“ഗയ്‌സ്…” അവന് വിളിച്ചു കൊണ്ട് ഉള്ളിലേക്ക് വലിഞ്ഞു.. ഹീറിനെ തല്ലിയവൻ എഴുന്നേറ്റു.
എനിക്ക് ചുറ്റുപാടിനെ കുറിച്ച് വ്യക്തത ഉണ്ടായിരുന്നു.. ഞങ്ങൾ നിൽക്കുന്നതും കുറച്ചു മുന്നിലായി.. മരത്തിന്റെ ഒരു ചെയറുണ്ട്.. അതിന്റെ മുന്നിൽ ഒരു ഡസ്ക് അത്‌ കഴിഞ്ഞാണ. തല്ലിയവൻ നിൽക്കുന്നത്. അവന്റെ ഇടതു വശത്താണ് റൂമിൽ നിന്ന് തല നീട്ടിയവൻ..
പെട്ടന്ന് റൂമിൽ നിന്ന് മൂന്നു പേര് ഇറങ്ങി വന്നു..
മൂഞ്ചി… പെട്ടു. പുറത്തെ വണ്ടി കണ്ടപ്പോ എറിയാൽ രണ്ടു പേരെ ഉണ്ടാവൂവെന്ന് കരുതിയതാണ്.. നാലാളുണ്ടെന്ന് അറിഞ്ഞില്ല. എല്ലാരേയും അടിച്ചിടാൻ എനിക്ക് പ്രേത്യേക കഴിവൊന്നുമില്ല. പെട്ടന്ന് ഹീറിന്റെ കൈ പിടിച്ചു.ഇറങ്ങി ഓടുന്നത് ചാവുന്നതിന് തുല്യമാണ്. ഒരടി എങ്കിലും ഇവളെ തല്ലിയ നായിന്റെ മോന് കൊടുക്കണം.. മനസ്സിൽ അതായിരുന്നു.. ഹീറിനെ വേഗം പുറത്താക്കി ഞാൻ വാതിൽ പൂട്ടി. ഞാൻ കാരണം അവൾക്ക് ഒന്നും വരരുത്..
“ഓഹ്..” മുന്നിലുള്ളവന്മാർ ഒരുമിച്ചു പറഞ്ഞു ചിരിച്ചു.. ഹീറോയിസം കാട്ടുകയാണെന് കരുതി കാണും..
“പ്ലീസ് ലിസെൻ ബ്രോ..” കണ്ണട വെച്ച ഒരു തടിയൻ… അവന്റെ അനുനയന ശ്രേമം…അടുത്തേക്ക് വന്നു മുന്നിലെത്തിയതും..ഉള്ളശക്തിയെല്ലാം എടുത്തു മുഷ്ടി ചുരുട്ടി അടുത്തതൊന്നും പറയാൻ വാ തുറക്കുന്നതിനു മുന്നേ കൊടുത്തു അവന്റെ കവിളിൽ.കണ്ണു വിടര്‍ന്നവന്‍റെ ബാലൻസ് പോയി. സൈഡിലെ ചുവരിലേക്ക് ചാരി അവന് നിലത്തേക്ക് ഇരുന്നു.
ബാക്കി മൂന്ന് പേര് മുന്നോട്ട് ചാടി. ഓടി മുന്നിലെ കസേര അടുത്തു ഞാൻ സൈഡിലെ ഒരുത്തന്റെ മേത്തേക്ക് എറിഞ്ഞു.അവന് മാറാന്‍ നോക്കിയെങ്കിലും അതവന്‍റെ കാലില്‍ വീണു .മുന്നിലെ ഡെസ്കിലേക്ക് ചാടി കേറി ഞാന്‍ താഴെ നിൽക്കുന്ന ഹീറിനെ തല്ലിയവന്റെ മേത്തേക്ക് ചാടി. അവന് നിലത്തേക്ക് വീണു തല നിലത്ത് അടിച്ചു.പിടക്കുന്ന അവന്റെ വയറിന്റെ മുകളിൽ കേറി ഇരുന്ന് മുഷ്ടി ചുരുട്ടി കൊടുത്തു.. കവിളിൽ ആദ്യത്തെ ഒന്ന്.”ഹാ… ” അവന്റെ ചുണ്ട് പൊട്ടി കാറി.
രണ്ടാമത് ഒന്നുകൂടെ ഞാൻ കൈ പിറകിലേക്ക് എടുത്ത് കവിൾ നോക്കി ആഞ്ഞു.ഷിർട്ടിന്റെ കോളറിൽ പിടി വീണു.. പിറകിൽ നിന്ന് ഒരുത്തന്‍ വലിച്ചു. കൈ അവന്റെ മുഖത്തു കൊള്ളാതെ പോയി.
നിലത്തേക്ക് ഞാൻ മറഞ്ഞു.ചവിട്ടാന്‍ നോക്കിയ നാറിയുടെ നേരെ തിരിഞ്ഞു അവന്റെ കാലിൽ പിടിച്ചു വലിച്ചു.സൈഡിലെ അലമാരയുടെ മുകളിലേക്ക് അവന് ചെരിഞ്ഞു.മുകളിൽ നിന്ന് എവിടെ നിന്നോ ഒരു ഗ്ലാസ് നിലത്തേക്ക് വീണു പൊട്ടി ചിതറി.കണ്ണട വെച്ച തറ്റിയന്‍ എഴുന്നേല്‍ക്കാന്‍ ആഞ്ഞപ്പോ, ഞാൻ കൈ കുത്തി എഴുന്നേറ്റു… ഉള്ളൻകൈ തൊലി കീറി ഗ്ലാസ് ചില്ലിന്റെ ഒരു കഷ്ണം ആഴ്ന്നു.. “ഹാ……..” അറിയാതെ വായിൽ നിന്ന് വന്നു പോയി.ഉള്ളൻകൈയ്യിൽ ചോര. തറച്ച ചില്ല് എങ്ങനെയോ വലിച്ചൂരി…എറിഞ്ഞു.
മുട്ടിങ്കാലിൽ നിന്നു. ശ്വാസം വലിച്ചെടുത്തു ചുറ്റും നോക്കി .ആദ്യം അടി കിട്ടി ബാലൻസ് പോയവൻ തടിയന്‍ തുറിച്ചു നോക്കി. കസേര എടുത്ത് എറിഞ്ഞു കാലിൽ കൊണ്ടവൻ..മുട്ടുഴിഞ്ഞു കലിപ്പോടെ നോക്കി. ഹീറിനെ തല്ലിയവൻ ചുണ്ടിലെ ചോര ഒപ്പി.. എന്നെ പിടിച്ചു വലിച്ചവൻ തൊട്ടു സൈഡിൽ.എനിക്ക് കലിപ്പടങ്ങിയില്ല. അവന് കൊണ്ടത് പോരാ.. ഒന്നുകൂടെ കൊടുത്തില്ലെങ്കിൽ…??
മുന്നോട്ട് ആഞ്ഞു. സൈഡിലുള്ളവൻ കൈ നീട്ടി പിടിക്കുന്നതിന് മുന്നേ..അവളെ തള്ളിയവന്റെ കവിളിൽ ഒന്ന് കൂടെ തല്ലി.അവന് മുഖം പൊത്തി. സൈഡിൽ നിന്നും മൂന്നെണ്ണം കൂടെ കൈ പിടിച്ചു ഒറ്റ വലി .ഞാൻ സൈഡിലെ ചുമരിലേക്ക് തെറിച്ചു.
കണ്ണട വെച്ച തടിയൻ വയറ്റിൽ കുത്തി.. “ഹാ….” വായയിൽ കൂടെ മൂളൽ വന്നു … കണ്ണ് തള്ളി പോയി..ശ്വാസം ഒന്ന് നിന്ന പോലെ… പിടഞ്ഞു… കാലുപൊക്കി അവന്റെ നെഞ്ചിൽ ചവിട്ടി.. അവന് കുലുങ്ങിയില്ല. പിടിച്ചു വെച്ച രണ്ടെണ്ണത്തിന്റെ കയ്യിൽ നിന്നും കുതറി… മോന്തക്ക് ഒരടി കിട്ടി.. തൊലി പൊള്ളി പോയി.പല്ല് കടിച്ചു സഹിച്ചു.തടിയൻ ഒന്ന് കൂടെ ചവിട്ടി നാബിക്ക്… ചുമരിലേക്ക് അടിച്ചു ഞാൻ വീണു.. അനങ്ങാൻ വയ്യ തരിച്ചു പോയി.
നാലെണ്ണം കൂടെ എന്നെ സൂക്ഷിച്ചു നോക്കി.. ഒന്ന് അനങ്ങി കിട്ടിയാൽ ഒന്ന് കൂടെ തല്ലാൻ ആവും.. കൊടുക്കണം ആ തടിയനു. കിതപ്പ് ഒന്ന് അടങ്ങട്ടെ.. നെഞ്ചും വയറും കൊളത്തിപിടിക്കുന്നു… ശ്വാസം വലിച്ചു വിട്ടുകൊണ്ട് ഞാൻ വയറിൽ അമർത്തിഅലറി.. പെട്ടന്ന് വാതിലിൽ ചവിട്ട്.. രണ്ടു ചവിട്ട് കൊണ്ട് വാതിൽ തുറന്നു പോന്നു. അജിൻ, അർജുൻ, ജസ്റ്റിൻ, കാർത്തിക്… ഓടി കേറി… പിന്നെ രണ്ടു ആർക്കൽ കേട്ടു.. മോന്ത പൊളിയുന്ന ശബ്‌ദം. ഞാൻ നിലത്തു നീണ്ടു കിടന്നു… മരത്തിന്റെ കസേര.. എറിഞ്ഞത് ആർക്കും കൊള്ളാതെ.. ചുമരിൽ തട്ടി നിലത്തു വീണു പൊട്ടി…
അഞ്ചു മിനിറ്റ്.. മലന്നു കിടക്കുന്ന എന്റെ മുകളിൽ സ്വന്തം കവിള്‍ തടവി കൊണ്ട് അജിൻ.
“എഴുന്നേക്കെടാ തെണ്ടി…” അവന് കാറി… എനിക്ക് ചിരി വന്നു എന്തായിപ്പോ ഇവിടെ കാട്ടിയത്.അജിന്റെ കൈയും പിടിച്ചു എഴുന്നേറ്റു… കാർത്തിക് കസേരയിൽ ചാരി ഇരിക്കുന്നുണ്ട്. നിലത്തു തടിയൻ വാ പൊളിച്ചു ശ്വാസം എടുക്കുന്നു… ജസ്റ്റിൻ തൊലി പോയ. മുട്ടിൻകൈ തടവി.. ഹീറിനെ തല്ലിയവൻ താഴെ കിട്ടിയ കുപ്പിയിലെ വെള്ളം വായിൽ കമഴ്ത്തി തുപ്പിയെന്നെ നോക്കി.ബാക്കി രണ്ടെണ്ണം വയ്യാതെ മൂലയിൽ.. ഹീറിനെ തല്ലിയവന്റെ അടുത്ത് ചെന്നു കുപ്പി വാങ്ങി തൊണ്ടയിലേക്ക് കമിഴ്ത്തി. അവന് സഹകരിച്ചു..
വാതിൽക്കലേക്ക് ഓടിവന്നു കണ്ണുനിറച്ചു നോക്കുന്ന ഹീറിനെ ഞാൻ കൈകാട്ടി വിളിച്ചു. അവൾ മെല്ലെ മെല്ലെ അകത്തേക്ക് വന്നു തലതാഴ്ത്തി നിന്നു. ഇനിയും ഇവല്‍ക്ക് പേടിയോ?? അജിൻ ഇനി എന്താടാ എന്ന രീതിയിൽ എന്നെ നോക്കി.കാർത്തിക്ക് ചെറുതായി ഒന്ന് ചിരിച്ചു.. ജസ്റ്റിൻ മെല്ലെ കൈ അടിച്ചു..പ്രോത്സാഹിപ്പിച്ചു.
ഞാൻ കൈ നീട്ടി ഹീറിനോട് അടുത്തേക്ക് വരാൻ ആംഗ്യം കാട്ടി. അവൾ കണ്ണിൽ നോക്കിയതല്ലാതെ അടുത്തില്ല. ഉള്ളക്കൈയ്യിൽ നീറ്റൽ കൂടി… മുഖത്തു തൊലി പൊളിഞ്ഞ വേദന. അപ്പോഴാ അവളുടെ നോട്ടം..
“ഇങ്ങട്ട് വാടീ….” ഞാൻ മുരണ്ടു. എന്റെ ഇടതു വശത്തുള്ള. ഹീറിനെ തല്ലിയവൻ. എന്താണ് ചെയ്യാൻ പോവുന്നത് എന്ന രീതിയിൽ നോക്കി.എന്റെ ഭാവം കണ്ട് ഹീർ പേടിച്ചു അടുത്തു വന്നു..
“കിട്ടിയത് അങ്ങ് കൊടുത്തേക്ക്… എന്തായാലും ഇവിടെ വരെ വന്നില്ലേ…?? ” ഇവളെ കൊണ്ടുവന്നതിനു ഒരു പരിഹാരം എങ്കിലും ആവട്ടെ.. അല്ലേൽ ഇപ്പൊ വരണ്ട ആവശ്യം എന്തായിരുന്നു.. രണ്ടു തല്ല് കിട്ടി… ആശ്വാസപ്പിച്ചാൽ പോരെ. എന്‍റെയാരായിവൾ.ഏതോ പെണ്ണിനുവേണ്ടി തല്ലാൻ വന്നു വാങ്ങി കൂട്ടി ഞാന്‍.. എന്തോ പ്രാന്ത് ഉള്ളിൽ കേറീട്ടുണ്ട്. എനിക്ക് തന്നെ തോന്നി.
