💘💘ഗൗരിയേട്ടത്തി💘💘 [ Full ] 10അടിപൊളി  

“””””ശിവേട്ടന്റെ ഭാര്യയായി ആദ്യമീ വീട്ടിലേക്ക് കയറി വന്നപ്പോ സത്യം പറഞ്ഞ നിങ്ങടെ ആചാരത്തെ പറ്റിയൊക്കെ അറിയുന്നത് കൊണ്ട് എനിക്ക് നിന്നോട് വെറുപ്പായിരുന്നു, പക്ഷെ അതുമാറി പെട്ടെന്ന് തന്നെ നീയെനിക്ക് നല്ലൊരു കൂട്ടായി മാറി…. ഇവിടെ നീയുള്ളതായിരുന്നു പിന്നെ എനിക്ക് ഏകാശ്വാസം, നീ ദിവസോം ഓരോന്നും പറഞ്ഞെന്നെ ദേഷ്യം പിടിപ്പിക്കുന്നതും അത് കഴിഞ്ഞ് കൂട്ട് കൂടാൻ നടക്കുന്നതും ഒക്കെ ഞാൻ ആസ്വദിക്കുകയായിരുന്നു, ശിവേട്ടനുമായി അങ്ങനൊരു ഭാര്യാഭർതൃ ബന്ധമൊന്നും ഇല്ലാണ്ടായിട്ടും എന്നെ ഇവിടെ പിടിച്ച് നിർത്തിയത് നീയാ ………
പിന്നെ എപ്പോഴാ അത് ഇങ്ങനെയൊരു ഇഷ്ടമായി മാറിയേന്ന് അറിഞ്ഞൂട…. ആ ഇഷ്ടം ഞാനെന്റെ ഉള്ളീ തന്നെ ഒതുക്കി, എന്നെപോലെ ഒരു
രണ്ടാംകെട്ട്കാരിയല്ല നിന്റെ പെണ്ണാവണ്ടേന്ന് തോന്നി….. അതുപോലെ എനിക്ക് തോന്നിയത് പോലെ നിനക്ക് എന്നോട് അങ്ങനൊന്നും ഒരിക്കലും തോന്നൂലാന്നും കരുതി…..
നീയെന്റെ കഴുത്തീ താലികെട്ടിയപ്പോ ഉള്ളിന്റെ ഉള്ളിൽ ഇത്തിരി സന്തോഷിച്ചെങ്കിലും ഈ കുരുക്കീന്ന് നീ രക്ഷപ്പെടണേന്ന് ഞാൻ ആഗ്രഹിച്ചീര്ന്നു, അങ്ങനെ ഇരിക്യുമ്പഴാ ഒരൂസം രാത്രി നീ ബോധല്യാണ്ടെ വന്ന് കട്ടിലിൽ എന്റെ കൂടെ കേറി കിടന്നേ…… നീ ബോധല്യാണ്ടെ ഓരോന്നും ചെയ്തപ്പോ ആ ഒരു നിമിഷത്തേക്ക് ഞാൻ എല്ലാം മറന്നു, ഇഷ്ടപ്പെടുന്ന ആണിന് വഴങ്ങാൻ തോന്നി…… അന്ന് അങ്ങനെ നടന്നപ്പോ നിന്റെ കുഞ്ഞ് എന്റെയുള്ളിൽ വളർന്നിരുന്നെങ്കിലെന്ന് ആഗ്രഹിച്ചിര്ന്നു, ഒരിക്കലുമൊരു അമ്മയാവാൻ കഴിയില്ലെന്ന് കരുതിയ എനിക്ക് അന്നത്തെ ആ രാത്രിയോണ്ട് ആ ഭാഗ്യോം കിട്ടി………
പക്ഷെ ഒന്നും നീ ഒരിക്കലും അറിയരുതെന്ന് എനിക്ക് തോന്നി, അറിഞ്ഞാ കുറ്റബോധം കൊണ്ട് ജീവിതകാലം മൊത്തം നീ ഇഷ്ടമില്ലാത്ത ജീവിതം ജീവിക്കാൻ തീരുമാനിച്ചാ അതെനിക്ക് സഹിക്കില്ല……….. അതോണ്ട് ഒന്നും ആരേം അറീക്യാതെ ഞാൻ ഉള്ളിലൊതുക്കി നടന്നു.
പിന്നെ അന്ന് ഞാൻ ഗർഭിണിയാന്ന് അറിഞ്ഞ ദൂസം എനിക്ക് നിന്നോട് പറഞ്ഞറിയിക്കാൻ പറ്റാത്തത്ര സ്നേഹം തോന്നി, അതാ ഞാനന്ന് അങ്ങോട്ട് വന്ന് മിണ്ടിയെ….. ന്റെ വല്യ ആഗ്രഹം സാധിക്കാൻ കാരണക്കാരനായ ആളോട് പിന്നേം മിണ്ടാണ്ടെ നിക്കാൻ പറ്റീല്ല….””””””””

“”””””ഇത്രേം എന്നെ സ്നേഹിച്ചിട്ട് പിന്നെ ഞാൻ ഇഷ്ടാന്ന് തുറന്ന് പറഞ്ഞപ്പോ എന്നെ ഒഴിവാക്കാൻ നോക്കിയതെന്താ??””””””
അത്രേം നേരം ഏട്ടത്തി അവരുടെ ഉള്ളിലുള്ളത് ഓരോന്നും പറയുന്നത് കേട്ട് നിന്ന ഞാൻ ഇടയ്ക്ക് കയറി ചോദിച്ചു…..

“”””””അത് പിന്നെ……ഞാൻ നിനക്ക് ചേരൂലാന്ന് തോന്നിപ്പോയി, നീ ആഗ്രഹിച്ചത് പോലെ നിനക്ക് മാത്രമായിട്ടൊരു പെണ്ണ് വന്നാ അതായിരിക്കും നല്ലതെന്ന് കരുതി…… ഞാൻ എതിർത്താൽ കുറച്ചുകഴിയുമ്പോ നീ ഒഴുവാക്കി അതുപോലൊരു പെണ്ണിനെ തേടി പോവൂന്ന് വിചാരിച്ചു…………”””””””””

“”””””എന്നിട്ട് ഇപ്പഴും ആ വിചാരം തന്നാണോ??””””””
ഞാൻ ചിരിച്ചോണ്ട് ചോദിച്ചു….. അതിന് കക്ഷി “”അല്ല”” എന്നർത്ഥത്തിൽ തലയാട്ടി….
“”””””അതെന്തേ പെട്ടെന്നാ വിചാരം മാറിയേ??””””””
എന്നെ നോക്കി പുഞ്ചിരിച്ചോണ്ട് കിടന്ന ഏട്ടത്തിയുടെ കവിളിൽ മെല്ലെ നുള്ളിക്കൊണ്ട് ഞാനത് ചോദിച്ചപ്പോ ആ പുഞ്ചിരി മാറിയൊരു കള്ളച്ചിരി വിരിയാൻ തുടങ്ങി….

“””””ഹാ പറ പെണ്ണേ……”””””
നുള്ളിയ കവിളിലൊരു ചുംബനം നൽകികൊണ്ട് ഞാൻ നിർബന്ധിച്ചപ്പോൾ പെണ്ണിന്റെ മുഖമാകെ ചുവന്ന് തുടുത്ത് വന്നു…. ഞാൻ എല്ലാം മറന്നോണ്ട് ആ മുഖത്തേക്ക് തന്നെ നോക്കി കിടന്നു…

“””””ഞാനൊരു സത്യം പറയട്ടെ??”””””
ആ സൗന്ദര്യത്തിൽ മയങ്ങി കിടന്ന എന്നോടായി ഏട്ടത്തി ചോദിച്ചു…

“””””അപ്പോ ഇത്രേം നേരം പറഞ്ഞതൊന്നും സത്യല്ലേ??””””
ചോദിച്ച് തീരലും കിട്ടി നല്ലൊരു പിച്ച് കൈക്ക്‌ തന്നെ….
എന്നിട്ട് കക്ഷി മുഖംകൊണ്ട് ഗോഷ്ടീം കാണിച്ച് പിണക്കം നടിച്ചോണ്ട് തിരിഞ്ഞ് കിടന്നു…… ഞാൻ ഇതൊക്കെ ആസ്വദിക്കുകയാണ്, ഇതാണ് ഞാൻ സ്വപ്നം കണ്ട ജീവിതത്തിലേക്കുള്ള തുടക്കം….