മഴനീർതുള്ളികൾ – 3 36അടിപൊളി 

അപ്പോളും മുഖം തരാതെയാണ് നിൽപ്…

വായിലേക്കിട്ട പാടെ അവൾ ഒരൊറ്റ തുപ്പ് വാഷ്ബേസിനിലേക്ക്…

“ഇതെന്തുപ്പാ….” മുഖം വക്രിച്ചു….

“ പിന്നെ മധുരം ആന്ന് വിചാരിച്ചോ….” ഹരിക്ക് പുച്ഛം…

മുഖം കോട്ടി തിരിച്ചു പുച്ഛിച്ചു അമ്മു മായയോട് വെള്ളത്തിൽ ഇട്ട് കുടിച്ചാമതിയോന്ന് ചോദിച്ചു…

പറ്റില്ല അലിയിച്ചു തിന്നാലേ ഗുണം കിട്ടുവെന്ന് ലളിതമ്മയും….

ഹരി അവളെ ചൊടിപ്പിക്കാനായി ഒരു കല്ലെടുത്തു വായിലിട്ട് നുണഞ്ഞു ഇറക്കി….

പുച്ഛത്തോടെ പുട്ടെടുത്തു വായിലേക്ക് വച്ചു…

“ഞാൻ വല്ല ടാബ്ലറ്റും കഴിച്ചോളാം….ഹും…..” അമ്മു വാശിക്ക് കയ്യിലേക്ക് എണ്ണക്കുപ്പി തുറന്നു അരക്ക് കളയാനായി എണ്ണയെടുത്തു….

ചുണ്ടിന്റെ കോണിലെ അരക്ക് പോകാനായി കുറച്ച് ചുണ്ടിലും തേച്ചു…

പോയോന്നറിയാനായി ചുണ്ട് കൂട്ടിപിടിച്ചും അകത്തിയും നോക്കി കയ്യിലെത് എണ്ണ തൂത്തു ചുരണ്ടിനിന്നു….

അവനു ഇടം തിരിഞ്ഞു നിന്നു അവൾ ചെയ്യുന്നതെല്ലാം വായിൽ ഇരിക്കുന്ന പുട്ട് പോലും ഇറക്കാതെ നോക്കിനിന്നവന്റെ കണ്ണ് രണ്ടും അവിടെ തന്നെയായിരുന്നു…..

ഇന്നലെയേറെ ആഗ്രഹിച്ചിട്ടും കിട്ടാതെ പോയയാ തത്തമ്മ ചുണ്ടിൽ….

വല്ലാത്തൊരു കൊതി തോന്നി പോയവന്…..

കുഞ്ഞുനാളിൽ സൈക്കിളിൽ കൊണ്ടുവരുന്ന സേമിയ ഐസ് നോക്കിനിന്നതിനേക്കാൾ കൊതിയോടെ അവനാ അധരങ്ങളിലേക്ക് കണ്ണെടുക്കാതെ നോക്കി….

അമ്മു ഇതൊന്നുമറിയാതെ നിൽക്കുകയാണ്….

കയ്യിലെ എണ്ണ പേപ്പറിൽ തുടച്ചുകൊണ്ട്…ഇടയ്ക്ക് വയറുവേദനിച്ചിട്ടാകും മുഖം ചുളിയുന്നുണ്ട്….

കാൽ വിരൽ തുമ്പു മുതൽ ഒരു തരിപ്പ് കയറുന്നുണ്ട്..

അവളെ പിടിച്ചുവച്ചുമ്മ വെയ്ക്കാൻ തോന്നുന്നു….

അന്നത്തെപോലെയാ ചുണ്ട് കടിച്ചുകുടിക്കാൻ തോന്നുന്നു…..

പ്ലേറ്റ് സൈഡിൽ വച്ചെഴുന്നേറ്റു കയ്യും വായും കഴുകി….

ജനലിൽകൂടെ നോക്കുമ്പോൾ അവർ ചക്കവെട്ടിൽ വ്യാപ്രതരാണ്…..

ഉപ്പുകല്ല് കുറച്ചെടുത്തു വായിലേക്കിട്ട്….

ഒരു എക്സ്പ്രഷന്നുമില്ലാതെ അതു വായിലിട്ട് ഇരിക്കുന്നവനെ അമ്മു അന്തംവിട്ടു നോക്കി…

“വേണോ….” വായിൽ നിറഞ്ഞ ഉമിനീര് തുപ്പാതെയവൻ ഉപ്പുപാത്രം നീട്ടി ചോദിച്ചു….

കണ്ണിലേക്കു നോക്കിയുള്ള ചോദ്യം….

അതത്ര ശെരിയല്ലല്ലോ….

അവന്റെ കണ്ണുകളിലെ മാറുന്ന ഭാവം…

അടിവയറ്റിൽ ഉറങ്ങിക്കിടന്ന പൂമ്പാറ്റകൾ ഇളകിതുടങ്ങിയോ…

അമ്മു വേണ്ടെന്ന് യാന്ത്രികമായി തലയാട്ടി….

ഹരി അടുത്തേക്ക് വന്നു….

അമ്മു പിന്നോട്ട് നീങ്ങി സ്ലാബിൽ തട്ടിനിന്നു…..

ഹരിയവളെ തൊട്ടു തൊട്ടില്ല എന്ന മട്ടിൽ ചേർന്നു നിന്നുകൊണ്ട് ആ മുഖം കൈക്കുമ്പിളിൽ എടുത്ത് കണ്ണിലേക്കു നോക്കി…പിന്നെയാ വിറക്കുന്ന അധരങ്ങളിലേക്കും…

ഇളകിതുടങ്ങിയ പൂമ്പാറ്റകൾ ചിറകടിച്ചങ്ങു പൊങ്ങി…

അവന്റെ മുഖം താഴ്ന്നു വന്നതും അമ്മു വായ്പൊതിഞ്ഞു പിടിച്ചു….

ഒരു വാഴ നാരിനോളം പോലും ബലം അവൾ കൊടുക്കാത്തയാ കൈ ഹരി എടുത്തു മാറ്റി…

ചുണ്ടിലേക്ക് അവന്റെ ചുണ്ടമർന്നു….

മേൽചുണ്ടിന് മുകളിലും മൂക്കിലും താടിയിലുമെല്ലാം ഉരഞ്ഞുകൊള്ളുന്ന അവന്റെ മീശയും താടിയും….

അമ്മു ഇട്ടിരുന്ന പാന്റിൽ കൈ ചുരുട്ടി പിടിച്ചു….

ഹരി അവന്റെ ചുണ്ടുകൾ കൊണ്ട് തന്നെ ആ ചുണ്ടുകൾ പരസ്പരം അകത്താൻ നോക്കി…

അവൻ ഉരച്ചുകൊണ്ട് കീഴ്ച്ചുണ്ട് താഴേക്ക് ആക്കിയതും അമ്മു വായ് പതിയെ തുറന്നു….

അടുത്ത നിമിഷം അടക്കാൻ നോക്കിയതും ഹരിയാ മുഖം മലർത്തി തലയല്പം ചെരിച്ചു പിടിച്ച് അവളുടെ വായ്ക്കുള്ളിലേക്ക് അവന്റെ ഉപ്പലിഞ്ഞിറങ്ങിയ ഉമിനീർ പകർന്നു കഴിഞ്ഞിരുന്നു…..

ഇരുവരുടെയും തലച്ചോറിനുള്ളിൽ തീക്കട്ടയും മഞ്ഞുകട്ടയും ഒരുമിച്ചു വാരിയിട്ട പോലെ….

അവൻ ചുണ്ടുകൾ പതിയെ പിൻവലിച്ചു മുഖത്തേക്ക് നോക്കി…

അവളാ ഉമിനീരും വായിൽ നിറച്ചുനിൽക്കുവാണ്….

“ഇറക്ക്……” കാറ്റുപോലെ….

അമ്മു മുഖത്ത് നോക്കാതെയത് കുടിച്ചിറക്കി….

ഹരിയുടെ ഉള്ളിലെന്തോ എരിഞ്ഞു കത്തിയെങ്കിൽ അമ്മുവിലെന്തോ അലിഞ്ഞൊഴുകി തുടങ്ങി….

ഇടംകവിളും പിൻതലയും പൊതിഞ്ഞു പിടിച്ച കൈവിരലുകൾ മുറുകി….

“ഇനി വേണോ….” അടഞ്ഞു മുറുകിയ ശബ്ദം…