ഞാൻ വീണ്ടും ഓർമിപ്പിക്കുന്നതു പോലെ പറഞ്ഞിട്ട് താഴേക്ക് നടന്നു…….കൂടെ അമ്മേം അച്ഛനും പോന്നു…..
പിന്നെ അവനോട് ഷോപ്പിലെ കാര്യം പറഞ്ഞും ഞാൻ പഠിക്കാൻ പോണ കാര്യമൊക്കെ പറഞ്ഞും ഫുഡ് കഴിച്ചും കഴിഞ്ഞപ്പോ 9 മണി കഴിഞ്ഞു……. എല്ലാവരോടും ഗുഡ് നൈറ്റും പറഞ്ഞു ഞാൻ റൂമിലേക്ക് വന്നതുംകട്ടിലിലോട്ട് വീണു…….. കൊച്ചുകുഞ്ഞ് പറഞ്ഞ പോലെ കട്ടിൽ എനിക്കൊരു വീക്നെസ്സാണല്ലോ…….
അപ്പോഴാണ് ഏട്ടത്തിനെ വിളിക്കുന്ന കാര്യമോർത്തത്…… ഫോണിൽ നോക്കിയപ്പോ ഏട്ടത്തിടെ നമ്പറുമില്ല…… അവനോട് ചോദിക്കാനും പറ്റില്ല ഇനി ചോദിച്ചാ ഒള്ള കാര്യം മൊത്തം പറയേണ്ടി വരും അപ്പൊ സർപ്രൈസ് കൊളമാവും അത് ഞാനനുവദിക്കില്ല…….. പെട്ടെന്നാണ് എന്റെ തലേലൊരു ബുദ്ധിയുതിച്ചത് ഞാൻ നേരെ പൊന്നുനെ വിളിച്ചിട്ട് ഏട്ടത്തിടെ നമ്പർ ഒപ്പിക്കാൻ പറഞ്ഞു…. അവളാണേൽ നിമിഷ നേരം കൊണ്ട് നമ്പർ ഒപ്പിച്ച് തരിയേം ചെയ്തു……… ഞാൻ പൊന്നു വാട്സ്ആപ്പിലിട്ട് തന്ന ഏട്ടത്തിടെ നമ്പർ സേവ് ചെയ്ത് ഏട്ടത്തിനെ വിളിച്ചു……. ഒന്ന് രണ്ട് റിങ്ങിന് ശേഷം ഏട്ടത്തി കാൾ അറ്റൻഡ് ചെയ്തു
“ഏട്ടത്തി ഇത് ഞാനാ അച്ചു മനസ്സിലായോ……”
“അഹ് മനസ്സിലായി പറഞ്ഞോടാ…..”
“ഏട്ടത്തി നാളെയൊന്ന് കാണാൻ പറ്റുവോ…… ഇവിടെ കുറച്ച് പ്രശ്നമൊക്കെ ഉണ്ടായി….. അമ്മേം അച്ഛനും നിങ്ങടെ കാര്യം എവിടുന്നോ അറിഞ്ഞിട്ടുണ്ട്……. അമ്മേം അച്ഛനും അതോണ്ട് ഏട്ടനെ ഇവിടുന്ന് മാറ്റി നിർത്താൻ പ്ലാൻ ചെയ്യുന്നുണ്ട്…… അതാണേൽ ആ പാവമോട്ട് അറിയുന്നുമില്ല….. അതോണ്ട് കുറച്ച് കാര്യം പ്ലാൻ ചെയ്യാനുണ്ട്……. നാളെ കാണാൻ പറ്റുവോ……”
“അഹ് കാണാം….. നാളെ ഉച്ചയാവുമ്പോ എന്റെ ഹോസ്റ്റലിനടുത്തെ പാർക്കിൽ വന്നാ മതി……. ഞാനവിടെ വരാം…….”
“അഹ് എങ്കി ഒരു 12 മണിയാവുമ്പോ പോരെ…… പിന്നെ ഏട്ടനോടൊന്നും ഇപ്പൊ പറയണ്ട…… അവൻ പെട്ടെന്ന് ടെൻഷൻ ആവും അതാ….. എന്തെങ്കിലും ഒരു വഴി കണ്ടുപിടിച്ചിട്ട് അവനോട് പറയാം……”
“ആം……”
“എന്ന ശെരി ഗുഡ് നൈറ്റ്…. നാളെ കാണാം……”
ഞാൻ ഫോൺ കട്ട് ചെയ്തു…..
പാവം ഇനി പേടിച്ചിട്ട് ഉറങ്ങാതിരിക്കുവോ……
ഞാൻ എന്നോട് തന്നെ ചോദിച്ചു…… ആ കൊഴപ്പമില്ല നാളെ ഒരു സർപ്രൈസ് കൊടുക്കുമ്പോ അതൊക്കെ മാറിക്കോളും…….
ഞാൻ നാളെ ഉച്ചയാവുമ്പോ അവടെ ചെല്ലാണോന്ന് അമ്മോടും അച്ഛനോടും പറഞ്ഞിട്ട് വീണ്ടും റൂമില് വന്നു കിടന്നു….. അപ്പോഴേക്കും പൊന്നു വീണ്ടും വിളിച്ചിരുന്നു…. പിന്നെ അവളോട് നാളത്തെ പ്ലാനും ബാക്കി കാര്യമൊക്കെ പറഞ്ഞിരുന്നു…. എന്തൊക്കെ പറഞ്ഞിരുന്നെന്നെനിക്കറിയില്ല കോളിങ് കഴിഞ്ഞപ്പോ 12.38 കഴിഞ്ഞിരുന്നു ……. ഞാൻ എന്നോട് തന്നെ ഒരു ഗുഡ് നൈറ്റും പറഞ്ഞിട്ട് ഉറങ്ങാനായിട്ട് കണ്ണടച്ചു……..
പക്ഷെ കണ്ണടക്കുമ്പോഴൊക്കെ അനന്തും അഖിലും എന്നെ മൊണ്ണയെന്ന് വിളിച്ചതോർമ വരും…….
ശെ….. കോപ്പ്….. അവനരെന്നെ ഒരു പൊട്ടനായിട്ടാണോ കണ്ടെക്കുന്നെ…….
ആ മൈര് എന്തേലുമാവട്ടെയെന്ന് വിചാരിച്ചിട്ട് ഉറങ്ങാൻ കിടന്നിട്ട് ഉറക്കം വരുന്നില്ല ഓരോ തവണ കണ്ണടക്കുമ്പോഴും അവന്മാര് പറഞ്ഞത് കാതിൽ മുഴങ്ങി കേക്കും…….. അങ്ങനെ തിരിഞ്ഞും മറിഞ്ഞും കെടന്ന് എപ്പോഴോ ഉറങ്ങി പോയി….. പിറ്റേ ദിവസം രാവിലെ അമ്മ തട്ടി വിളിച്ചപ്പോഴാണ് ഞാൻ എഴുന്നേറ്റത്……. ഞാൻ നോക്കിയപ്പോ അമ്മ സാരിയൊക്കെ ഉടുത്ത് ഒരുങ്ങി നിക്കുന്നു….. അപ്പോഴാണ് ഏട്ടത്തിനെ കാണാൻ പോകുന്ന കാര്യം ഞാനോർത്തത്…….
അമ്മേടെ കവിളിൽ പിടിച്ചൊരു സോറിയും പറഞ്ഞിട്ട് നേരെ ബാത്റൂമിൽ കേറി തല നനക്കാതെ കുളിയും പല്ലുതേപ്പും കഴിഞ്ഞു ഞാനിറങ്ങി ഒരു വൈറ്റ് ഷർട്ടും ബ്ലൂ ജീനും എടുത്തിട്ട് താഴേക്ക് ചെന്നു അപ്പോഴേക്കും അച്ഛനും ഒരുങ്ങിയിരുന്നു……. അപ്പൻ നീല ഷർട്ടും വെള്ള മുണ്ടുമൊക്കെ ഇട്ട് കല്യാണം കൂടാൻ പോകുന്ന പോലെയാണ് ഒരുങ്ങി നിക്കുന്നത്……
“അമ്മേ നമ്മള് അച്ഛന് പെണ്ണ് കാണാൻ പോകുവാണോ….. ”
ഞാൻ ചുമ്മാ ഒന്ന് തമാശിച്ചു…..
അപ്പൊത്തന്നെ എന്ത് ചീഞ്ഞ കോമഡിയാടാന്നും പറഞ്ഞു അമ്മയെന്ന തളർത്തി……..