“” വേണ്ടടി വേണ്ട..നീ പോകണ്ട.. അല്ലേലും ഞാൻ ന്നും ഒറ്റകണല്ലോ.., വിഷമമില്ല സന്തോഷേ ഉള്ളു.. “”
തിരിഞ്ഞു നടക്കാൻ ഒരുങ്ങിയ ന്റെ കൈയിൽ ഒരു കൈ മുറുകി.. സംഭവം ഏറ്റ്..! ഹി ഹ്ഹി…
ഇവളെയല്ല… വേണ്ടിവന്നാ ഇവള്ടെ തന്തേ കൊണ്ടുവരെ ഞാൻ പണിയെടുപ്പിക്കും.. ന്നോടാ അവള്ടെ മറ്റേടത്തെ കളി… ദയനീയത മുഖത്തു വരുത്തി തിരിഞ്ഞു ന്താ ന്ന് ചോദിക്കാൻ എനിക്ക് പ്രതേകിച്ചോരു ക്ലാസ്സ്‌ എടുക്കണ്ട ആവശ്യവുമില്ലായിരുന്നു.
“” ഏട്ടാ വേഷമായോ… ഞാൻ തമാശക്ക് പറഞ്ഞതല്ലേ.., ന്റെ ഏട്ടൻ ഞാൻ ഉള്ളപ്പോ എങ്ങും പോണ്ടാ ഇവിടെ ഇരുന്നോ.. ഞാൻ വിളിച്ചിട്ട് വരാം മോളെ… “”
ന്റെ കൈ പിടിച്ചാ സ്ലാബിൽ ഇരുത്തി അവളൊരു വേദനയോടെ പറഞ്ഞിട്ട് വെളിയിലേക്ക് പോയി, മണ്ടി….
“” ആ പെണ്ണൊരു പൊട്ടായത് കൊണ്ട് ഇത് നടന്ന്.. അവന്റെ ഒടുക്കത്തെ നാടക ഡയലോഗ്.. “”
ഏട്ടത്തി ഇതെല്ലാം കണ്ട് ആരോടെന്നില്ലാതെ പറഞ്ഞതും ഞാൻ ഒന്നിളിച്ചു കാണിച്ചു ഉടനെ പോടാന്നും പറഞ്ഞോരൊറ്റ ആട്ടും..
“” എനിക്കതല്ലെടി ഇവളെങ്ങനെയാ ഈ ബുദ്ധി വച്ച് ഡോക്ടറായെന്നാ… അല്ലേടാ മോനെ നീ ചുളുവിലക്ക് വല്ലോം വാങ്ങികൊടുത്തതാണോടാ അവൾക്കി ഡോക്ടർ ജോലി… “”
“”ഒന്ന് മിണ്ടാതെയിരി ആ പെണ്ണെങ്ങും കേക്കണ്ട..കേട്ടാ പിന്നതു മതി ഇവിടെകിടന്ന് മോങ്ങാൻ..””
“” അവൾക്കൊരു മാറ്റവുമില്ലല്ലേടാ… പഴേയ ആള് തന്നെ.. “”
അവളുപ്പോയ വഴിയേ നോക്കിയമ്മ ഒരു ദീർഘനിശ്വാസം വിട്ടു.
“”മ്മ്മ്…, അമ്മേ… യിപ്പോ സിറ്റി ഹോസ്പിറ്റലിലെ വൺ ഓഫ് ദി ബെസ്റ്റ് കാർഡിയോളജിസ്റ്റ് ഡോക്ടറരാണെന്നമ്മക്കറിയോ,?? ആ ഒരു ഡോക്ടറിന്റെ ടൈം ഷെഡ്യൂളിനുവേണ്ടി ആളുകൾ വെയിറ്റ് ചെയ്‌വാണെന്ന് പറഞ്ഞാൽ ഏട്ടത്തി വിശ്വസിക്കുവോ..?
ഇത് രണ്ടും ന്തിനാഞാനിപ്പോ നിങ്ങളോട് പറയണേ ന്നായിരിക്കും നിങ്ങള് ചിന്തിക്കുന്നെ.. പറയാം.. ആ ഡോക്ടറില്ലേ…ആഹ്ഹ് അവരാണ് അമ്മ നുമ്പേ പറഞ്ഞ.., കുറച്ചുമുന്നേ അകത്തോട്ടൊടിപ്പോയ പൊട്ടിപെണ്ണ്.. അമ്മേടെ രണ്ടാമത്തെ മരുമോള്…, ന്റെ ഭാര്യ ഡോക്ടർ മീര മനുവിശ്വനാഥ്‌. “”
പറയണം ന്ന് കരുതിയതല്ല…, എനിക്കെന്തോ കുറച്ചുമുന്നേ അവളെ പറഞ്ഞത് അങ്ങോട്ട് ഇഷ്ടപ്പെട്ടില്ല.. കാര്യം ഞാൻ ന്റെ പെണ്ണിനെ കളിയാക്കും വട്ടുകളിപ്പിക്കും ബട്ട് മറ്റൊരാൾ.. ഹും ഹും അതുമാത്രം ഞാൻ സഹിക്കില്ല.. ന്തായാലും രണ്ടാളും ഒന്ന് ഞെട്ടി.. മതി എനിക്ക് അത്ര വേണ്ടു.. അതേതായാലും രണ്ടാൾക്കും സന്തോഷമായെന്ന് തോന്നുന്നു, രണ്ടാളുടേം മുഖത്തെ ചിരി മതീല്ലോ അത് മനസിലാക്കാൻ
“” അച്ഛനെന്തിയെ മ്മേ… “”
ചിരിച്ചെന്റെ മുന്നിൽ നിൽക്കണ അമ്മേ കണ്ടപ്പോളാണ് ഞാൻ അച്ഛനെ ഓർത്തത്.. ശെരിയാണല്ലോ പുള്ളി എന്തിയെ..? ന്തായാലും അതിനുള്ള ഉത്തരം കൊടുക്കാൻ ആമി സമ്മതിച്ചില്ല
“” ഇങ്ങോട്ട് വാടി പെണ്ണെ.. ദേ അച്ഛമ്മ ല്ലാം നിന്നെ നോക്കി നിക്കാ വിടെ. അതെങ്ങനെ വന്നപ്പോ കിടന്നതല്ലേ, അച്ഛനും കണക്കാ മോളും കണക്കാ… “”
അതിന്റെടേലും നികേട്ടൊന്നു കൊട്ടി.. ഇവളെ യിനി വളരാൻ അനുവദിചൂടാ നോക്കുമ്പോൾ പിടിച്ചു വലിച്ചു കൊച്ചിനെ കൊണ്ട് വരണ ആമി.., ഇവളെന്താ ഇതിനെ അറക്കാൻ കൊണ്ടോവാണോ.. അമ്മക്കും ഏട്ടത്തിക്കും മുന്നിൽ മാസ്സ് അടിച്ചതെല്ലാം ഈ നാറി കൊളവാക്കുവോ..?
“” ദേണ്ടേ.. അമ്മ തിരക്കിയ ആള്.. “”
അവളെ മുന്നേ നിർത്തി ആമി ഓടി ന്റെ തോളിൽ തൂങ്ങി, സംഭവം നുമ്പേ പുള്ളിക്കാരി ന്നോട് പറഞ്ഞതിന് ഞാൻ റിയാക്ട് ചെയ്തത് കൊണ്ടിട്ടുണ്ട്.. സാധാരണ ഞാൻ അങ്ങനെയൊന്നും പെരുമാറില്ല.. അതാണ്..
ഏതായാലും മീനു നിന്ന് വിയർത്തു, അവരെ ഫോൺ ൽ കണ്ടിട്ടുള്ളതല്ലാതെ നേരിട്ട് കണ്ടിട്ടില്ല..അതിന്റെ എല്ലാ ചടപ്പും ആ മുഖത്തുണ്ട്
“” അച്ഛമ്മേടെ മോക്ക് മനസിലായോടാ… “”
അഹ് പാസ്ററ്റ്.. “ഞെട്ടില്ല വട്ടയില പപ്പടം ന്തുവാ” ന്ന് ചോദിക്കുന്ന പോലെയായി കാര്യങ്ങൾ.. അവളെ കെട്ടിപിടിച്ച് മുത്തം കൊടുക്കുന്നതിലുണ്ടായിരുന്നു അമ്മ എത്രയോ കൊതിച്ചെന്ന് ഈ ഒരു നിമിഷത്തിനായി.
ഏട്ടത്തി അവളെ ചേർത്തു പിടിച്ചു , ആ ചുണ്ടുകൾ മീനുന്റെ നെറ്റിയിൽ അമർന്നു ..
“” വലിയമ്മേ അറിയുമോ മോൾക്ക്..? “”
“” എനിക്ക് എല്ലാരേം അറിയാല്ലോ..!”” അവളൊരു ചിരിയോടെ തിരിച്ചു കെട്ടിപ്പിടിച്ചു
“” ആഹ്ഹ് അറിയാവോ… മിടുക്കി “” ഏട്ടത്തി ചിരിയോടെ മറുപടി കൊടുത്തതും
“” നീ പൊടി അവിടുന്ന്… ന്റെ കുഞിനെല്ലാരേം അറിയാം ല്ലെടാ…!!
ഒറക്കം കൊണ്ടെന്റെ കുഞ്ഞിന്റെ കോലം കണ്ടോ… സാരല്ലട്ടോ അച്ഛമ്മ കുളിപ്പിക്കവേ…
ടി പിള്ളേരെ എല്ലാം ഒന്ന് നോക്കിയേക്കണം ഞാൻ ന്റെ കുഞ്ഞിനെ ഒന്ന് കുളിപ്പിച്ചേച്ചും വരാം.. “”
“” ന്റെ അമ്മേ അവള് കൊച്ചുകുട്ട്യോന്നും അല്ല.. അവള് തന്നെ കുളിച്ചോളുന്നു.. “”
ആമി അതിനെ തടഞ്ഞുമുന്നോട്ട് വന്നതും കിട്ടി , തവികണ കൊണ്ടൊരു പൊട്ടീര്. അത് കിട്ടിതും അവളടങ്ങി..
“” കിട്ടില്ലേ…. ഇപ്പോ സമാ സമം.. ഒക്കെ., എന്നെപോലെ മിണ്ടാണ്ട് നിന്നോ ഇനി.. “”
ചെവിയോടടുപ്പിച്ചു ഞാൻ രഹസ്യം ന്നോണം പറഞ്ഞതും, അവള് ന്റെ കൈയിൽ ഒരു പിച്ച്..
പിന്നെ വലിഞ്ഞു നിക്കാതെ അവരെ സഹായിച്ചു ഞാൻ അവിടെ കൂടി, ഇടക്ക് ഏട്ടത്തി കാണാതെ ന്റെ പെണ്ണിന്റെ വയറിൽ തഴുകിയും, വിയർപ്പൊട്ടിയ കഴുത്തിൽ മുത്തമിട്ടും ഞാൻ അങ്ങനെ നിന്നു, വേറെയൊനിനുമല്ല അവളുടെയാ കണ്ണുരുട്ടൽ കാണാൻ.
“” ദേ കിട്ടുട്ടോ ന്റേന്ന്… വേണ്ടന്നാണേൽ പൊയ്ക്കോ…!””
ന്റെ പ്രവർത്തി അതിരു കടക്കുമ്പോൾ അവളെന്നെ ശ്വാസിക്കും., അതും നിക്ക് കേൾക്കാൻ പാകത്തിൽ.
“” എടാ അവളെ മണപ്പിച്ചു നടക്കാതെ നീ പുറത്തോട്ട് ചെല്ല്… ആഹ് പെണ്ണവിടെ മനസമാധാനത്തോടെ നിന്നോട്ടേയൊന്ന്..!””
ഛെ… ഏട്ടത്തി ല്ലാം കാറുണ്ടായിരുന്നല്ലേ.ഛെ ഛെ വേണ്ടായിരുന്നു..,പിന്നവിടെ നിന്നില്ല ചമ്മിയ മുഖവുമായി നിൽക്കുന്ന അവളുടെ കവിളിൽ ഏട്ടത്തി കാൺകെ ഒരു മുത്തം കൂടെ കൊടുത്ത് ഞാൻ വെളിയിലേക്ക് ഇറങ്ങി.
“” ഇവന്റെയൊരു കാര്യം.. “”
ചമ്മിനിൽക്കുന്നവളെ നോക്കി ഏട്ടത്തി പണി തുടർന്നു.
*********************************************
രണ്ടെണ്ണം അടിക്കാം ന്നുള്ള പ്ലാനിങ്ങിൽ സാധനം എടുക്കാമ്പോവാൻ ഏട്ടനെ കാത്തുനിൽകുവായിരുന്നു ഞാൻ..
“” അപ്പയിതെവിടെ പോവാ… “”.
അങ്ങോട്ടേക്ക് വന്ന മീനു നോട്‌ ചോദിച്ചതിന് മറുപടി കൊടുത്തതും, പെണ്ണ് കുളിച്ചു പാട്ടുപാവാടയുമിട്ട് നിപ്പാ..
“” ന്നാ ഞാനും വരാം “” ന്നായി പെണ്ണ്.. ഹോ പിടിച്ച പിടിയിൽ നിൽക്കായിരുന്നവൾ അവസാനം ചോക്ലേറ്റ് വാങ്ങി തരാമെന്ന് പറഞ്ഞപ്പോളാണോന്നടങ്ങിയത്
“” അപ്പയിതാരെയാ നോക്കണേ..? “”
വെളിയിലേക്ക് നോക്കി നഖം കടിച്ചോണ്ടിരുന്ന ന്നോടവൾ ചോദിച്ചതിന് ഞാൻ
