ലവ് ബൈറ്റ് 2

Love Bite Part 2 | Author : Kavalkkaran

[ Previous Part ] [ www.kambi.pw ]

---

​അനു ചൈതന്യയ്ക്ക് എന്നെയോ? ഈ തൊഴിൽരഹിതനായ, PSC പഠിക്കാൻ പോവുന്ന അഭിമന്യുവിനെയോ?

 

​എന്റെ കിളി പോയ മുഖം കണ്ട് ചേച്ചിയും ഏട്ടത്തിയും അത്ഭുതത്തോടെയും, ഒപ്പം ചെറിയൊരു അസൂയയോടെയും എന്നെത്തന്നെ നോക്കി നിൽക്കുകയാണ്.

 

ഞാൻ സ്വപ്നം കാണുവാണോ അതോ ഇവരെന്നെ വല്ല പ്രാങ്കും മറ്റോ ചെയ്യുവാണോ?

 

“ഒന്ന് പോ ഏട്ടത്തീ… വെറുതെ മനുഷ്യനെ കൊതിപ്പിക്കാതെ…😌”

 

ഒരു ചിരിയോടെ, അതും പറഞ്ഞ് ഞാൻ ഏട്ടത്തിയുടെ കവിളിൽ പിടിച്ച് നല്ലൊരു വലി വെച്ചു കൊടുത്തു.

 

“ആാാ…. വിടടാ ചെക്കാ… വേദനിക്കുന്നു…”

 

ഏട്ടത്തി വേദന അഭിനയിച്ച് എന്റെ കൈ തട്ടിമാറ്റി. മറുപടിയായി അടിക്കുന്ന മട്ടിൽ എന്നെയൊന്ന് തോണ്ടാനും മറന്നില്ല…

 

“നിന്നോട് തമാശ പറഞ്ഞതല്ലടാ… കാര്യം സീരിയസ്സാ… സത്യമായിട്ടും ആ കുട്ടി അമ്മയെ വിളിച്ചിരുന്നു…അതും കുറച്ചു നേരമായിട്ടേ ഉള്ളു…”

 

ഏട്ടത്തിയുടെ മുഖത്തെ ആ ഭാവം കണ്ടപ്പോൾ എന്റെ ഉള്ളൊന്ന് ആടി. ഇവർ ഇത്രയും സീരിയസ് ആയി പറയണമെങ്കിൽ സംഗതി സത്യമാണോ? എന്റെ ചിരി പതുക്കെ മാഞ്ഞു.

 

“എന്നാ വാ… നമുക്ക് അമ്മയോട് തന്നെ ചോദിക്കാം…”

 

ചേച്ചി മുന്നിൽ നടന്നു. പിന്നാലെ ഞാനും ഏട്ടത്തിയും.

 

ഹാളിലേക്ക് ചെല്ലുമ്പോൾ കണ്ട കാഴ്ച…

അമ്മ സോഫയിൽ തലയിൽ കൈവെച്ച്, ഏതോ മായലോകത്ത് എന്ന പോലെ ഇരിക്കുകയാണ്. തൊട്ടപ്പുറത്ത് അച്ഛനും ഉണ്ട്. അച്ഛന്റെ മുഖത്തും വല്ലാത്തൊരു ഗൗരവം. സാധാരണ വീട്ടിലെ കാര്യങ്ങളിലൊന്നും വലിയ അഭിപ്രായം പറയാത്ത അച്ഛൻ, ഇന്ന് കസേരയുടെ തുമ്പത്തിരുന്ന് അമ്മയോട് എന്തോ കാര്യമായി സംസാരിക്കുകയാണ്.

 

ഞങ്ങൾ ചെല്ലുന്നത് പോലും അവർ അറിയുന്നില്ല.

 

“ഉർവശി, നീ കാര്യമായിട്ട് തന്നെയാണോ പറയുന്നത്? അതോ ഇനി ആ കുട്ടി തമാശ വല്ലതും…”

 

അച്ഛൻ ചോദിക്കുന്നത് ഞാൻ കേട്ടു.

 

“അല്ല മനുഷ്യ… ആ കുട്ടി വളരെ സീരിയസ് ആയിട്ടാ സംസാരിച്ചത്. നമ്മുടെ മോനെപ്പറ്റി… അവന് വേറെ വല്ല ഇഷ്ടമുണ്ടോ എന്ന് വരെ ചോദിച്ചു…..”

 

അമ്മയുടെ മറുപടി കേട്ടതും ഞാനാ വാതില്ക്കൽ തന്നെ തറഞ്ഞുനിന്നുപോയി….

 

നെഞ്ചിനുള്ളിൽ ഒരു പെരുമ്പറ മുഴങ്ങുന്നതുപോലെ!

 

ഞങ്ങൾ ഹാളിലേക്ക് കയറുന്ന ശബ്ദം കേട്ടാവണം, അച്ഛനും അമ്മയും ഞെട്ടി തിരിഞ്ഞുനോക്കി.

 

എന്നെ കണ്ടതും അമ്മയുടെ മുഖം ഒന്ന് മാറി. പിന്നെ ഒന്നും ആലോചിച്ചില്ല, മുന്നിലെ ടീപ്പോയിലിരുന്ന ആ പ്ലാസ്റ്റിക് ഫ്ലവർ പോട്ട് കയ്യിലെടുത്തു.

 

ഒരൊറ്റ ഏറ്!

 

സംഗതി ഒരു സിനിമയിലെന്ന പോലെ സ്ലോ മോഷനിലാണ് എന്റെ തലയുടെ സൈഡിലൂടെ പാറിപ്പോയത്. ‘ശൂ…’ എന്നൊരു ശബ്ദം മാത്രം കേട്ടു.

 

ഹോ! തള്ളക്ക് ഉന്നമില്ലാത്തത് നന്നായി… 😤

 

ഞാൻ ശരീരം മെല്ലേ ഒന്ന് കുടഞ്ഞു…. ശേഷം ഷർട്ടിന്റെ കോളർ ഒന്ന് പൊക്കി അമ്മയെ നോക്കി

 

“നിങ്ങൾക്കെന്താ തള്ളേ? സൗന്ദര്യമുള്ള ആണുങ്ങളുടെ പിന്നാലെ പെണ്ണുങ്ങൾ ഇങ്ങനെ മണപ്പിച്ചു വന്നെന്നൊക്കെ ഇരിക്കും. അതിന് ഞാനെന്ത് ചെയ്യാനാ? എന്റെ തെറ്റാണോ ഇതൊക്കെ? അല്ലേ ചേച്ചി?”

 

സപ്പോർട്ടിനായി ഞാൻ ചേച്ചിയുടെയും ഏട്ടത്തിയുടെയും മുഖത്തേക്ക് നോക്കി.

 

എന്റെ ചോദ്യം കേട്ടതും അവരുടെ രണ്ടുപേരുടെയും മുഖം കോടിപ്പോയി. ഒരുമാതിരി ചീഞ്ഞ മുട്ട കഴിച്ച പോലെ. പുച്ഛം കൊണ്ട് വികൃതമായ, കാണാൻ തന്നെ അറപ്പുളവാക്കുന്ന ആ വൃത്തികെട്ട മുഖം ഞാനെന്റെ കണ്മുന്നിൽ കണ്ടു, അതും രണ്ടെണ്ണം…

 

ഹ്മ്മ്.. അസൂയ… പച്ചയായ അസൂയ…

 

ഇവരേക്കാൾ സൗന്ദര്യമുള്ള, പണമുള്ള ഒരു പെണ്ണ് എന്നെക്കുറിച്ച് തിരക്കിയതിന്റെ കുശുമ്പ്. വേറൊന്നുമല്ല. പാവങ്ങൾ, സഹിക്കട്ടെ!

 

അമ്മ ഒന്നും മിണ്ടിയില്ല. പകരം ക്ഷീണത്തോടെ തലയിൽ കൈ വെച്ച് സോഫയിലേക്ക് ഒന്ന് ചാഞ്ഞു.