“” അവന്റെ വായിൽ വല്ലതും കേറ്റി വച്ചോടെടി… അവനെ… അവൻ പണ്ടിവിടെ തൂറ്റികൊണ്ട് അങ്ങോട്ടും ഇങ്ങോട്ടും തലങ്ങും വിലങ്ങും ഓടിപ്പം ഞാനെ ഉണ്ടായിരുന്നുള്ളു.. ആ അവനാ ഇപ്പൊ കെടന്ന് ചാടാണേ.. ഒരുപാട് ഒച്ചയിട്ടാ ചന്തിമ്മേൽ ചട്ടുകം വച്ചു തരുന്നു പറഞ്ഞേക്കെടി… “”
പറഞ്ഞു നിർത്തിയതും സി ഐ ഡി മൂസയിൽ പട്ടിടെ കുടെയാ മോന്റെ കളി ന്ന് പറയുമ്പോ ഒടുവിൽ ഉണ്ണികൃഷ്ണൻ അത് തന്നെയാ ഞാൻ ന്റെ മോളോടും പറയണേ ന്ന് പറയുബോൾ ജഗതി ചേട്ടന്റെ ഒരു എക്സ്പ്രഷൻ ഇല്ലേ ആ സെയിം എക്സ്പ്രഷനുമിട്ട് ഞാൻ പുറകിലേക്ക് നോക്കി കൊച്ചിനോട് ചുമ്മതാ ന്ന് കൈകൊണ്ടാനക്കി കണ്ണടച്ച് കാണിച്ചു, ന്നിട്ടും ആമിയും മോളും ആർത്തു ചിരിച്ചു.. പിന്നെയവൾ ചിരിയടക്കി ഫോൺ ചെവിലേക്ക് തിരുകി
“” പരട്ട തള്ള.. ” ന്നും പറഞ്ഞു ഞാൻ വണ്ടി മുന്നോട്ടേക് എടുത്ത്. എന്തൊക്കെയോ കുശുകുശുക്കുന്നുണ്ട് രണ്ടും. കുറച്ച് നേരം കഴിഞ്ഞതും അവളാ ഫോൺ നിക്ക് നേരെ നീട്ടി ഞാൻ ന്താ ന്നുള്ള ഭാവത്തിൽ അവളെ നോക്കുമ്പോൾ അവൾ തുടർന്ന്..
“” അമ്മ പറഞ്ഞു തരാൻ… “”
“” ആർക്ക്….നീക്കെട്ട് തരാനാ തള്ള പറഞ്ഞോ…??
അവിടെ ഉണ്ടായിരുന്നപ്പോളോ ന്റെ തല കണ്ടാൽ അവർക്കൊന്നു പൊട്ടിക്കണമായിരുന്നു.. ഇപ്പോളും വിടില്ലെന്ന് വെച്ചാ.. ഇങ്ങ് കൊണ്ടാ.. “”
ഫോൺ വാങ്ങി ഞാൻ ചെവിയിൽ തിരുകി ഒട്ടും താല്പര്യം മില്ലാത്ത മട്ടിൽ ഒരു ഹെലോ പറഞ്ഞു.
“” എടാ എങ്ങനെയാ എന്തിനാ ന്നൊന്നും ചോദിക്കണ്ട.., നാളെ നിങ്ങളെല്ലാം ഇവിടെ ഉണ്ടാവണം.. “”
“” പിന്നെ അത് നിങ്ങ… ഹെലോ.. ഹെലോ.. “”
മറുതലക്കൽ അനക്കമില്ല.., ഫോൺ വച്ചതാണ്. പിന്നെ ഇവര് പറയുമ്പോ പോകാനും വരാനും ഞാൻ ആരാ ഇവരുടെ അടിമായോ.. പിന്നെ ന്റെ പട്ടി പോകും..
അല്ലേൽ പോയേകാം..ഇപ്പൊ വെറുതെ കിടന്ന് ഷോ ഇറക്കിയാൽ ഇപ്പൊ കിട്ടിയപോലെ ഒരവസരം കിട്ടിയിന്ന് വരില്ല. അതല്ല…എന്താണാവോ ഇപ്പോ പെട്ടെന്നു ഇങ്ങനെ തോന്നാൻ.. സ്വത്തു വല്ലതും വീതിക്കാൻ ആയിരിക്കുമോ..! ഏയ്യ് ന്റെ തന്തപ്പടിക്ക് അത്രക്ക് വയ്യഴിക കാണുല്ലാ.. ചെലപ്പോ ഒന്നും തന്നിലെന്നും വരും..
“” അതെ കൂടുതല് തല പുണ്ണാക്കേണ്ട.. സ്വത്തൊന്നും വീതിക്കാൻ പ്ലാൻ ഒന്നും ഇപ്പൊ അവിടെയില്ല. “”
ഇവളിതെങ്ങനെ അറിഞ്ഞെന്നു ഓർത്തു ഞാൻ ഒരു അന്യഗ്രഹ ജീവിയെ പോലെ അവളെ തറഞ്ഞു നോക്കി,
“” നോക്കുവൊന്നും വേണ്ട പത്തു പതിനാറു വർഷമായില്ലേ കൂടെ കൂടിട്ടു അപ്പൊ ന്തവിടെ നിനച്ചാലും നിക്കറിയാൻ പറ്റും.. “”
അവളൊരു പുച്ഛഭാവത്തിൽ പറഞ്ഞു നിർത്തി, പിന്നെ ഇവളാര് കാണിപ്പയ്യൂരോ.. ഉള്ളിലുള്ളത് ചികഞ്ഞെടുക്കാൻ ‘ഒന്ന് പോടി’… അതിനെ തീർത്തു പുച്ഛിച്ചു ഞാൻ മുഖം വെട്ടിച്ചു,
“” അമ്മേ…നമ്മളെന്താ ഇത്ര നാളും.. നാട്ടിലേക്കൊന്നും പോകാതെയിരുന്നത്.. “”
“” അതുപിന്നെ മോളെ… “”
ഞാൻ ഉടനെ വിഷയത്തെ ലഘൂകരിക്കാൻ ശ്രമിച്ചു,.., നമ്മടെ ഭാഗം നമ്മള് ന്യായികരിക്കണമല്ലോ.. ഏത്..! ഉടനെ.
“” നിന്റെ അപ്പേടെ കയ്യിലിരിപ്പ് അങ്ങനെയായി പോയൊണ്ടാ മോളെ… “”
പുല്ല് തളർത്തി.., നിനക്ക് ഇപ്പൊ സുഖം അയോടി ന്ന് മനസ്സിൽ പറഞ്ഞവളെ നോക്കുമ്പോൾ അമ്മയും മോളും ന്റെ മുഖംഭാവം കണ്ടു ചിരിയടക്കാൻ പാടുപെടുന്നുണ്ടായിരുന്നു..
“” ന്ത് പാവാ ന്റെ അപ്പാ.. ന്റെ ജീവനാ… “” അവളെന്നെ പുറകിൽ നിന്നും കെട്ടിപിടിച്ചു, അവൾക്കെന്നും അവളുടെ അപ്പ കഴിഞ്ഞേ ആരും ഉള്ളു.. ഈ നിക്കണ അവളുടെ അമ്മ പോലും.
“” പിന്നെ പാവം.. നിനക്ക് നിന്റെ അപ്പനെ അറിയാത്ത കൊണ്ടാ ന്റെ മോളെ.. ഇങ്ങേരുടെ കൂടെ ജീവിച്ചതിനു നിക്ക് വല്ല ജംഗിൾ ബുക്ക് അവാർഡും തരണം.. “”
ഏഹ്ഹ് അങ്ങനെയും അവാർഡ് ഉണ്ടോ..??ഇവളെ സഹിക്കുന്നതിനു നിക്കാ ബെസ്റ്റ് കുടുംബസ്സ്ഥൻ ഓഫ് ദി ഇയർ അവാർഡ് തരണ്ടേ..
“” ജംഗിൾ ബുക്ക് അവാർഡ് കൊണ്ടോയ് നിന്റെ തന്തക്ക് കൊണ്ടുകൊട്.. “”
ഞാൻ വണ്ടി ആഞ്ഞു ചവിട്ടി, ആക്സിലേറ്ററിൽ പതിഞ്ഞ കാലുകൾ വണ്ടിയുടെ മീറ്ററിൽ മാറ്റങ്ങൾ സൃഷ്ടിച്ചു മുന്നോട്ടേക് കുതിച്ചു.