“I love you, Abhi…”
വിറയാർന്ന, എന്നാൽ വല്ലാത്തൊരു ലഹരി നിറഞ്ഞ സ്വരത്തിൽ അവൾ മന്ത്രിച്ചു.
പിന്നെ എന്റെ മുഖത്തേക്ക് നോക്കി ഒരു സൈക്കോയെപ്പോലെ ചിരിച്ചുകൊണ്ട് അവൾ വീണ്ടും പറഞ്ഞു തുടങ്ങി:
“എന്തൊരു ടേസ്റ്റ് ആണെടാ നിന്റെ ചോരയ്ക്ക്! My God… this is purely intoxicating! ഇത്രയും കാലം ഞാൻ കുടിച്ചതിൽ വെച്ച് ഏറ്റവും രുചിയുള്ള, warm ആയ ചോര. നിന്റെ ഈ ശരീരം… every single drop of blood in this body… അതെനിക്കുള്ളതാ. പൂർണ്ണമായും എനിക്ക് മാത്രം അവകാശപ്പെട്ടത്! I won’t let anyone else have you. നിന്നെ ഞാൻ വേറെ ആർക്കും വിട്ടുകൊടുക്കില്ല…”
ബോധം മറയുന്ന ആ അവസ്ഥയിലും എന്റെ തലയിലൂടെ ഒരു മിന്നൽ കടന്നുപോയി. ഓ… അപ്പൊ ഇതാണല്ലേ നേരത്തെ ഇവൾ പറഞ്ഞ, എന്നിൽ നിന്നും ആവശ്യമുണ്ടായിരുന്ന ആ സാധനം! എന്റെ സ്വന്തം ചോര!…
അവൾ വീണ്ടും അവളുടെ ആ കൂർത്ത നഖങ്ങൾ കൊണ്ട് എന്റെ മുടിയിഴകളിലൂടെ തലോടി.
“ഇന്നെന്റെ ദേഹത്ത് അനുവാദമില്ലാതെ കൈ വെച്ചതിന്, നിന്റെ ആ ധൈര്യത്തിന്… തൽക്കാലത്തേക്ക് ഞാൻ നിന്നോട് ക്ഷമിച്ചിരിക്കുന്നു. For now, I forgive you, my sweet husband…” എന്ന് പറഞ്ഞ് അവൾ വീണ്ടും ഒരു ഭ്രാന്തിയെപ്പോലെ ചിരിച്ചു.
ആ ചിരി തീരും മുൻപേ, ഒട്ടും സമയം കളയാതെ അവൾ വീണ്ടും ആ കൂർത്ത പല്ലുകളുമായി എന്റെ കഴുത്തിലേക്ക് തന്നെ മുഖം പൂഴ്ത്തി! ബാക്കിയുള്ള ചോര കൂടി ആർത്തിയോടെ വലിച്ചുകുടിക്കാൻ തുടങ്ങിയ അവളുടെ വന്യമായ ആവേശത്തിന് മുന്നിൽ അനങ്ങാൻ പോലും എനിക്ക് കഴിഞ്ഞില്ല.
കഴുത്തിൽ വീണ്ടും അവളുടെ ആ കൂർത്ത പല്ലുകൾ ആഴ്ന്നിറങ്ങിയതും എന്റെ കണ്ണുകളിലെ കാഴ്ചകൾ പൂർണ്ണമായും മങ്ങിത്തുടങ്ങി. ശരീരമാകെ തണുത്തുറയുകയായിരുന്നു. ജീവൻ പതുക്കെ ഊർന്നുപോകുന്ന ആ മരവിപ്പിലും, പെട്ടെന്ന് എന്റെ നെഞ്ചിടിപ്പ് വല്ലാതെ കൂടാൻ തുടങ്ങി.
നെഞ്ചറ ഭേദിച്ച് ഹൃദയം പുറത്തുചാടുമെന്നതുപോലെ ഭയാനകമായ ശബ്ദത്തിൽ അത് മിടിച്ചുകൊണ്ടിരുന്നു. ആ മിടിപ്പിന്റെ താളത്തിനൊപ്പം, വർഷങ്ങളായി എന്റെ ഓർമ്മകളുടെ ഏതോ ഇരുണ്ട കോണിൽ ഞാൻ കുഴിച്ചുമൂടിയ… കുറച്ചുകാലമായി എന്നെ തീരെ ശല്യം ചെയ്യാതിരുന്ന ആ പഴയ കുട്ടിക്കാലത്തെ പേടിസ്വപ്നങ്ങൾ ഒരു കൊടുങ്കാറ്റുപോലെ എന്റെ തലച്ചോറിലേക്ക് ഇരച്ചുകയറി വന്നു!
മനസ്സിന്റെ നിയന്ത്രണം പൂർണ്ണമായും നഷ്ടപ്പെടുന്നതുപോലെ എനിക്ക് തോന്നി. ചോരയുടെ മനംമയക്കുന്ന ഗന്ധം വമിക്കുന്ന ആ ഇരുണ്ട ഓർമ്മകൾക്കിടയിൽ… മങ്ങിയ ഒരു മുഖം തെളിഞ്ഞുവന്നു. ചോരയിൽ പൂർണ്ണമായും കുതിർന്ന ഒരു മുഖം! വ്യക്തമല്ലാത്ത ആ മുഖം എന്നെ നോക്കി പൈശാചികമായി ചിരിക്കുകയായിരുന്നു.
ആരാണ് അത്? എന്റെ കുട്ടിക്കാലത്തെ ആ ഭയാനകമായ ഓർമ്മകൾക്ക് ഇപ്പോൾ എന്ത് പ്രസക്തിയാണുള്ളത്? എന്റെ കഴുത്തിൽ തുളഞ്ഞുകയറി ചോര വലിച്ചുകുടിക്കുന്ന ഈ തണുത്ത ചുണ്ടുകൾക്കും, വർഷങ്ങൾക്ക് മുൻപ് എന്റെ ബോധമണ്ഡലത്തിൽ പതിഞ്ഞ ചോരയൊലിക്കുന്ന ആ മുഖത്തിനും തമ്മിൽ എന്താണ് ബന്ധം?
ഉത്തരങ്ങളില്ലാത്ത ആ ചോദ്യങ്ങൾ എന്റെ ഭയത്തെ ഇരട്ടിപ്പിച്ചു. എന്റെ ശരീരത്തിന്റെ അവസാനത്തെ ഊർജ്ജവും അവൾ വലിച്ചെടുക്കുകയായിരുന്നു. ആ രക്തത്തിൽ കുതിർന്ന മുഖത്തിന്റെ ഭയാനകമായ ചിരി മനസ്സിൽ മുഴങ്ങിനിൽക്കെ, ജീവൻ പോകുന്ന വേദനയോടെ, അഗാധമായ ഇരുട്ടിലേക്ക് എന്റെ ബോധം പൂർണ്ണമായും വീണലിഞ്ഞു…
**********
((അവന്റെ ബോധം പൂർണ്ണമായും മറഞ്ഞിരുന്നു.
തണുത്തുറഞ്ഞ ആ ശരീരത്തിന് മുകളിൽ ഇരുന്നുകൊണ്ട് അവൾ വന്യമായ ആവേശത്തോടെ ആ ഇളംചൂടുള്ള ചോര വലിച്ചുകുടിക്കുകയായിരുന്നു.
ജീവൻ വെടിയുന്ന അവന്റെ അവസ്ഥയൊന്നും ആ നിമിഷം അവളുടെ ആർത്തിക്ക് മുന്നിൽ ഒരു വിഷയമേ ആയിരുന്നില്ല.
മതിവരുവോളം കുടിച്ചതിന് ശേഷം, രക്തം പുരണ്ട ചുണ്ടുകൾ തുടച്ചുകൊണ്ട് അവൾ അവന്റെ ശരീരത്തിൽ നിന്നും പതുക്കെ എഴുന്നേറ്റു.