സഞ്ജയ് ഉച്ച ഭക്ഷണം കഴിഞ്ഞു ഉറക്കം തൂങ്ങി ഇരുന്നപ്പോളാണ് ട്രാപ്പ് സെറ്റാക്കിയ വീട്ടിലെ ഗേറ്റ് തുറന്നത് സൂചിപ്പിക്കുന്ന അലാറം റൂമിൽ അടിച്ചത്. വേഗം തന്നെ അലാറം ഓഫാക്കി cctv ലൈവ് ഫീഡിലേക്ക് നോക്കി. രണ്ടു ചെറുപ്പക്കാർ ഗേറ്റ് തുറന്നു കയറുകയാണ് ഒരാൾ ബാഗ് പിടിച്ചിട്ടുണ്ട്. രണ്ടാമൻ്റെ കൈയിൽ കട്ടിയുള്ള രണ്ട് പുസ്തകങ്ങളുണ്ട്. ഒറ്റ നോട്ടത്തിൽ salesman മാരെ പോലെയുണ്ട്. ആദ്യത്തെ ആൾ നേരെ ബെൽ അടിച്ചു. രണ്ടാമൻ ചുറ്റും നോക്കുന്നുണ്ട്. വീണ്ടും ബെല്ലടിച്ചു. ബാഗും തൂക്കി നിന്നവൻ ബാഗിൽ നിന്ന് എന്തോ എടുക്കാൻ നോക്കുന്നുണ്ട്. ഇനി വല്ല ആയുധവുമാണോ?
അല്ല ഒരു കുപ്പി വെള്ളമാണ്. അവൻ വെള്ളം കുടിച്ച ശേഷം കുടെയുള്ളവന് കുപ്പി നീട്ടി. അവനും വെള്ളം കുടിച്ചിട്ട് ആ സ്റ്റെപ്പിൽ ഇരുന്നു രണ്ട് പേരും വിശ്രമിക്കാനുള്ള ഭാവമാണ്.
സഞ്ജയ് ഇരുവരെയും സസൂക്ഷ്മം നിരീക്ഷിച്ചു. എന്തെങ്കിലും കാണിച്ചു വീടിനകത്തു കയറിയാൽ അവരുടെ കാര്യം തീരുമാനമാകും. പക്ഷേ അങ്ങനെ ഉണ്ടായില്ല. ഇരുവരും എഴുന്നേറ്റ് ഗേറ്റ് അടച്ച ശേഷം എതിർവശത്തെ അടഞ്ഞു കിടക്കുന്ന വീട്ടിലേക്ക് നീങ്ങി. അതികം താമസിക്കാതെ ഈ വീടിന് മുൻപിൽ എത്തും. എന്തായാലും അവരെ ഒന്ന് നേരിട്ട് കണ്ട് കളയാം. സഞ്ജയ് പെട്ടന്ന് തന്നെ ലാപ്ടോപ്പ് shutdown ചെയ്തു ശേഷം ആരും കാണാത്ത രീതിയിൽ ഒളിപ്പിച്ചു. ആയുധങ്ങൾ സൂക്ഷിക്കുന്ന വലിയ ലോക്കർ തുറന്ന് ഒരു കൈത്തോക്ക് എടുത്തു കൊണ്ട് ലിവിങ് റൂം ഡോർ ലക്ഷ്യമാക്കി നീങ്ങി. അപ്പോഴേക്കും കാളിംഗ് ബെൽ മുഴങ്ങിയത്. സഞ്ജയ് പിസ്റ്റൾ ബാക്കിലായി അരയിൽ തിരുകി. എന്നിട്ട് വാതിൽ തുറന്നു പുറത്തേക്കിറങ്ങി.
നേരത്തെ CCTV ഫീഡിൽ കണ്ട ചെറുപ്പക്കാർ തന്നെ. മുൻപിൽ നില്ക്കുന്നവൻ്റെ (ജാഫർ) കൈയിൽ കട്ടിയുള്ള രണ്ടു പുസ്തകമുണ്ട്. പിന്നിൽ നിൽക്കുന്നവൻ ((ആദീൽ) വലിയ ബാഗ് തോളിൽ തൂക്കിയിട്ടുണ്ട്. അലഞ്ഞു നടന്നതിൻ്റെ ലക്ഷണമുണ്ട്. പിന്നിൽ നിൽക്കുന്നവൻ്റെ നോട്ടം അത്ര ശരിയല്ല. ആളുകളെ വിലയിരുത്താനായി നോക്കുന്ന പോലെയുണ്ട്
“സാർ സ്കൂൾ പിള്ളേർക്ക് general knowledge എൻസൈക്ലോപീഡിയ, national geography CD കൾ വല്ലതും വേണോ.”
സഞ്ജയ് കേട്ടിട്ടുള്ളതിൽ ഏറ്റവും മോശം ഇംഗ്ലീഷ്. തമിഴ് കലർന്നിട്ടുണ്ട്. ഏതായാലും ബോർ അടിച്ചിരിക്കുകയാണ് ഒന്ന് സംസാരിച്ചു നോക്കാം.
സഞ്ജയ് ബുക്ക് വാങ്ങി മറിച്ചു നോക്കി.
“കഷ്ടപ്പെട്ട് ഇംഗ്ലീഷ് പറയണമെന്നില്ല. എനിക്ക് തമിൾ മനസ്സിലാകും ” മുൻപിൽ നിൽക്കുന്നവൻ്റെ കൈയിലെ പുസ്തകം നോക്കാൻ വാങുന്നതിനിടയിൽ സഞ്ജയ് ചിരിച്ചു കൊണ്ട് പറഞ്ഞു.
ഒരു നിമിഷത്തേക്ക് പിന്നിൽ നിൽക്കുന്നവൻ്റെ കണ്ണുകൾ അൽപം വിടർന്നു. എന്തോ മനസ്സിലാക്കിയ പോലെ. അത് സഞ്ജയും കണ്ടു.
“മുൻപിൽ നിൽക്കുന്നവൻ വിലയൊക്കെ പറയുന്നുണ്ട്. പക്ഷേ വിൽക്കാനുള്ള ആവേശമൊന്നുമില്ല.”
” ഇതൊന്നും വേണ്ട.” ബുക്കുകൾ തിരികെ നൽകി കൊണ്ട് സഞ്ജയ് അവനെ നിരുത്സാഹപ്പെടുത്തി.
പിന്നിൽ നിൽക്കുന്നവൻ ബാഗ് തുറക്കുന്നുണ്ട്. ഇനി ഒരു അറ്റാക്ക് വല്ലതുമാണോ? സഞ്ജയ് കൈ പിന്നിൽ തിരുകിയ പിസ്റ്റലിൻ്റെ അടുത്തേക്ക് നീക്കി.
ഇല്ല കാലി ബോട്ടിൽ ആണ്.
“സാർ കുറച്ചു ഡ്രിങ്കിങ്ങ് വാട്ടർ നിറച്ചു തരാമോ.”
സഞ്ജയ് മുൻപോട്ട് നീങ്ങി കൈ നീട്ടിയെങ്കിലും കുപ്പി വാങ്ങാൻ മടിച്ചു. കുപ്പി വാങ്ങി തിരിഞ്ഞു നടന്നാൽ ഒരു പക്ഷേ അരയിൽ പിസ്റ്റൾ ഉണ്ടെന്ന് മനസ്സിലാക്കും. ഒരു പക്ഷേ കുപ്പി എടുത്തത് തന്നെ ഒരു കോഡ് ആയിരിക്കും.
നേരത്തെ ബുക്കും പിടിച്ചു നിന്നവൻ ഇപ്പോൾ തൻ്റെ സൈഡിലാണ്.മാത്രമല്ല ആളുടെ മുഖഭാവം മാറിയോ എന്നൊരു സംശയം. കുപ്പി വാങ്ങാൻ മുൻപോട്ട് നീങ്ങിയത് മണ്ടത്തരമായി.
“സാർ കുറച്ചു വെള്ളം”
സഞ്ജയ് കുപ്പി പിടിക്കുന്നത് പോലെ കാണിച്ചിട്ട് താഴോട്ട ഇട്ടു. സാദാരണ ആളാണെങ്കിൽ വീഴുന്ന കുപ്പിയിലേക്ക് കണ്ണ് പോകും അല്ലെങ്കിൽ അത് എടുത്തു തരാനായി കുനിയും. എന്നാൽ അതുണ്ടായില്ല പകരം തന്നെ നോക്കി നിൽക്കുകയാണ്. സഞ്ജയ് പെട്ടന്ന് തന്നെ കൈകൊണ്ട് പിസ്റ്റൾ എടുക്കാൻ ശ്രമിച്ചു. പക്ഷേ അപ്പോഴേക്കും ജാഫർ സഞ്ജയുടെ മുഖത്തിനു നേരെ പുസ്തകം വലിച്ചെറിയുകയും കൂടെ കാല് ഉയർത്തി ചവിട്ടുകയും ചെയ്തു. സഞ്ജയ് മറിഞ്ഞു വീണെങ്കിലും പെട്ടന്ന് തന്നെ എഴുന്നേറ്റു. . ജാഫർ സകല ശക്തിയുമെടുത്തു കത്തിയുമായി മുന്നോട്ട് ആഞ്ഞു. സഞ്ജയുടെ നെഞ്ചാണ് ആണ് ലക്ഷ്യം എന്നാൽ സഞ്ജയ് ജാഫറിനെ അത്ഭുതപ്പെടുത്തികൊണ്ട് ഒഴിഞ്ഞു മാറി എന്ന് മാത്രമല്ല അവൻ്റെ കൈയിൽ പിടിച്ചു കൊണ്ട് തന്നെ അവൻ്റെ അടിവയറിലേക്ക് കത്തി കുത്തി ഇറക്കി. ജാഫർ വിചാരിച്ചില്ല അവൻ്റെ തന്നെ ഫോഴ്സ് അവനെതിരെയാകും എന്ന്. സ്വയം കുത്തി മരിച്ചതുപോലെയായി.
എന്നാൽ സഞ്ജയ്ക്ക് സമയം കളയാനില്ല രണ്ടാമൻ എവിടെയാണ് എന്ന് നോക്കുന്നതിനൊപ്പം ഒരു കൈ പിസ്റ്റോളിലേക്കു നീങ്ങി. പക്ഷേ അപ്പോഴേക്കും ആദീൽ സഞ്ജയുടെ കഴുത്തിനു പിന്നിലായി കുത്തിയിറക്കിയിരുന്നു. സഞ്ജയ് താഴെക്ക് വീണു. അവസാനമായി അവൻ്റെ കണ്ണിൽ കണ്ടത് നേരെ മുൻപിൽ കിടന്നു പിടയുന്ന ജാഫറിനെ അല്ല. പക്ഷേ വീട്ടിൽ തനിക്കു വേണ്ടി കാത്തു നിൽക്കുന്ന അമ്മയെയും കുഞ്ഞി പെങ്ങളേയുമാണ്.