ഏട്ടൻ അങ്ങനെ ചോദിച്ചപ്പോ പെണ്ണ് നിന്ന് കരയാൻ തുടങ്ങി
” നിക്ക്…. നിക്കൊന്നും വേണ്ടെട്ടാ…. നിങ്ങള് എന്നോട്.. ഈ കാണിക്കണ സ്നേഹം കാണുമ്പോ.. എന്തോ ഒരു വിഷമം… വെഷമം പോലെത്തൊന്നാ.. അർഹതയില്ലാത്തത് ആഗ്രക്കുന്നത് പോലെ, നിക്ക് ഒന്നുഅറിയുല്ല.. ”
എന്റെ നെഞ്ചിൽ ഒരു കല്ലെടുത്തു വെച്ചപോലെ തോന്നി. അച്ഛന്റ്റെ കണ്ണുവരെ നനഞ്ഞത് എന്നെ അത്ഭുതപെടുത്തി കാരണം അച്ഛൻ കരയുന്നത് ഞാൻ ഇത് വരെ കണ്ടിട്ടില്ല.അപ്പൊ അത്രത്തോളം അച്ഛൻ അവളെ സ്നേഹിക്കുണ്ട്..
” മോളെ… നിന്നെ ഞങ്ങള് സ്വന്തം മോളായിട്ടാണ് കാണുന്നെ അതുകൊണ്ട് ഇനി അങ്ങനെ ഉള്ള ഒരു ചിന്തയും വേണ്ടാട്ടോ… ”
അവളുടെ നെറുകിൽതലോടിയ കൈകൾ അവളുടെ മുഖത്തുടെ ഒലിച്ചിറങ്ങിയ കണ്ണീർച്ചാൽ തുടച്ചുമാറ്റുമ്പോളും പെണ്ണിന്റെ മുഖം എന്നിലായിരുന്നു, ഒരു ചിരിയോടെ കണ്ണുകൾ അടച്ചു കാണിച്ചു ഞാൻ അവിടെ നിന്നും എണ്ണിറ്റ്. ഫുഡും കഴിച്ചു ഒരു ബെഡിൽ രണ്ടുപ്പുറമായി തിരിഞ്ഞു കിടന്നു, എപ്പോളോ ഉറക്കത്തിലേക്ക് വീണ ഞാൻ ഉറക്കം ഉണ്ടാർന്നപ്പോ കാണുന്ന കാഴ്ച ഇന്നലെ വാങ്ങിയ കറുത്ത ചുരുദാറും ഇട്ട് ഇറനായി നിൽക്കണ പെണ്ണിനെയാണ്. ബ്ലാക്കിൽ വൈറ്റ് ഷെഡ് വരുന്ന മോഡൽ ഒന്നാണ് അവൾ ധരിച്ചിരിക്കുന്നെ, പൂർണ്ണചന്ദ്രന്റെ തെളിച്ചമുള്ള ആ ഓമനമുഖത്തിന് ഭംഗി കൂട്ടുന്ന അഞ്ജനം എഴുതിയ ഉണ്ടകണ്ണുകളും ചുവന്നു തുടുത്ത തത്തമ്മ അധരങ്ങളും നെറ്റിയിൽ ഒരു കുഞ്ഞുപൊട്ടിനു അതിന് പുറമെ ചന്ദനകുറിയും, സീമന്തരേഖയിൽ ചോര ചലിച്ചതുപോലെയുള്ള ചുവപ്പും തൊട്ട് എന്റെ മുന്നിൽ നിൽക്കുന്ന എന്റെ പെണ്ണിനെ ഞാൻ ഒരു നിമിഷം നോക്കി നിന്നു പൊയി.
” എന്തേ… നോക്കണേ പോണ്ടേ നമ്മക്ക്. ”
കൈവിരൽ ഞൊടിച്ചു അവൾ വിളിച്ചപ്പോ പെട്ടന്ന് സ്വബോധം വീണ്ടെടുത്തു
“ഏട്ടന്റെ ഡ്രസ്സ്‌ ഞാൻ തേച്ചുവെച്ചിട്ടുണ്ടേ.. അഹ് പിന്നെ..”
അത്രേം പറഞ്ഞു തിരിഞ്ഞു നടന്ന പെണ്ണ് പെട്ടെന്നു തിരിഞ്ഞു നോക്കി
” കുഞ്ഞു വീടാട്ടോ എന്റേ.ഒരു സൗകര്യവും ഇല്ല ഏട്ടന് ഇഷ്ടവില്ല അവിടെ… അച്ഛനോട് പറഞ്ഞപ്പോ അതൊന്നും മോള് ചിന്തിക്കണ്ട ഏട്ടനേം കൂട്ടി പോയി വരാൻപറഞ്ഞു … ”
ഞാൻ ഒന്നും മിണ്ടാതെ അവളുടെ അടുത്തേക്ക് നടന്നു അവളുടെ ഇടുപ്പിലൂടെ കൈയിട്ട് എന്നിലേക്ക് അടുപ്പിച്ചു പെണ്ണ് ഒന്ന് വിറച്ചു.. പെട്ടെന്ന് നാണം ഇരച്ചു കയറിയ കവിളിൽ ഒരു മുത്തം കൊടുത്ത് ഞാൻ ബാത്‌റൂമിലേക്ക് കേറി അവൾ അതെ നിൽപ്പ് തന്നെ… എന്താ ചെയ്യാ..
——— ———
എല്ലാരോടും യാത്രയും പറഞ്ഞു ഞാൻ എന്റെ ബൈക്ക്നു തന്നെ പോകാൻ ആയി റെഡിയായി
” എനിക്ക് പേടിയാ… ഞാൻ ഇല്ല ഇതില് ”
പുറകിൽ കേറാതെ പേടിച്ചു നില്കുവാണ് പെണ്ണ്…
” എന്റെ അജു നീ നിന്റെ മറ്റേ ബൈക്കിനു പോ.ആല്ലേൽ കാറിനു പോ… ചുമ്മാ ആ കൊച്ചിനെ ഇട്ട് വട്ടുകളിപ്പിക്കാതെ.. ”
അമ്മ എന്നോടായി പറഞ്ഞിട്ട് വെളിയിലേക്ക് ഇറങ്ങി
” അമ്മ ഇത് എങ്ങോട്ടാ…? ”
” നിങ്ങള് പൊക്കോ.ഞാൻ രമണിയെ ഒന്ന് കണ്ടിട്ട് വരാം… പോയിട്ട് വാ മോളെ…”
കണ്ണൂരണ്ടും അടച്ചുകാട്ടി അമ്മ ഗേറ്റ് കടന്നു വെളിയിൽ ഇറങ്ങി
അതോടെ ഞാൻ പോയി ഹിമാലയൻ തന്നെ എടുത്ത് അതിലും കേറാൻ ശംകിച്ചു നിന്നവളെ രണ്ടു പറഞ്ഞപ്പോ ഒറ്റചാട്ടത്തിന് പിറകിൽ കേറി
” ഇനിപ്പോ മറ്റേ ബൈക്ക് തൂക്കി വിൽക്കാം അല്ലാണ്ടിപ്പം എന്തോചെയ്യാനാ.. ”
താക്കോൽ ഇട്ട് വണ്ടി സ്റ്റാർട്ടാക്കുന്നതിനു ഇടയിൽ ഞാൻ ആരോടെന്നില്ലാതെ പറഞ്ഞതും പെണ്ണ് ചാടി ഇറങ്ങി
” എന്താടി… വാ കേറ് പോവാം ”
അവളുടെ ആ പ്രവർത്തിയിൽ സംശയം തോന്നിയഞാൻ അവളെ നോക്കി ചോദിച്ചു
” എനിക്ക് മറ്റേതില് പോയാ മതി… ”
R6 ന്റെ ഭാഗത്തേക്ക്‌ ചൂണ്ടി കാട്ടിയവൾ ചിണുങ്ങി
” ചിണുങ്ങല്ലേ പെണ്ണെ മോന്തകിട്ട് ഒരു കുത്ത് വെച്ച് തരും പറഞ്ഞേക്കാം… ”
ഓരോന്ന് പറഞ്ഞു ലാസ്റ്റ് ഹിമാലയനിൽ തന്നെ പോകാൻ തീരുമാനിച്ചു അവൾക്കും അതായിരുന്നു കംഫർട്… ഈശ്വര പുതിയ വണ്ടി ഏട്ടന് കൊടുത്തിട്ട് പഴയത് തന്നെ ഉപയോഗിക്കണ്ട വരുവോ… അതിന് മുന്നെ ഇതിനുള്ള വഴി കാണണം
വഴിനീളെ എന്നോട് നിർത്താതെ സംസാരിച്ചാണ് പെണ്ണ് എന്നെ പറ്റി ചേർന്ന് ഇരിക്കുന്നെ.വീട്ടിലെക്ക് അവൾ പറഞ്ഞ വഴി പോകാതെ വേറെ വഴി വണ്ടി പോകുന്നത് കണ്ടതെ പെണ്ണ് എന്റെ തൊളിൽ തോണ്ടി എങ്ങോട്ടാ വീട്ടിലോട്ട് പോകണ്ടേ എന്നൊക്കെ ഉള്ള സേതുരമായ്യർ കളിക്കാൻ തുടങ്ങിയപ്പോ.
” മിണ്ടാതെ ഇരുന്നില്ലേൽ ഇവിടെ ഇറക്കിവിടും നിന്നെ… അതുവേണ്ടങ്കിൽ മിണ്ടാതെ ഇരുന്നോ… ”
എന്ന് പറയണ്ട താമസം പെണ്ണ് പിന്നെ ഒന്നും മിണ്ടില്ല, ബൈക്കിൽ ഇരുന്നിട്ടില്ല എന്ന് പറഞ്ഞപ്പോ ഇത്രേം പരിതാപകരം ആയിരിക്കും എന്നാര് കണ്ടു, അല്ലേലും ജീവിക്കാൻ നെട്ടോട്ടം ഓടുന്ന ആ വൃദ്ധന് വണ്ടിവാങ്ങാൻ എവിടുന്നാ പൈസ …
” ബാ ഇറങ്ങ് ”
വലിയ ഒരു തുണികടയുടെ മുന്നിൽ വണ്ടിനിർത്തി അവളോട് ഇറങ്ങാനായി പറഞ്ഞതും പെണ്ണ് ചുറ്റും നോക്കികൊണ്ട് തന്നെ വണ്ടിയിൽ നിന്നിറങ്ങി,
” എന്തിനാ ഇവിടെ നിർത്തിയെ. ഇന്നലെ ഒരുപാട് വാങ്ങിയില്ലേ… ”
മുന്നിലേക്ക് നീങ്ങിയ എന്റെ കൈയിൽ ബലമായി പിടിച്ചു നിർത്തികൊണ്ട് അവൾ ചുറ്റിനും കണ്ണോടിച്ചു
” നിനക്ക് അല്ല പെണ്ണെ.. അച്ഛനും അമ്മക്കും പിന്നെ അഞ്ചുനും ആ… നീ എന്റെ കൈയ്യന്നു വിട്.. ”
ഞാൻ ഒരു ചെറുചിരിയോടെ തന്നെ അവളേം കൂട്ടി അകത്തേക്ക് കേറി അവളാണ് എല്ലാർക്കും ഉള്ളത് എടുത്തത് ഞാൻ അവളോടൊപ്പം തന്നെ എല്ലാം നോക്കി കണ്ടു അങ്ങനെ എല്ലാർക്കും ഈരണ്ടു ജോഡി വീതം വാങ്ങി, പാർക്കിങ്ങിലേക്ക് അവളെ പറഞ്ഞു വിട്ടിട്ട് ഞാൻ ബില്ല് പേ ചെയ്യാനായി പോയി… പേ ചെയ്ത് തിരിച്ചു വന്നപ്പോ കണ്ട കാഴ്ച
വണ്ടിയുടെ ഹാൻഡ്‌ലിൽ പിടിച്ചു അങ്ങോട്ടും ഇങ്ങോട്ടും തിരിക്കണ പെണ്ണിനെയാണ്, ചുണ്ട് വിറപ്പിച്ചു വണ്ടി ഓടുന്നതായി ശബ്ദവും ഉണ്ടാക്കുന്നുണ്ട് പെണ്ണ്
പാർക്കിങ്ങിൽ ഉള്ള ആളുകൾ എല്ലാം അവളെ ഒരു ചിരിയോടെ നോക്കുന്നതും കണ്ട് ചിരിച്ചോണ്ട് ഞാൻ അവളുടെ അരികിലേക്ക് നടന്നു, ഞാൻ വരുണ്ടെന്നു മനസിലായപ്പോ പെണ്ണ് കളിയൊക്കെ നിർത്തി മിടുക്കിയായി
ഞാൻ ഒന്നും പറയാതെ വണ്ടിയിൽ കേറി, എന്നിട്ട് അവളെ തലചരിച്ചു നോക്കി
” നിന്റെ കളിയൊക്കെ കഴിഞ്ഞോ അതോ…. ”
ഞാൻ ഒന്ന് നിർത്തിട്ടു അവളെ പിന്നേം നോക്കി പെണ്ണ് ചമ്മി നില്കുവാണ്
” ചമ്മണ്ട.. ഇനി ആരും ഇല്ല ഇവിടെ കാണാൻ.ദേ അവരെല്ലാം കണ്ട് നിന്റെ കലപരുപാടി”
ഞാൻ അവളോട് അത് പറഞ്ഞപ്പോ പെണ്ണ് ഒന്ന് ഞെട്ടി ചുറ്റിനും ഇടം കണ്ണിട്ട് നോക്കി എല്ലാരും അവളെ തന്നെ നോക്കുന്നെന്ന് അറിഞ്ഞപോ പെണ്ണ് അങ്ങ് ഇല്ലാണ്ടായി , എന്നിട്ട് എന്നെ നോക്കി ഞാൻ ചിരിച്ചോണ്ട് കണ്ണടച്ച് കേറാൻ പറഞ്ഞു,അപ്പോ അവൾ വീണ്ടും ഹാപ്പിയായി പിന്നെ നേരെ അവളുടെ വീട്ടിലേക്കു പോകുന്ന പൊക്കിൽ ബേക്കറി സാധനങ്ങളും വാങ്ങി നിറച്ചു
