“ആ അതുണ്ട്….പക്ഷെ ഇങ്ങനത്തെ നാട്ടുമാങ്ങ ഇല്ല…പണ്ടുണ്ടായിരുന്നു അത് ആരോ മരിച്ചപ്പോൾ മുറിച്ചു…പിന്നിന്നാ കഴിക്കുന്നേ…..” പറഞ്ഞുകൊണ്ട് ആ മാങ്ങയുടെ മൂക്കുകടിച്ചു വായിലേക്ക് വച്ച് ഊമ്പിയെടുത്തു….
“മ്മ്…” മാങ്ങയൂമ്പുന്നവളുടെ അല്പം ബ്രൗൺ കലർന്ന മേൽചുണ്ടിലും ഇളം ചുവപ്പുനിറമുള്ള കീഴ്ച്ചുണ്ടിലും നോട്ടം തങ്ങിനിന്നപ്പോൾ അവനൊന്നു മൂളി തിരിഞ്ഞു….
ഇന്നലെ നുണഞ്ഞപ്പോൾ എരിവ് ചുവച്ചെങ്കിൽ ഇന്നതിനു മാങ്ങയുടെ മധുരം ആകും…
തേൻ മധുരം……..
ചിന്ത വേണ്ടാത്ത വഴിക്ക് ഓട്ടം തുടങ്ങിയപ്പോൾ തലയൊന്ന് കുടഞ്ഞു കാല് വലിച്ചു നടപ്പിന് വേഗം കൂട്ടി…
ചെറിയ കൈത്തോടിനു മുകളിൽ തെങ്ങിൻ കഷ്ണം മുറിച്ചിട്ട പാലം എത്തിയപ്പോൾ അമ്മു നിന്നു….
ഹരിയത് കടന്നു മുന്നോട്ട് നീങ്ങി…
“അതേയ്….”
അവൻ തിരിഞ്ഞു നോക്കി….
“ഒന്ന്….”.തടിപാലത്തിലേക്ക് കണ്ണുകാണിച്ചു….
“ഇങ്ങോട് നീയെങ്ങനാ കടന്നേ അതുപോലങ് കടക്ക്….”
“അപ്പൊ അവളുണ്ടാരുന്നില്ലേ…”
“പ്ലീസ്….എനിക്കിതു ശീലമില്ലാഞ്ഞിട്ടാടാ….”
അവൻ തിരിഞ്ഞു വന്നു കൈനീട്ടി…
തഴമ്പിച്ചു പരുപരുത്ത കൈ….
അവളാ കയ്യിൽ പിടിച്ചു പാലം കടന്നു…
“ഒറ്റക്ക് നടക്കാനൊക്കെ പടിക്ക്…കുഞ്ഞൊന്നുവല്ല നീ…”
“മ്മ്…” മൂളലിനിച്ചിരെ കനം കൂടിയപോലെ…ഒരു പരിഭവത്തിന്റെ നിഴൽ പോലെ….
ആദ്യമാദ്യം പിന്നിൽ നടന്നവളിപ്പോ ആ ഒരാൾക്കു കഷ്ടി നടക്കാൻ ഇടയുള്ള ഇടവഴിയിൽ ഒപ്പം നടക്കാൻ തുടങ്ങി…
അവൾക്കു നടക്കാൻ എളുപ്പത്തിന് സോപ്പ്പെട്ടി കുടഞ്ഞു ബക്കറ്റിലേക്കിട്ടവൻ ആ ബക്കറ്റ് ഇടതുകയ്യിലേക് മാറ്റിപ്പിടിച്ചു അവർക്കിടയിൽ സ്ഥലമുണ്ടാക്കികൊടുത്തു…അതോ തടസം നീക്കികൊടുത്തതോ….
ഒന്നുമൊന്നും മിണ്ടിയില്ലെങ്കിലും വീടെത്തുംവരെ ഒരുമിച്ചു നടന്നു…
വീടിനോടടുത്തതും കണ്ടു വേലിക്കൽ എളിക്ക് കയ്യും കുത്തി അവരെ നോക്കിനിൽക്കുന്ന മായയെ….
“എടാ….അമ്മ….അമ്മയോടെന്തു പറയും….”
“അതൊന്നും എനിക്കറീല്ല….കൊണ്ടോകാമെന്നു പറഞ്ഞു കൊണ്ടുപോയി….ബാക്കിയൊക്കെ നീ തന്നെ നോക്കണം….”
”എടാ……പ്ലീസ്….“
”ഒരു രക്ഷേമില്ല….അല്ലെ പിന്നൊന്നു കരഞ്ഞുനോക്ക്….പാവമാ ചിലപ്പോ വീഴും….“
വേലിക്ക് അടുത്തെത്തിയതും അമ്മു ഹരിയുടെ പിന്നിലേക്ക് ഒളിച്ചുനിന്നു…..
”അമ്മു ഇങ്ങോട്ടൊന്നു നീങ്ങിനിന്നെ….“
ഇതുവരെ കാണാതൊരു വിശേഷമൊക്കെ കണ്ട് ഒന്നന്തിച്ചെങ്കിലും മായ ഗൗരവം തന്നെ എടുത്തണിഞ്ഞു….
അമ്മു അവനു പിന്നിൽ തന്നെ നിന്നു കൊണ്ട് തല മാത്രം നീട്ടി…
”നിന്നോട് ഞാൻ പുഴെൽ പോവല്ലെന്ന് പറഞ്ഞിട്ടുണ്ടായിരുന്നോ….“
”അതിനിറങ്ങീലാമ്മ….“ അതുംപറഞ്ഞിട്ട് ചുണ്ടുവിതുമ്പുമ്പോലെ ഒരു എക്സ്പ്രഷൻ ഇടാൻ നോക്കി…
”ഈ കള്ളക്കരച്ചിൽ ഐഡിയ എന്റെ മോന്റെയാരിക്കും അല്ലെ…..“ പാളിയെന്നു മനസിലാക്കിയ ഹരി വേലിക്കിടയിലൂടെ നൂണ്ട് അകത്തേക്ക് കയറി…
ഇവിടെ വാടിന്നും പറഞ്ഞു അമ്മുവിന്റെ ചെവിക്ക് പിടിച്ചുകൊണ്ടു മായയും…
ആ പോക്ക് ഒന്നുനോക്കി തുണിയെടുത്തു വിരിച്ചു ഹരി…
ദിവസങ്ങളും ആഴ്ചകളും വേഗത്തിൽ കടന്നുപോയി….
കിച്ചു അവന്റെ വീട്ടിലേക്ക് തിരികെ പോയി…അവർ വിളിച്ചു പറഞ്ഞപ്പോൾ ഹരി കൊണ്ടുചെന്നാക്കിയതാണ്…
കിച്ചുവിന്റെ കൂടെയുള്ള പൊടിക്കലും വെക്കേഷൻ ആഘോഷവും കൂടെ ആയപ്പോൾ അമ്മുവിന്റെ കയ്യിലെ പോക്കറ്റ്മണി ഏകദേശം തീർന്നിരുന്നു….
അതു മനസിലാക്കിയ മായയാണ് അവൾക്കു പോക്കറ്റ്മണിയായിട്ടും മറ്റുമുള്ള പൈസ നൽകിയത്…ആദ്യം അമ്പിനും വില്ലിനും അടുക്കാതിരുന്ന അമ്മു പിന്നേ എല്ലാത്തിനും കണക്ക് വെച്ചോ എന്നിട്ടൊരു ജോലി ഒക്കെ ആയി പൈസ ഒക്കെ ആവുമ്പൊ തിരിച്ചു തന്നാമതിയെന്ന മായയുടെ നല്ലവാക്കിന്മേൽ അതു വാങ്ങിച്ചു…
അതു പക്ഷെ താൻ നേരിട്ട് കൊടുത്താൽ അവൾ വാങ്ങില്ലെന്നറിഞ്ഞുകൊണ്ട് ഹരി മായയെ ഏല്പിച്ചത് ആയിരുന്നു….
ചിന്നു അവളുടെ അമ്മവീട്ടിൽ നിക്കാനായിട്ട് പോയി..
വർഷത്തിൽ ഒരിക്കൽ മാത്രം കസിൻസുമായി കൂടാൻ കിട്ടുന്ന ചാൻസ് ആയതുകൊണ്ട് ഇനിയൊരു രണ്ടാഴ്ച അല്ലെങ്കിൽ കോളേജ് തുറക്കാറാകുമ്പോ പ്രതീക്ഷിച്ചാൽ മതി…
Story idunath nirthiyo? Waiting aan storykk daily post cheythoode
Heyy enna post cheya?