എന്തായാലും കാര്യം മനസിലായില്ലേ…അതിനകത്തു കേറി നോക്ക്. വേറെ ലെവൽ ആണ് മോളെ…
എന്താപ്പോ ഇതിനും മാത്രം?
നീ ഇത്രേം കാലം വെള്ളച്ചാട്ടം മുന്നീന്ന് അല്ലേ കണ്ടിട്ടുള്ളു?? എപ്പോഴേലും പിന്നീന്ന് കണ്ടിട്ടുണ്ടോ???
ഞാൻ തോൾ കുലുക്കി ഇല്ലെന്ന് കാണിച്ചു.
എന്നാ ഇന്ന് കാണാം. വെള്ളം ഒരു ഷട്ടർ പോലെ നമ്മടെ മുന്നിലൂടെ ഒഴുകും.
Wow. പൊളി ആയിരിക്കും ല്ലേ…
ആണോന്നോ!!! നീ താളം പിടിച്ചു നിക്കാതെ ചാട് വെള്ളത്തിലേക്ക്.
നിക്കടാ…അലക്കി കഴിഞ്ഞു വരാം. ഇല്ലെങ്കിൽ പിന്നെ ഇരുട്ടാകും.
(അപ്പോഴേക്കും അവന്റെ മുഖത്തെ വോൾടേജ് മങ്ങി. നീന്തി എന്റെ അടുത്തേക്ക് വന്നു. കൈ പിടിച്ചു പുഴയിലിറങ്ങാൻ വലിച്ചു. )
നിക്ക് നിക്ക് നിക്ക്…ആദ്യം നീ എന്നെ ഒന്ന് സഹായിക്ക്. എന്നിട്ട് നമ്മക്ക് ഒന്നിച്ച് ഗുഹയിൽ പോകാം.
( ഞാൻ സഹായിക്കാൻ പറഞ്ഞത് അവന് പിടിച്ചില്ല. വേഗം അവൻ കൈ വിട്ടു. )
എന്തിന്? ഒരു കാര്യം ഏറ്റെടുത്ത ഒറ്റക്ക് ചെയ്യണം ഇല്ലെങ്കിൽ പിന്നെ ഏറ്റെടുക്കാൻ നിക്കരുത്.
അയ്യടാ. അത് നീ നിന്റെ കെട്യോളോട് പറഞ്ഞ മതി. ഇപ്പൊ എന്നെ സഹായിച്ചേ പറ്റു.
എടി എനിക്ക് അലക്കാൻ ഇഷ്ടമില്ലാത്തോണ്ടല്ലേ ഞാൻ നിന്നെ ഏല്പിച്ചത്.
നീ അലക്കണ്ട. ഞാൻ തരുന്നത് മുക്കി പിഴിഞ്ഞ് പാറപ്പുറത്തു വിരിച്ചാൽ മതി. അതാകുമ്പോ കുളി കഴിഞ്ഞു പോകാൻ നേരം ഒരുവിധം ഉണങ്ങിയിട്ടുണ്ടാവും.
മ്മ്മ് ശെരി ഞാൻ സഹായിക്കാം ( മനസില്ല മനസോടെ അവൻ സമ്മതിച്ചു.)
(അവന്റെ മങ്ങിയ വോൾടേജ് ഒന്ന് ഉഷാർ ആക്കാൻ ഓരോ വർത്താനം പറഞ്ഞാണ് അലക്കുന്നത്. അതിനിടയിൽ മമ്മിയുടെ പ്ലാൻ ഞാൻ പറഞ്ഞു )
ടാർസൺ : എനിക്കെന്തോ ഒരു പന്തികേട് തോന്നുന്നു.
എന്ത് പന്തികേട്?
ഒന്ന് ആലോചിച്ചു നോക്ക്. ഇപ്പൊ തന്നെ almost എല്ലാം അയാളുടെ നിയന്ത്രണത്തിലാണ്. ഇനി മമ്മിയെ കല്യാണം കഴിക്കുക കൂടി ചെയ്താൽ നമ്മടെ കാര്യവും അയാൾ നിയന്ത്രിക്കുന്ന അവസ്ഥ വരും.
ഒന്നുമില്ലേലും അയാൾ നമ്മൾക്കു വേണ്ടി ഇത്രയൊക്കെ ചെയ്യുന്നില്ലേ.
അതാണ് കൂടുതൽ അപകടം. എന്ത് മനസ്സിൽ കണ്ടാണ് ഇയാൾ ഇത്രയും കാശ് നമ്മൾക്കു വേണ്ടി ചിലവാക്കുന്നത് എന്ന് മനസിലാവുന്നില്ല.
എന്തായാലും അപ്പനെക്കാൾ ബേധം ആയിരിക്കും.
അത് കണ്ടറിയാം. മൊത്തം അധികാരം കിട്ടി കഴിഞ്ഞയിരിക്കും അയാൾ റിയൽ ക്യാരക്ടർ പുറത്തെടുക്കാൻ പോകുന്നത്.
മ്മ്മ് എന്തായാലും 2മാസത്തിനകം എന്റെ കല്യാണം നടത്തും എന്നാ മമ്മി പറയുന്നത്.
മമ്മിക്ക് വട്ടാണ്
അല്ലടാ മമ്മി സീരിയസ് ആയി പറഞ്ഞതാ. അപ്പൻ അധികം വൈകാതെ ജാമ്യം കിട്ടും അതിനുള്ളിൽ കല്യാണം നടത്തണം എന്ന മമ്മി പറയുന്നത്.
പിന്നെ അപ്പൻ ഇനി എന്ത് ചെയ്യാനാ. ഇനി എന്തെങ്കിലും ചെയ്താൽ തന്നെ ഞാൻ മാനേജ് ചെയ്തോളാം
മൂക്ക് ഇടിച്ചു പരത്തൽ അല്ലേ നിന്റെ മാനേജിങ്. നിന്റെ ദേഷ്യം കുറച്ചു കുറക്കണം കേട്ടോ. (അലക്കുന്നത് നിർത്തികൊണ്ട് ഞാൻ അവനോട് സീരിയസ് ആയി പറഞ്ഞു )
ഓ.. ശെരി മാഡം
ബി സീരിയസ് മാൻ. അന്ന് നീ അയാളെ കൊന്ന് കളയുമോ എന്ന് വരെ ഞാൻ പേടിച്ചു. സത്യത്തിൽ അപ്പൻ എന്നെ കേറി പിടിച്ചപ്പോൾ ഉണ്ടായതിനേക്കാൾ പേടി നീ അങ്ങേരെ വല്ലോം ചെയ്തു കളയുമോ എന്നായിരുന്നു.
ആടി അറിയാഞ്ഞിട്ടല്ല. ഞാൻ കണ്ട്രോൾ ചെയ്യാൻ ശ്രെമിക്കുന്നും ഉണ്ട്. പക്ഷെ പറ്റണ്ടേ…നിന്നെ ആരേലും വേറെ രീതിയിൽ നോക്കുന്നത് കണ്ടാൽ പിന്നെ എനിക്ക് കയ്യിന്ന് പോകും.
അങ്ങനെ പോകരുത് എന്നാ പറയുന്നേ.( ഞാൻ അലക്കൽ തുടർന്നു )
മ്മ് ശ്രെമിക്കാം
ശ്രെമിച്ചാൽ പോരാ നടക്കണം.
അത് വിട്. അല്ല നീ മമ്മിയോട്‌ എന്നിട്ട് എന്താ പറഞ്ഞെ?
എന്ത് പറയാൻ… ഞാൻ മമ്മിക്ക് വേണെങ്കിൽ കിട്ടിക്കോ ഞാൻ എന്തായാലും ഇപ്പൊ ഒന്നും കെട്ടാൻ ഉദ്ദേശിക്കുന്നില്ലെന്ന് പറഞ്ഞു.
ഹാ… അതേതായാലും നന്നായി.
(അത് കേട്ടപ്പോൾ ടാർസന് സന്തോഷമായി, പക്ഷെ എനിക്ക് ഒരു മനഃസമാദാനം ഉണ്ടായിരുന്നില്ല )
ടാർസൺ : നീ എന്താ ആലോചിക്കുന്നെ? മമ്മി നിർബന്ധിച്ചു കെട്ടിക്കും എന്നാണോ? അതൊന്നും ആലോചിച് പേടിക്കണ്ട
ഹേയ് അതല്ലടാ…മമ്മി പറയുന്നതിലും കാര്യമുണ്ട്. അപ്പൻ എന്നെ ജീവിക്കാൻ സമ്മതിക്കില്ല. എത്രേം പെട്ടെന്ന് ഈ നാട് വിടുന്നതാണ് സേഫ്.
നീ അപ്പനെ കുറിച്ച് ആലോചിച്ചു പേടിക്കേണ്ട. ഞാൻ ഉള്ളപ്പോ അയാൾ നിന്നെ ഒന്നും ചെയ്യില്ല
പക്ഷെ എത്ര കാലത്തേക്ക് ടാർസ??? നിനക്ക് നിന്റെ ലൈഫും കരിയറും ഒക്കെ ഇല്ലേ??? ഇന്നലെ തന്നെ നീ ബാംഗ്ലൂർ പോണ കാര്യം പറയുന്ന കേട്ടു. കോച്ചിങ്ങിനു.
( അവൻ മറുപടിയൊന്നും പറയാതെ കേട്ടുനിന്നു )
ഇപ്പൊ തന്നെ നോക്ക്. അയൽക്കാരുടേം കുടുംബക്കാരുടേം ഇടപെടൽ ഇല്ലാത്തപ്പോൾ തന്നെ എന്ത് മനസമാധാനം ഉണ്ട് ജീവിക്കാൻ. അപ്പൊ വല്ല ഗൾഫിലോ യൂറോപ്പിലോ ജീവിക്കുമ്പോൾ ഉള്ള അവസ്ഥ ആലോചിച്ചു നോക്ക്. ഹോ…അതുകൊണ്ട് നല്ല വല്ല യുകെ ദുബായ് ആലോചനകൾ വന്നാൽ ഞാൻ ഓക്കേ പറയും.
കർർർർർ
😳😳😳 കീറിയോ ഡ്രസ്സ്‌? ഒരു മയത്തിൽ ഒക്കെ പിഴിയണ്ടേ… എനിക്ക് കുഴപ്പൊന്നുമില്ല നിന്റെ ഡ്രസ്സ്‌ തന്നെയാ…🤭🤭🤭
അല്ലേലും നിനക്ക് എന്താ കുഴപ്പം ഉള്ളേ???😡
( വളരെ ദേഷ്യത്തിലാണ് അവൻ അത് ചോദിച്ചത്. ഇത്രക്കും ദേഷ്യപ്പെടാൻ മാത്രം എന്താ ഉണ്ടായെന്നു അമ്പരന്ന് നിൽക്കുമ്പോൾ അവൻ ആ ഷർട്ട്‌ വെള്ളത്തിലേക്ക് എറിഞ്ഞ് വേഗത്തിൽ വീട്ടിലേക്ക് നടന്നു. ഞാനും അവന്റെ പിന്നാലെ ഓടി പിടിച്ചു നിർത്തി.)
ഞാൻ :ഇപ്പൊ ഇത്രയും ദേഷ്യം കാണിക്കാൻ മാത്രം എന്താ ഉണ്ടായേ? (പിന്നാലെ പോയി പിടിച്ചു നിർത്തി ചോദിച്ചു )
ഒന്നുല്ല.
ഞാൻ കല്യാണം കഴിക്കുന്നതാണോ നിന്റെ പ്രശ്നം?
നീ എന്തെങ്കിലും കാണിക്ക്. എന്തായാലും എനിക്ക് ഒരു മൈരും ഇല്ല.
😳നീ എവിടുന്ന് പഠിച്ചു ഇമ്മാതിരി വർത്താനം. എനിക്ക് ഇഷ്ടല്ല തെറി പറയുന്നോരെ
ഇഷ്ടപ്പെടെണ്ട എന്നെ എന്റെ പാട്ടിനു വിട്ടാൽ മതി.
അങ്ങനെ വിടാൻ പറ്റില്ലാലോ. നിന്നെ മമ്മി നോക്കിയതിനേക്കാൾ കൂടുതൽ ഞാനാ വളർത്തിയത്. അത്കൊണ്ട് കുറച്ചൊക്കെ ചോദിക്കാനുള്ള അവകാശം എനിക്കുണ്ട്.
അങ്ങനെ ഒരു അവകാശവും ഞാൻ ആർക്കും കൊടുത്തിട്ടില്ല. നേരെത്തെ പറഞ്ഞില്ലേ എനിക്ക് എന്റെ ലൈഫും കരിയർ ഒക്കെ ഉണ്ടെന്ന്. ഞാൻ അത് നോക്കി പോകുമെന്നൊക്കെ. അത്പോലെ ആരോട് എന്ത് പറയണമെന്നും ഞാൻ നോക്കിക്കോളാം. നീ എന്നെ പഠിപ്പിക്കണ്ട. മനസ്സിലായോ?
( അവൻ ആ പറഞ്ഞത് എനിക്ക് ശെരിക്കും കൊണ്ടു. മമ്മിയെക്കാൾ സ്നേഹം കൊടുത്താ ഞാൻ അവനെ നോക്കിയത്. എന്നിട്ടും അവൻ എന്നോട് അവന്റെ കാര്യത്തിൽ ഇടപെടേണ്ട എന്ന് പറഞ്ഞപ്പോൾ എനിക്ക് സഹിക്കാൻ ആയില്ല. തൊണ്ടയിൽ വെള്ളം വറ്റുന്നത് പോലെ തോന്നി.)
സോറി…ഞാൻ അങ്ങനെ ഉദ്ദേശിച്ചു പറഞ്ഞതല്ല….
(ശബ്ദം ഇടരുന്നുണ്ടായിരുന്നു. എനിക്ക് സ്വയം നാണക്കേട് തോന്നി സത്യത്തിൽ. അവന്റെ ഒറ്റ വാചകത്തിൽ മനസ് ഇടറിയല്ലോ ആലോചിച്ച്. )
