ഞങ്ങൾ എന്റെ മുറിയിലേക്ക് നടന്നു
എന്തിനാ ഉണ്ണിയേട്ടാ ഇത്രേം വല്ല്യ വീട്
ഇത് ഒരുപാടു വർഷം മുൻപ് അച്ഛൻ മേടിച്ചതാ പെണ്ണെ
വീട് മുഴുവൻ ചുറ്റി നടന്നു കണ്ടു അവസാനം എന്റെ മുറിയിലെത്തി
മുറി തുറന്നു അകത്ത് കയറിയപോഴേ ഞാനെന്റെ കട്ടിലിലേക്ക് കിടന്നു
അവൾ അടുത്തു വന്നിരുന്നു
ഈ മുറിയിൽ മാത്രമെന്താ ഒരു നല്ല മണം
അതീ കട്ടിലിന്റെയാടി
അതെങ്ങെനെ
ഇത് ചന്ദനമരത്തിന്റെ കാതൽ കൊണ്ടു പണിത കട്ടിലാ എന്റമ്മയുടെ കട്ടിൽ
എന്റമ്മക്കും ഇതേ മണമായിരുന്നു എന്നിൽ നിന്നൊരു ദീർഘ നിശ്വാസമുതിർന്നു
അവൾ പെട്ടെന്നു നിശബ്ദയായി
അവൾ എന്റരികിലേക്ക് ചാഞ്ഞു കിടന്നു
പുറത്ത് കുറേ വണ്ടികൾ വന്നു നിൽക്കുന്ന സൗണ്ട്
ഞങ്ങൾ എഴുനേറ്റു
കല പില എന്ന ഒച്ചപ്പാട് കേട്ട് തുടങ്ങി
വന്നല്ലോ എന്റെ വാനരപ്പട
അരാ ഉണ്ണിയേട്ടാ
ഏട്ടന്മാരുടെ മക്കള് വന്നതിന്റെ ബഹളമാ ആ കേൾക്കുന്നെ
വാ അങ്ങോട്ട് ചെല്ലാം
ചെറിയച്ചേ……എന്ന് നീട്ടി വിളിച്ചു എല്ലാം കൂടി എന്നെ പൊതിഞ്ഞു
പൊടിമോൻ വന്നതേ
എന്റെ തോളിൽ കയറി ഇരിപ്പുറപ്പിച്ചു
ചാച്ച എന്നെ ബൈച്ചില് കേറ്റി കരങ്ങാൻ പോവോ
അടുത്ത
തവണ കൊണ്ടു പോവാട്ടോ
പറ്റിച്ചല്ല്
ഇല്ലെടാ ചക്കരെ
ഞാനവനെ എടുത്തുയർത്തി കവിളിൽ ഒരുമ്മ കൊടുത്തു താഴെ നിർത്തി
ചാച്ചെ ഇതാണോ നങ്ങടെ ചിറ്റ
സമീറയെ ചൂണ്ടി കുട്ടികൾ ചോദിച്ചു
മറുപടി പറയും മുൻപേ ഏടത്തിമാർ ആറ് പേരും കൂടി അങ്ങോട്ടേത്തി
ഞാൻ ഓരോരുത്തരെ ആയി അവൾക്ക് പരിചയപെടുത്തി
ഈ ചേച്ചിയല്ലേ നമുക്ക് ഡ്രസ്സ് തന്നു വിട്ടെ
അതേ അത് ഈ ചേച്ചിയുടെ കടയാണ്
ദാ ഈ ചേച്ചിയുടെ കടയിൽ നിന്നാണ് നീ സ്വർണ്ണം വാങ്ങിയത്
എന്റെ മോളെ ഇവൻ നിന്നെ പറ്റിക്കുന്നതാ ആ കടയെല്ലാം ഇവന്റെയാ ഞങ്ങള് വെറും നോട്ടക്കാര് മാത്രമാ
ആ കടകൾ മാത്രമല്ല ട്ടോ മോള് ഇന്നവിടെ കണ്ട എല്ലാ ബിൽഡിംഗുകളും വരുന്ന വഴിക്കു വലിയൊരു പാടവും തോപ്പുമൊക്കെ കണ്ടില്ലേ അതെല്ലാം ഈ നിക്കുന്നവന്റെയാ
അവൾ എന്നെ നോക്കി
എന്നിട്ടതെല്ലാം ഏതോ ഒൻപതു പേരുടെയാന്നല്ലേ
എന്നോട് പറഞ്ഞെ
കൂട്ടച്ചിരി മുഴങ്ങി
ആ ഒൻപതു പേരിലെ ഒൻപതാമത്തെ ആളാ നിന്റെയീ ഉണ്ണിയേട്ടൻ ബാക്കി ഏട്ടണ്ണം ഞങ്ങടെ കെട്ടിയോന്മാരും ഏടത്തിമാരിൽ രണ്ട് പേര് സമീറയേം കൂട്ടി അടുക്കളയിലേക്ക് നടന്നു
ഉണ്ണി നീയിനി എപ്പോഴാ വരുന്നേ
എന്താ ഏട്ടത്തി
കടയിലെ കണക്ക് നോക്കാനുണ്ട് കുറെ ചെക്ക് ഒപ്പിടാനുണ്ട് പുതിയ സ്റ്റോക്ക് എടുക്കണം അങ്ങനെ ഒരുപാട് കാര്യങ്ങളുണ്ട് നീ രണ്ട് മൂന്നു ദിവസമെങ്കിലും ഇവിടെ വേണം
അടുത്ത ദിവസം തന്നെ വരാമേടത്തി
വൈകരുത്
ഇല്ലന്നെ
ഏടത്തി എന്തിനാ അവളോട് അങ്ങനെയൊക്കെ പറഞ്ഞെ
അവൾ അറിഞ്ഞിരിക്കെട്ടെടാ നിന്റെയൊരു റേഞ്ച് എന്താന്ന്
എന്തിനു അതൊന്നും പറയണ്ടാരുന്നു
നമുക്കുള്ളതിന്റെ പകുതി പോലും പറഞ്ഞില്ല ല്ലോ മോനെ പിന്നെന്താടാ
എന്നാലും വേണ്ടാരുന്നു ഏട്ടത്തി
അവളെപ്പോഴായാലും അറിയേണ്ടേതല്ലേ
ഗുരുജി പറഞ്ഞ വാക്കുകളിൽ എന്തോ ഒരു ദുഃസൂചന പോലെ എന്റെ മനസിൽ കിടന്നു തിളച്ചു മറിയുന്നുണ്ടായിരുന്നു
ഏടത്തിമാരെല്ലാം കൂടി അവളെ താഴത്തും തലയിലും വെക്കാതെ
കൊണ്ടു നടന്നു
സമയം പോയത് അറിഞ്ഞതേയില്ല
ഡി…. നമുക്ക് പോവണ്ടേ
നീ പൊക്കോ കൊച്ചിവിടെ നിക്കട്ടെ കുറച്ചു ദിവസം കഴിഞ്ഞു ഞങ്ങളവിടെ കൊണ്ടു വന്നു വിട്ടേക്കാം
നല്ല കാര്യമായി ഇവളുടെ വാപ്പ അറിഞ്ഞിട്ടില്ല ഇങ്ങു പോന്നത്
സന്ധ്യക്ക് മുന്നേ ഇവളെ അവിടെ എത്തിച്ചില്ലേൽ എല്ലാം കൂടി അന്വേഷിച്ചു ഇങ്ങോട്ട് വരും
വരട്ടെ എല്ലാർക്കും കൂടി ഇവിടെ താമസിക്കാലോ
നിങ്ങളൊന്നു പോയെ ഏടത്തി
വാടി പെണ്ണെ ഞാനവളുടെ കയ്യിൽ പിടിച്ചു വലിച്ചു
നാളെ പോയാൽ പോരെ ഉണ്ണിയേട്ടാ ഉമ്മിയോട് വിളിച്ചു പറയാന്നു ചേച്ചി പറഞ്ഞു അവൾ നിന്നു ചിണുങ്ങാൻ തുടങ്ങി
എടി നിൻറുമ്മിയെ വാപ്പ തല്ലി കൊല്ലുന്നതു നിനക്ക് കാണണോ
വേണ്ട
എന്നാ മര്യാദക്ക് വാ
വാപ്പച്ചി വരുമ്പോൾ ചോദിച്ചിട്ട് നമുക്ക് വീണ്ടും വരാം പിന്നെ നീ ഇവിടെത്തന്നെ നിന്നോ തിരിച്ചു പോവേണ്ട