പോ ഒരു പൊട്ടബുദ്ധിയായിട്ട് തോന്നുമെങ്കിലും ഈ പ്രശ്നം തീർക്കാൻ ഇതിലും നല്ല വഴി വേറെയില്ല…… നീ നോക്കിക്കോ ഇതെന്തായാലും ഏൽക്കും””””

അവളുടെ മനസ്സിലുള്ള പദ്ധതിയെ കുറിച്ച് ഇപ്പോ എനിക്ക് ഏകദേശം ഒരു രൂപം കിട്ടി…….. ഞാനുമായിട്ട് അടുത്തിടപഴകുക, അത് കണ്ട് ഏട്ടത്തിക്ക് അസൂയ വരുക… എന്നിട്ടവർ എന്നെ നഷ്ടപ്പെടാതിരിക്കാൻ വേണ്ടി എന്നോടുള്ള ഇഷ്ടം തുറന്ന് സമ്മതിക്കുക…….. നല്ല ഉഗ്രൻ പദ്ധതി….. നടന്നത് തന്നെ

എന്റെ ഒരു ഊഹം വെച്ചിട്ട് എന്നോട് വേറെ കല്യാണം കഴിക്കാൻ പറഞ്ഞ ഏട്ടത്തിക്ക് ഞാനും ഉണ്ണിയും അടുത്തിടപഴകുന്നത് കണ്ട് അസൂയ തോന്നാൻ ഒട്ടും സാധ്യതയില്ല…… പഹയൻ എങ്ങനേലും ഒന്ന് ഒഴിഞ്ഞുപോയി കിട്ടിയാ മതിയെന്നാവും അവരുടെ ഉള്ളിൽ……