. ” അതെ എനിക്ക് നിന്റെ വീട്ടുകാരെ ഒന്നും അത്ര പരിജയം ഇല്ല ഒന്ന് കൂടെ നിന്നോണേ.. ”
സത്യം പറഞ്ഞാൽ നല്ല ടെൻഷൻ ഉണ്ട് എനിക്ക് ആണെങ്കിൽ അവിടെ അത്യവശ്യം പരിജയം ഉള്ളത് അഞ്ചുനേയാണ്, പിന്നെ ആയാലൊക്കകരുടെ വരവും കൂടെ ആകുമ്പോ എന്റെ ഗ്യാസ് പോവും
” ഒരിക്കലും നിൽക്കില്ലാട്ടോ.. അവിടെ. നമ്മടെ വീട്ടിൽ ആദ്യം എനിക്കും ആരേം പരിജയം ഇല്ലായിരുന്നല്ലോ, എന്നിട്ട് എന്റെ കൂടെ നിന്നോ ഇല്ലല്ലോ … ”
അവള് ചുണ്ട് രണ്ടും കടിച്ചു പിടിച്ചാണ് പറയുന്നത് എന്നെ ആക്കാൻ കിട്ടണ ഒരവസരവും പെണ്ണ് പാഴാക്കില്ല.
” സജി….. ”
ഞാൻ വണ്ടിയോടിച്ചോണ്ട് തന്നെ വിളിച്ചതും പെണ്ണ് ഒന്നുടെ എന്നെ ചുറ്റിവരിഞ്ഞു
” അതിപ്പോ എനിക്കറിയാട്ടോ ചേച്ചി ആ സിനിമ കാണിച്ചുതന്നല്ലോ… പിന്നെ ഞാൻ വെറുതെ പറഞ്ഞതാണേ…, ഞാൻ കൂടെ തന്നെ കാണും എന്നും ”
ആ വാക്കുകൾക്ക് എന്തോ ഭയങ്കര ബലം ഉള്ളതുപോലെ തോന്നിയെനിക്ക്, ഒരിക്കലും മരണം കൊണ്ടല്ലാതെ വിട്ടകലില്ല എന്നൊരു ഉറപ്പ് ആ വാക്കുകളിൽ ഉണ്ട്
” നിനക്ക് വല്ലതും വേണോ കുടിക്കാനോ മറ്റോ….?? ”
” എന്തേലും കുടിച്ചാൽ കൊള്ളായിരുന്നു.. ”
” ആർക് കൊള്ളായിരുന്നുന്നു… എടി പെണ്ണെ നിനക്ക് വേണോ.. വേണ്ടയോ..? ”
” എന്റെ ദൈവമേ ഇത്പോലെ ഒരണ്ണം… വേണമെന്നാ മനുഷ്യാ പറഞ്ഞെ…. ”
പുറത്ത് രണ്ട് കുത്തൊക്കെ കിട്ടിയെങ്കിലും ആ മനുഷ്യാ വിളി എനിക്ക് അങ്ങട് സുഖിച്ചു.
വഴിയിൽ കണ്ട ഒരു ചെറിയ കടയിൽ വണ്ടി നിർത്തി ചൂടായിട്ട് രണ്ട് നാരങ്ങവെള്ളം അങ്ങ് പറഞ്ഞു.
” അല്ല ഇതാരാ… കല്യാണം കഴിഞ്ഞു വിരുന്നിനു വീട്ടിലെക്ക് പോവായിരിക്കും അല്ലെ. ”
മുൻവശത്തു രണ്ട് പല്ല് മാത്രം ഉള്ള ഒരു ഓൾഡ് ജന്റിൽമാൻ അവളോട് കുശലം തിരക്കി
” അതെ ഗോവിന്ദട്ടാ വീട്ടിലെക്ക് പോണ വഴിയാ… ”
അതിനായാൾ മോണകാട്ടി ഒന്ന് ചിരിച്ചു ഏത്‌ ഈ ക്ലോസപ്പിന്റെ പരസ്യത്തിൽ ഒക്കെ ചിരിക്കണ പോലെ
” അല്ല ദിവരാ… നിനക്ക് ഈ പയ്യനെ മനസിലായ… ”
അടുത്തിരുന്ന സ്ടൂളിൽ പത്രം വായിച്ചോണ്ട് ഇരിക്കുന്ന കണ്ടാൽ അൻപത് അൻപതഞ്ചു പ്രായം തോന്നിക്കണ ആൾ എന്നെ ഒന്ന് നോക്കി ചിരിച്ചു ഞാനും അങ്ങ് ചിരിച്ചു ..
” പിന്നെ വിശ്വേട്ടന്റെ മോനല്ലേ..മോൻ ഇവിടെ അല്ലായിരുന്നല്ലേ… ”
” അല്ല ചേട്ടാ എനിക്ക് എറണാകുളം ആണ് ജോലി അപ്പൊ അവിടെത്തന്നെയാണ് സ്റ്റേയും..”
വീണ്ടും എന്നെ നോക്കി ഒരു ചിരിയായിരുന്നു മറുപടി . പിന്നെ ആമിയെ നോക്കി
” മോൾക് സുഖല്ലേ…സതീശൻ ഇറങ്ങിട്ടുണ്ടെന് കെട്ട് മോളെ വന്നു കണ്ടായിരുന്നോ…. ”
അത് അവൾ പറഞ്ഞ് നിർത്തിയപ്പോ പെണ്ണ് ഒന്ന് ഞെട്ടുന്നത് കണ്ടു, കുടിച്ച ഗ്ലാസ്സ് അവിടെ ഒരു മിട്ടായി ഭരണിയുടെ മുകളിൽ വെച്ചിട്ട് എന്റെ കൈയിൽ പിടിച്ചു തിരിച്ചു നടന്നു ഞാൻ ഗ്ലാസും അവിടെ വെച്ച് പൈസയും കൊടുത്ത് അവൾക്കു ഒപ്പം നടന്നു,,
” സുഖയിട്ട് പോണു… വാ ഏട്ടാ നമ്മക്ക് പോകാം ”
” . മ്.. ഞങ്ങള് എന്നാ ഇറങ്ങുവാ .. ”
ഞാൻ അവരോട് അതും പറഞ്ഞ് ബൈക്ക് സ്റ്റാർട്ട്‌ ചെയ്ത്.. കുറച്ചുമുന്നേ വരെ കലപില എന്നാലച്ച പെണ്ണാ .. ദേ ഇരിക്കണ നോക്കിയേ…! ”
ഞാൻ വണ്ടി ഒരത്തിൽ നിർത്തി അവളെ തലചരിച്ചൊന്നു നോക്കി
” ഇങ്ങനെ അങ്ങോട്ട് കേറിച്ചെല്ലാനാണെ ഞാൻ ഇല്ലാട്ടോ എങ്ങോട്ടും…. അല്ല നിനക്ക് ഇപ്പോ എന്നാ പറ്റിയെ ഏഹ്… ആരാ ഈ സതീശൻ…?”
ഞാൻ ചോദ്യങ്ങൾക്ക് മേൽ ചോദ്യം ഏയ്തപ്പോ പെണ്ണ് കുഴുങ്ങി
” അത്… ഞാൻ.. ”
” വേണ്ട എനിക്ക് ഇപ്പോ ഒന്നും അറിയണ്ട സമയമുള്ളപോലെ പറഞ്ഞാ മതി നീ.. പക്ഷെ ഇപ്പോ ഹാപ്പിയായി ഇരിക്ക് ആല്ലേൽ അവര് എന്ത് കരുതും നിനക്ക് അവടെ ബുദ്ധിമുട്ടുണ്ടന്നല്ലേ കരുതു… ”
പെണ്ണ് എന്തോ ആലോചിച്ചിട്ട് പഴേപോലെ ആയി പുറകിൽ ഇരുന്ന് നുള്ളാനും മാന്തനും ഒക്കെ തുടങ്ങി… അങ്ങനെ ഒടുക്കം അവളുടെ വീട്ടിൽ ഞങ്ങൾ എത്തി..
വണ്ടിയുടെ സൗണ്ട് കേട്ടപ്പോളെ അകത്തുനിന്ന് അഞ്ചു ഇറങ്ങിവരുന്നത് കണ്ട്. കാര്യമായ പണിയിൽ ആണെന്ന് തോന്നുന്നു മുടി ഒക്കെ പറപ്പിച്ചു യക്ഷിയെ പോലെ നിൽക്കുന്ന അവളെ കണ്ട് ഞാൻ ആമിയെ ഒന്ന് നോക്കി അവൾ ചുണ്ട് കടിച്ചുപിടിച്ചു ചിരിക്കുണ്ട്..
” ചേച്ചി…… ”
ഒറ്റ ചാട്ടത്തിന് അവൾ ഞങ്ങളുടെ അടുത്തെത്തി. ഇതെന്തോന്ന് കുതിരയോ… ഇവള് റബ്ബർ പലാണോ കുടിക്കണത്
ഇവിടെ കെട്ടിപിടിത്തം നടന്നോണ്ടിരുന്നപ്പോ അവര് ( വീട്ടുകാർ ) അകത്തുനിന്ന് വെളിയിലേക്ക് ഇറങ്ങി ഞങ്ങളുടെ അടുത്തേക്ക് വന്നു
” മോളെ…. സുഖമാണോ നിനക്ക്… അഹ് മോനെ കേറിവാ…. ”
അവളോട് സുഖവിവരം അന്വേഷിക്കുന്ന കുട്ടത്തിൽ എന്നേയും അകത്തേക്ക് ആ അമ്മ ഐ മീൻ എന്റെ അമ്മായിയമ്മ സ്വീകരിച്ചു..
അച്ഛന് എന്നോട് സംസാരിക്കാൻ ഒരു ബുദ്ധിമുട്ടുള്ളത് പോലെ അത്കൊണ്ട് ഞാൻ തന്നെ അങ്ങോട്ട് കേറി മിണ്ടി
” അച്ഛൻ ഇന്ന് പോയില്ലേ.. അതോ പണി കുറവാണോ… ”
എന്തെകിലും ചോദിക്കണമല്ലോ എന്നോർത്തു ഞാൻ ചോദിച്ചു
” അഹ് മോനെ പണിയൊക്കെ കഷ്ടണന്നെ..”
ഉമ്മറത്തിണ്ണയിൽ ഇരുപ്പുറപ്പിച്ചു തോളിൽ കിടന്ന തോർത്തെടുത്തു മുഖത്തിന് ചുറ്റും കറക്കി ഒന്ന് നെടുവീർപ്പിട്ടു, എനിക്കും എന്താ ഇനി മിണ്ടണ്ടെ എന്നൊരു നിച്ഛയം ഇല്ല.. കൈയിലെ സ്റ്റോക്ക് തീർന്നു എന്ന് മനസിലായതേ ഞാൻ ആമിക് മുഖം കൂടുത്തു.
” ഹാ.. നി ഇങ്ങനെ നില്കാതെ കവറ് അവർക്ക് എല്ലാർക്കും കൊട്… ”
” അയ്യോ.. ഞാൻ അതങ്ങ് വിട്ട് പോയി… ദാ… ”
അവളുടെ കൈയിൽ ഇരുന്ന കവറിലേക്ക് നോക്കി ഞാൻ പറഞ്ഞതും പെട്ടെന്ന് കവർ എല്ലാർക്കും കൊടുക്കാൻ തുടങ്ങി..
എല്ലാരുടേം കണ്ണുകൾ നിറയുണ്ട്. അത് കണ്ടപ്പോളെ ഞാൻ പറഞ്ഞു
” ദേ കരഞ്ഞു സെന്റി സീൻ ആകാൻ ആണ് പ്ലാനെങ്കിൽ അഹ് … എന്തിനാണാനെന്നെ കരയുന്നെ വേറെ ആരും അല്ലലോ നിങ്ങടെ മോൻ അല്ലെ ഞാനും. “.
ഞാൻ ചെറുചിരിയോടെ തന്നെ അമ്മേടെ തോളിലൂടെ കൈയിട്ട് അകത്തേക്ക് കേറി അമ്മയും ചിരിക്കുന്നുണ്ട് പോകുന്ന പൊക്കിൽ അവളെ നോക്കി ഒന്ന് കണ്ണിറുക്കാനും ഞാൻ മറന്നില്ല.
എന്തോ എല്ലാരും ആയി ഞാൻ പെട്ടെന്നു തന്നെ അടുത്തു, ആദ്യം എന്നോട് എങ്ങനെ മിണ്ടും എന്നൊക്കെയുള്ള എല്ലാരുടെയും സംശയത്തെപാടെ മാറ്റിക്കുറിച്ചു ഞാൻ എല്ലാരുമായി കമ്പനിയായി.
” ഇന്നാ.. നിങ്ങൾ ഇന്ന് വരണുണ്ട് എന്ന് കേട്ടപ്പോളെ ഞാൻ അച്ഛനെക്കൊണ്ട് ഇടിച്ചതാ ചക്ക. മോൾക് ഇഷ്ട്ടാ കുമ്പളപ്പം ”
ഒരു സ്റ്റീൽ പത്രത്തിൽ കൊണ്ട് വെച്ച കുമ്പളപ്പത്തിനെയും അവളെയും ഞാൻ നോക്കി..
” അമ്മ എന്തിനാ ഈ പത്രത്തിൽ എടുത്തേ…. മറ്റേ എടുക്ക് ”
എന്റെ നോട്ടം വന്നതേ പെണ്ണ് അമ്മക്ക് നേരെ അഞ്ജന അറിയിച്ചു, എന്നാൽ അതിന് പുല്ല് വില കൊടുത്ത് പ്ലേറ്റ് എന്റെ നേരെ നീക്കി വെച്ച് ഇല പൊളിച്ചുമാറ്റി ഞാൻ അതെടുത്തു കഴിക്കാൻ തുടങ്ങി.. അതിനിടക് അവളെ നോക്കി “പോടി ” എന്നും ഞാൻ പറഞ്ഞു അത് കണ്ടിട്ട് എല്ലാരും ചിരിക്കുന്നും ഉണ്ട്
