അവളെക്കുറിച്ച് അറിയാവുന്ന സകല രഹസ്യങ്ങളും നീ കണ്ടെത്തണം. ആ വിഡ്ഢിയായ മനുഷ്യച്ചെക്കൻ വഴി ഇനി ഒന്നും നടക്കുമെന്ന് എനിക്ക് തോന്നുന്നില്ല.”
അവൾ ജനാലയ്ക്കരികിലേക്ക് നടന്ന് പുറത്തെ ഇരുട്ടിലേക്ക് നോക്കി പല്ലുകൾ ഞെരിച്ചു.
“നിനക്കറിയാമല്ലോ… മനുഷ്യരുടെ ലോകത്തേക്ക് ഞങ്ങൾക്ക് നേരിട്ട് ഇറങ്ങി ഒന്നും ചെയ്യാൻ കഴിയില്ല! ഈ ഭൂമിയുടെ അധികാരം പിടിച്ചെടുക്കാൻ വേണ്ടി രഹസ്യമായി യുദ്ധം ചെയ്യുന്നത് നമ്മൾ വാമ്പയറുകൾ മാത്രമല്ല.
മനുഷ്യർ പോലും അറിയാതെ ഈ ലോകത്തിന്റെ ഇരുണ്ട കോണുകളിൽ മറ്റ് പല അമാനുഷിക വർഗ്ഗങ്ങളും ജീവിക്കുന്നുണ്ട്!
ഭൂമിയുടെ പാതാളം അടക്കിഭരിക്കുന്ന ‘നാഗങ്ങൾ’ (Serpent Clan) അവരുടെ വിഷം തീണ്ടിയാൽ ഒരു റോയൽ വാമ്പയർ പോലും നിമിഷങ്ങൾക്കുള്ളിൽ ചാരമായി പോകും;
കാടുകളും മലനിരകളും ഭരിക്കുന്ന ‘ലൈക്കനുകൾ’ (Lycans/Werewolves) ചന്ദ്രന്റെ ശക്തിയിൽ ഉണരുന്ന ഇവരുടെ നഖങ്ങൾക്ക് വാമ്പയറുകളുടെ മാംസം കീറാൻ കഴിയും.ഭൂമിയുടെ പ്രകൃതി ഊർജ്ജത്തെ നിയന്ത്രിക്കുന്ന പുരാതന ‘മന്ത്രികന്മാരും മന്ത്രവാദികളും’ (Witches & Warlocks);
പിന്നെ മരണത്തിന്റെ നിഴലുകൾ പോലെ ലോകത്തിന്റെ വിടവുകളിൽ ഒളിച്ചുജീവിക്കുന്ന പുരാതന ‘നിഴൽ ഭൂതങ്ങൾ’ (Shadow Wraiths) തുടങ്ങി ആർക്കും പിടിതരാത്ത നിരവധി വർഗ്ഗങ്ങളുണ്ട്!
നൂറ്റാണ്ടുകൾക്ക് മുൻപ് പ്രപഞ്ചത്തിന്റെ അധികാരത്തിനായി നമ്മളെല്ലാം തമ്മിൽ നടന്ന മഹായുദ്ധത്തിന് ശേഷം, ഈ വർഗ്ഗങ്ങളെല്ലാം ചേർന്ന് മനുഷ്യരുടെ നഗരങ്ങൾക്ക് ചുറ്റും തീർത്ത ‘ബ്ലഡ് കവനന്റ്’ (Blood Covenant) എന്ന മാന്ത്രിക കവചമുണ്ട്!
ഞങ്ങളെപ്പോലുള്ള പൂർണ്ണ
ശക്തിയുള്ള റോയൽ ബ്ലഡ്സ് ആ അതിർത്തി കടന്ന് മനുഷ്യരുടെ ഉള്ളിലേക്ക് നേരിട്ട് ചെന്നാൽ, ഞങ്ങളുടെ രാജകീയ രക്തത്തിന്റെ സാന്നിധ്യം ആ കവചത്തെ ഉണർത്തും.നാഗങ്ങളും ലൈക്കനുകളും അത് തിരിച്ചറിഞ്ഞ് നിമിഷങ്ങൾക്കുള്ളിൽ അവിടെയെത്തി ഞങ്ങളെ വേട്ടയാടും!
അതുകൊണ്ടാണ് മനുഷ്യരക്തം കലർന്ന നിന്നെപ്പോലുള്ള നോബിൾസിനെയും റോഗ്സിനെയും ഞാൻ ഉപയോഗിച്ചത്!”
തറയിൽ കിടന്ന് വിറച്ചിരുന്ന നോബിൾ വാമ്പയർ പതിയെ എഴുന്നേറ്റ് വീണ്ടും മുട്ടുകുത്തി നിന്നു. അപ്പോഴാണ് അവളുടെ മുഖം പെട്ടെന്ന് കറുത്തത്. അവൾ അയാളെ തുറിച്ചുനോക്കിക്കൊണ്ട് ചോദിച്ചു
“പറയൂ… ആ ‘വൽക്കാരിയ'(Valkariya)…… അന്ന് രാത്രി അവരുടെ മുറിയിൽ വെച്ച് അനു കണ്ട ആ റോഗ് പെണ്ണ്… അവളെവിടെ?”
ആ പേര് കേട്ടതും നോബിൾ വാമ്പയറുടെ മുഖത്ത് വീണ്ടും ഭയം നിഴലിച്ചു. അയാൾ തല താഴ്ത്തിക്കൊണ്ട് പറഞ്ഞു
“മഹാറാണീ… വൽക്കാരിയയെ ഞങ്ങൾക്ക് നിയന്ത്രിക്കാൻ സാധിക്കുന്നില്ല! ആ മനുഷ്യന്റെ ബ്ലഡ് രുചിച്ച അന്നുമുതൽ അവൾക്ക് ഭ്രാന്താണ്. ഞങ്ങളുടെ ആജ്ഞകളൊന്നും അനുസരിക്കാതെ അവൾ അവളുടെ ഇഷ്ടപ്രകാരമാണ് ഇപ്പോൾ നടക്കുന്നത്!”
അത് കേട്ടതും റോയൽ വാമ്പയറുടെ സർവ്വ നിയന്ത്രണങ്ങളും വിട്ടുപോയി! അവൾ കോപം കൊണ്ട് ജ്വലിച്ചു!
അവളുടെ ഉള്ളിലെ ആ ഭീകരമായ ക്രോധം പുറത്തേക്ക് പ്രവഹിച്ചതും ആ ബംഗ്ലാവിന്റെ അന്തരീക്ഷം തന്നെ അപ്പാടെ മാറിമറിഞ്ഞു!
ഹാളിലെ താപനില പൂജ്യത്തിന് താഴേക്ക് പതിച്ച് ചുമരുകളിൽ മഞ്ഞുപാളികൾ രൂപപ്പെട്ടു. മച്ചിൽ തൂങ്ങിക്കിടന്നിരുന്ന ഷാൻഡ്ലിയറുകൾ ശക്തമായി ആടിയുലഞ്ഞ് അതിലെ വിളക്കുകളെല്ലാം ഒറ്റയടിക്ക് പൊട്ടിത്തെറിച്ചു!
വലിയ ജനാലകളുടെ ചില്ലുകൾ ഉടഞ്ഞുവീണു. തറയിലെ കരിങ്കൽ പാളികളിൽ വിള്ളലുകൾ വീഴുകയും, ഒരു കൊടുങ്കാറ്റ് ആ ഹാളിനുള്ളിൽ രൂപപ്പെട്ട് അവളുടെ കറുത്ത മുടിയിഴകളെയും വസ്ത്രത്തെയും വായുവിൽ പറത്തുകയും ചെയ്തു.
അവളുടെ കയ്യിലിരുന്ന ക്രിസ്റ്റൽ ഗ്ലാസ് തവിടുപൊടിയായി തറയിൽ ചിതറിവീണു.
ആ ഭീകരമായ അന്തരീക്ഷത്തിൽ, കടുംചുവപ്പ് കണ്ണുകളുമായി നിൽക്കുന്ന അവളുടെ രൂപം കണ്ട് നോബിൾ വാമ്പയർ തറയോട് ചേർന്ന് കിടന്നു വിറച്ചു. ഇടിമുഴക്കം പോലെയുള്ള ശബ്ദത്തിൽ അവൾ അലറി: