മൈ ഡിയർ യക്ഷി 5
My Dear Yakshi Part 5 | Author : Ganesh Gaitonde
[ Previous Part ] [ www.kambi.pw ]
ഒരുപാട് വൈകിയെന്നറിയാം…ജീവിതം കഷ്ടപ്പാടുകളിൽ ആണെന്ന് മാത്രം പറയുന്നു… അധികം ന്യായീകരണങ്ങൾ ഇല്ല… തത്കാലം ഈയൊരു കൊച്ചുഭാഗം കൊണ്ട് തൃപ്തിപ്പെടുക… എത്രത്തോളം വർക്കായി എന്ന് അറിയില്ല… ഇഷ്ടപ്പെടുമെന്ന് കരുതുന്നു…
സമയം 4 : 30 ⏰
അവളെന്തോ ചിന്തയിലാണെന്ന് തൊന്നുന്നു… ഇടയ്ക്ക് ചിരിക്കുന്നുമുണ്ട്.
“….ന്താണ് അമ്മൂ… ആ കൊച്ചിനോടു പെട്ടെന്ന് ചൂടായെ… ഒരു പാവല്ലേയത്.. ഏഹ്….”
വണ്ടിയോടിക്കുന്നതിനിടെ അമ്മുവിനോട് ഞാൻ മെല്ലെ ചോദിച്ചു. അവളെ നോക്കാതെയാണ് സംസാരിച്ചത്.
“ഏത് കൊച്ച്… എന്ത് പാവം…”
അമ്മു മനസ്സിലായില്ല എന്ന ഭാവത്തിൽ എൻ്റെ നേരെ നോക്കി ചോദിച്ചു…
“നമ്മളിപ്പോ കണ്ടില്ലേ.. ആ.. കോഫീ ഷോപ്പിലെ കൊച്ച്…. ഐശ്വര്യ…”
ഇടക്കണ്ണിട്ട് ഞാൻ വണ്ടി ഓടിക്കുന്നതിനിടയിൽ വളരെ മൃദുലമായി പറഞ്ഞു…
അതും പറഞ്ഞു ഒന്ന് രണ്ട് സക്കണ്ടിന് ശേഷം ഞാൻ തല ചെരിച്ചപ്പോൾ ചെറിയ സംശയത്തോടെ എന്നെ നോക്കുന്ന യക്ഷിയെയാണ് ഞാൻ കണ്ടത്…
അത് കണ്ടപ്പോ തന്നെ എനിക്ക് ചിരി പൊട്ടി…പുറത്ത് കാണിക്കാതെ അത് ഒരു പതിഞ്ഞ ചിരിയായി ഒതുക്കി വണ്ടിയോടിക്കൽ തുടർന്നു….
ഞാൻ കാറിൻ്റെ മീറ്ററിലേക്ക് നോക്കിയപ്പോൾ 60k ആയി ആശാൻ ഞങ്ങൾക്കൊപ്പം ഓട്ടം തുടങ്ങിയിട്ട്… ജോലിയൊക്കെ സെറ്റാക്കിയിട്ട് വേണം ഇവനെയൊന്ന് മാറ്റാൻ…
ഈ വണ്ടിയെ ഇഷ്ടമില്ലാഞ്ഞിട്ടല്ല… വണ്ടി ഔട്ട്ഡേറ്റഡ് ആയതുകൊണ്ടാ…. പുതിയ വണ്ടികളിൽ ലഭിക്കുന്ന പല സംഭവങ്ങളും ഇതിനില്ല… പക്ഷെ ആളുകളുടെ ഇടയിൽ ഇപ്പോഴും ഒരു പേര് നിലനിർത്തുന്നുണ്ട്… പുതിയ സ്വിഫ്റ്റ് കോമഡി പീസ് ആയെങ്കിലും ഈ മുതൽ ഇപ്പോഴും അടിപൊളിയാ… പ്രത്യേകിച്ച് ലുക്കിൻ്റെ കാര്യത്തിൽ…
“ഓ..എൻ്റെ പുന്നാര ഏട്ടന് ആളെ വല്ലാതെ ബോധിച്ചെന്ന് തോന്നുന്നു….?”
അമ്മു ചെറിയ ഇഷ്ടക്കേട് പോലെ പറഞ്ഞുകൊണ്ട് ഗിയർ ലിവറിൽ ഇരുന്ന എൻ്റെ കയ്യിലെ മാംസത്തിൽ പിച്ചിവലിച്ചുവിട്ടു… അൽപ്പം മുറുക്കത്തിൽ തന്നെയാണ് പിച്ചിയത്…
“സ്സ്….. എടി കുരിപ്പെ….”
വേദനകൊണ്ട് കൈ കുടയുന്നതിനിടെ ഞാൻ പറഞ്ഞു. എന്നിട്ട് കയ്യിൽ നോക്കി..
തൊലി പോയെന്ന് തോന്നുന്നു… നല്ലോണം. ചുമന്നിട്ടുണ്ട്… ഇടതുകൈയിൽ നഖം അത്യാവശ്യം നീളത്തിൽ വളർത്തിയെണ്ട്… വലത്തെ കയ്യിൽ കാര്യമായിട്ടില്ല. എന്നാലും ഉണ്ട്. തൊലിയൊക്കെ പിച്ചിപ്പറിക്കാൻ അതന്നെ ധാരാളം…
പക്ഷെ അതൊന്നും കക്ഷി മൈൻഡ് ചെയ്യുന്നതെയില്ല…
“എന്താ… ൻ്റെ ചെക്കൻ്റെ ഉദ്ദേശം… മ്മ്…മ്മ്…..”
ഒരു ആക്കുന്ന പോലെയുള്ള ഭാവത്തിൽ അമ്മു എന്നോട് ചോദിച്ചു…
വീണ്ടും പിച്ചാൻ കൈ നീട്ടുന്നുണ്ട് യക്ഷി…
“എൻ്റെ ചെക്കനോ….. നിനക്കിപ്പോ ഈ പിച്ചലും മാന്തലും കൂടുന്നുണ്ടിട്ടോ പെണ്ണേ… ഒരൂസം കിട്ടുമെൻ്റെന്ന്….”
അമ്മുൻ്റെ കൈ തട്ടിക്കൊണ്ട് ഞാനൽപ്പം രോഷത്തോടെ പറഞ്ഞു…
“ഓ… പിന്നെ… ഹൂം… ”
ഇതൊക്കെ കുറേ കണ്ടേണ്ട് എന്ന ഭാവത്തിൽ ആണ് അവൾടെ നോട്ടം… എന്നിട്ട് തല പുറത്തേക്ക് വെട്ടിച്ചു…
തലയുടെ ഒപ്പം മുന്നിലേക്ക് കിടന്ന മുടി അവളുടെ മുഖത്ത് വന്ന് പൊതിഞ്ഞു…
ആ ചെറിയ വേദനയിലും അവളുടെ സൗന്ദര്യം ആസ്വദിക്കാതിരുന്നില്ല…
“യക്ഷിടെ മാതിരി നഖോം വളർത്തി വന്നേക്കുന്നു.. ഉഫ്….”
ഞാൻ നേരെ നോക്കി പറഞ്ഞു കൈ കുടഞ്ഞു…
യക്ഷി എന്നത് ലേശം പതുക്കെയാണ് പറഞ്ഞത്.. കേൾക്കെ പറഞ്ഞാൽ അതിൻ്റെ വകയായി വേറെ കിട്ടും…
കേട്ടില്ലെന്ന് തോന്നുന്നു…
“എന്താ…. എന്തിൻ്റെ നഖൊന്നു…”
അമ്മു പെട്ടെന്ന് തിരിഞ്ഞിട്ട് എന്നെ ചൂഴ്ന്നു നോക്കിക്കൊണ്ട് ചോദിച്ചു….
അങ്ങോട്ടും ഇങ്ങോട്ടും ഉള്ള തിരിയിൽ വീണ മുടി ചെവിയിലേക്ക് ഒതുക്കുന്നുണ്ട് അവൾ..അതിനിടയിൽ ആ സുന്ദരമായ മുഖവും….
ആഹാ… എന്താ രസം…
ഞാനവളെ മെല്ലെ ഇടക്കണ്ണിട്ട് നോക്കി…. എന്നെ തന്നെ നോക്കിയിരിക്കാണ് അവൾ… തുറപ്പിച്ചാണ് നോട്ടം എന്ന് മാത്രം…
ഞാൻ അത് കാണാത്ത പോലെ നേരെ നോക്കി വണ്ടി ഓടിച്ചു…