ആ ‘ഉന്നച്ചാക്ക്’ പ്രയോഗം മിഷേലിനെക്കുറിച്ചാണെന്ന് മനസ്സിലായതോടെ അറിയാതെ ചുണ്ടിലുണര്ന്ന ചിരി അവര് കാണാതിരിക്കാന് ഞാന് മുഖം വശത്തേക്ക് ചെരിച്ചുകളഞ്ഞു..
“ഡാ…ഡാ ഡാ…ഇങ്ങോട്ട് …മുഖത്തോട്ട് നോക്ക്…മുഖത്തോട്ട്..!!”
ആ കൈവിരലുകള് എന്റെ ഇരു കവിളുകളിലും മുറുകി. സ്വാഭാവികമായും ഞാനാ കണ്ണുകളിലേക്ക് നോക്കിപ്പോയി.
“…എവിടുന്നാ ഇപ്പൊ ഒരു ചിരി വരുന്നേ..? തോന്ന്യാസം പറയുമ്പോ കണ്ടില്ലല്ലോ..!”
“തോന്ന്യാസം ആരെങ്കിലും ചിരിച്ചോണ്ട് പറയ്വോ..!”
ചിരിച്ച് പോകാതിരിക്കാന് പരിശ്രമിച്ചുകൊണ്ട് ഞാന് കലിപ്പ് കാട്ടി.
“ഉണ്ടല്ലോ അങ്ങനൊരാള് ഉണ്ടല്ലോ ..ദേ.!!’”
ആ ചുണ്ടുകള് വക്രിച്ചു.
“എന്റെ മേമേ ഒന്ന് മതിയാക്ക് ..ഞാന് അറിയാതെ പറഞ്ഞുപോയതാ..!”
ഒരു കീഴടങ്ങിയ ചിരിയോടെ ഞാന് തൊഴുതു.
“അങ്ങനിപ്പോ മതിയാക്കാന് ഉദ്ദേശമില്ല..എനിക്കിപ്പോ അറിയണം..എന്നോട് കാലത്ത് മുതല് കാണിച്ചതിന്റെയൊക്കെ ഉത്തരം..!! ഇന്നലെ വരെ എന്തായിരുന്നു..! മേത്തോട്ട് ചാടിക്കേറലും ഉമ്മ വെക്കലും..അയ്യോ.. കാണാതിരിക്കാന് വയ്യാ…മിണ്ടാതിരിക്കാന് വയ്യ..മിസ്സിംഗ്..പിസ്സിംഗ്..!!”
മേമയുടെ മുഖം പരിഹാസത്താല് കോടി.
പിടിച്ചു വച്ചിരുന്ന ചിരി ഒരു നിയന്ത്രണവുമില്ലാതെ പുറത്തു ചാടിപ്പോയി.
“എന്താടാ ചിരിക്കുന്നെ..!!”
ആ സ്വരം കനത്തു.
“പിസ്സിംഗ് എന്ന് വച്ചാ മൂത്രമൊഴിക്കലെന്നാ മേമേ അര്ഥം..!”
ഞാന് ശബ്ദം താഴ്ത്തി പറഞ്ഞു.
മേമ പെട്ടെന്ന് കവിളിലെ പിടി വിട്ടു. ആ മുഖത്തെ കനത്ത ഭാവം എങ്ങോ പോയൊളിച്ചു. ഒരു ചിരി പൊട്ടാന് വെമ്പി വന്നെങ്കിലും ചുണ്ടുകള് ഉള്ളിലേക്ക് മടക്കിപ്പിടിച്ച് അവരത് കണ്ട്രോള് ചെയ്തു കളഞ്ഞു.
“നിനക്ക് എന്റെ മുഖം കണ്ടിട്ടും എങ്ങനാ ഈ ചിരിക്കാന് തോന്നുന്നത്..?!!”
ഒരു കള്ളദേഷ്യത്തില് ആശ്ചര്യം ചാലിച്ചു കൊണ്ട് മേമ എന്നെ സൂക്ഷിച്ചു നോക്കി.
ഞാനതിനു മറുപടി കൊടുക്കാതെ നേര്ത്ത ഒരു പുഞ്ചിരിയോടെ ആ കണ്ണുകളിലേക്ക് നിര്ന്നിമേഷം നോക്കി നിന്നു. ഈ മുഖത്തേക്ക് നോക്കുമ്പോള് ചിരിയല്ല മേമേ…മനസ്സ് തിങ്ങിനിറഞ്ഞു തുളുമ്പുന്ന പ്രേമമാണ് വരുന്നതെന്ന് എനിക്ക് പറയണമെന്നുണ്ടായിരുന്നു. പക്ഷെ എല്ലാം ഒരു നോട്ടത്തിലൊതുക്കാനേ എനിക്കപ്പോള് സാധിച്ചുള്ളൂ..!!
“ആഹ്..അല്ലെങ്കിലത് വിട്..ചോദിച്ചതിന്റെ ഉത്തരം പറ..എനിക്കത് കേട്ടാ മതി..!”
എന്റെ നോട്ടമത്ര ശരിയല്ലെന്നെങ്ങാന് തോന്നിയിട്ടാവണം മേമ വീണ്ടും വിഷയത്തിലേക്ക് കടന്നു.
ഞാനൊന്നും മിണ്ടിയില്ല. എന്ത് പറയാനാ… ഇന്നലെ പൂശാന് കിടന്നു തരാത്തത് കൊണ്ടാണെന്ന് പറയാന് പറ്റ്വോ..!
“എന്താ ഒന്നും മിണ്ടാത്തെ..? ഇന്നലത്തെ ആ സംഭവം കൊണ്ടാണോ..മ്ഹും..?!”
മേമയുടെ മുഖത്തൊരു കുസൃതി പടര്ന്നു. സ്വരം ഇപ്പൊ ഒന്ന് മയപ്പെട്ടിട്ടുണ്ട്.
ഒരു കാട്ടുവള്ളിയുടെ തണ്ടില് പിടിച്ച് വലിച്ചുകൊണ്ട് ഞാന് മെല്ലെ ‘അതെ’ എന്ന് തലയാട്ടി.
മേമയുടെ ഭാഗത്തുനിന്ന് അനക്കമൊന്നുമില്ല. മറുപടി കൊടുത്തിട്ടും ഒന്നും പറയാത്തതെന്താണെന്നോര്ത്ത് ഞാനൊന്ന് പാളി നോക്കിയപ്പോള് അവര് ചിരി പൊട്ടിപ്പോകാതെ അടക്കുന്നതാണ് കണ്ടത്.
“അപ്പൊ അതാണ് കാര്യം..! അയ്യേ..നാണക്കേട്..!”
തൊലിയുരിക്കുന്ന ഭാവത്തിലൊരു ചിരിയോടെ അവരെന്റെ കവിളിലോന്നു തട്ടി.
ഞാന് ചെറുതായൊന്നു ചമ്മി.
“…എന്നാലും ഞാനൊന്ന് ചോദിക്കട്ടെ..? ഞാനിന്നലെ അവിടെത്തന്നെ കിടന്നിരുന്നു എന്ന് വിചാരിക്ക്യ…എങ്കില് എന്തായിരുന്നു സംഭവിക്ക്യ..?”
ചിരിയുടെ വക്കില് നിന്നുകൊണ്ടാണ് ചോദ്യം.
“എന്ത് സംഭവിക്കാന്…കിടന്നുറങ്ങും..!”
ചമ്മലോടെയാണെങ്കിലും വളരെ നിസ്സാരമായാണ് ഞാന് പറഞ്ഞത്. കള്ളം പറയാന് അല്ലേലും മിടുക്കിന്റെ ആവശ്യമില്ലല്ലോ.
“എന്റെ മോന് ഒന്നിങ്ങോട്ടു നോക്കിക്കേ..!”
ഒരു കളിയാക്കലിന്റെ സ്വരത്തില് മേമയെന്റെ താടിയില് പിടിച്ചുയര്ത്തി.
വേറെ വഴിയില്ലാതിരുന്നതിനാല് മടിച്ച് മടിച്ച് ഞാനാ കണ്ണുകളിലേക്ക് നോക്കി.
Miss you lal