“” എല്ലാരും വാ നമ്മക് പുറത്തേക്ക് ഇരിക്കാം. എല്ലാരും കൂടെ ഇവിടെ നിന്നാ അമ്മയ്ക്കും കൊച്ചിനും ചൂടെടുക്കും.. “”
Ac യിൽ കുളിർന്നു കിടക്കുന്ന ആ റൂമിൽ ഇതെവിടുന്നു ചൂട് ന്ന് ആലോചിക്കാൻ വല്യ തലയൊന്നും വേണ്ട. ന്നാൽ ന്റെ അവസ്ഥാ അറിഞ്ഞാ യിരിക്കും എല്ലാരും ന്നെ നോക്കിയോന്ന് ചിരിച്ചിട്ട് ചായയുമായി പുറത്തേക്ക് ഇറങ്ങാൻ നിന്നത് അപ്പോ ദാണ്ടേ
“” അതിനിവിടെവിടെ ചൂട്, AC ഇട്ടേക്കുവല്ലേ..? “”
വല്യന്തോ കണ്ടെത്തിയ ലകവത്തോടെ അഞ്ചു എല്ലാരേം മാറി മാറി നോക്കി, ഞാൻ നോക്കിയത് ആമിയെയാണ്.. കണ്ടോടി നിന്റെ പെങ്ങളുടെ വിവരം ന്ന്.. അതിനവൾ ചിരിച്ചായിരുന്നു മറുപടി നൽകിയത്..
“” ഹ്മ്മ് അതൊക്കെ ഉണ്ടാവും നീ എങ്ങോട്ട് വായെന്റെ പെണ്ണെ.. “”
അവളുടെ അമ്മ അവൾക്കിട്ടൊന്നു പൊട്ടിച്ചു വെളിയിലേക്ക് ഇറങ്ങുമ്പോൾ ഏട്ടൻ ഡോർ അടച്ചിരുന്നു.
അവളോടൊപ്പം കിടന്ന് ന്റെ കുഞ്ഞിനെ ഒന്ന് തലോടി ഞാൻ ന്റെ പെണ്ണിന്റെ നെറ്റിയിൽ ചുണ്ട് ചേർത്തു,
“”ദെഷ്യമോണ്ടോ പെണ്ണെ നിനക്കെന്നോട്..??””
അവളെന്തിന് ന്നർത്ഥത്തിൽ പുരികം വളച്ചതും,
“” അല്ല ഞാൻ നിയഗ്രഹിക്കുന്ന സമയത്ത് നിന്റെ കൂടെ ഇല്ലായിരുന്നല്ലോ.. “”
“” ആരുപറഞ്ഞു ന്റെ കൂടെ ഇല്ലായിരുനെന്ന്..?. ന്റെ കൂടെ വേണമെന്ന് ഞാൻ ഏറ്റവും കൂടുതൽ ആഗ്രഹിച്ച നേരത്ത് ഏട്ടനെന്റെയൊപ്പം ഇവിടെ ഉണ്ടായിരുന്നല്ലോ.. “”
“” ന്നാലും…? “”
“” ഒരേന്നാലുമില്ല.. ദേ നോകിയെ നമ്മടെ വാവേനെ… “”
അവളെന്റെ മുഖതോന്നു തട്ടി വിഷയം മാറ്റി,
“” അപ്പെടെ മോളെന്നാ നോക്കുന്നെ… ഏഹ് പറയെടി ചുന്ദരിപ്പെണ്ണേ.. “”
ന്നെ നോക്കി കിടക്കുന്ന ആ കുഞ്ഞ് മാലാഖയെ ഞാൻ കൈയിൽ പിടിച്ചു കൊഞ്ചിച്ചു, ഇതെല്ലാം നോക്കി അവള് കിടപ്പുണ്ട്..
“” അച്ചേടെ പൊന്ന് അമ്മേനെ ഒരുപാട് വേദനിപ്പിച്ചുട്ടോ.. സാരല്ല ഞങ്ങടെ പൊന്നിങ് വന്നില്ലേ…!””
“” മോൾക്ക് പേര് വല്ലതും കണ്ട് വച്ചിട്ടുണ്ടോ..? “”
കുഞ്ഞിനെ കളിപ്പിക്കുന്നതുടയിൽ അവളെന്റെ മുഖത്തേക്ക് നോക്കാതെ പറഞ്ഞു..
“” അതിന് നമ്മള് രണ്ടാളും കൂടെയല്ലേ നിഹാരിക ന്നുള്ള പേര് സെലക്ട് ചെയ്തേ പിന്നിപ്പോ ന്നാ അങ്ങനെയൊരു ചോദ്യം. “”
“” അത്.. അതില്ലേ അജുവേട്ടാ.. “”
അവളെന്തോ പറയാൻ തുനിഞ്ഞു, ന്തോ ഉണ്ട് ഇല്ലേൽ കാര്യം പറയാൻ പെണ്ണിങ്ങനെ കഷ്ടപ്പെടില്ല.
“” അഹ് അതുണ്ട്.. നീ പറയെന്റെ പെണ്ണെ.. “”
“” ഹും.. അതില്ലേ അമ്മ ഇയടെ പറയുന്ന കേട്ടെ.. കുഞ്ഞിന്റെ പേരോരണം അമ്മ നോക്കി വച്ചിട്ടുണ്ട് പക്ഷെ നമ്മക് അത് ഇഷ്ടവോ ന്ന്…””
“” ന്നിട്ട് നിയെന്ത് പറഞ്ഞു..? “”
“” എന്നോടല്ല മണ്ടുസേ പറഞ്ഞെ.. ഞാൻ അതൊഴി പോയപ്പോ കെട്ടുന്നേ ഉള്ളു.. “”
ഓ അങ്ങനെ… അമ്മക്ക് അങ്ങനെ ന്തേലും ആഗ്രഹം ഉണ്ടേൽ ന്നോട് പറയുന്നതിന് ന്താ…
“” നിനക്കെന്താ തോന്നണേ…!”” അവളുടെ മുഖത്തേക്ക് നോക്കി നില്കുമ്പോ അവളൊന്ന് അടുത്തേക്ക് നീങ്ങി
“” അമ്മ പറയുന്ന പ്പേരിടാം, അടുത്ത കൊച്ചിന് നമ്മക് നമ്മള് കണ്ടുപിടിച്ച ആ പേരിടാം.. “”
“” ഓ അപ്പോ ഒന്നിലൊന്നും നിർത്താൻ നീ ഉദ്ദേശിക്കുന്നില്ല ല്ലേ… “”
“” ഏയ്യ്.. ഇല്ല.. പക്ഷെ ഇനിയൊടനെ കാണില്ല.. എനിക്കെന്റെ കൊച്ചിന് മുഴുവൻ സ്നേഹോം കൊടുത്ത് വേണം വളർത്താൻ. “”
അതോടെ ഞങ്ങളു രണ്ടാളും ഞങ്ങളുടെ ജീവിതത്തിലെ പുതിയ അനുഭൂതിയെ തൊട്ടറിയുവായിരുന്നു, ഇടക്കിടെ നീളുന്ന ആ കണ്ണുകളോടെ കാന്തികത, ആ ചെഞ്ചുണ്ടിൽ വിരിയുന്ന നാണത്തിന്റെ ആണുനാമ്പുകൾ എല്ലാം ന്നെ വിവശനാക്കി, കള്ളച്ചിരിയോടെ ന്റെ നേർക്ക് വരുന്ന ആ ചെഞ്ചുണ്ടിൽ മുത്തമിടുമ്പോൾ പഴേ നാണക്കാരി പെണ്ണായി മാറായിരുന്നവൾ, രാത്രി കുറച്ചാളുകൾ മാത്രേ പറ്റു ന്ന് പറഞ്ഞപ്പോ അമ്മയും അഞ്ജുവും അവളുടെ അമ്മയും ഏട്ടത്തിയും നിന്നോളം ന്നായി.ഞാൻ പിന്നെ അവിടെ ഉണ്ടല്ലോ ആൾറെഡി.. അവർക്കെല്ലാം അടുത്തു തന്നെയൊരു റൂമും എടുത്ത്,. ഞനും അമ്മയും അവളുടെ റൂമിൽ കിടന്നു. അമ്മ വേറെ സപ്രറ്റ് ബെഡിലും ഞാൻ തറയിലും.