കാർമേഘമലിഞ്ഞു മനമിതളാർന്നു ഈറൻ കാലമായി തൂമോഹമെഴുന്നു തരളിതഭാവം എങ്ങോ മാഞ്ഞുപോയി അരുണിമയുടെ മാനം പ്രിയമാർന്നിടുമ്പോൾ എന്നുള്ളിലെതോ ലയം മതിമോഹന രൂപൻ ചാഞ്ചാടിടുമ്പോൾ എന്നുള്ളില്ലേതോ മദം
എൻ കണിമലരെ മമ മനസ്സിൻ ആലോലം എൻ കണിമലരെ ചായുറങ്ങാൻ ആലോലം കഥമൊഴിയായി പാടാം നിൻ മോഹഗാനം മന്ദാര തേൻകുരുന്നേ കഥമൊഴിയായി പാടാം നിൻ മോഹഗാനം എന്നോമൽ പൂനിനവേ നീ കണ്മനിയല്ലേ മണിമുത്തല്ലേ വെണ്കനവേ..
പാടി നിൽക്കവേ ഡോറിൽ മുട്ട് കേട്ടു കുഞ്ഞുമായി നേരെ ഡോർ തുറന്നതും ഒരു ലേഡി ഡോക്ടർ ആയിരുന്നു കൂടെ ഒരു നേഴ്സും.
“” ആഹ് ഹാ അമ്മയും മോളും പാട്ടേട്ടോറങ്ങിയല്ലോ… ന്തായാലും പാട്ട്കൊള്ളാട്ടോ… “”
തോളിൽ കിടക്കുന്ന കുഞ്ഞിനെ നോക്കി അവർ ഉറക്കം പിടിച്ച ആമിക്ക് നേരെ നടക്കുമ്പോൾ അവർ ഒരു ചിരിയോടെ പറഞ്ഞു.അതിന് തിരിച്ചൊരു ചിരി കൊടുക്കുമ്പോൾ, അവർ അവളെ നോക്കാൻ തുടങ്ങിയിരുന്നു
“” വിളിക്കണ്ട ഷീണം നല്ലപോലെ കാണും.. ന്തായാലും ആള് നോർമലാണ്,.. പിന്നെ ഉണരുമ്പോൾ കൊടുക്കാനുള്ള മരുന്നുമായി സിസ്റ്റർ വരും.. പ്പൊ പോട്ടെ.. പാട്ട് നിർത്തണ്ട നടക്കട്ടെ…. “”
“” ഏയ്യ് അവര് ഉറങ്ങിയില്ലേ. യിനിയെന്തിനാ പാട്ട്.. “”
അതിനും രണ്ടാളും ഒന്ന് ചിരിച്ചു വെളിയിലേക്കിറങ്ങി.., അതോടെ ഡോറും ലോക്ക് ചെയ്ത് ഞാൻ കസേര നീക്കിയിട്ട് കുഞ്ഞുമായി ഒന്ന് മയങ്ങി., ചെറിയ അനക്കം കെട്ടേണ്ണിക്കുമ്പോൾ മുന്നിൽ കട്ടിലിൽ ഇരുന്ന് കൈ താടിയിൽ കുത്തി ന്നെ നോക്കി ഇരിക്കാണ് പെണ്ണ്. ആളൊന്ന് കുളിച്ച മട്ടുണ്ട്
“”മ്മ്മ് ന്താടി.., നീയുണർന്നെങ്കിൽ വിളിക്കായിരുന്നില്ലേ “”
ഉറക്കംവിട്ട മുഖഭാവത്തോടെ ഞാൻ കുഞ്ഞിനെ ചേർത്തു പിടിച്ചു, മോളെ തൊട്ടിലിൽ കിടത്തി തിരിയുമ്പോ അവളെന്നെ പുറകിന്ന് കെട്ടിപ്പുണർന്നു,
“” ഹാ അപ്പടി വിയർപ്പാ പെണ്ണെ.. മ്മാറ് കുളിക്കട്ടെ.. “”
“” ഹും ഹ്മ്മ്.. ഈ വേർപ്പണം നിക്കിഷ്ടാ.. “”
തിരിഞ്ഞവളെ കട്ടിലിന്റെ ഒരത്തിരുത്തി,പൊൻ ചെമ്പകം തോൽക്കും മുഖമഴകും ചെൻന്നാമ്പു കതിര് കൊയ്യും മുടിയഴകും, വിരിഞ്ഞ നെൽക്കതിർ വിടരും നേത്ര കൂമ്പവും എനിക്കുമുന്നിൽ തിളങ്ങി.
“” ന്താടി.. ഏഹ് നിനക്കെന്നോട് വല്ലതും പറയാനുണ്ടോ..? “”
“” ഹമ്ഹും ഒന്നുല. നിക്കിങ്ങനെ കിടന്നാ മതി… “”
അവളെന്റെ നെഞ്ചിൽ സ്ഥാനം പിടിച്ചു..
“” കളിക്കാതെ കാര്യം പറയെന്റെ പെണ്ണെ.. “”
നെഞ്ചിൽ ചാരി നിൽക്കുന്ന അവളുടെ മുടി മാടിയൊതുക്കി ഞാൻ ചോദിച്ചതും പെണ്ണൊന്നുടെ ചിണുങ്ങി അടുത്തേക്ക് വന്നു.
“” അതെ… ന്റെകൂടെ പഠിക്കണ സുചിത്ര വിളിച്ചേ അവര് നാളെ വരോന്നു പറഞ്ഞു.. “”
അവളെന്റെ ബട്ടൻസിൽ പിടുത്തമിട്ടു,അതവിടുന്ന് അഴികുകേം ഇടുകേം ചെയുന്നുണ്ട്.. ഇവൾക്ക് വട്ടായോ..!
“” അതിനെന്താ അവര് വന്ന് കൊച്ചിനേം നിന്നേം കണ്ടിട്ട് പോട്ടെ., നല്ല കാര്യമല്ലേ.. “”
“” ഹോ ഞാൻ പറഞ്ഞു തീർന്നില്ല പൊട്ടക്കണ്ണാ… ബാക്കിയുടി കേക്ക്.. “”
“” ഹാ ന്നാ പറയ് കേക്കട്ടെ… “”
“” അവള് പിന്നെ ഉണ്ടല്ലോ.. അവളെ.. അവളുപറയാ ഏട്ടനെ അവൾക്ക് കൊടുക്കൊന്ന്.. “”
“” ഏഹ്ഹ്.. ന്താന്ന് “”
ഞാൻ അവളെ അടർത്തി മാറ്റാൻ നോക്കി, എവിടെ അതറിഞ്ഞപോലെ അവള് ആള്ളി പിടിച്ചിരിക്കയാണ്
“” നിക്ക്.. നിക്ക് പറയട്ടെ ഞാൻ.. “”
അവളൊന്ന് സമാധാനപ്പെടുത്താൻ നോക്കി, അതോടെ ഞനൊന്ന് അടങ്ങി
“” അവളുടെ ഹസ്ബൻഡ് ഒരു മുരടനാന്ന്, അവളോട് ഒരു സ്നേഹോമില്ലെന്ന്.. അപ്പൊ അപ്പൊ ഞാൻ ഏട്ടനെ കുറിച്ച് പറയുമ്പോ, ഏട്ടന് ന്നോടുള്ള സ്നേഹം കാണുമ്പോ അവള് ചുമ്മാ ചോദിക്കും നിക്ക് തരാമോ നിന്റെ കെട്ടിയോനെന്ന്.. “”
പറഞ്ഞു നിർത്തിയതും അവള് തല പൊക്കി ന്നെ നോക്കി,
“” ന്നിട്ട് നിയെന്നാ പറഞ്.. നാളെ വന്നെടുത്തോണ്ട് പൊക്കോളാനോ..? “”
“” ദേ… ഹാ.. ഒറ്റ കുത്തു വച്ചുതന്നാലുണ്ടല്ലോ..!! ഞാൻ പറഞ്ഞു നിക്കെന്റെ ചെക്കനില്ലാതെ ഒരു നിമിഷം പോലും ജീവിക്കാൻ ഒക്കില്ല, അങ്ങേരെ കെട്ടിപിടിച്ചുറങ്ങില്ലേൽ നികോറക്കം വരുല്ല.. ന്നൊക്കെ പറഞ്ഞു….പിന്നെ.. പിന്നെ.. ആഹ്ഹ് ന്റെ ചെക്കനെന്റെ ജീവനാണെന്ന് പറഞ്ഞു.. അപ്പൊ അവള് പറയാ..””