“” പനിനീർപൂവിനൊത്തഴകു തോൽക്കും ഇന്ദ്രറാണി .. !! നീയേതു ഗന്ധർവ്വനിലാണ് അടിമപ്പെട്ടുപോയത്… “”
“” സ്വർഗ്ഗത്തിന്റെയും,, ദേവന്മാരുടെയും ദേവനായ ഇന്ദ്ര.. ഞാൻ നിന്നിലടിമപ്പെട്ടവളാണ്, ഈ ഇന്ദ്രന്റെ സ്വന്തം ഇന്ദ്രണി, അവിടെമറ്റൊരു ഗന്ധർവ്വനും പ്രവേശനമില്ല…””
“” അങ്ങനെയോ റാണി..നീ എന്നിൽ ആകിഷ്ടയായവളാണോ..? “”
“” അതിലെന്താ നാഥാ നിനക്കിന്നും ആശങ്ക?? “”
“” നിന്നിലെനിക്കുള്ളത് ആശങ്കയല്ല,, പ്രണയമാണ്, അടങ്ങാത്ത പ്രണയം.. അതിന്റെ പ്രതീകമെന്നോണമാണ് ഞാൻ നിന്നിൽ മഴയായി പെയ്തൊഴിയുന്നത്.. “”
ഞാനവളുടെ നെറുകിൽ ചുണ്ടുചേർത്തു., ആ കരിങ്കൂവള മിഴിയിൽ, തേങ്കിണിയും ചെഞ്ചുണ്ടുകളിൽ..
“” ന്താണ് ന്റെ ഇന്ദ്ര ദേവന് ഇന്നി ഇന്ദ്രണിയോട് വല്ലാത്തൊരു ചെനേഗം… “”
അവളെന്റെ മീശപിരിച്ചു വച്ചുകൊണ്ട് ചോദ്യമെന്നിലെറിഞ്ഞു..
“” എനിക്കെന്റെ ഇന്ദ്രണിയോട് ന്നും സ്നേഹമല്ലയുള്ളൂ.. “” മുഖത്തേക്ക് വീഴുന്ന മുടിയിഴകളെ ചെവിക്ക് പിന്നിലേക്ക് മാടിയൊതുക്കി ഞാൻ അവളിലെ വശ്യ സൗന്ദര്യത്തിന്റെ മുന്നിൽ അകിഷ്ടനായി.
“” അതെ.. ന്റെ ദേവൻ ന്നും എന്നെ മാത്രമേ പ്രണയിക്കാവു.. ശ്വാസം പോലും നിക്കായി മാത്രമാകണം..’”
അവളെന്റെ മുഖത്തെക്ക് പ്രണയദ്രനായി നോക്കി,
“” ഇടക്ക് ഇന്ദ്രാണിയറിയാതെ മുള്ളാൻ പോവാൻ പറ്റോ.. “”
“” ന്താ….?? “”
“” ഹല്ല നീയല്ലേ പറഞ്ഞെ ശ്വാസം പോലും നിന്റെയാവണമെന്ന്.. അതോണ്ട് ചോദിച്ചുപോയതാ.. “”
അവള് കുറച്ചു നേരം ന്നെ നോക്കി പല്ലുരുമ്മി. ന്നിട്ട് കിറികെട്ടൊരു കുത്തും ചാടി എണ്ണിക്കാൻ ഒരു നോക്കലും.
“” കാലൻ ല്ലാം നശിപ്പിച്ചു.. ഞനൊന്ന് റൊമാന്റിക്കായി മൂടുപിടിച്ചു വരുവായിരുന്നു.. പോ… മാറ്,, “”
അവളെന്നെ തള്ളി മാറ്റാനായി ഒരു പാഴ്ശ്രമം നടതുന്നതിനിടയിൽ പറഞ്ഞു നിർത്തി
“” ഹാ അങ്ങനെയങ്ങ് പോകാതെടി ഇന്ദ്രാണി..””
ഞാനവളുടെ വയറിലൊന്ന് തൊട്ടു, പതിയെ..പതിയെന്ന് പറഞ്ഞാൽ വളരെ പതിയെ.. അതോടെ പെണ്ണ് പൂപോലെ ന്നോട് ചേർന്നങ്ങനെ കിടപ്പായി
കുറച്ചു നേരം അതെ കിടപ്പ്, ഒന്നും മിണ്ടണില്ല..
“” ന്റെ വാവക്ക് ഏട്ടനോട് പിണക്കാ… “”
മ്മ്ഹും.. അവളില്ലെന്ന് തലയനക്കിയതും, ന്റെ കവിളിൽ ഒരു മുത്തം വീണതും ഒന്നിച്ച്..
“” എടി ഇങ്ങനെ കിടക്കാതെമ്മടെ കുഞ്ഞിനെപ്പോയി വിളിച്ചോണ്ട് വാടി. “”
“” ഹ്മ്മ്.. അവളവരുടെ കയ്യിലിരുന്നോളുമെട്ടാ.. നികേങ്ങും പോകാൻ തോന്നണില്ല.. ഇവിടിപ്പോ നമ്മള് മാത്രം മതി.. നമ്മള് മാത്രം.. “”
അവളെന്നെയാ വാക്കൊടെ അണച്ചുപിടിച്ചു , സ്നേഹമെല്ലാം ഉള്ളിലൊതുക്കി ഞാനവളുടെ മാറിലേക്ക് മുഖം പൂഴ്ത്തി, അമ്മ തന്റെ കുഞ്ഞിനെ ചേർത്തുപ്പിടിക്കുന്നപ്പോൽ അവളെന്നെ അവളുടെ കുഞ്ഞാക്കി മാറോടണച്ചു.
************************
“” ആമിസേ…. എടി ദേ കുഞ്ഞ് കരയണ്.., വാതല് തുറന്നെ നീ.. “”
ഡോറിന് അപ്പുറത്ത് നിന്ന് ഏട്ടത്തി ഒച്ചതിൽ വിളിക്കുമ്പോൾ ഞാനതെ കിടപ്പ് തന്നെയായിരുന്നു, ഞാൻ ചെറുതായി ഒന്ന് മയങ്ങിയോ, അതിനാലാക്കണം കണ്ണൊന്നു തുറക്കാൻ പ്രയാസം.., അവളെന്നെ ഉണർത്താതെ ദേഹത്തുനിന്നെന്നെ ഇറക്കി കിടത്തി, ഡോറിനരികിലേക്ക് ചെന്ന്,
“” നീയെവിടെയിരുന്നു… ന്ത് വിളിവിളിച്ചു?? “”
ഏട്ടത്തി കുറച്ചു കടുപ്പത്തിലാണ്, അതുകൊണ്ട് മൈൻഡ് ആകാൻ നിന്നില്ല കണ്ണടച്ച് കിടന്ന്.
“” ഉറങ്ങിപ്പോയി ഏട്ടത്തി..?? “”
ചെറു കൊട്ടുവായിട്ടവൾ ഉറക്കത്തിന്റെ അലസ്യം കാട്ടി.
“” അവനോ…?? “” ഒന്നെത്തി നോക്കിയെന്ന് തോന്നുന്നു, പിന്നൊരു നിശ്വാസം കേട്ടു
“” ഓ മ്മടെ സാറും ഉറക്കമായിരുന്നോ.. ആഹ്ഹ് ഈ കള്ളിപ്പെണ്ണിതുവരെ ന്റെൽ കുറുമ്പോന്നുമിലായിരുന്നു.ഇപ്പോ ഭയങ്കര കരച്ചില് വിശന്നിട്ടാവും നീ പാല് കൊട്,, “”
ശെരിയെന്നും പറഞ്ഞു ഏട്ടത്തി ഡോറും ചാരി വെളിയിലേക്ക് ഇറങ്ങി, അവൾ കുഞ്ഞിനേം വാങ്ങി ഡോറും അടച്ചു കട്ടിലിൽ വന്നിരുന്നു, കുഞ്ഞപോളും ചെറിയ കരച്ചിലുണ്ട്,
“” ഹാ തരാടി പെണ്ണെ.. അല്ലേലും നിന്റെ അപ്പക്കും അവിടെ കളിക്കുന്നതാ ഇഷ്ടം, അപ്പയും കൊള്ളാം മോളും കൊള്ളാം.. “”