“ മ്മ്….താൻ ബുദ്ധിമുട്ടണ്ട..താൻ എങ്ങോട്ടാ മുന്നോട്ട് ആണോ…’
“ ഈ കുന്ത്രാണ്ടം വർക്ക് ആവുമോ.. താൻ ഇതിനെയും പിടിച്ചു ഇങ്ങനെ നിൽക്കുന്നത് കണ്ട് ചോദിച്ചതാണ്….”
മഹിയുടേ അടുത്ത് നിർത്തിയിരുന്ന ബൈക്കിനെ ചൂണ്ടി അയ്യാൾ ചോദിച്ചു…
“ ഞാൻ നോക്കി പക്ഷേ ഇവിടെ എത്തിയപ്പോൾ എന്താണ് എന്ന് അറിയില്ല ഓഫ് ആയി പോയി….”
അതു പറഞ്ഞുകൊണ്ട് തന്നെ അവൻ ബൈക്കിനെ സ്റ്റാൻഡിൽ നിന്നും എടുത്ത് കിക്കർ അടിച്ചു എങ്കിലും അതു സ്റ്റാർട്ട് ആയില്ല…
അപ്പോഴാണ് അവൻ്റെ ഉളളിൽ ഒരു ചോദ്യം വന്നത്…
“” അല്ല … നിങൾ ആരാ…നിങൾ എന്തിനാ ഒറ്റക്ക് ഈ വഴിക്ക്..””
“ ആഹാ…ഇപ്പോഴാണോ തനിക്ക് ഇത് ചോദിക്കാൻ തോന്നിയത്…എന്നാല് കേട്ടോ ഇത് എൻ്റെ നാടാണ്..പിന്നെ ഞാൻ ഒറ്റക്ക് ആണോ എന്ന്..അപ്പൊൾ താൻ ഇതുവരെ എൻ്റെ പിന്നിൽ നിൽക്കുന്ന ഈ വീരനെ കണ്ടില്ലേ…”
അയ്യാൾ പിന്നിലേക്ക് ചൂണ്ടി…
അപ്പോഴാണ് അവൻ അയാളുടെ പിന്നിലേക്ക് നോക്കിയത്…
പിന്നിലെ കാഴ്ച കണ്ട് അവനൊന്ന് വിറച്ചു…. അവൻ്റെ ദേഹം തളരുന്നപോലെ പോലെ തോന്നി…
great dane ഇന്ന ഇനത്തിൽ എന്ന് തോന്നിക്കുന്ന ഒരു നായ് ആയിരുന്നു അയാളുടെ പിന്നിൽ നിന്നിരുന്നത് ..എന്നാല് ആ നായ അല്ലാതാനും..ഏതോ ഒരു നായക്ക് ക്രോസ് ബ്രെഡിൽ ഉണ്ടായത് പോലെ ആണ്… നിറയെ രോമത്തോട് കൂടിയ ഒരെണ്ണം…
“ എന്താ താൻ പേടിച്ച് പോയോ…അവൻ എന്തോ അവന് നിന്നെ ഇഷ്ടപ്പെട്ടു എന്ന് തോന്നുന്നു… തന്നെ കണ്ടപ്പോൾ തോട്ട് ഇങ്ങനെ തന്നെ അടങ്ങി നിൽക്കുക ആയിരുന്നു…സാധാരണ ആരെങ്കിലും എനിക്ക് വഴിമുടക്കിയാൽ ഇവൻ വെറുതെ ഇരികില്ല…
ഇവൻ എടുത്ത് കുടയും അത്രക്ക് കെയറിങ് ആണ്…”
അയ്യാൾ അതും പറഞ്ഞു അതിൻ്റെ തലയിൽ തലോടി…അതാണ് എങ്കിൽ യജമാനിൽ നിന്നും കിട്ടിയ തലോടൽ ആസ്വദിച്ചു നിൽക്കുക ആണ്…
“ എന്നാ വായോ…നമുക്ക് നടക്കാം താൻ അതും ഉരുട്ടി പിടിച്ചു വായോ…”
അതു പറഞ്ഞു അയ്യാൾ മുന്നോട്ട് നടന്നു..അയാൾക്ക് പിന്നാലെ നായയും..അതു ഒരു നിമിഷം നോക്കി അവനും ബൈക്ക് ഉരുട്ടി പിറകെ ചെന്നു….
“ അല്ല തന്നെ ഇതിന് മുമ്പ് ഇവിടെ കണ്ടിട്ടില്ലല്ലോ…അയ്യാൾ മുന്നോട്ട് നോക്കി നടന്നു കൊണ്ട് പറഞ്ഞു…”
“ ഇവിടെ മുൻപ് വന്നിട്ടുണ്ട്…ചെറുപ്പത്തിൽ…പിന്നെ ഞാൻ ഒരു അധ്യാപകൻ ആയി ജോലിക്ക് ഇവിടെ ചേർന്ന്..ഇവിടെ ഒരു ബന്ധു ഉണ്ട്…”
മ്മ്…അതിന് മറുപടി ആയി അയ്യാൾ ഒന്ന് മൂളി…
“ ഈ ഗ്രാമത്തിൽ പലരും പുറത്ത് നിന്നും വരാറ് ഉണ്ട്..പക്ഷെ വരുന്ന അതേ പോലെ ആയിരുന്നില്ല അവരുടെയൊക്കെ തിരിച്ചു പോക്ക്…തനിക്ക് അറിയായിരിക്കും അല്ലേ….”
അയാളുടെ ആ എടുത്ത് അടിച്ചു ഉള്ള പറച്ചിലിൽ അവൻ ഒന്ന് വിരണ്ടു…പൊടുന്നനെ അവൻ്റെ നടത്തം നിന്നു…ഒന്നു ആലോചിച്ചു എങ്കിലും അവൻ പിന്നാലെ നടന്നു…
അപ്പോഴേക്കും മഹി നേരത്തെ കണ്ട രൂപം നിന്ന സ്ഥലം കഴിഞ്ഞു പോയിരുന്നു…അവിടെ ആകെ പരതി നോക്കി എങ്കിലും അവന് ഒന്നും കാണുവാൻ സാധിച്ചില്ല….
“ പിന്നെ ഈ നേരത്ത് ഇങ്ങോട്ട് ഒക്കെ യാത്ര നിരോധിച്ച കാര്യം തനിക്ക് അറിയില്ലേ…ഈ സമയം അത്ര നല്ലത് അല്ല…ഇനി ഇങ്ങ്നെ ആവർത്തിക്കരുത്..തനിക്ക് തന്നെ ആണ് അതിൻ്റെ ദോഷം…”
അയാളുടെ ആ പറച്ചിലിൽ ഒരു ആജ്ഞയുടെ സ്വരം ഉണ്ടായിരുന്നു…അവൻ അറിയാതെ തന്നെ അവൻ തല ആട്ടി….
“ അല്ല തനിക്ക് എങ്ങോട്ടാ പോകേണ്ട…അയ്യാൾ അവനോട് ചോദിച്ചു…”
അപ്പോഴേക്കും അവൻ രാവിലെ ഗ്രാമത്തിൽ നിന്നും ബസ് കയറിയ സ്ഥലത്ത് വന്നിരുന്നു… ഇത്രയും വേഗം ഇങ്ങു എത്തിയോ എന്ന് അവൻ അതിശയപെട്ടു…
“ മുകളിലേക്ക് ആണ് മേവുംപടം..അവൻ മുകളിലേക്ക് കിടക്കുന്ന വഴിയിലേക്ക് ചൂണ്ടി…”
“ ദോ…ആ വഴിയെ പോയാൽ മതി പെട്ടന്ന് അവിടെ എത്തും ….”
അപ്പുറത്ത് മാറി നിൽക്കുന്ന വഴിയിലേക്ക് ചൂണ്ടി..
“ ഞാൻ നേരെ ആണ്…ഞാൻ പോകട്ടെ തന്നോട് ഓരോന്ന് പറഞ്ഞു നടന്ന് ഞാൻ വൈകി…അപ്പൊൾ ശെരി…”
അതും പറഞ്ഞു അവൻ്റെ മറുപടിക്ക് നിൽക്കാതെ അയാള് ഓടി…പിന്നാലെ നായയും…
അയാളുടെ ഓട്ടത്തിന് വല്ലാത്ത വേഗത ഉണ്ടായിരുന്നു എന്ന് അവന് തോന്നി…ഏത്ര പെട്ടന്ന് ആണ് അയ്യാൾ ഓടി അകലുന്നത്..എന്നിരുന്നാലും അയാളുടെ ധൈര്യത്തെ സമ്മതിച്ചേ പറ്റുള്ളൂ ..