സിനിമ കഴിഞ്ഞതിനു ശേഷം ഡിന്നർ കൂടി കഴിച്ചിട്ടു പോകമെന്നു സമീർ അഭിപ്രായപ്പെട്ടു, ഞങ്ങൾക്കു കുറച്ചു സ്വകാര്യ നിമിഷങ്ങൾ കിട്ടിക്കോട്ടെ എന്ന് കരുതിത്തന്നെയാവാം മുംതാസ് ഡിന്നറിനു കൂടെ വരാതെ തനിച്ചു വീട്ടിലേക്കു മടങ്ങിയതും!!
അങ്ങനെ ആദ്യമായി ഞാനും സമീറും മാത്രം ഒന്നിച്ചുള്ള നിമിഷങ്ങൾ വന്നുചേർന്നു, ഭക്ഷണം ഓർഡർ ചെയ്തതിനു ശേഷം ഞങ്ങൾ പരസ്പരം കണ്ണുകളിൽ നോക്കി ഏതോ മായാലോകത്തെന്ന പോലെ കുറേ നേരം ഇരുന്നു, ആദ്യം സംസാരിച്ചു തുടങ്ങിയത് സമീർ തന്നെ ആയിരുന്നു!
“ആമി,, നീ വളരെ സുന്ദരിയാണ്, ഇപ്പോൾ നേരിട്ട് കണ്ടപ്പോൾ ഞാൻ ഫോട്ടോയിലും, സ്കൈപ്പ് കോളിലും കണ്ടതിനേക്കാളും സുന്ദരി,,,”
സമീറിൻറെ വായിൽ നിന്നും ഇത്രയും കേട്ടതും, ഞാൻ അങ്ങേരുടെ മുഖത്തു നോക്കാനാവാതെ നാണിച്ചു തലതാഴ്ത്തി ഇരുന്നു , എൻ്റെ ശരീരത്തിലെ എല്ലാ രോമങ്ങളും എഴുന്നേറ്റു നിന്നതുപോലെ എനിക്ക് തോന്നി ( ഭാവി ഭർത്താവിൽ നിന്നും ആദ്യമായി കേൾക്കുന്ന പ്രശംസയിൽ ഏതൊരു പെണ്ണും ഉല്ലസിക്കുന്നതിനേക്കാളും ഞാൻ മനസ്സുകൊണ്ട് ഉല്ലസിച്ചു).
പെട്ടെന്നെന്തോ ഓർത്തതുപോലെ സമീർ എഞോടു “please, excuse me” എന്ന് പറഞ്ഞുകൊണ്ട് പുറത്തേക്കുപോയി, അല്പസമയത്തിനകം തന്നെ അതുവരെ കാറിൽ എവിടെയോ ഒളിപ്പിച്ചു വച്ചിരുന്ന ഒരു കവറുമായി എഞടുക്കലേക്കു തിരിച്ചെത്തി, ആ കവറിൽ നിന്നും സമീർ ആദ്യം പുറത്തെടുത്തത് ഒരു ജ്വല്ലറിയുടെ ചെറിയ ബോക്സ് ആയിരുന്നു,അതിൽ കരുതിവെച്ച മോതിരം എൻ്റെ വിരലിൽ അണിയിക്കുമ്പോൾ എനിക്കെന്തോ സ്വർഗം കിട്ടിയ സന്തോഷമായിരുന്നു!!
വിരലുകൾ ഉയർത്തിപ്പിടിച്ചു ആ മോതിരത്തിൻ്റെ ഭംഗി ആസ്വദിച്ചുകൊണ്ടിരുന്ന എഞ്ഞോട് ” മോതിരം ഇഷ്ട്ടപ്പെട്ടോ?” എന്ന സമീറിൻറെ ചോദ്യത്തിന്, ഞാൻ ഇരു പുരികങ്ങളും മേല്പോട്ടുയർത്തി “ഒരുപാടു ഇഷ്ടപ്പെട്ടു” എന്ന് നിറ പുഞ്ചിരിയോടെ മറുപടി കൊടുത്തു.
സലീമിക്ക പറഞ്ഞരിന്നു, ആമിക്ക് ഈ മോതിരം ഉറപ്പായും ഇഷ്ടപ്പെടുമെന്നു, ഇത് അങ്ങേരുടെ സെലക്ഷനാ,,,
സമീർ എനിക്ക് ആദ്യമായി തരുന്ന ഗിഫ്റ്റ് മറ്റൊരാളുടെ സെലക്ഷൻ ആണെന്നറിഞ്ഞപ്പോൾ എനിക്ക് ചെറിയ രീതിയിൽ അനിഷ്ടം തോന്നി,, ചിലപ്പോൾ സമീറിൻറെ സെക്ഷൻസ് നല്ലതു അല്ലാത്തത് കൊണ്ട് ഏതെങ്കിലും ഫ്രണ്ട് സഹായിച്ചിട്ടുണ്ടാകാം, പക്ഷെ എഞ്ഞെ ഒരു പരിചയവും ഇല്ലാതെ തന്നെ എനിക്ക് ഈ മോതിരം ഇഷ്ടപ്പെടും എന്ന് പറയാൻ സലീമിക്ക ആരാ ??
മനസ്സിലെ വിമ്മിഷ്ടം പുറത്തു കാട്ടാതെ ഞാൻ സമീറിനോട് ചോദിച്ചു
ഞാൻ: അല്ല, ഈ സമീറിക്ക,, ?
സമീർ: ഏഹ്,,, നിനക്ക് സലീമിക്കയെ ഓർമയില്ലേ? ഞാൻ ഫോൺ ചെയ്യുമ്പോയൊക്കെ പറയാറില്ലേ?,,,
അപ്പോഴാണ് ഞാനും ആ പേര് ഓർക്കുന്നത്, സമീർ മുമ്പ് ഞാനുമായുള്ള ചില ഫോൺ കോളുകൾക്കിടയിൽ സലീമിക്കയുടെ പേര് പറഞ്ഞിരുന്നു,, രണ്ടുപേരും ഒന്നിച്ചാണ് താമസം എന്നൊക്കെ. പക്ഷെ സലീമിക്ക ആരാണെന്നു ഞാൻ ഓർക്കാത്തതിൽ സമീർ എന്തിനാണ് ഇത്ര പരവേശം കൊള്ളുന്നത് എന്ന് എനിക്ക് മനസ്സിലായില്ല! (പിഞ്ഞീടാണ് ഞാൻ മനസ്സിലാക്കിയത്, ഈ മോതിരം മാത്രമല്ല എഞ്ഞെപ്പോലും സെലക്ട് ചെയ്തത് സലീമിക്കയാണെന്നു).
അല്പം കഴിഞ്ഞു സമീർ ദേഷ്യം മാറാത്ത മുഖത്തോടെ എനിക്ക് ആ കവറിൽ നിന്നും മറ്റൊരു സമ്മാനം വച്ചു നീട്ടി, അത് ഒരു ലേറ്റസ്റ്റ് മോഡൽ iphone ആയിരുന്നു!
“ഇതാ,, നീ മറന്നുപോയ സലീമിക്ക, നിനക്ക് വേണ്ടി വാങ്ങിച്ചു തന്ന ഫോൺ” എന്ന് പറഞ്ഞു കൊണ്ട് അതെൻറെ കയ്യിലേക്ക് വച്ചു തന്നു!
സത്യം പറഞ്ഞാൽ, എനിക്ക് ഒരു പരിചയവുമില്ലാത്ത ഒരാളിൽ നിന്നുമുള്ള ഇത്രയും വില കൂടിയ സമ്മാനം ഉൾകൊള്ളാൻ അരോജകത്തം തോന്നിയെങ്കിലും, സമീറിനെ വീണ്ടും ദേഷ്യപ്പെടുത്തണ്ട എന്ന് കരുതി ഞാൻ ആ ഫോൺ മനസ്സില്ല മനസ്സോടെ കൈപറ്റി, അതോടൊപ്പം എനിക്കാ സലീമിക്കയോട് വല്ലാത്ത ദേഷ്യവും തോന്നി! നേരിട്ടല്ലെങ്കിലും സമീർ എഞൊടു ആദ്യമായി ദേഷ്യപ്പെടുന്നത് അയാൾ കാരണമാണെന്ന് ഓർത്തു ഞാൻ അയാളെ മനസ്സുകൊണ്ട് ശപിച്ചു !!