💘💘ഗൗരിയേട്ടത്തി💘💘 [ Full ] 10അടിപൊളി  

കുറച്ചുനേരത്തേക്ക് മുറിയിൽ ഫാൻ കറങ്ങുന്ന ശബ്ദം മാത്രം, ഞാൻ അത് തന്നെ ശ്രദ്ധിച്ചു കിടന്നു….. പെട്ടെന്നാണ് ഏട്ടത്തി സംസാരിച്ച് തുടങ്ങിയത്

“”””””എന്റെ കുഞ്ഞിന് ഒറ്റ അച്ഛനെ ഉള്ളു, അത് നീയാ””””””
എനിക്കരികിലേക്ക് നീങ്ങി കിടന്നുകൊണ്ട് എന്റെ ചെവിയിലായി ഏട്ടത്തിയത് പറഞ്ഞപ്പോ ഒരു നിമിഷത്തേക്ക് എന്തെന്നില്ലാത്ത സന്തോഷം തോന്നിയെങ്കിലും സംശയങ്ങൾ അതിനെല്ലാം മുകളിൽ നിന്നു….
“”””””എങ്ങനെ??””””””
ഒട്ടും സമയം കളയാതെ ഞാൻ ചോദിച്ചു…

“””””അതിന് എന്റെ കഴുത്തിൽ താലി കെട്ടിയേ പിന്നെ എന്നാ മോൻ ബോധത്തോടെ വന്ന് കിടന്നിട്ടുള്ളെ??നമ്മള് വീണ്ടും സംസാരിക്കാനൊക്കെ തുടങ്ങിയെ പിന്നെയല്ലേ കള്ളുകുടി കുറച്ചേ””””””

ഈശ്വരാ……അപ്പോ കള്ളും കുടിച്ച് ബോധം ഇല്ലാതെ ഞാൻ……..അയ്യോ……….ഛെ………

“””””” അങ്ങനെ ബോധല്യാണ്ട് വന്നൊരു ദൂസം നീ ഒപ്പിച്ചെന്റെയാ ആ തൊട്ടിലിൽ കിടക്കണെ……….. കൂടുതൽ ആലോയ്ക്കണ്ട, നിന്റെ തന്യാ……. ശിവേട്ടനുമായിട്ട് അങ്ങനൊരു ബന്ധോന്നുല്യ””””””
ജീവിതത്തിൽ ആദ്യമായി സന്തോഷം അധികമായി തട്ടിപോവുമോ എന്ന് തോന്നിയ നിമിഷം…. കുഞ്ഞന്റെ അച്ഛൻ ഞാനാണെന്ന് ഏട്ടത്തിയുടെ വായിൽ നിന്ന് തന്നെ കേട്ടു, പോരാത്തതിന് അവരും ശിവേട്ടനുമായി യാതൊരു ബന്ധവും ഇല്ലാന്നും…. ഇതിൽപരം എന്ത് വേണം….

“””””എന്താ ഒന്നും മിണ്ടാതെ…. വിശ്വാസല്യേ??”””””
എല്ലാം കേട്ട് ഞാൻ ഒന്നും മിണ്ടാതെ തരിച്ചിരിക്കുന്നത് കണ്ട് ഏട്ടത്തി ചോദിച്ചു

കുറച്ചു നേരം ഞാൻ മറുപടി ഒന്നും കൊടുക്കാതെ ഏട്ടത്തിയുടെ കണ്ണിൽ തന്നെ നോക്കി കിടന്നു…..
ഒടുക്കം ഞാൻ മൗനം ഭേധിച്ചു, ഉള്ളിൽ അതിരില്ലാത്ത സന്തോഷം തോന്നിയെങ്കിലും ഏട്ടത്തിയോട് മാപ്പ് പറയാനാണ് തോന്നിയത്

“””””ഏട്ടത്തി…….. എങ്ങനാ ഇതിന് മാപ്പ് പറയാന്നറിയില്ല…….. ഞാൻ ചെയ്തത് വല്യ തെറ്റാ, ഏട്ടത്തീടെ സമ്മതല്യാതെ ഞാൻ……….””””””

“”””””സമ്മതത്തോടെ അല്ലായിരുന്നൂന്ന് ഞാൻ പറഞ്ഞോ??”””””
ഏട്ടത്തി ഇടയ്ക്ക് കയറി ചോദിച്ചു….. അതിൽ ഞാൻ ശരിക്കും ഞെട്ടി, അപ്പോ ഏട്ടത്തി സമ്മതിച്ചുകൊണ്ടാണോ അത് നടന്നത്…..

“”””’”നേരെ നിക്കാൻപോലും പറ്റാത്ത അവസ്ഥേലാ അന്ന് നീ കേറി വന്നേ…… അങ്ങനെള്ളപ്പോ ന്റെ സമ്മതല്യാതെ പറ്റുംന്ന് തോന്ന്ണുണ്ടോ??”””””””
ഏട്ടത്തിയത് പറയുമ്പോ ഞാൻ വെള്ളമടിച്ചിട്ട് കയറി വന്ന ഓരോ ദിവസത്തെ കാര്യങ്ങളും ഓർത്തെടുക്കാൻ ശ്രമിക്കുകയായിരുന്നു, കൃത്യമായി ഒന്നും അങ്ങോട്ട് ഓർക്കാൻ പറ്റുന്നില്ല….. ഒരു സൂചന പോലും……
പക്ഷെ ഏട്ടത്തി പറഞ്ഞത് ശരിയാവും, വേലുപാറയിലെ ചാത്തൻ അകത്ത് കയറിയാൽ പിന്നെ നടക്കുന്നത് ഒന്നും ഓർത്തെടുക്കാൻ പറ്റാറില്ല…… അങ്ങനെ പണ്ടൊരു ദിവസം ഉണ്ണീടെ വീട്ടില് കുമാരന്റെ കൂട്ടിനടുത്ത് ഒക്കെ കിടന്ന് ഉറങ്ങിയിട്ടുണ്ടല്ലോ……

“”””””എന്താ ഞാൻ നിന്നെ എതിർക്കാഞ്ഞേ ന്നാണോ ചിന്തിക്കുന്നെ??””””””
ഏട്ടത്തിയുടെ ആ ചോദ്യം കേട്ടപ്പോൾ പെട്ടെന്ന് ചിന്തിച്ചുകൊണ്ടിരുന്നത് നിർത്തി ഞാൻ “അതെ” എന്നർത്ഥത്തിൽ തല കുലുക്കി….

“””””കാരണം നിനക്ക് അറിയുന്നത് തന്യാ…””””””
എന്താ ഉദ്ദേശിച്ചേന്ന് എനിക്ക് മനസ്സിലായില്ല, ഞാൻ സംശയത്തോടെ ഏട്ടത്തിയെ നോക്കി….

“””””എനിക്ക്…………….. നിക്ക്‌….. നിന്നെ ഇഷ്ടാന്ന്……………. അറിയാന്ന് നീ തന്നല്ലേ പറഞ്ഞേ”””””
ഒരു കള്ള ചിരി ഉള്ളിൽ ഒളിപ്പിച്ചുകൊണ്ട് നിർത്തി നിർത്തി ഏട്ടത്തിയത് പറഞ്ഞപ്പോ എന്റെ കണ്ണുകൾ വിടർന്നു, എന്നിക്കരികിൽ കിടക്കുന്ന എന്റെ പെണ്ണിനെ കെട്ടിപ്പിടിച്ച് ഉമ്മ കൊടുക്കാൻ തോന്നിയെങ്കിലും നിയന്ത്രിച്ചു….. സമയമായില്ല, ആദ്യം എല്ലാം തുറന്ന് സംസാരിക്കണം എന്ന് തോന്നി…

എന്റെ സന്തോഷം ആ നെറുകയിലൊരു സ്നേഹചുംബനം നൽകികൊണ്ട് ഞാൻ അറിയിച്ചു…..
വീണ്ടും അല്പനേരത്തേക്ക് ഞങ്ങൾ രണ്ടുപേരും പരസ്പരം കണ്ണിൽ നോക്കി കിടന്നു…..

എത്രനേരം അങ്ങനെ കിടന്നു എന്നറിയില്ല, ഏട്ടത്തി തന്നെയാണ് വീണ്ടും സംസാരിച്ച് തുടങ്ങിയത്…