പക്ഷെ എൻ്റെ അഭിനയം ഫലിച്ചില്ല! പുഞ്ചിരിക്കിടയിലും എൻ്റെ മുഖത്തുണ്ടായ വാട്ടം സമീർ കണ്ടുപിടിച്ചിരുന്നു!!
സമീർ: എന്താ ആമീ ,, നിന്റെ മുഖത്തൊരു സങ്കടം?
ഞാൻ:മുഖത്തു കൃത്രിമ പുഞ്ചിരിയുടെ അളവ് ഒന്നൂടെ കുട്ടി ഒന്നുമില്ലെന്ന രീതിയിൽ തലയാട്ടി!
സമീർ: ഹ്മ്മ് എനിക്കറിയാം, ഇന്നലെ നമ്മുടെ ആദ്യ രാത്രി ആയിരുന്നു , ഒന്നും നടന്നില്ല എന്ന് മാത്രമല്ല, ആമിയോട് ഒന്ന് ശരിക്കും സംസാരിക്ക പോലും ചെയ്യാതെ ഞാൻ കിടന്നുറങ്ങി അല്ലെ ??
ഞാൻ: മറുപടി ഒന്നും കൊടുക്കാതെ, വെറുതെ തറയിൽ നോക്കി നിന്നു.
സമീർ: ഞാൻ ഇന്നലെ വളരെ ക്ഷീണിതനായിരുന്നു, രാവിലെ തൊട്ടു തുടങ്ങിയ ഓട്ടമല്ലേ ?
അതിനും ഞാൻ മറുപടിയൊന്നും കൊടുത്തില്ല, അപ്പോഴും എൻ്റെ മുഖത്തു ഭാവ വ്യത്യാസം ഒന്നും കാണാത്തതു കൊണ്ടാകാം, സമീർ മറ്റൊരു കാര്യവും കൂടി വെളുപ്പെടുത്തിയത്!
സമീർ: എന്നാൽ ആമി ഇതുകുടെ മനസ്സിലാക്കിക്കോ, ഞാൻ ഈ പ്രാവശ്യം ഗൾഫിലേക്കു തിരിച്ചു പോകും വരെ കാര്യങ്ങൾ ഇങ്ങനെ തന്നെ ആയിരിക്കും.
സമീറിൻറെ ആ വെളിപ്പെടുത്തൽ കേട്ടതും, ഞാൻ ഒരു അന്ധാളിപ്പോടെ കണ്ണുകൾ മിഴിച്ചു സമീറിൻറെ മുഖത്തേക്കു തഞ്ഞെ നോക്കി നിന്നു!!
എന്റെ മുഖഭാവം കണ്ട സമീർ കുറച്ചു നേരം ഒന്ന് പൊട്ടിച്ചിരിച്ചു!!
സമീർ: നീ കൂടുതൽ കാടു കയറി ചിന്തിച്ചു ടെൻഷൻ അടിക്കേണ്ട, ഞാൻ എന്താണ് ഉദ്ദേശിച്ചതെന്ന് വെച്ചാൽ, നമ്മുടെ ആദ്യ രാത്രി ഇതിനേക്കാൾ ഭംഗിയുള്ള രീതിയിലാണ് ഞാൻ പ്ലാൻ ചെയ്തിരിക്കുന്നത്! പക്ഷെ അത് ഇവിടെ വെച്ചെല്ലെന്നു മാത്രം! നിനക്ക് വളരെ സർപ്രൈസ് കിട്ടുന്ന തരത്തിലുള്ള പ്ലാൻ ഞാൻ അങ്ങ് ഗൾഫിൽ ഒരുക്കിവച്ചിട്ടുണ്ട്!!
സമീറിൻറെ വായിൽ നിന്നും ഇത്രയും കേട്ടതും എനിക്ക് പാതി ആശ്വാസമായി , പക്ഷെ എന്തിനാണ് ഇത്തരം വട്ടൻ തീരുമാനങ്ങൾ എന്ന് ഞാൻ ചിന്തിക്കാതിരുന്നില്ല, എങ്കിലും പുതുമോടി ആയതു കൊണ്ട് തഞ്ഞെ സമീറിനോട് ആ വിഷയത്തെ ചൊല്ലി കൂടുതൽ തർക്കിക്കാൻ എനിക്ക് ധൈര്യം ഉണ്ടായിരുന്നില്ല!! പറഞ്ഞത് പോലെ തഞ്ഞെ, ഗൾഫിലേക്ക് തിരിച്ചു പോകും വരെ സമീർ എഞ്ഞെ സ്പർശിച്ചിട്ടില്ല, പക്ഷെ എൻ്റെ നിർബന്ധത്തിനു വഴങ്ങി അദ്ദേഹം തറയിൽ കിടക്കുന്നതിനു പകരം എന്റൊപ്പം ബെഡിൽ കിടക്കാൻ സമ്മതിച്ചു, എന്നിരുന്നാലും എൻ്റെ ശരീരത്തിൽ സപർശിക്കാതിരിക്കാൻ മാത്രമുള്ള അകലം സൂക്ഷിക്കാൻ സമീർ ഉറക്കത്തിൽ പോലും ശ്രദ്ധിച്ചിരുന്നു!
ഗൾഫിൽ പോയതിനു ശേഷം മാത്രമേ ഞങ്ങളുടെ ദാമ്പത്യം ആരംഭിക്കൂ എന്ന പ്രാന്തൻ തീരുമാനം ഞാൻ നിരാശയോടെയാണെങ്കിലും ഉൾക്കൊണ്ട് കഴിഞ്ഞിരുന്നു, പക്ഷെ തിരിച്ചു പോകും വരെ എഞ്ഞെ ഒന്ന് കെട്ടിപ്പിടിക്കുകയോ, ചുംബിക്കുകയോ എന്തിനു ഒന്ന് സ്പർശിക്കുക പോലുമില്ല എന്ന സമീറിൻറെ കടും പിടുത്തത്തെ എൻ്റെ മനസ്സിന് അംഗീകരിക്കാൻ സാധിച്ചിരുന്നില്ല!! എന്ത് തന്നെ ആയാലും, ഗൾഫിൽ എത്തിക്കഴിഞ്ഞാൽ ഈ കടമൊക്കെ വീട്ടാൻ മാത്രം വലുപ്പമുള്ള ഒരു സർപ്രൈസ് ഈ കടുംപിടുത്തക്കാരന്റെ മനസ്സിൽ ഉണ്ടാകുമെന്ന പ്രത്യാശയിൽ ഞാൻ കൂടുതൽ ചിന്തിച്ചു മനസ്സ് പുണ്ണാക്കാതെ ആ ബാക്കിയുള്ള പത്തു ദിവസം സമീറുമായി കലഹിക്കാതെ സന്തോഷപൂർവം ചിലവഴിച്ചു!!
ഞങ്ങൾ തമ്മിൽ ശാരീരിക ബന്ധത്തിൽ ഏർപ്പെട്ടിട്ടില്ല എന്ന ആ വലിയ വിഷയം ഒഴിവാക്കിയാൽ ബാക്കി എല്ലാം കൊണ്ടും ഞാൻ സമീറിൽ പൂർണ തൃപ്തയായിരുന്നു!
ഞങ്ങൾ എന്നും പുറത്തു കറങ്ങാൻ പോകും, മിക്യ ദിവസങ്ങളിലും എനിക്ക് സമീർ വില കൂടിയ വസ്ത്രങ്ങളും, ആഭരണങ്ങളും എല്ലാം വാങ്ങിത്തരും, ബന്ധു വീടുകളിൽ വിരുന്നു പോകും ,,
കറക്കവും,വിരുന്നു പോകും കാരണം ബാക്കി വന്ന പത്തു ദിവസം പോയതേ അറിഞ്ഞില്ല.
ഈ പത്തു ദിവസത്തിനിടയിൽ എഞ്ഞെ അലോസരപ്പെടുത്തിയ മറ്റൊരു സംഭവം- ഓരോ ദിവസം ഇടവിട്ട് സലീമിക്ക സമീറിനെ ഫോൺ ചെയ്യുമായിരുന്നു, ആ സമയത്തെ സമീറിൻറെ കാട്ടിക്കൂട്ടലുകൾ എഞ്ഞെ വല്ലാത്ത പരിഭ്രാന്തിയിൽ ആക്കിയിരുന്നു, സലീമിക്ക വിളിക്കുന്ന സമയം എന്ത് തിരക്കിലാണെങ്കിലും രണ്ടാമത്തെ റിങ് തീരുന്നതിനു മുഞ്ഞേ സമീർ ഫോൺ എടുത്തിരിക്കും, അത് എൻ്റെ കൂടെ ഷോപിങിലാണെങ്കിലോ, ബന്ധു വീടുകളിൽ ആണെങ്കിലോ എന്തിനു ബാത്റൂമിൽ ആണെങ്കിൽ പോലും സമീർ ഓടിച്ചെന്നു ഫോൺ അറ്റൻഡ് ചെയ്യും, എന്നിട്ടു എല്ലാവരിൽ നിന്നും കുറെ ദൂരം മാറി നിന്ന് ഭയ ഭക്തിയോടെ സംസാരിക്കുന്നതു കാണാം!!