💘💘ഗൗരിയേട്ടത്തി💘💘 [ Full ]അടിപൊളി  

പക്ഷെ ഏട്ടത്തി ഒന്നും മിണ്ടിയില്ല, തിരിഞ്ഞ് നോക്കിയുമില്ല….അവരെന്റെ കൈ വിടുവിക്കാൻ ശ്രമിച്ചെങ്കിലും ഞാൻ ആ കൈയിലെ പിടുത്തം മുറുക്കുന്നതിനൊപ്പം ചേർന്ന് നിന്നുകൊണ്ട് പിന്നിലൂടെ കെട്ടിപ്പിടിച്ചു….

ഒരു നിമിഷം അനങ്ങാതെ നിന്ന ശേഷം ഏട്ടത്തി ഒന്ന് കുതറി, അപ്രതീക്ഷിതമായത് കൊണ്ട് ഞാനൊന്ന് പിന്നിലേക്ക് വെച്ചുപ്പോയി….. വീണ്ടും ഏട്ടത്തിയെ പിടിക്കാൻ വേണ്ടി ഞാൻ അടുക്കുന്നതിന് മുന്നെ അവരെനിക്ക് നേരെ വെട്ടി തിരിഞ്ഞ് നിന്നു……… എന്റെ മുന്നോട്ട് നീങ്ങിയ കാലുകളെ നിശ്ചലമാക്കാൻ പോന്നതായിരുന്നു ഏട്ടത്തിയുടെ മുഖത്തെ ഭാവം……. ആ കണ്ണുകൾ ചുവന്ന് കലങ്ങിയിരിക്കുന്നു, പക്ഷെ കണ്ണുനീർ ഒഴുകുന്നില്ല……. ദേഷ്യമാണോ സങ്കടമാണോന്ന് തിരിച്ചറിയാൻ പറ്റാത്ത ഭാവം…….. ഞാൻ അവരുടെ കണ്ണുകളിലേക്ക് തന്നെ നോക്കി അനങ്ങാതെ നിന്നു…..

“”””നിന്നെ അങ്ങനെ കാണാൻ കഴിയൂലാന്ന് പറഞ്ഞേന്റെ കാരണല്ലേ നിനക്ക് അറിയണ്ടേ….. അതറിഞ്ഞാ എന്നെ വെറുതെ വിടോ??
എങ്കി കേട്ടോ…… ഞാൻ ശിവേട്ടന്റെ പെണ്ണാ, ഞങ്ങടെ കുഞ്ഞാ അപ്പുറത്തെ മുറീല് കിടന്നുറങ്ങുന്നേ…….. എന്റെയീ ജീവിതത്തീ ഒറ്റയാണേ ഉള്ളു, അത് ശിവേട്ടനാ……… അല്ലാതെ നിങ്ങടെ ആചാരം അനുസരിച്ച് രണ്ടാളേം കൂടെ മാറിമാറി കിടക്കാനെനിക്ക്‌ പറ്റില്ല…………….”””””
ഏട്ടത്തി ഉറക്കെ ഉറച്ച ശബ്ദത്തിൽ പറഞ്ഞോണ്ടിരുന്നു……

“””””ഇനി നീയീ ഇഷ്ടാന്നും പറഞ്ഞ് നടക്കണത് ഈ ശരീരത്തിന് വേണ്ടിയാണേ ഞാൻ മുന്നെ പറഞ്ഞതല്ലേ….. നിനക്കെടുക്കാ….. പക്ഷെ അതെന്റെ
സമ്മതത്തോടെയാവൂല്ല…..”””””
ഞാൻ തല താഴ്ത്തി കണ്ണുകൾ ഇറുക്കി അടച്ചുകൊണ്ട് അവർക്ക് നേരെ കൈകൂപ്പി…… ഏട്ടത്തി പറയുന്ന ഓരോ വാക്കും എന്റെ ഹൃദയത്തെ കീറി മുറിക്കുകയായിരുന്നു, ഇനിയുമത് കേട്ടുനിൽക്കാൻ സാധിക്കാത്തത് കൊണ്ട് അവരുടെ മുഖത്തേക്ക് പോലും നോക്കാതെ ഞാൻ അടുക്കള വിട്ട് പുറത്തേക്ക് നടന്നു…… തിരിഞ്ഞ് നടക്കുമ്പോൾ പുറകിൽ നിന്നും ഏട്ടത്തിയുടെ അടക്കി പിടിച്ചുള്ള കരച്ചിൽ കേട്ടെങ്കിലും തിരിഞ്ഞു നോക്കാനെനിക്കായില്ല……. ഇറങ്ങി നടന്നു……..
****************

ഈറനണിഞ്ഞ കണ്ണുകൾ തുടയ്ക്കാതെ ഞാൻ വീടുവിട്ടിറങ്ങി…. പാടവരമ്പിലൂടെയും തൊട്ട് വക്കിലൂടെയുമെല്ലാം നടക്കുമ്പോൾ ചുറ്റും ആളുകളുണ്ടോന്നോ അവരെന്നെ ശ്രദ്ധിക്കുന്നുണ്ടോന്നോ നോക്കിയില്ല….. ലക്ഷ്യമില്ലാതെയുള്ള നടത്തം ചെന്ന് നിന്നത് അമ്മാവന്മാരുടെ വീട്ടിന് മുന്നിലാണ്, “സുധി”…… എന്റെ സങ്കടങ്ങളും പ്രശ്നങ്ങളും പറയാൻ അവനേയുള്ളു എന്ന എന്റെ ഉപഭോധ മനസ്സിന്റെ തിരിച്ചറിവായിരിക്കണം അതിന് കാരണം….

“”””ആഹ്……കാശിയോ?? ഇപ്പെങ്ങനെ ണ്ട് മോനേ, വേദന ണ്ടോ??””””
ഉമ്മറത്തേക്ക് കയറുമ്പോൾ അമ്മായിയുടെ സുഖാന്വേഷണത്തിന് “ഇല്ലെന്ന്” മറുപടി നൽകി

“”””സുധി ഉറങ്ങാ മോനേ…… ഇപ്പോ രാത്രിയല്ലേ പണി, അതോണ്ട് പകല് മുഴുവൻ ഉറക്കം തന്യാ ചെക്കൻ……. മോൻ പോയി വിളിച്ച് നോക്ക്”””””
അമ്മായിക്കൊരു പുഞ്ചിരി നൽകികൊണ്ട് ഞാൻ അകത്തേക്ക് കയറി…..സുധിയുടെ മുറിയിലേക്ക്….

അമ്മായി പറഞ്ഞത് പോലെ തന്നെ നല്ല സുഖമായി കിടന്നുറങ്ങുകയാണ് ചെക്കൻ….

“””””ഡാ……സുധീ………….”””””
കട്ടിലിൽ കയറിയിരുന്ന് തോണ്ടി വിളിച്ചതും അവൻ എന്റെ കൈ തട്ടി മാറ്റിയിട്ട് തിരിഞ്ഞ് കിടന്നു…..

“”””എണീക്ക്……”””””
“”””ശ്യോ….. ഇത് വല്യ ശല്യായല്ലോ…… എന്താടാ നിനക്ക്”””””
എന്റെ തോണ്ടി തോണ്ടിയുള്ള വെറുപ്പിക്കൽ അസ്സഹനീയമായപ്പോൾ സുധി പല്ല് കടിച്ചോണ്ട് ചോദിച്ചു……..

പക്ഷെ എന്റെ മുഖം കണ്ടപ്പോ എന്തോ പ്രശ്നമുണ്ടെന്ന് തോന്നിയിട്ടാവാം അവൻ വേഗം എഴുന്നേറ്റ് ഇരുന്നു….

“”””എന്താടാ എന്ത് പറ്റി….”””””
സുധിയെന്റെ തോളിൽ തട്ടികൊണ്ട് ചോദിച്ചതും ഞാൻ നടന്നതെല്ലാം അവനോട് പറഞ്ഞു…..

“”””ഛെ……. നീ ചെയ്തത് വല്യ മണ്ടത്തരായി പോയി…… ഗൗരിയേച്ചി അങ്ങനെ ഉടക്കിട്ട് നിക്കുന്നെന്ന് എന്തേലും കാരണങ്കാണും……. ഒരു മയത്തിൽ കാര്യം കണ്ട് പിടിച്ചാ മതിയെര്ന്ന്……… കേറി പിടിച്ചത് ശരിയായില്ല……
അല്ല….. ഗൗരിയേച്ചിക്ക് നിന്നെ ഇഷ്ടാന്ന് എന്താ ഉറപ്പ്…. ചേച്ചി പറഞ്ഞില്ലല്ലോ…….ചിലപ്പോ……””””””

“”””ഏട്ടത്തിക്കെന്നെ ഇഷ്ടാ…. ഇന്നലെ ഞാനാ കുഴീല് വീണപ്പോ ഇഷ്ടാന്ന് പറഞ്ഞില്ലേ, അപ്പോ തിരിച്ച് ഇഷ്ടാന്ന് പറയണെന് പകരം എനിക്ക് ഉമ്മ തന്നതാ”””””””
സുധി പറഞ്ഞോണ്ടിരുന്നതിന്റെ ഇടയ്ക്ക് കയറി ഞാൻ പറഞ്ഞതും അവനൊന്ന് ഞെട്ടി……

“”””എവിടാ നെറ്റീലാ??””””
സുധിയുടെ ചോദ്യത്തിന് പകരമായി അല്ലെന്ന് തലയാട്ടിയിട്ട് ഞാൻ ചുണ്ട് തൊട്ട് കാണിച്ചു……

“””ശരിക്കും??”””
അവൻ വിശ്വാസം വരാതെ വീണ്ടും ചോദിച്ചപ്പോ ഞാനൊരു നാണം കലർന്ന ചിരിയുടെ സഹായത്തോടെ അതേയെന്ന് തലയാട്ടി….

“”””എന്നിട്ടാണോ അവരിപ്പോ ഇത്രേം ഗമ കാണികണേ””””

“”””എനിക്കുറപ്പാ ഏട്ടത്തിക്ക് എന്നേം ഇഷ്ടാന്ന്…… പക്ഷെ ഇപ്പോ എന്താ ഇങ്ങനേന്നാ മനസിലാവാത്തെ……””””
ഞാൻ ഏട്ടത്തി കുറച്ചു മുന്നെ പറഞ്ഞതൊക്കെ ഓർത്ത് വിഷമത്തോടെ
പറഞ്ഞു….

ഒന്ന് ആലോചിച്ച ശേഷം സുധി പറഞ്ഞു

“”””എനിക്ക് തോന്നണത് നിന്നെപോലെ തന്നെ ഗൗരിയേച്ചിക്കും ഈ രണ്ടാളേം കൂടെ ജീവിക്കുന്നെനോട് താല്പര്യമില്ലാത്തൊണ്ടാന്നാ…… അതല്ലേ നിന്നോട് പറഞ്ഞേ രണ്ടാളേം കൂടെ മാറി മാറി കിടക്കാനൊന്നും പറ്റൂല്ലാന്ന്………. പിന്നെയാ ശിവേട്ടന്റെ പെണ്ണാന്ന് പറഞ്ഞതൊക്കെ നിന്നെ ഒഴുവാക്കാൻ വേണ്ടി പറഞ്ഞതാവും………..””””””
അവന്റെ വാക്കുകൾ എനിക്കൊരല്പം ആശ്വാസം പകരുന്നുണ്ട്….

“”””പിന്നെ ഇന്നലെ ആ കുഴീല് വെച്ച് ജീവിതം അവസാനിക്കാൻ പോവാന്ന് തോന്നിയപ്പോ നിന്നോട് ഉള്ളിലുള്ള ഇഷ്ടം മറച്ച് വെക്കാതെ പുറത്ത് വന്നതാവും…… അതോണ്ട് നിന്നെ ഇഷ്ടാന്ന് ഉറപ്പിക്കാ……. പക്ഷെ രണ്ടാളേം കൂടെ ഒരുമിച്ചെന്തായാലും ചേച്ചി കഴിയൂന്ന് തോന്നണില്ല….. നിനക്കും അതിനോട് താല്പര്യം ഇല്ലല്ലോ, അതോണ്ട് എങ്ങനേം ശിവേട്ടനെ ഉഴുവാക്കാനൊരു വഴി കാണണം…….. അത് വരെ നീ ക്ഷമിച്ചേ പറ്റൂ”””””

“”””ഏട്ടത്തിയെ കിട്ടാൻ ഞാൻ എത്ര വേണേലും കാത്തിരിക്കും……”””””
ഞാൻ ആവേശത്തോടെ പറഞ്ഞപ്പോ സുധി ചിരിച്ചു…..

“”””തല്കാലം മോനൊരു കാര്യം ചെയ്യ്……. നേരെ വീട്ടിലേക്ക് പോയിട്ട് ഒരു മാപ്പങ്ങ് പറഞ്ഞേക്ക്……. സ്വന്തമാന്ന് തോന്നിയോണ്ടാ സമ്മതവില്ലാതെ തൊട്ടേന്നോ മറ്റോ പറ…..വേണേ കുറച്ച് കണ്ണീരും വന്നോട്ടെ……ഏക്കും”””””
അവനെന്റെ തോളിൽ തട്ടികൊണ്ട് പറഞ്ഞപ്പോ ഇന്നത്തെ വിഷയത്തിൽ ഒരു മാപ്പ് പറയുന്നത് നല്ലതാന്ന് എനിക്കും തോന്നി……

‘””””””ഓ……എന്താ തിടുക്കം…….ചെല് ചെല് നടക്കട്ടെ……… പിന്നെ ഇനിയെന്തേലും ഉണ്ടായാ അത് നാളെ പറഞ്ഞാ മതി…… ഞാൻ കുറച്ച് നേരംകൂടി ഉറങ്ങട്ടെ, വെറുപ്പിക്കാൻ വരരുത്””””””
അവൻ കൈകൂപ്പി കൊണ്ട് പറഞ്ഞപ്പോ നല്ലൊരു ചിരിയും സമ്മാനിച്ച് ഞാൻ പുറത്തേക്ക് നടന്നു, എന്തോ അവനോട് എല്ലാം പറഞ്ഞപ്പോ ഒരാശ്വാസം……. അവൻ പറഞ്ഞതൊക്കെ കേട്ടപ്പോ എനിക്ക് ഗൗരിയേട്ടത്തിയെ കിട്ടുമെന്നൊരു തോന്നൽ…..

+426

-180