പിന്നീട് ക്ഷീണം കാരണം വേഗത്തിൽ ബൈക്ക് ഓടിക്കാനും നിന്നില്ല…അതൊരു വൻ അബദ്ധം ആയി മാറി….നല്ലപോലെ ഇരുട്ടുകയും ചെയ്തു…..
കറക്റ്റ് ഗ്രാമത്തിന് ഉളളിൽ കടന്ന് കുറച്ച് മുന്നോട്ട് പോയി കഴിഞ്ഞതും അവനെ പിന്നിൽ നിന്നും ആരോ വിളിക്കുന്നത് പോലെ തോന്നി….
മഹി അവൻ്റെ ബൈക്ക് ഒരു വശത്തേക്ക് ഒതുക്കി നിർത്തി തിരിഞ്ഞു നോക്കി…
എന്നാല് പിന്നിൽ വിജനം ആയ വഴിയും അല്ലാതെ വേറെ ഒന്നും കണ്ടില്ല..ചീവിടുകളുടെ ശബ്ദം അല്ലാതെ വേറെ ശബ്ദം ഒന്നും കേൾക്കാനും ഇല്ല…
അവൻ ഒന്ന് ശങ്കിച്ച് ബൈക്ക് മുന്നോട്ട് എടുത്തു….എന്നാല് വീണ്ടും അവനെ പിന്നിൽ നിന്നും ആരോ വിളിച്ചു…അതൊരു സ്ത്രീ ശബ്ദം ആയിരുന്നു…
എന്നാല് ഇത്തവണ ആ വിളി നാല് ദിക്കിൽ നിന്നും മുഴങ്ങി കേൾക്കുന്നത് പോലെ അവന് തോന്നി…
അവന് എന്തോ പോലെ തോന്നുവാൻ തുടങ്ങി…
വഴി വിളക്കുകൾക്ക് പിന്നിലെ ഇരുട്ടിൽ നിന്നുകൊണ്ട് ആരൊക്കെയോ ഇടക്ക് ഇടേ അവനെ വീക്ഷിക്കും പോലെ അവന് തോന്നാൻ തുടങ്ങി…
പെട്ടന്ന് അവനെ കൂടുതൽ തളർത്തി കൊണ്ട് വഴി വിളക്കുകൾ മിന്നി അണയുവാൻ തുടങ്ങി…അതും കൂടി ആയത്തോട് കൂടി അവൻ നല്ലപോലെ വിയർത്തു…
പൊടുന്നനെ അവനെ ഞെട്ടിച്ചു കൊണ്ട് അവൻ്റെ മുന്നിലെയും പിന്നിലെയും വഴി വിളക്കുകൾ ഒരു വല്ലാത്ത ശബ്ദത്തോടെ ഒരേ സമയം കെട്ടു പോയി…
ചുറ്റും അന്ധകാരം മാത്രം…വെളിച്ചത്തിൽ നിന്നും ഇരുട്ടിലേക്ക് താൻ എറിയപെട്ടു എന്ന് അവന് ബോധ്യം ആയി….
അവൻ്റെ ബൈക്കിൻ്റെ ഹെഡ് ലൈറ്റ് ഒഴികെ അവന് വെളിച്ചതിനായി വേറെ ഒന്നും ഇല്ല…
അവൻ ചുറ്റും നോക്കി…ഇരുട്ട്…. ഇരുട്ട് മാത്രം…. ഇരുട്ട്…. ഏതു നിമിഷവും തന്നെ വിഴുങ്ങാൻ കാത്ത് നിൽക്കുന്ന ഒരു സത്വത്തെ പോലെ അവന് തോന്നി…
തൻ്റെ ചുറ്റും ആരൊക്കെയോ ഓടി മാറുന്നത് പോലെ അവന് തോന്നാൻ തുടങ്ങി….
അവൻ്റെ മനസിലേക്ക് ഇന്നലെ രാത്രി നടന്ന സംഭവങ്ങൾ ഓരോന്ന് ആയി തികട്ടി വന്ന് കൊണ്ടേ ഇരുന്നു….
അവൻ ചുറ്റും നോക്കി കൊണ്ട് ബൈക്കിൻ്റെ അക്കിലേറ്റർ ഞെരിച്ചു..അതിൻ്റെ ഭലം ആയി ഹെഡ്ലൈറ്റ് കൂടുതൽ പ്രകാശിച്ചു …ആ വെട്ടത്തിലും അവന് അവൻ്റെ ചുറ്റും നടക്കുന്നത് എന്താണ് എന്ന് തിരിച്ചറിയാൻ ഒന്നും സാധിച്ചില്ല….
ഇനി ഇവിടെ നിൽക്കുന്നത് ഒട്ടും ബുദ്ധി അല്ലാത്ത കാര്യം ആണ്.. എത്രയും വേഗം ഇവിടുന്ന് കടക്കണം…
അതു ചിന്തിച്ചു കൊണ്ട് ബൈക്ക് മുന്നോട്ട് എടുത്തതും അവൻ്റെ പ്രതീക്ഷകളുടെ പുൽനാമ്പുകളെ ഏരിയിച്ചു കൊണ്ട് അവൻ്റെ ബൈക്ക് ഓഫ് ആയി…അതൊടപ്പം ഹെഡ്ലൈറ്റ് ഓഫ് ആയി….
അതോടെ അവൻ്റെ രക്ഷക്ക് ആയി ഉണ്ടായിരുന്ന അവസാന പ്രതീക്ഷയും അവസരിച്ചു….
ചുറ്റും ഇരുട്ട് മാത്രം…ഒന്നും മനസ്സിലാകാത്ത അവസ്ഥ…
പെട്ടന്ന് അവന് മുന്നിൽ ഒരു അമ്പത് അടി അകലെ ചെറിയ ഒരു തീനാളം പ്രത്യക്ഷ പെട്ടു…
ചുറ്റും ഇരുട്ട് മൂടി നിൽക്കുന്നത് കൊണ്ട് അവൻ്റെ നോട്ടം പെട്ടന്ന് അതിലേക്ക് നീണ്ടു….
മഹിയും ആയി നല്ല ദൂരം ആ വെളിച്ചത്തിന് ഉണ്ടായിരുന്നു…
അതൊരു റാന്തൽ ആണോ എന്ന് അവന് തോന്നി..അതു നിലത്ത് വച്ചിരിക്കുക ആണ് ….
അതിനു തൊട്ട് അടുത്തായി എന്തോ കരുത്ത് ഇരുണ്ട് ഇരിക്കുന്നത് പോലെ അവന് തോന്നി…
അതു കൃത്യം ആയി എന്താണ് എന്ന് മനസിലാക്കാൻ അവൻ്റെ കാഴ്ചയുടെ പരിമിതി അവനെ അനുവദിച്ചില്ല….
പെട്ടന്ന് അതു ആരോ എടുത്ത് ഉയർത്തിയത് പോലെ ആ റാന്തൽ ചെറുതായി ഉയർന്ന് പൊങ്ങി കൂടെ ആ രൂപവും…
അതോടെ മഹിക്ക് ചെറിയ ആശ്വാസം തോന്നി ആരോ ഉണ്ടല്ലോ എന്ന്…അവൻ്റെ ചുണ്ടി ഒരു സമാധാന ചിരി വിരിഞ്ഞു…
എന്നാല് അവൻ്റെ ചിരി മാറാൻ അധിക നേരം എടുത്തില്ല…റാന്തൽ ആരോ ആട്ടി കളിക്കുന്ന പോലെ U ഷേപ്പിൽ മുകളിലേക്കും താഴേക്കും ഉയർന്ന് പൊങ്ങി കൊണ്ട് ഇരുന്നു…
അതു അവിടെ തന്നെ നിന്ന് ചുറ്റും കറങ്ങുക ആണ്….
പെട്ടന്ന് അതു നിന്നു… ഇരുട്ടിൽ നിൽക്കുന്ന മഹിയേ അതു കണ്ടത് പോലെ…
പിന്നീട് ആ രൂപം അവന് എതിരായി തിരിഞ്ഞു…പതിയെ അതു അവൻ്റെ അടുത്തേക്ക് നടന്ന് വരുന്നുണ്ട് എന്ന് അവന് തോന്നി തുടങ്ങി…