” അഹ് മോളെ കുറെ പാവം .. ഒരുപാട് കുത്തുവാക്ക് പറഞ്ഞു പാവം എല്ലാം കേട്ട് ഒന്നും മിണ്ടാതെ കണ്ണീർ ഓലുപ്പിച്ചു നിന്നതേ ഉള്ളു പാവം .”
എന്നലും കഷ്ടമുണ്ട് പാവം കൊച്ച്.. എനിക്ക് അറിയാവുന്ന വല്ലോരും അണോ ഈശ്വര… ഞാൻ മനസ്സിൽ ഓർത്ത് ചേട്ടത്തിക്കു നേരെ എന്റെ സംശയങ്ങൾ ഉന്നയിച്ചു
” ആ കൊച്ചിന്റെ കല്യാണം കഴിഞതാണോ ഏട്ടത്തി ”
ഞെട്ടി തിരിഞ്ഞു എന്നെ നോക്കിയ അവൾക് ഞാൻ ഒരു ചിരി വെച്ചു കൊടുത്ത് അവളോട് കുറച്ചൂടെ ചേർന്നിരുന്നു അവളുടെ തോളിലൂടെ കയ്യിട്ടു ഞാൻ ഏട്ടത്തിയെ നോക്കി അവൾ ഒന്ന് വിറച്ചത് ഞാൻ അറിഞ്ഞു.. എന്നെ നോക്കിയില്ല അമ്മയെയും ഏട്ടത്തിയെയും മാറി മാറിനോക്കുന്നത് ഞാൻ കാണുണ്ട്. അമ്മ ഇതൊന്നും ശ്രദിക്കുന്നില്ല ഇടക്ക് കണ്ണൊക്കെ തുടക്കുണ്ട്,പാവം .ഏട്ടത്തി കഥ പറയുന്ന ഫ്ലോവയിൽ ആണ്
” അഹ് ടാ … അവൻ ഒരു പാവമാടാ .. ”
തോന്നി അത് അങ്ങനെ വരു….അങ്ങനെ സംഭവിക്കു…
” എന്നാലും ആ പാവം പെണ്ണിന്റെ വിധിയെ.. ഈശ്വര….അഹ് അനുഭവിച്ചല്ലേ പറ്റു,”
അമ്മ ആരോടെന്നില്ലാതെ പറഞ്ഞിട്ട് മൂക്കും സരിതലപ്പിൽ തൂത്ത് എണ്ണിറ്റ് അടുക്കളയിലേക്ക് പോയി
” ഏട്ടത്തിക്കു അറിയാവുന്ന കുട്ടരാണോ… ”
” കഴിഞ്ഞ 3 വർഷമായിട്ട് അറിയാവുന്നവരാ… എന്നലും ഇന്നെങ്കിലും അവളെ ഒന്ന് സ്വീകരിച്ചാൽ മതിയായിരുന്നു ”
നെഞ്ചിൽ കൈവെച്ചു ഊരക്ക് കൈയും കൊടുത്ത് അമ്മക് പിന്നാലെ നടന്നുപോകുന്നതിനിടയിൽ എനിക്കുള്ള മറുപടിയും കിട്ടി
” കഷ്ടമുണ്ടല്ലേ ആമി … പാവം ”
എന്റെ കൈയിൽ ഒതുങ്ങികൂടിയ അവളുടെ ചെവിയിൽ ഞാൻ അത് പറഞ്ഞപ്പോ പെണ്ണൊന്നു ഞെട്ടി
” ചേച്ചി സീരിയലിന്റെ കാര്യാ പറഞ്ഞെ…. ”
എന്റെ മുഖത്തേക് ഒന്ന് നോക്കിയത് പറഞ്ഞപ്പോ ഞാൻ അവളെ വിട്ട് ചാടി എണ്ണിറ്റ്. പന്ന പെൺമ്പുള്ള അടിച്ചു വായിൽ തന്നല്ലോ…അവൾ കുടുകുട ചിരിക്കുന്നത് കണ്ട് എനിക്കും ചിരി വന്നു…
” എന്താ രണ്ടും കൂടെ ഭയങ്കര ചിരിയാണല്ലോ ….പറ ഞങ്ങളും ചിരിക്കട്ടെ ”
ഏട്ടത്തിയുടെ ശബ്ദം ആണ് ആ ചിരിയിൽ നിന്ന് ഞങ്ങളെ മോചിപ്പിച്ചത്.പെട്ടെന്ന് പെണ്ണിന്റെ മുഖം ഒക്കെ തുടുത്തു നാണംകൊണ്ട് എന്റെ പിന്നിലായി ഒളിച്ചു എന്നിട്ട് എന്നെ ഒരു നോട്ടം. ഹൊ….
” അത്…..അല്ല അത് പോട്ടെ…..നിങ്ങള് ഇത് ഏത്‌ പെങ്കൊച്ചിന്റെ കാര്യവാ ഇത്രേം നേരം പറഞ്ഞെ… ”
ഞാൻ ഏട്ടത്തിയെ ഒന്ന് രൂക്ഷമായി നോക്കി.. ഇത്രേം നേരം എന്നെ ആകാംഷയുടെ മുന്നിൽ നിർത്തിയതല്ലേ…
” ആ കണ്ണീർ മഴയിലെ അപർണ്ണയെ കുറിച്ച്….”
മലര്….അപർണ്ണ അല്ല അപർണ്ണയുടെ പ…
അതേ മുഖഭാവത്തിൽ എന്നോട് അത് പറഞ്ഞപ്പോ.ഞാൻ ഒരു കൈ മലർത്തി പകുതി വിരലുകൾ ഉയർത്തി മുഖത്ത് പുച്ഛം വരുത്തി ഏട്ടത്തിയെ നോക്കി
” പിന്നെ എനിക്ക് ഒരാഴ്ച കൂടെ ഉണ്ട് ലീവ് അപ്പൊ ഞങ്ങള് അത് കഴിഞ്ഞേ പോണുള്ളൂ… ”
അമ്മയെ നോക്കി തുടങ്ങിയാ സംസാരം അവളെ നോക്കിയാണ് അവസാനിച്ചത്
” അത് നന്നയി ഇവളെയൊന്നു കണ്ട് എനിക്ക് കൊതിതീർന്നില്ല ”
എന്റെ പുറകിൽ നിന്നവളെ വലിച്ചു മുന്നിലേക്ക് നിർത്തി പൂണ്ടടക്കം കെട്ടിപിടിച്ചായിരുന്നു അമ്മയുടെ മറുപടി.അതിന് അവൾ ഒരു ചിരി ചിരിച്ചു.എന്താപ്പോ പറയാ. കുപ്പയിലും മാണിക്യം എന്നൊരു പഴംചൊല്ലു അനിവൃതം ആയി.
” നിനക്ക് എന്തേലും അവളോട് സംസാരിക്കാൻ ഉണ്ടേൽ നേരിട്ട് പറയെടാ… അതിന് അവൻ വളഞ്ഞു കുത്തി മുക്കിൽ പിടിക്കണ് ”
ചമ്മി, നാറി… ഇല്ല നാറ്റിച്ചു….എനിക്ക് എന്തിന്റെ കേടായിരുന്നു.അവളെ നോക്കിയപ്പോ താഴേക്കു നോക്കി നിക്കണ്.. ഇവളുടെ ആരേലും ഭൂമിയും തുറന്ന് വരൂവെന്നു പറഞ്ഞിട്ടുണ്ടോ ദൈവമെ എപ്പോളും ഇപ്പോളും താഴേക്ക് നോക്കാൻ ….
” എനിക്ക് എന്റെ ഭാര്യയോട് പറയാൻ ഉള്ളത് ഞാൻ അവളോട് പറഞ്ഞോളാം..അയിന് ആരുടേം വക്കാലത്തൊന്നും ഈ അർജുൻ വിശ്വനാഥന് വേണ്ട ”
ഞാൻ മുഖം കൊട്ടി സ്റ്റൈർ കയറി
” ഓ അവന്റെ ഒരു ഭാര്യ….. ഇന്നാ ഇതിനെ കൂടെ കോടോയിക്കോ… ”
ഞാൻ അവളേം കൂട്ടി ഒരു ചിരിയോടെ മുറിയിലേക്ക് നടന്നു….
×××××××××××××××××××××
അയ്യോ………
കണ്ണാടിക്ക് മുന്നിൽ നിന്ന എന്റെ വായിൽ നിന്നാണ് സുഹൃത്തുക്കളെ ആ ഒച്ച വന്നത്
” എന്താ ….”
പരിഭ്രമം നിറഞ്ഞ സ്വരം
ഇവളുടെ പേര് എന്നാ…..? കോപ്പ് സ്വന്തം ഭാര്യയുടെ പേരറിയാത്ത ആദ്യത്തെ ഭർത്താവ് ഞാൻ ആയിരിക്കും.. വല്ല പൊന്നെന്നോ കരളേന്നോ വിളിച്ച്‌ അഡ്ജസ്റ്റ് ചെയ്താലോ…. അയ്യേ അത് വേണ്ട ഞാൻ പഞ്ചാര ആണെന്ന് വിചാരിക്കും, ആദ്യമേ കൈന്ന് പോയി
“ഡി…… ”
എന്നെ തന്നെ നോക്കി നിന്ന അവളുടെ കണ്ണുകൾ ഒന്ന് വെമ്പി…
” മം ”
നേർത്ത മർമ്മരംഅതോടെ ഞാൻ അവളുടെ അടുത്തേക്ക് ഇരുന്നു
” സോറി…. ഇച്ചിരി ഒച്ച കൂടിപ്പോയി… ”
ഞാൻ അവളുടെ കൈയിൽ പിടിച്ചു കൊണ്ട് അത് പറഞ്ഞപ്പോ ഒരു നേരിയ ചിരി എനിക്ക് തന്നവൾ തലകുനിച്ചു
” അതേ ”
ഞാൻ വീണ്ടും വിളിച്ചു
” എനിക്ക്…ഉം…പേര് അറിയത്തില്ല….!!”
ചെറിയൊരു ലജ്ജയോടെ ആണ് ഞാൻ ചോദിച്ചത്.. പെണ്ണ് അടക്കി ചിരിക്കുണ്ട് കള്ളി…
പെട്ടെന്ന് എന്നെ ഒരു നോട്ടം.. ആ നോട്ടത്തിൽ ഞാൻ കണ്ട് അന്ന് ആ വഴിയിൽ വെച്ചുകണ്ട കാന്താരിയെ അല്ലെ
” അയ്യേ…. സ്വന്തം ഭാര്യയുടെ പേര് അറിയില്ലെന്ന്.. ആരും കേൾക്കണ്ട കഷ്ടോണ്ട്… ”
മുക്കത്തു വിരൽ വെച്ചു കളിപ്പിക്കുന്ന ചിരി എന്നെ കളിയാക്കാൻ പെണ്ണിന് ഒരു പമ്മലും ഇല്ല…
” എങ്ങനെ ഇരുന്ന പെണ്ണാ… അവള് അവളുടെ തനി കുറുമ്പ് എടുത്തകണ്ടോ….. ”
ഞാൻ അത് പറഞ്ഞപ്പോഴേക്കും അവൾ പിന്നേം പഴേപോലെ തലകുനിച്ചു ഇരിപ്പായി
“പേര് പറഞ്ഞില്ല….???”
ഞാൻ ആരോടെന്നില്ലാതെ പറഞ്ഞതും പെണ്ണ് ഒന്നും മിണ്ടണില്ല
” ഛീ…. പറയെടി… ”
ഒറ്റ അലർച്ച സ്വിച് ഇട്ടപോലെ പെണ്ണ് മുഖം ഉയർത്തി എന്നെ നോക്കി… ആ മുഖത്തുനിന്ന് അമ്പരപ്പ് എനിക്ക് വായിച്ചെടുക്കം
“അന….അന …”
” ആനയോ….??”
അവൾ നിന്ന് വിക്കിയാപ്പോ ഞാൻ പുരികം ഒന്ന് പൊക്കി അത് ചോദിച്ചു
” അല്ല… അനാമിക… ”
അവൾ ഇപ്പോളും പേടിയോടെ നോക്കുകയാണ്… ഞാൻ ഒരു സംഭവം തന്നെ…
” അപ്പോ എന്റെ ആമികുട്ടി… എനിക്ക് ഒരു ചായ ഇട്ടോണ്ട് വരവോ… ”
അങ്ങനെ വിളിച്ചുകൊണ്ടാണോ ഒന്ന് നോക്കി., ഞാൻ അത് പറയണ്ട താമസം കണ്ണൊന്നു തുടച്ചു പെണ്ണ് താഴോട്ട് ഒറ്റ ഓട്ടം.. ഞാൻ ഒരു ചിരിയോടെ അത് നോക്കി നിന്ന്.. കുറച്ചുകഴിഞ്ഞു ലാപ്പിൽ നോക്കിയിരിക്കുമ്പോൾ ആണ് പെണ്ണ് വരുന്നേ… ഒരു മടി ഒക്കെ ഉണ്ട് വരാൻ. പേടിച്ചിട്ടായിരിക്കും
പേടിക്കണം ഭീകരൻ ആണ് ഞാൻ കൊടും ഭീകരൻ
” ദേ… ചായ ”
അവൾ എന്റെ നേരെ കോഫി മഗ്ഗ് നീട്ടി
‘”ആർക്കാ ”
ഉം….
” ആർക്കാ..? ”
ഉം….
എന്റെ മുഖത്തേക് നോക്കി തല മുന്നോട്ട് ചെറുതായി ചലിപ്പിച്ചു എനിക്കാണെന്ന് ഉള്ള ആക്ഷൻ ആണ് അവിടെ
” നിനക്ക്… എ… ”
” ഡാ…. ദേ നിന്നെ കാണാൻ ആരോ വന്നേക്കുന്നു ”
