കാൾ വന്നു ചെറിയമ്മ. നാശം!!! സ്വിച്ച്ഓഫ് ആക്കി.. പോയി മുഖമൊന്ന് കഴുകി.
ഹീർ വന്നു… സോഫിയിൽ കിടക്കുന്ന ഐറയെ നോക്കി അവളുടെ കണ്ണ് തള്ളി. പിന്നെ എന്നെ ഒരു നോട്ടവും.. പെണ്ണ് വേണ്ടാത്തത് ഒക്കെ വിചാരിക്കുന്നോ ആവോ?
പാത്രം വാങ്ങി മുങ്ങി.. തരുന്ന നോട്ടവും ചിരിയും മറന്നില്ല. അവളിറങ്ങിയപ്പോ… ചവിട്ടി പൊളിക്കുന്ന സൗണ്ട് കൊണ്ട് സ്റ്റെപ്പ് കരഞ്ഞു…അജിൻ
“അളിയാ…” നീണ്ട പടുകൂറ്റൻ മരം പോലെ വളർന്ന അവനെ കണ്ടു ഞെട്ടി.ഇവന് നീളം പിന്നെയും കൂടിയോ?? ഉള്ളിലേക്ക് കേറി അവന് പരുങ്ങി. ചുറ്റും മൊന്ന് കണ്ണോടിച്ചു.. എന്നെ നോക്കി ഇളിച്ചു.
” എടാ നാറി.. ഇതൊക്കെ ഇങ്ങനെ ആക്കിയോ.. ഞാൻ ചെയ്യുമായിരുന്നല്ലോ?? ” ഓഹ്ഹ് കേട്ടപ്പോ അങ്ങ് കലി കേറി.. വന്നു കെട്ടി പിടിച്ചു.അവന്റെ ഷോൾഡറിന് അത്രേ ഞാനുള്ളു.
“സുഖം അല്ലേടാ…” മധുരമുള്ള വാക്കുകൾ.. പുറമെ ചിരിച്ചു.തലയാട്ടി..
“കിടക്കണ കണ്ടോ കുണ്ടിയും കാട്ടി . ഇതൊക്കെ ഉണ്ടെങ്കിലും ഒന്ന് തൊട്ടാൽ ഉണ്ടല്ലോ കൊന്ന് കളയയും ആ തെണ്ടി….വേണ്ടാത്തതൊന്നും ചെയ്യല്ലേ ട്ടോ ”
സോഫയിലേക്ക് കണ്ണെറിഞ്ഞു.. അജിൻ ചിരിച്ചു. ഐറ.. ബാക്കിലേക്ക് കൈ നീട്ടി ടി ഷർട്ട്‌ വലിച്ചു താഴ്ത്തി ചന്തി മറച്ചു..
“ഓ അപ്പൊ ബോധം ഉണ്ടല്ലേ തമ്പ്രാട്ടിക്ക്..” അവന് അവളോട് ചോദിച്ചു.
“നീ പോടാ നാറി….”തിരിച്ചു മറുപടി..
“കണ്ടില്ലേ ഇതാണ് സാധനം…” അജിൻ മുഖം ചുളിച്ചു പറഞ്ഞു.
സൈഡിലെ ബെഡിലേക്ക് ഇരുന്നു.. അവന് പതിയെ കാര്യങ്ങൾ ഒക്കെ ചോദിച്ചു. എവിടെയും തൊടാതെ കാര്യം അവതരിപ്പിച്ചു.. വീട്ടിൽ നിന്ന് പുറത്ത് ആക്കിയെന്നും, തേപ്പ് കിട്ടിയെന്നും.ആരാണെന്നോ? എന്തിനാണെന്നോ അവന് ചോദിച്ചില്ല. തേപ്പ് ഷെറിന്റെ കയിൽ നിന്നാണെന്ന് അവന് കരുതിക്കാണും.നല്ലത്… വിങ്ങൽ പുറത്തേക്ക് എറിയണ്ടല്ലോ..കീശയിൽ തിരുകിയ ചുരുട്ട് എടുത്ത് അവന് കത്തിച്ചു.മത്ത് കേറുന്നൊരു മണം.
രണ്ടു വലി വലിച്ചു അവന് എന്റെ നേരെ നീട്ടി.. അറിയില്ല ആദ്യമായിട്ടാണ് ആണ്. ചുണ്ടിൽ ചേർത്ത് ഉള്ളിലേക്ക് ആഞ്ഞു വലിച്ചു… തൊണ്ടയിലും മൂക്കിലൂടെയും തീ ഇറങ്ങി.. ചുമച്ചു. തല ഒന്ന് കുടഞ്ഞു.. സോഫയിൽ കിടന്ന ഐറ തലപൊക്കി എന്നെ നോക്കി.. അജിൻ ചിരിച്ചു.. എന്റെ കയ്യിൽ നിന്ന് വാങ്ങി അവന് വലിച്ചു. സുഖമുള്ളൊരു ലഹരി. മൂളുന്ന കാറ്റിൽ ലയിച്ചു ഞാൻ പറക്കുന്നപോലെ തോന്നി.. അജിൻ വീണ്ടും നീട്ടി.. ഇത്തവണ വാങ്ങിയില്ല ഒന്ന് വലിച്ചതെ മതിയായി.
കണ്ണ് മെല്ലെ അടച്ചു… വീട്ടിലെ എന്റെ റൂമിൽ കിടക്കുന്ന പോലെ തോന്നി, പുറത്തു നല്ല മഴ, ഇരുണ്ട അന്തരീക്ഷത്തിൽ.. തണുപ്പ് കുത്തി കുത്തി ഉള്ളിലേക്ക് അടിച്ചു കയറുന്നു.. ജനൽ പാതി തുറന്നതാണ്.. ജനൽ പടിയില് ആരോ ഇരിക്കുന്നുണ്ട്. ഞാൻ മുന്നോട്ടഞ്ഞു ആ തോളിൽ തൊട്ടു.. പുറത്തേക്ക് നോക്കി നിന്ന ആ തല തിരിഞ്ഞു… അനു.. ചെറിയ കുറുമ്പിൽ അവൾ എന്നെ നോക്കി..
“തണുക്കുന്നെടാ കൊരങ്ങാ??” ആ കൈ നീട്ടി അവൾ കൊഞ്ചി…
“അയ്യേ ഇത്ര വല്യ പെണ്ണായില്ലേ?? ഒന്നുല്ലേലും ന്റെ ചെറിയമ്മ അല്ലെ നീ പെണ്ണെ…”
“പോടാ… പൊട്ടാ….” അവൾ മുന്നോട്ട് കൊണ്ടുവന്ന എന്റെ മുഖം പിടിച്ചുന്തി പറഞ്ഞു ചിരിച്ചു..
“അഭീ…” ചെറിയമ്മ വീണ്ടും വിളിച്ചു..
“ഹ്മ്മ്..”
“അഭീ………” ശബ്‌ദം മാറി.. എന്റെ ചുണ്ടിലെ ചിരി പോയി. കണ്ണുതുറന്നു… മുന്നിൽ ഡ്രസ്സ്‌ മാറി ഐറ..സ്വപ്നംആയിരുന്നോ??നാശം പിടിക്കാൻ നശിച്ചവളെ എന്തിന് കാണണം..ഐറ മുന്നിൽ നിന്ന് എന്നെ സൂക്ഷിച്ചു നോക്കി.
“കണ്ട സാധനം ഒന്നും വലിക്കാൻ നിക്കണ്ട ചെക്കാ…. ഇവന് പലതും തരും..” അവള്‍ കല്പ്പിച്ചു… ബാത്‌റൂമിൽ നിന്ന് ഇറങ്ങി അജിൻ.. അവളെ തല്ലുന്ന പോലെ പിറകിൽ നിന്ന് കാട്ടി…
“ഞാൻ പോവ്വാ…..”പറഞ്ഞു അവൾ പോയി.
വൈകിട്ട് ചുവന്ന മാനം നോക്കി ഞാനും അജിനും നടന്നു. സ്ട്രീറ്റ്റിൽ കൂടെ. എല്ലാം ഒന്ന് മറക്കാൻ നല്ലതാണെന്ന് തോന്നി. പിന്നെ അവന്റെ ക്ലബ്ബിലേക്ക്… മുഴുവൻ കളർ വാരി തേച്ച ഒരു ബിൽഡിങ്ങിന്റെ മുകളിൽ.. ഡ്രംസും, ഗിറ്റാറും. മുഴങ്ങുന്ന അന്തരീക്ഷത്തിലേക്ക് നടന്നു കേറി. അജിന്റെ വരകൾ മൂലകളിൽ… ഗിറ്റാർ താളം ഇട്ടുകൊണ്ട്.. ജസ്റ്റിൻ.. എന്നെ പോലെ ബി ടെക്കുകാരൻ.. ഡ്രംസിൽ- അർജുൻ, പാടാൻ റെഡി ആയി- ശരത്തേട്ടൻ. മുടി നീട്ടി വളർത്തിയ കാർത്തിക്-എഴുത്തുകാരൻ. അജിൻ എല്ലാരേയും പരിചയപ്പെടുത്തി.. താളം മൊത്തം നിന്നു.. ഒരു തരം നിശബ്ദതയില്‍ അജിന്‍ എന്നെ പരിചയപ്പെടുത്തി.
“ഇത് അക്ഷയ്… അഭി എന്നാണ് വിളിക്കൽ.. ബി ടെക്.. എന്റെ ക്ലാസ്സ്‌ മേറ്റ്‌.. പിന്നെ ” അവന് എന്റെ മുഖത്തേക്ക് നോക്കി, എന്താന്നുള്ള എന്റെ ചോദ്യം മുഖത്തു ഉണ്ടായിരുന്നു..
” ഒരു തേപ്പ്. ഇത്തിരി പ്രശ്നങ്ങൾ ” അജിനവരോട് പറഞ്ഞു.. ഞാൻ എല്ലാർക്കും ഒരു ചിരി കൊടുത്തു.. മൂടി വെച്ചിട്ട് എന്താ കാര്യം.അറിയട്ടെ.
വന്നപ്പോ ഇത്തിരി സംശയം തോന്നിയ അവരെ കൂടുതൽ അടുത്തപ്പോ വല്ലാണ്ട് ഇഷ്ടപ്പെട്ടു..
എല്ലാം തുറന്നു പറയുന്ന ഒരു കൂട്ടം.. മദ്യം വിളമ്പി.. ആദ്യമായി കഴിച്ചു. ശരത്തേട്ടന്റെ പാട്ട്. കൂടെ പാടി… തല പെരുത്തു. ഓർമ്മകൾ മെല്ലെ തല പൊക്കി… കണ്ണ് നിറഞ്ഞോ. എല്ലാരുംകൂടെ എന്നെ നോക്കുന്നു.. അജിൻ എന്തോ കത്തിച്ചു… ആ മണം.. സ്പെഷ്യൽ സാധനം ആണ് മോനേ നിന്റെ വിഷമം എല്ലാം തീരട്ടെ… കാർത്തിക് ഇടയിൽ പറഞ്ഞു. വലിച്ചു. നീണ്ട ഇടവേളക്ക് ശേഷം.. എല്ലാം മറന്നു ഒന്ന് ഉറങ്ങി എപ്പോഴോ എഴുന്നേറ്റ്… കാറിൽ കേറി അജിന്റെ റൂമിലെത്തി ബെഡിൽ കിടന്നത് ഓർമയുണ്ട്..ചാത്തപോലെ വീണ്ടും ഉറങ്ങി..
രാവിലെ പണി പെട്ടെഴുന്നേറ്റു.. അജിനുണ്ടാക്കിയ ചായയും കുടിച്ച അവന്റെ കൂടെയിറങ്ങി.അഞ്ചു നില ബിൽഡിംഗ്‌, കമ്പി കെട്ടിയതും, സ്പേസിങ്ങും എല്ലാം പോയി നോക്കി. ഓഫീസിൽ റിപ്പോർട്ട്‌ ചെയ്തു.പിന്നെ അവിടെയും ഇവിടെയും തെണ്ടി.. മടുത്തു. ഉച്ചക്ക് ശരത്തേട്ടന്റെ വീട്ടിൽ പോയി വെട്ടി വിഴുങ്ങി. നേരെ അജിന്റെ റൂമിലേക്ക്.ഉറക്കം . ഐറ പിന്നെ വന്നില്ല. വൈകിട്ട് ക്ലബ്ബിൽ. എന്തൊക്കെയോ കുടിച്ചു. വലിച്ചു… ബോധം പോയി.. അവിടെ തന്നെ കിടന്നു..
അതൊരു പതിവായി. ദിവസങ്ങള്‍ പോയി .ഇടക്ക് ബോധമുള്ളപ്പോ എന്തെങ്കിലുമൊക്കെ മനസ്സിൽ വരും, അമ്മയെ കാണാൻ തോന്നും, എന്റെ മുറിയിലെ തണുപ്പും മണവും ആസ്വദിക്കാൻ തോന്നും.അചന്‍റെ ചിരി കാണും. ചെറിയമ്മയുടെ മുഖം മിന്നി മായും… എല്ലായ്പോഴും വൈകുന്നേരങ്ങളിൽ.. ചുവന്ന ആകാശവും ,കത്തി വരുന്ന തെരുവുവിളക്കുകളും, വീട്ടിലേക്ക് ആളുകൾ മടങ്ങുന്നതും, ട്രെയിനിന്റെ ചൂളം വിളിയു മനസ്സിനെ തൊടുമ്പോ ഒന്ന് ആടിയുലയും… അജിൻ തന്ന ചുരുട്ട് ഒന്നാഞ്ഞു വലിക്കും… ശരീരം നേർത്ത ഒരു തൂവൽ പോലെ പറന്നുയരും… എല്ലാം മറക്കാൻ നല്ല മാർഗം.,
