ഞാൻ അവരോട് കാര്യം പറഞ്ഞപ്പോ ന്നെ അടിമുടി നോക്കി പിന്നെ ഡോർ തുറന്നു.. തുറന്നതും ശെരിക്കും ഞെട്ടി ഞാൻ.
ബെഡിൽ കിടക്കുന്ന മാഗി നോട്ടത്തിൽ കാര്യമായ കുഴപ്പങ്ങൾ ഒന്നും തന്നെയില്ല, അങ്ങനെ വരാൻ സാധ്യതയില്ലല്ലോ.., ഞാൻ അവളുടെ അടുത്തുനിന്നു. എന്തോ എടുത്ത് പുറത്തേക്ക് പോകാൻ നിൽക്കുന്ന ഒരു നേഴ്സ് പെങ്കൊച്ചിനോട് കാര്യം ചോദിച്ചു.
“” അൽക്കഹോളിക് കേസാ,, എവിടെയോ കിടന്ന് ബഹളം വച്ചതിനു പോലീസ് പിടിച്ചോണ്ട് വന്നതാ ടെസ്റ്റ് ചെയ്യാൻ, പക്ഷെ ഹോസ്പിറ്റലിൽ വന്നതും ആള് തലകറങ്ങി വീണ്..””
ഞാനവളെയൊന്നു നോക്കി, ന്താ ആ കിടപ്പ് കൈ ഒക്കെ കൂടിപ്പിടിച്ചു സമാധാനത്തോടെ കിടക്കുന്നു..അടിച്ചോരു ബോധവുമില്ലാണ്ട് കിടക്കണ കിടപ്പ് കണ്ടില്ലേ ചെറ്റ., കാൾ വന്നപ്പോ ന്റെ നല്ല ജീവനങ്ങ് പ്പോയി ഇവളിതുവല്ലതും അറിയുന്നുണ്ടോ.. ഇവൾക്കെവിടുണാവോ സാധനം..?
അവരെ നോക്കി ഒരു നന്ദിയും പറഞ്ഞു ഞാൻ അവൾക്കരികിൽ ഇരുപ്പായി, കുറച്ചു കഴിഞ്ഞതും പുറത്തുണ്ടായിരുന്ന പോലീസ് ഡോർ തുറന്നകത്തേക്ക് വന്നു, അതിലൊരു ലേഡി കോൺസ്റ്റബിൾ ഉണ്ടായിരുന്നു, കൈയും കാലും പിടിച്ചു പറഞ്ഞതുകൊണ്ട് അവർ കേസാകില്ല. ആരോ ജ്യൂസ് ൽ കലർത്തി കൊടുത്തതാണെന്ന് പറഞ്ഞപ്പോ അവർ അത് വിശ്വസിച്ചു.. ഇല്ലേൽ മൂഞ്ചിയേനെ..!
പിന്നെ ഞാനും അവിടെയിരുന്നു ഉറങ്ങിപ്പോയി, രാവിലെ എണ്ണിക്കുമ്പോളും അവളുറക്കമായിരുന്നു ഞാൻ ബാത്റൂമിൽ കേറി ഒന്ന് ഫ്രഷ് ആയി, രാവിലെ അവളെ നോക്കാൻ വന്ന ഡോക്ടറേ കണ്ട് ഡിസ്റ്റർജ് ന്റെ കാര്യവും ശെരിയാക്കി, ഒന്നുണർന്നാൽ പോകാമെന്നു പറഞ്ഞതും ഞാൻ അവൾക്കരികിൽ വീണ്ടും ഇരിപ്പായി.. അപ്പോളാണ് ഫോൺ അടിക്കുന്നത്
“” ഇത് പോലീസ് സ്റ്റേഷനിലിൽ നിന്നാണ് അജുന്ന് പറയുന്ന ആളല്ലേ..?? “”
“” അതെ…!””
“” നിങ്ങളുടെ ഫ്രണ്ട് ഒരു വിഷ്ണു. അയാൾ ഇവിടെ പോലീസ് സ്റ്റേഷനിലുണ്ട്, രാവിലെ ഒരു വക്കിലുമായിവാ..ബാക്കിയൊക്കെ ഇവിടെ വന്നിട്ട്…””
. “” ആഹ്ഹ് വരാം സർ.. “”
ഓ അപ്പോ രണ്ടും കൂടെ അടിച്ചു കോൺ തിരിഞ്ഞു എവിടെയോ പോയ് തല്ലുണ്ടാക്കിയതാ, ന്നിട്ട് കിടക്കണ കണ്ടില്ലേ ശവം..!
“” ഡീ… ഡീ.. “”
“” മ്മ്.. ചേട്ടാ ഒരു പൊന്മ്മാൻ ബീറുടി… “”
ഉറക്കത്തിൽ തന്നെ വലതുകൈ പൊക്കി ഒരണം ന്ന സിംബൽ.. കാണിച്ചു തരാടി നിനക്ക് ഞാൻ പൊന്മ്മാനെ..
“” അവള്ടെ അച്ഛന്റ്റെ പൊന്മ്മാൻ… ച്ചീ എണ്ണിക്കെടി പുല്ലേ…!””
പറഞ്ഞു തീർന്നതും കൊടുത്തു അവള്ടെ ചന്തിക്കെട്ടൊരു ചവിട്ട്,, അതോടെ നിലത്തു കിടന്നു ഒന്ന് ഉരുണ്ട പെണ്ണ് കണ്ണ് തിരുമ്മി ചുറ്റും നോക്കി,
“” അയ്യോ സാറേ ന്നെയിടിക്കല്ലേ ഞാൻ… ഞാനല്ല അവനാ ആദ്യം ന്നെ.. “”
“” ടി പോത്തേ… നീയെന്തൊക്കെയാ പറയണേ…!!””
ഞാൻ ഒന്ന് തട്ടിയതും കണ്ണു തുറന്നു ചുറ്റും നോക്കി, കാര്യം മനസിലായതുകൊണ്ടാകാം ഒന്നും മിണ്ടില്ല, ഒന്ന് നേരെ നിന്ന് ചുറ്റും ഒന്ന് വീക്ഷിച്ചു ന്നിട്ട് നേരെ ബാത്റൂമിൽ കേറി മുഖവും കഴുകി ന്റെ മുന്നിൽ വന്നിട്ട് ഒരു ഡയലോഗ്
“” ബില്ല് സെറ്റിൽ ചെയ്തില്ലേ.. ന്നാ നമ്മക്ക് ഇറങ്ങാം.. “”
മറുപടി ഒന്നും പറയാതെ ഞാൻ അവൾക്കൊപ്പം നടന്നു, ബില്ലും പെ ചെയ്ത് അവളുമായി ഞാൻ നേരെ പോയത് പോലീസ് സ്റ്റേഷനിലേക്കാണ്
“” എടാ അറിയാതെ അടിച്ചൊയത അവനെ.. സത്യം അവൻ ചാകുന്നു കരുതില്ല ന്നെ പോലീസിന് പിടിച്ചു കൊടുക്കല്ലേടാ… “”
പോലീസ് സ്റ്റേഷൻ ന്റെ ബോർഡ് കണ്ടതും പെണ്ണ് പുറകിലിരുന്നു ഞെരിപിരി കൊള്ളാൻ തുടങ്ങി. ആരെ അടിച്ചെന്ന ഇവളി പറയുന്നേ.. ദൈവമേ വിഷ്ണു…..
നേരെ അകത്തേക്ക് വണ്ടി എടുക്കുമ്പോൾ അവളുടെ ഫുൾ ഗ്യാസും പോയിന്ന് പറയാം.. പിന്നേം കിടന്നാലച്ചപ്പോ
“” ഓ ഒന്ന് മിണ്ടാണ്ടിരി മൈരേ.. അവൻ ആ പൊട്ടൻ വിഷ്ണു ഇവിടെ ഉണ്ട് അവനെ ഇറക്കാനാ അല്ലാണ്ട് നിന്നെ പിടിച്ചോടുക്കാനൊന്നുമല്ല.. സംശയം ഉണ്ടേൽ ദേ നോക്ക് വക്കില് വന്നിരിക്കുന്നത് നോക്ക്.. “”
ഹോസ്പിറ്റലിൽ നിന്നിറങ്ങിയപ്പോളെ അറിയാവുന്ന ഒരു ലോയറെ വിളിച്ചിരുന്നു.ഞാൻ വരുന്നത് കണ്ടതും അദ്ദേഹം ന്റെ അടുത്തേക്ക് വന്നു