കാര്യം അവള് തമാശയ്ക്കാണെങ്കിലും ആ പാവത്തിനെ വിഷമിപ്പിക്കാൻ എനിക്ക് താത്പര്യമില്ല… അവൻ്റെ മുഖം ഒന്നു മാറിയാൽതന്നെ എനിക്ക് എന്തോപോലെയാ… പറഞ്ഞപോലെ എന്തെങ്കിലും വാങ്ങിക്കൊടുത്തു അവനെ ഹാപ്പിയാക്കിയാലേ എനിക്കൊരു സമാധാനം ആകൂ…
“ഓ.. ഞാനൊന്നും പറയില്ല… പിന്നെ……”
അത്രയും പറഞ് നിർത്തി എന്നെ നോക്കി ഒരു കള്ളച്ചിരി ചിരിച്ചു… കൈവരിയിൽ പുറം ചാരിയാണ് അവളുടെ നില്പ്..
“പിന്നെ?…”
ഒരു പഴംപൊരി കടിച്ചുകൊണ്ട് ഞാൻ ചോദിച്ചു… മോന്ത കണ്ടാലറിയാ എന്തോ ഉടായിപ്പാണ്…
“പിന്നെ……. മ്മ്… അവനെന്തേലും ചോദിച്ചോണ്ടു വന്നാല് പറഞ്ഞ് കൊടുക്കണ്ടേ…. ഹ്മ്….?”
കുറച്ച് ക്യൂട്നെസ് മുഖത്ത് വാരി വിതറി കണ്ണുകൾ ചിമ്മിക്കൊണ്ട് അരയിൽ രണ്ട് കയ്യും കൊടുത്ത് നിൽപ്പാണ്…
“അമ്മൂ….”
അൽപ്പം ദേഷ്യപ്പെട്ടുകൊണ്ട് ഞാനവളെ വിളിച്ചു….. മിക്കവാറും ഇന്നലത്തെപോലെ ഓരോന്ന് ഒപ്പിക്കാനാ അവൾടെ പ്ലാൻ…
“ഹിഹി…. ഹിഹി…”
എൻ്റെ ദേഷ്യം കണ്ടിട്ടോ എന്തോ… അവൾ നിന്ന് കുണുങ്ങി ചിരിച്ചു…
ഓഹ്… എന്താ ഒരു ചിരി… ഓരോ നിമിഷവും അവളുടെ ചിരി കാണുമ്പോൾ ഭംഗിയും വശ്യതയും കൂടി വരുന്ന പോലെ… കുർത്തയിൽ അവളുടെ വയറും നെഞ്ചും അല്പാല്പമായി ചിരിയോടൊപ്പം തുളുമ്പുന്നുണ്ട്…ഞാനിതെല്ലാം കൺകുളിർക്കെ കണ്ടു ആസ്വദിച്ചു… ഒരു സ്വപ്നം പോലെ… ആ ഒരു നിമിഷത്തേക്ക് ഞാൻ നിശബ്ദനായി…
“യ്യോ… ൻ്റെ കൊരങ്ങൻ പിണങ്ങിയോ…. ഹി..ഹി..”
അവളുടെ ആ കിളിനാദം പോലുള്ള ശബ്ദത്തിലാണ് ഞാൻ തിരിച്ച് വന്നത്… അത്രയും നേരം അവളുടെ ഓരോ ചേഷ്ടകളും ചലനങ്ങളും നോക്കിയിരുന്ന ഞാൻ പെട്ടെന്ന് നോട്ടം മാറ്റി… അത് കണ്ടിട്ടാവോ എന്തോ അവളുടെ കണ്ണുകൾ ഒന്നൂടെ തിളങ്ങി…
“ന്താവൊന്നും മിണ്ടാത്തെ… ഏഹ്…?”
ഞാൻ ചെറിയ ദേഷ്യം മുഖത്ത് വരുത്തി മറുപടി പറയാതെ പുറത്തേക്ക് നോക്കി ഇരുന്നു…കയ്യിലിരുന്ന പഴമ്പൊരിയിൽ നിന്ന് വീണ്ടും ഒരു കടി എടുത്തു…
ഇല്ലേൽ ചിലപ്പോ ഇതിനെപ്പറ്റി അവൾടെ അടുത്ത ചോദ്യങ്ങൾ കേൾക്കേണ്ടിവരും.. എന്താ അങ്ങനെ നോക്കിയേ ഇങ്ങനെ നോക്കിയേ.. അങ്ങനെ അങ്ങനെ……
ഇപ്പോ തന്നെ അവൾക്കെന്തൊക്കെയോ അറിയാവുന്ന പോലെയാ പെരുമാറ്റം… പിന്നെ എൻ്റെ കയ്യിലിരുപ്പും അങ്ങനാണല്ലോ….
അത് കണ്ടതോടെ അവൾ വീണ്ടും കുണുങ്ങി ചിരി തുടങ്ങി…. ഒപ്പം അവളെൻ്റടുക്കലേക്ക് നടന്നടുത്തു…
“ഹാ… ന്തുന്നാ അമ്മൂ…..”
അടുത്ത് വന്നതും അവളെൻ്റെ കവിളിൽ ഒരു നുള്ള് തന്നു…. ഈ പ്രതീക്ഷിക്കാത്ത നേരം ദേഹം നോവുമ്പോൾ ഉണ്ടല്ലോ എനിക്ക് പെട്ടെന്ന് അങ്ങ് കേറി വരും… അതോണ്ട് തന്നെ ഞാനവളെ അൽപ്പം കലിപ്പിച്ച് നോക്കി…
കോളേജിൽ അവന്മാരുടെ കൂടെ ആണെങ്കിൽ തന്നവന് കിട്ടിയ വഴി ഒരെണ്ണം കൊടുക്കും അല്ലെങ്കിൽ രണ്ട് തെറിയങ്ങ് പറയും… അപ്പൊ ഒരു ആശ്വാസം കിട്ടും…
പക്ഷേ ഈ സാധനത്തിനെ തെറി പറയാൻ പറ്റില്ല, തല്ലാൻ ഒട്ടും പറ്റില്ല… തെറി പറഞ്ഞാല് പിന്നെയും ഒരുവിധം ഒപ്പിക്കാം… പക്ഷെ തല്ലിൻ്റെ കാര്യം അറിയില്ല… കാരണം ഇതുവരെ അവളെ ഞാൻ തല്ലിയിട്ടില്ല… ചുമ്മാ തമാശയ്ക്ക് പോലും… അവൾ എന്തേലും തല്ലുകൊള്ളിത്തരം ഒപ്പിച്ചിട്ട് എനിക്ക് ദേഷ്യം വന്നാൽ കൂടെ തല്ലാൻ കഴിയാറില്ല… എപ്പോഴും സംഭവിക്കുന്നപോലെ അതിൻ്റെ മുഖം കാണുമ്പോ തന്നെ നമ്മടെ പാതി ദേഷ്യം പോകും… പിന്നെ പ്രശ്നം സീരിയസ് ആണെങ്കി അവളുടെയും മുഖം മാറും.. അപ്പൊ പിന്നെ പറയേ വേണ്ട അവളെ സമാധാനിപ്പിച്ചിട്ടേ എനിക്കും സമാധാനം കിട്ടൂ….
പിന്നെ ഇടക്ക് അവളുമായി തല്ലുപിടിക്കുന്നത് മനപ്പൂർവ്വം ആണല്ലോ.. അത് അവൾക്കും അറിയാം…
“ഹൊ…ന്തൊരു നോട്ടമാ… കണ്ണൊക്കെ പൊട്ടും ഇപ്പോ….”
അമ്മു എൻ്റെ കവിളിൽ ഇരുകയ്കൊണ്ടും പിടിച്ച് കുനിഞ്ഞുകൊണ്ട് മുഖം എൻ്റെ മുഖത്തോട് അടുപ്പിച്ച് തലയാട്ടി കുഞ്ഞിപ്പിള്ളേരെ കൊഞ്ചിക്കുന്നത്പോലെ ചിരിച്ചുകൊണ്ട് പറഞ്ഞു….
“ൻ്റേട്ടാ… ഞാനൊരു ജോക്ക് പറഞ്ഞാലേ… ഹിഹി…”
അവളുടെ കുസൃതി നിറഞ്ഞ ആ പറച്ചിലും കള്ളച്ചിരിയും കണ്ടതോടെ എൻ്റെ മുഖത്തും ചെറിയ ചിരി വിടർന്നു… അതവൾ കാണാതിരിക്കാൻ എൻ്റെ നോട്ടം മാറ്റി…